Salme 149

1 Synger Herren en ny Sang, hans Lovsang i de helliges Menighed!

Ra Anumzamofona agi'a ahentesga nehuta, Ra Anumzamofontega kasefa zagame hanune. Agri'ma amage nentaza vahe'motama atruma hanafina zagamera huta Agri agi'a ahentesga hiho.

2 Israel glæde sig over sin Skaber, Zions Børn fryde sig over deres Konge!

Israeli vahe'mota tamagri'ma tro'ma huramante'nea Anumzamofonkura muse huntegahaze. Jerusalemi kumapima nemaniza vahe'mota, kini ne'tamigura muse huntegahaze.

3 De skulle love hans Navn med Dans, de skulle lovsynge ham til Tromme og Harpe.

Tamagra Agri agia ahentesga huta avoa nehageta, nase'nasepane hapu zavenanena aheho.

4 Thi Herren har Behagelighed til sit Folk, han pryder de sagtmodige med Frelse.

Na'ankure Ra Anumzamo'a vahe'agura tusiza huno muse hunezmanteankino, zamavufagama anterami'za nemaniza vahera zamaza hige'za ha' vahe'zamia hara huzmagate'neraze.

5 De hellige skulle glæde sig i Herlighed, de skulle synge med Fryd paa deres Leje.

Anumzamofo amage'ma nentaza vahe'mota, ha'ma hugatemaneraza zankura muse hugahaze. Ana nehu'za nozamifima mase'naku'ma nehu'za ranke hu'za muse zagamera hugahaze.

6 De skulle ophøje Gud med deres Strube, og der skal være et tveægget Sværd i deres Haand

Zamagipintira Anumzamofo agi'a ahentesga nehu'za, tarega kazigama asane'nea bainati kazina zamazampi eri'ne'za,

7 for at øve Hævn paa Hedningerne og Straf paa Folkeslægterne;

maka ama mopafima mani'naza vahera nona hu'za hara hunezamante'za, zamagrama hunenaza zamavu'zmava zantera nona hu'za vahera zamazeri haviza hugahaze.

8 for at binde deres Konger med Lænker og deres Hædersmænd med Jernbolte;

Ana nehu'za kini vahezmia seni nofinu kina renezmante'za, kva vahe'zaminena ainireti tro hu'naza seni nofiteti kina rezmantete'za,

9 for at fuldbyrde paa dem den Dom, som staar skreven! Det er Æren for alle hans hellige. Halleluja!

ke'ma refkohu vahe'mo'zama e'inahu knaza erigahaze huno'ma hu'nea kante amage ante'za, ana vahera knazana zami'za zamazeri haviza hugahaze. Ana hu'neanki'za Anumzamofoma amage'ma nentaza vahe'mo'za, knare zamagi erigahaze. Ra Anumzamofona agi'a ahentesga hanune!