1 Jo-Korintho 7
1 To koro kuom weche mane upenja e barupu, anyalo wacho ni ber mondo ngʼato kik okendi.
論到你們信上所寫的事，我認為男人不親近女人倒好。
2 To nikech weche mag terruok ngʼeny, ngʼato ka ngʼato nyaka bed gi chiege owuon kendo dhako ka dhako obed gi chwore owuon.
可是為了避免淫亂，男人當各有自己的妻子女人當各有自己的丈夫。
3 Dichwo nyaka chop dwach chiege kaka joma okendore, kendo dhako bende nyaka tim kamano ni chwore.
丈夫對妻子該盡他應盡的義務，妻子對丈夫也如此。
4 Nikech dhako mokendi onge gi teko kuom ringre owuon, to en mar chwore. Kamano bende, dichwo mokendo onge gi teko kuom ringre owuon, to en mar chiege bende.
妻子對自己的身體沒有主權，而是丈夫有；同樣丈夫對自己的身體也沒有主權，而是妻子有。
5 Kik utuonru makmana ka uwinjoru e kindu uwegi mar timo mano kuom kinde machwok mondo uchiwru ni lamo. To bangʼ chiwruok ni lamo, to uchak uriwru kendo mondo kik Satan temu, nikech ok unyal ritoru.
你們切不要彼此虧負，除非兩相情願，暫時分房，為專務祈禱；但事後仍要歸到一處，免得撒殫因你們不能節制，而誘惑你們。
6 Awachonu kamano koa e pacha awuon, to ok kaka chik dwaro.
我說這話，原是出於寬容，並不是出於命令。
7 Dobedo maberna moloyo ka ji duto obedo kaka an, to kata kamano, ngʼato ka ngʼato nigi michne ma Nyasaye omiye, ngʼat moro nigi michni, to ngʼat machielo bende nigi mich machielo.
我本來願意眾人都如同我一樣，可是，每人都有他各自得自天主的恩寵：有人這樣，有人那樣。
8 To joma pok okendi gi joma pok okendo, kod mon ma chwogi otho, to awachonegi kama: En gima ber moloyo ka gisiko ma ok gikendo kata okendgi, mana kaka an.
我對那些尚未結婚的人，特別對寡婦說：如果她們能止於現狀，像我一樣，為她們倒好。
9 To ka ok ginyal ritore giwegi, to onego gikendi, kata okendgi nikech kend ber moloyo ka gombo wangʼo ngʼato ka mach.
但若她們節制不住，就讓她們婚嫁，因為與其慾火中燒，倒不如結婚為妙。
10 To ne joma osekendo gi joma osekendi achiwonegi chik (chutho ok an, to Ruoth) kama: Dhako kik were gi chwore.
至於那些已經結婚的，我命令──其實不是我，而是主命令：妻子不可丈夫；
11 To kapo ni otimo kamano, to ochune ni nyaka osik maonge dichwo, to ka ok kamano to odog ir chwore, kendo dichwo bende kik riemb chiege.
若是離開了，就應該持身不嫁，或是仍與丈夫和好；丈夫也不可離棄妻子。
12 To kuom ji mamoko modongʼ (chutho ok Ruoth, to an ema awachonegi) kama: Ka owadwa moro ma ja-Kristo nigi dhako ma ok oyie, kendo dhakono oyie dak kode, to kik oriembe.
對其餘的人，是我說，而不是主說：倘若某弟兄有不信主的妻子，妻子也同意與他同居，就不應該離棄她；
13 Bende ka dhako nigi dichwo ma ok oyie, to dichwono oyie dak kode kaka chiege, to kik oweye.
倘若某婦人有不信主的丈夫，丈夫也同意與她同居，就不應該離棄丈夫，
14 Nikech dichwo mapok oyie inyalo pwodho nikech chiege, to dhako mapok oyie bende inyalo pwodho nikech chwore moyie. Ka ok kamano, to nyithindu dibed mogak, to koro sani to ginenore ni giler.
因為不信主的丈夫因妻子而成了聖潔的，不信主的妻子也因口1而成了聖潔的；不然你們的兒女就是不潔的，其實他們卻是聖潔的。
15 To ka ngʼat ma ok oyie ojok noa, to weye aweya odhi. Dichwo moyie kata dhako moyie ok otwe e weche ma kamago, nikech Nyasaye oseluongowa mondo wadag gi kwe.
但若不信主的一方要離去，就由他離去；在這種情形之下，兄弟或姐妹不必受拘束，天主召叫了我們原是為平安。
16 Ingʼeyo nadi, in dhako, kata inyalo miyo chwori yudo warruok? Koso, ingʼeyo nade, in dichwo, ni chiegi nyalo yudo warruok nikech in?
因為妳這為妻子的，怎麼知道妳能救丈夫呢？或者，你這為丈夫的，怎麼知道你能救妻子呢？
17 Kata kamano, ngʼato ka ngʼato onego odag ngimano mane Ruoth oluonge kendo owuoth wuodhno mane Nyasaye oluongee. Ma e chik ma aseketo ne kanisa.
此外，主怎麼分給了各人，天主怎樣召選了各人，各人就該怎樣生活下去：這原是我在各教會內所訓示的。
18 Dibed ni ngʼato noluongi koseter nyangu? Kik ogomb ni ne ok otere nyangu. Dibed ni ngʼato noluongi kapok oter nyangu? Ngʼat ma kamano kik ter nyangu.
有人受割損後蒙召的嗎？他就不該掩割損的記號；有人是未受割損蒙召的嗎？他就不該受割損。
19 Bedo ni ngʼato oter nyangu kata ok oter nyangu ok en gimoro. Gima duongʼ en rito Chike Nyasaye.
受割損算不得什麼，不受割損也算不得什麼，只該遵持天主的誡命。
20 Omiyo ngʼato ka ngʼato mondo obed mana kaka ne en kane Nyasaye oluonge.
各人在什麼身份上蒙召，就該安於這身份。
21 Dibed ni ne in misumba kane Nyasaye oluongi? Kik mano chandi, makmana kapo ni inyalo yudo yor bedo thuolo, to tim kamano moloyo.
你是作奴隸蒙召的嗎？你不要介意，而且既使你們能成為自由人，你也寧要守住你原有的身份，
22 Nikech ngʼat mane Ruoth oluongo ka misumba koro bedo ngʼat man thuolo kuom Ruoth, to bende ngʼat mane ni thuolo kane Ruoth oluongo doko misumba Kristo.
因為作奴隸而在主內蒙召，就是主所釋放的人；同樣，那有自由而蒙召的人，就是基督的奴隸。
23 Nongʼiewu gi nengo matek, omiyo kik ubed wasumbini mag ji.
你們是用高價買來的，切不要做人的奴隸。
24 Jowetena, ngʼato ka ngʼato nigi tingʼ e nyim Nyasaye mondo osik mana kaka Nyasaye noluongeno.
弟兄們，各人在什麼身份上蒙召，就在天主前安於這身份罷!
25 Kuom wach nyiri ma ok okendi to awacho kama: Aonge gi chik moa kuom Ruoth, to achiwo pacha kaka ngʼat ma wechene inyalo geno kuom ngʼwono mar Ruoth.
詮到童身的人，我沒有主的命令，只就我蒙主的仁慈，作為一個忠信的人，說出我的意見：
26 Nikech chandruok mantie sani, aparo ni ber mondo usik kaka uchal.
為了現時的急難，依我看來，為人這倒好。
27 Dibed ni ngʼato osekendi? Ka kamano, to kik idwar mondo iweri gi chwori. Dibed ni pok ikendo? Kichal kamano, to kik imany nyako mondo ikendi.
你有妻子的束縳嗎？不要尋求解脫；你沒有妻子的束縳嗎？不要尋求妻屋。
28 To ka ikendo, to ok itimo richo; kata ka nyako okendi bende ok otimo richo. To joma okendo gi mokendi biro neno chandruok mathoth e ngimani, to adwaro ni akonyu mondo kik une chandruokni.
但是你若娶妻，你並沒有犯罪，童女若出嫁，也沒有犯罪；不過這等人要遭受肉身上的痛苦。
29 Jowetena, gima awachonu en ni sa odongʼ matin. Chakre sani koro joma nigi mon onego odag ka gima giongego;
弟兄們，我給你們說：時間是很短促的，今後有妻子的，要像沒有一樣；
30 joma ywak onego bedi ka joma ok ywagi; joma mor onego odag ka joma ok nigi mor; joma ngʼiewo gimoro onego odag ka gima gik ma gingʼiewogo ok mag-gi,
哭泣的，要像不哭泣的一樣；歡樂的，要像不歡樂的；購買的，要像一無所得的；
31 joma konyore gi gige piny bende kik yie chunygi gedi e gigo, nikech piny ma waneno sani-ni biro kadho.
享用這世界的，要像不享用的，因為這世界的局面正在逝去。
32 Adwaro ni mondo ubed maonge gi kit parruok moro amora. Dichwo ma ok okendo, weche Ruoth ema omako, kaka onyalo siko kotimo gik mamoro Ruoth,
我願你們無所掛慮：沒有妻子的，所掛慮的是主的事，想怎樣悅樂主；
33 to ngʼama osekendo, to pache omoko e weche pinyni, kaka onyalo timo gik mamiyo chiege mor.
娶了妻子的，所掛慮的是怎樣悅樂妻子：這樣他的心就分散了。
34 Kendo dwarone bende opogore nyadiriyo. Dhako ma ok okendi, kata nyako ngili, paro kuom weche Ruoth. Thorogi maduongʼ en mondo gibed maler e ringregi gi chunygi. To dhako mokendi, to pache ni kuom gige piny, kaka onyalo miyo chwore mor.
沒有丈夫的婦女和童女，所掛慮的是主的事，一心使身心聖潔；至於已出嫁的，所掛慮的是世俗的事，想怎樣悅樂丈夫。
35 Awacho wechegi mondo uyud konyruok kuomgi, to ok mondo aketnu chik manyaka uluw. Adwaro ni udagi e yo maber, ka chiwruoku ni Ruoth ok opogore.
我所這話，是為你們的益處，並不是要設下圈奪陷害你們，而只為叫你們更齊全，得以不斷地專心事主。
36 Ka ngʼato paro ni ok otim maber ne osiepne ma nyako mangili modwaro nyuomo, kendo ka nyakono hike koro medore, to dichwono oneno ni onego okende, to ber mondo okend nyakono. Oonge gi ketho kotimo kamano kendo onego gikendre.
若有人以為對自己的童女待的不合宜，怕她過了韶華年齡，而事又在必行，他就可以隨意辦理，讓她們成新，不算犯罪。
37 To dichwo mosengʼado wach e pache owuon, kendo manyalo chiko dwache maonge ngʼama ochune, koseneno e chunye ni ok odwar nyuomo nyakono, en bende otimo maber.
但是誰若心意堅定，沒有不得已的事，而又能隨自己的意願處置，這樣心裏決定了要保存自己的童女，的確做的好；
38 Kuom mano, ngʼat monyuomo nyako mangilino otimo maber, to ngʼat ma ok onywome otimo maber moloyo.
所以誰若嫁叫自己的童女出嫁，作得好；誰若不叫她出嫁，作得更好。
39 Chik otweyo dhako gi chwore ndalo duto ma chwore ngima. To ka chwore otho, to en thuolo mondo onywome gi dichwo moro amora mohero, makmana ni nyaka nyuome gi ngʼat kuom Ruoth.
丈夫活著的時候，妻子是被束縳的；但如果丈夫死了，她便自由了，可以隨意嫁人，只要是在主內的人。
40 An to pacha neno ni dhako ma chwore otho nyalo neno maber moloyo ka ok ochak onywome, kendo awacho mano ka aparo ni an-gi Roho mar Nyasaye.
可是按我的意見，如果她仍能這樣守下去，她更為有福：我想我也有天主的聖神。
