Maliko 1
1 Jeleji jili ndande ja Ngani Jambone ji Che Yesu Kilisito, Mwana jwa Akunnungu.
这里讲述了上帝之子耶稣基督福音的初始。
2 Mpela ijitite pakulembekwa mmalembo ga che Isaya juŵaliji jwakulondola jwa Akunnungu, “Akunnungu ŵatite, ‘Nguntuma jwantenga jwangu annongolele, jwejejo ni juchankolochesye litala lyenu.’
正如以赛亚先知所写：“我派遣使者提前来到，备好你要走的道路。
3 Mundu akunyanyisya mwipululu achitiji, ‘Mwakolochesye Ambuje litala lyao, ngolosye mwakusaka kupita.’”
在荒野中有人在呼喊：‘预备主的道，修直他的路！’”
4 Che Yohana Ŵakubatisya ŵatamaga mwipululu ni kwalalichila ŵandu aleche sambi ni kwabatisya kuti Akunnungu ŵalechelesye sambi syao.
施洗约翰出现在荒野中，宣讲悔改的洗礼，因此救赎罪行。
5 Ŵandu achajinji kutyochela chilambo cha Ŵayahudi ni musi wa ku Yelusalemu wose ŵajawile kukwapikanila che Yohana, ŵajitichisye sambi syao nombejo ŵabatisye mu lusulo lwa Yolodani.
犹太和全耶路撒冷的人都来到他身边，承认自己的罪，在约旦河里接受他的洗礼。
6 Che Yohana ŵaliji awasile mwinjilo uwapotekwe ni manyunya ga chinyama chachikuŵilanjikwa ngamia ni nkaanda wa lipende nchiunu. Nombejo ŵalyaga itete ni uchi.
约翰身穿驼毛衣服，腰束皮带，以蝗虫和野蜜为食。
7 Ni ŵalalichilaga kwa ŵandu kuti, “Panyuma pangu akwika jwali ni machili kumbunda une. None nganguŵajilwa namose kukotama ni kugopola ngoji sya italawanda yakwe.
他这样宣讲：“在我之后将有一人到来，能力远比我强大，我甚至连弯腰给他提鞋的资格都没有。
8 Uneji ngumbatisya ni meesi, nambo jwelejo chaachimbatisya kwa Mbumu jwa Akunnungu.”
我用水给你们施洗，他却会用圣灵给你们施洗。”
9 Moŵa go, Che Yesu ŵaiche kutyochela musi wa ku Nasaleti wauli mu chilambo cha ku Galilaya ni ŵabatiswe ni che Yohana mu lusulo lwa Yolodani.
这时耶稣从加利利的拿撒勒前来，在约旦河里接受约翰的洗礼。
10 Che Yesu paŵakopokaga mmeesi, ŵakuweni kwinani kuugwiche ni Mbumu jwa Akunnungu ŵantuluchile achiŵaga mpela nguunda.
他从水中出来的那一刻，天裂开了，圣灵如鸽子般落在他身上。
11 Liloŵe lya Akunnungu lyapikaniche kutyochela kwinani lichitiji, “Mmwejo ni Mwanangu jungunnonyela, nonyelwe nomwe.”
天空传来一个声音：“你是我的爱子，你让我喜悦。”
12 Papopo Mbumu jwa Akunnungu ŵanlongwesye Che Yesu kwaula mwipululu.
圣灵随即将耶稣派到荒野。
13 Ni ŵatemi mwipululu mo moŵa alobaini achilinjikwaga ni Shetani. Kukoko ŵatamaga pamo ni inyama ya mwitinji, nambo achikatumetume ŵa kwinani ŵaliji nkwakamuchisya.
他在那里将待上四十天，受到撒旦的诱惑，身边是各种野兽，还有天使来看护他。
14 Che Yohana paŵataŵikwe mu nyuumba jakutaŵilwa ŵandu, Che Yesu ŵajawile ku chilambo cha ku Galilaya kwalalichila ŵandu Ngani Jambone ja Akunnungu.
之后，耶稣在约翰被捕后来到加利利，宣讲上帝的福音。
15 Ŵatite, “Katema kaiche ni Umwenye wa Akunnungu uŵandichile. Nneche sambi syenu ni kujikulupilila Ngani Jambone!”
他说：“预言的时间已到，上帝之国已来临，要悔改并相信福音。”
16 Che Yesu paŵapitaga mungulugulu litanda lya Galilaya, ŵaweni ŵakukoka ŵaŵili, che Simoni pamo ni che Andulea mpwakwe ali nkukoka somba kwa lwau.
耶稣沿着加利利海边行走，看见西门和他弟弟安得烈在海上撒网，他们靠打鱼过活。
17 Che Yesu ŵaasalile, “Munguye, none chinantende ŵanyamwe mme ŵakwaikanawo ŵandu kwa Ambuje.”
耶稣对他们说：“跟从我吧，我要让你们成为获得人的渔夫。”
18 Papopo ŵalesile nyau syao ni kwakuya.
他们立刻丢下渔网，跟从了他。
19 Che Yesu paŵajawile mmbujo kanandi, ŵaweni che Yakobo ni che Yohana, ŵanache ŵa che Sebedayo. Ni ŵanyawo ŵaliji mu ngalaŵa jao achisaulaga nyau syao.
耶稣稍往前走了几步，看见西庇太的儿子雅各和弟弟约翰，正在船上整理渔网，
20 Papopo Che Yesu paŵaweni, ŵaaŵilasile, ni ŵanyawo ŵalesile che Sebedayo atati ŵao mu ngalaŵa pamo ni ŵakwapanganyichisya masengo, ni ŵakuiye Che Yesu.
耶稣召唤他们，他们立刻离开父亲西庇太和雇工，跳下船跟从耶稣而去。
21 Che Yesu pamo ni ŵakulijiganya ŵao ŵaiche musi wa Kapelenaumu, ni palyaiche Lyuŵa lya Kupumulila, Che Yesu ŵajinjile mu nyuumba ja kusimanilana Ŵayahudi, ni ŵatandite kwajiganya ŵandu maloŵe gambone ga Akunnungu.
他们去往迦百农，耶稣随即在安息日进入会堂向民众宣讲。
22 Ŵandu wose ŵaŵampilikene ŵasimosile ni uwiganye wakwe, pakuŵa nganajiganya mpela ŵakwiganya Malajisyo, nambo ŵajiganyaga nti mundu jwali ni ulamusi.
民众对他的教导感到惊讶万分，因为他宣讲的方式非常权威，不像是其他的宗教老师。
23 Papopo mundu jwakamwilwe ni lisoka juŵaliji mu nyuumba ja kusimanilana jila ŵanyanyisye,
忽然，会堂中一个被恶灵附体之人开始喊叫：
24 achitiji, “Ana nkusaka kututenda ichichi, mmwe Che Yesu jwa ku Nasaleti? Ana nnyiche kukutujonanga? Ngummanyilila kuti mmwejo ndi Jwanswela jwa Akunnungu!”
“拿撒勒人耶稣，你为什么要来打扰我们？你是来毁灭我们的吗？我知道你是谁，你是上帝的圣者。”
25 Che Yesu ŵalikalipile lisoka lyo achitiji, “Mmyalale! Munkopoche mundu jo.”
耶稣打断恶灵的话：“住口！从他身上出来！”
26 Nipele lisoka lyo lyantinganyisye mundu jula kwa machili ni kunyanyisya, ni lyakopweche.
恶灵尖叫着，使这个人陷入抽搐，并从他身上出来。
27 Ŵandu wose ŵasimosile nnope ni ŵaliji nkuusyana, “Ana yelei ni yatiuli? Uli, gelega gali majiganyo ga sambano? Mundu ju akwete ulamusi wa kugakoposya namose masoka, nombego gakwajitichisya!”
众人都很惊讶，对彼此说：“这是什么？这新教义的权威太大了！即使恶灵也服从于他的命令！”
28 Nipele, ngani jakwe Che Yesu jajenele kwachitema palipose, kuchilambo chose cha ku Galilaya.
耶稣的名声立刻传遍加利利一带。
29 Che Yesu ni ŵakulijiganya ŵao pamo ni che Yakobo ni che Yohana ŵakopweche mu nyuumba ja kusimanilana jila ni kwaula ku nyuumba ja ŵanya che Simoni ni che Andulea.
他们走出会堂，与雅各和约翰一起去往西门和安得烈的家。
30 Akwegwao che Simoni jwankongwe, ŵagonile pachindanda ali nkulwala chiilu, ni Che Yesu naikape ŵasalilwe yankati jwakulwala jo.
西门的岳母此刻正发烧躺在床上，众人把这件事告诉了耶稣。
31 Nipele Che Yesu ŵanjaulile jwankongwe jo ni ŵankamwile nkono ni kunjinamukula. Ulwele ula wannesile nipele ŵatandite kwatelechela.
耶稣走到她面前，拉着她的手，扶她起来，高烧立刻退去，于是她开始为众人做饭。
32 Ligulo, lyuŵa lili litiŵile, ŵandu ŵaajauchisye Che Yesu ŵakulwala wose ni ŵaŵakamwilwe ni masoka.
黄昏过后，有人不断把生病和被鬼附体之人带到耶稣面前。
33 Ŵandu wose ŵa musi wo ŵasongangene paluŵala lwa nyuumba.
全城的人都聚集在门外。
34 Che Yesu ŵalamisye ŵandu ŵajinji ŵaŵaliji ni ilwele yakupisyangana ni kugakoposya masoka gamajinji gagaliji mwa ŵandu ŵala. Nganiŵapa masoka lipesa lyakuŵecheta chachilichose ligongo gaamanyilile ali ŵaani.
耶稣医好了很多人的疾病，驱走很多恶鬼。他命令恶鬼不要说话，因为鬼知道他是谁。
35 Kundaŵipe kukanaŵe kucha, Che Yesu ŵakopweche mu nyuumba jo ni kwaula paasa musi, pangali ŵandu kukupopela.
次日凌晨，天还没有亮，耶稣便起身来到荒郊野外进行祷告。
36 Che Simoni ni achinjakwe ŵala ŵajawile kukwasosa.
西门和其他人去寻找耶稣。
37 Paŵammweni ŵansalile, “Ŵandu wose ali nkunsosa mmwe.”
找到他后就对他说：“大家都在找你呢！”
38 Che Yesu ŵaasalile, “Tukusachilwa tujaule mmisinda jine jajiŵandichile akuno, ni kweleko ngusachilwa ngalalichile Ngani Jambone, pakuŵa yelei ni inyichile.”
耶稣对他们说：“我们必须到附近的其他城镇去，这样我就可以在那里传授福音，我就是为此而来。”
39 Nipele, Che Yesu ŵajesilejesile ku Galilaya kose, achilalichilaga mmajumba gao ga kupopelela ni kugakoposya masoka.
于是他走遍加利利各地，在会堂里传道，进行驱鬼。
40 Lyuŵa limo mundu jwa matana ŵaiche ku Che Yesu ni kwatindiŵalila ni kwachondelela kuti, “Mwasakaga muuswejesye!”
有一个麻风病人前来寻求帮助。他跪在耶稣面前说：“主啊！如果你愿意，就能治愈我。”
41 Che Yesu ŵankolele chanasa, ŵajongwele nkono wao ni ŵankwaiye ni kwasalila, “Ngusaka, Nswejele!”
耶稣动了怜悯的心，便伸手摸他，说：“我愿意，你治愈了！”
42 Papopo matana gakwe gala gannesile ni ŵaswejele.
这人的麻风病立刻消失了，他痊愈了。
43 Nipele Che Yesu ŵansalile ajaule achinjamukaga kwa machili, achinsalilaga,
在那人离开以前，耶稣认真地警告他说：
44 “Nnole, munansalile mundu jwalijose chindu chi, nambo njaule nkalilosye kwa jwambopesi, nkatyosye mbopesi mpela iŵatite pakusala che Musa kwalosya ŵandu wose kuti nnamile.”
“不要向任何人讲述这件事。去祭司那里，让他看看你的样子，然后按照摩西的要求，为这洁净献祭，向大家作证。”
45 Nambo mundu jula paŵakopweche, ŵatandite kwenesya ngani jo papalipose, namose Che Yesu nganakombola kwinjila sooni mmusi kwakulilosya. Nambo ŵatemi paasa musi, pangali ŵandu, atamuno yeleyo ŵandu kopochela papalipose ŵanjaulile kukokopeko.
但那人离开后仍然到处宣讲，把这事传开了，这也让耶稣无法再公开走进城市，只好留在外面的荒野。可仍有很多人从各处赶到他这里。
