1 Weche Mag Ndalo 16

1 Negikelo Sandug Muma mar Nyasaye mi gikete ei hema mane Daudi ogurone, bangʼe negitimo misengini miwangʼo pep kod misengini mag lalruok e nyim Nyasaye.

So they brought the ark of God, and set it in the midst of the tent that David had pitched for it: and they offered burnt sacrifices and peace offerings before God.

2 Kane Daudi osetieko chiwo misango miwangʼo pep kod misango mar lalruok, ne ogwedho jo-Israel ka oluongo nying Jehova Nyasaye.

And when David had made an end of offering the burnt offerings and the peace offerings, he blessed the people in the name of the LORD.

3 Bangʼe ngʼato ka ngʼato ma ja-Israel, dhako kata dichwo nomiyo makati achiel, gi ringʼo mayom kod olembe motwo mongʼin.

And he dealt to every one of Israel, both man and woman, to every one a loaf of bread, and a good piece of flesh, and a flagon [of wine].

4 Noyiero jo-Lawi moko mondo oti e nyim Sandug Muma mar Jehova Nyasaye, mondo olem kendo ogo erokamano ka gipako Jehova Nyasaye ma Nyasach Israel.

And he appointed [certain] of the Levites to minister before the ark of the LORD, and to record, and to thank and praise the LORD God of Israel:

5 Asaf ne jatendgi, Zekaria jalupne, kiluwogi kod Jeyel, Shemiramoth, Jehiel, Matithia, Eliab, Benaya, Obed-Edom gi Jeyel mane jogo orutu gi nyatiti ka Asaf to ne dwongʼo ongengʼo

Asaph the chief, and next to him Zechariah, Jeiel, and Shemiramoth, and Jehiel, and Mattithiah, and Eliab, and Benaiah, and Obed-edom: and Jeiel with psalteries and with harps; but Asaph made a sound with cymbals;

6 to Benaya kod Jahaziel ma jodolo to ne goyo turumbete e sa ka sa e nyim sanduk singruok mar Nyasaye.

Benaiah also and Jahaziel the priests with trumpets continually before the ark of the covenant of God.

7 Chiengʼno ema ne Daudi omiyo Asaf kod jowetene zaburini mar goyo erokamano ni Jehova Nyasaye kama:

Then on that day David delivered first [this psalm] to thank the LORD into the hand of Asaph and his brethren.

8 Pakuru Jehova Nyasaye, luonguru nyinge, landuru ne ogendini duto gima osetimo.

Give thanks unto the LORD, call upon his name, make known his deeds among the people.

9 Werneuru, pakeuru gi wende, nyisuru kuom tijene duto miwuoro.

Sing unto him, sing psalms unto him, talk ye of all his wondrous works.

10 Nyinge maler nigi duongʼ, chuny joma manyo Jehova Nyasaye mondo obed mamor.

Glory ye in his holy name: let the heart of them rejoice that seek the LORD.

11 Ranguru Jehova Nyasaye gi tekone, dwaruru wangʼe kinde duto.

Seek the LORD and his strength, seek his face continually.

12 Paruru gik miwuoro mosetimo, honni mage kod buche mosengʼado,

Remember his marvellous works that he hath done, his wonders, and the judgments of his mouth;

13 yaye, un nyikwa Israel jatichne, yaye, un yawuot Jakobo joge moyiero.

O ye seed of Israel his servant, ye children of Jacob, his chosen ones.

14 En e Jehova Nyasaye ma Nyasachwa; buchene ni e piny duto.

He [is] the LORD our God; his judgments [are] in all the earth.

15 Oparo singruokne nyaka chiengʼ, weche mane osingo e tienge tara,

Be ye mindful always of his covenant; the word [which] he commanded to a thousand generations;

16 Singruok mane otimo gi Ibrahim, muma mane okwongʼorego ni Isaka.

[Even of the covenant] which he made with Abraham, and of his oath unto Isaac;

17 Ne ogure ne Jakobo kaka chik, kendo nogure ni Israel kaka singruok mochwere:

And hath confirmed the same to Jacob for a law, [and] to Israel [for] an everlasting covenant,

18 Nowacho niya, “Anamiyi piny Kanaan kaka girkeni mari.”

Saying, Unto thee will I give the land of Canaan, the lot of your inheritance;

19 Kane pod gin ji manok e kar rombgi, ne ginok ahinya kendo ne gin welo e pinyno,

When ye were but few, even a few, and strangers in it.

20 ne giwuotho e kind ogendini mopogore, ka gidhi e pinyruodhi mopogore opogore.

And [when] they went from nation to nation, and from [one] kingdom to another people;

21 Ne ok oyie mondo ngʼato osandgi, nokwero ruodhi kowachonegi niya,

He suffered no man to do them wrong: yea, he reproved kings for their sakes,

22 “Kik umul joga ma awiro, kik uhiny jonabi maga.”

[Saying], Touch not mine anointed, and do my prophets no harm.

23 Weruru ne Jehova Nyasaye un ji duto modak e piny, landuru warruokne odiechiengʼ kodiechiengʼ.

Sing unto the LORD, all the earth; shew forth from day to day his salvation.

24 Huluru duongʼne e kind ogendini kendo landuru tijene miwuoro ne ji duto.

Declare his glory among the heathen; his marvellous works among all nations.

25 Nimar Jehova Nyasaye duongʼ kendo owinjore gi pak; onego omiye luor moloyo nyiseche mamoko duto.

For great [is] the LORD, and greatly to be praised: he also [is] to be feared above all gods.

26 Nikech nyiseche duto mag ogendini gin mana gik ma dhano oloso, to Jehova Nyasaye ema nochweyo polo.

For all the gods of the people [are] idols: but the LORD made the heavens.

27 Duongʼ kod pak nitiere e nyime; teko kod mor nitiere kar dakne.

Glory and honour [are] in his presence; strength and gladness [are] in his place.

28 Pakuru Jehova Nyasaye, yaye ogendini manie piny, wachuru ni Jehova Nyasaye duongʼ kendo en gi teko.

Give unto the LORD, ye kindreds of the people, give unto the LORD glory and strength.

29 Miuru Jehova Nyasaye duongʼ mowinjore gi nyinge. Keluru chiwo kendo ubi ire mondo. Ulam Jehova Nyasaye e lerne marieny mar berne.

Give unto the LORD the glory [due] unto his name: bring an offering, and come before him: worship the LORD in the beauty of holiness.

30 Un ji duto manie piny, beduru gi e nyime! Piny osegur motegno kendo ok noyienge.

Fear before him, all the earth: the world also shall be stable, that it be not moved.

31 Polo mondo obed moil, piny mondo obed mamor, we mondo giwachne e dier ogendini niya, “Jehova Nyasaye olocho!”

Let the heavens be glad, and let the earth rejoice: and let [men] say among the nations, The LORD reigneth.

32 Nam kod gik moko duto man e iye bende omor, beduru mamor un pewe kod gik manie iwu.

Let the sea roar, and the fulness thereof: let the fields rejoice, and all that [is] therein.

33 Bangʼe yiende manie bungu nower, giniwer gi mor e nyim Jehova Nyasaye, nikech obiro ngʼadone piny bura.

Then shall the trees of the wood sing out at the presence of the LORD, because he cometh to judge the earth.

34 Gouru erokamano ne Jehova Nyasaye nikech ober; kendo herane osiko manyaka chiengʼ.

O give thanks unto the LORD; for [he is] good; for his mercy [endureth] for ever.

35 Ywaguru niya, “Reswa aa Nyasaye ma Jawarwa, chokwa kendo reswa kuom ogendini, mondo mi wadwok erokamano ne nyingi maler kendo wabed mamor kwapaki.”

And say ye, Save us, O God of our salvation, and gather us together, and deliver us from the heathen, that we may give thanks to thy holy name, [and] glory in thy praise.

36 Pakuru Jehova Nyasaye, ma Nyasach Israel mochwere manyaka chiengʼ. Eka ji duto nowacho niya, “Amin” kendo ni “Opak Jehova Nyasaye.”

Blessed [be] the LORD God of Israel for ever and ever. And all the people said, Amen, and praised the LORD.

37 Daudi ne oweyo Asaf kod jotich kaachiel kode e nyim Sandug Singruok mar Jehova Nyasaye mondo giti kanyo ndalo duto mana kaka ne dwarore pile ka pile kendo odiechiengʼ ka odiechiengʼ.

So he left there before the ark of the covenant of the LORD Asaph and his brethren, to minister before the ark continually, as every day’s work required:

38 Ne oweyo bende Obed-Edom kod jowetene piero auchiel gaboro mondo joti kodgi. Obed-Edom wuod Jeduthun to gi Hosa bende ne jorit rangeye.

And Obed-edom with their brethren, threescore and eight; Obed-edom also the son of Jeduthun and Hosah [to be] porters:

39 Daudi noweyo Zadok jadolo kod jowetene ma jodolo e nyim hekalu mar Jehova Nyasaye e kama otingʼore gi malo man Gibeon,

And Zadok the priest, and his brethren the priests, before the tabernacle of the LORD in the high place that [was] at Gibeon,

40 mondo gichiwne Jehova Nyasaye misengini pile pile e kendo mar misango miwangʼo pep, gitim kamano okinyi kod odhiambo mana kaka ondikgi duto e Chik Jehova Nyasaye mano mi jo-Israel.

To offer burnt offerings unto the LORD upon the altar of the burnt offering continually morning and evening, and [to do] according to all that is written in the law of the LORD, which he commanded Israel;

41 Kaachiel kodgi ne gin Heman gi Jeduthun kod joma moko manoyier kendo oluong gi nyingegi mondo gi dwokne Jehova Nyasaye erokamano, “nikech herane osiko manyaka chiengʼ.”

And with them Heman and Jeduthun, and the rest that were chosen, who were expressed by name, to give thanks to the LORD, because his mercy [endureth] for ever;

42 Heman kod Jeduthun to ne tijgi en goyo turumbete kod ongengʼo kod goyo thumbe mamoko mag wend Nyasaye. Yawuot Jeduthun to ne rito rangach.

And with them Heman and Jeduthun with trumpets and cymbals for those that should make a sound, and with musical instruments of God. And the sons of Jeduthun [were] porters.

43 Eka ji duto noa ka ngʼato ka ngʼato dok e dalane, kendo Daudi bende nodhi dalane mondo ogwedh joge.

And all the people departed every man to his house: and David returned to bless his house.