Luka 5
1 Lyuŵa limo Che Yesu ŵajimi mungulugulu litanda lya Genesaleti ni ŵandu ŵajinji ŵansyungwile ni kwaŵijikanya ali nkupilikanila liloŵe lya Akunnungu.
有一次，耶穌站在革乃撒勒湖邊，群眾擁到祂前來要聽天主的道理。
2 Ŵasiweni ngalaŵa siŵili mungulugulu litanda ni ŵakukoka somba ali akopweche, ali nkusaula nyau syao.
祂看見兩隻船在湖邊停著，漁夫下了船正在洗網。
3 Che Yesu ŵajinjile mu ngalaŵa jimo jijaliji ji che Simoni, ŵaaŵendile che Simoni ajisojechesye mmeesi, kwakutalichila kanandi kutyochela mungulugulu litanda. Ŵaujiganyisye mpingo wa ŵandu ali atemi mu ngalaŵa.
祂上了其中一隻屬於西滿的船，請他把船稍為划開，離開陸地；耶穌就坐下，從船上教訓群眾。
4 Paŵamasile kwiganya ŵaasalile che Simoni, “Njitute ngalaŵa kwaula pa meesi ga kwendesya mu litanda, nsiponye nyau syenu ni kukoka somba.”
一講完了，就對西滿說：「划到深處去，撒你們的網捕魚吧! 」
5 Che Simoni ŵajanjile kuti, “Ambuje, tulajilile kukoka somba chilo chose pangapata chindu, nambo pakuŵa nsaasile chinasiponye nyau.”
西滿回答說：「我們已整夜辛苦，毫無所獲；但我們要遵照你的話撒網。」
6 Paŵapanganyisye yeleyo ŵakokwele somba syesijinji nnope ni nyau syao syatandite kukutuka.
他們照樣辦了，網了許多魚，網險些破裂了。
7 Ŵaaŵilasile achinjao ŵaŵaliji mu ngalaŵa jiine aichanje kukwakamusya. Ŵaiche ni ŵagumbesye somba ngalaŵa siŵili ni ngalaŵa syo syatandite kutitimila.
他們遂招呼別隻船上的同伴來協助他們。他們來到，裝滿了兩隻船，以玫船也幾乎下沈。
8 Che Simoni Petulo paŵaiweni yeleyo, ŵatindiŵele paujo pa Che Yesu achitiji, “Ambuje, ntyoche paujo pangu pakuŵa uneji ndili mundu jwa sambi!”
西滿伯多祿一見這事，就跪伏在耶穌膝前說：「主，請你離開我，因為我是罪人。」
9 Che Simoni pamo ni achinjakwe ŵasimosile ligongo lya winji wa somba syapatile sila.
西滿和同他一起的人，因為了他們所捕的魚，都驚駭起來。
10 Iyoyo peyo che Yakobo ni che Yohana ŵanache ŵa che Sebedayo, ŵakukoka achinjakwe che Simoni nombewo ŵasimosile. Che Yesu ŵaasalile che Simoni, “Nkajogopa, kutandilila sambano chimme ŵakwaikanawo ŵandu kwa Ambuje.”
他的夥伴，即載伯德的兒子雅各伯和若望，也一驚駭。耶穌對西滿說：「不要害怕! 從今以後，你要做捕人的漁夫!」
11 Nipele paŵamasile kusiichisya ngalaŵa sila mungulugulu litanda, ŵalesile yose ni ŵakuiye Che Yesu.
他們把船划到了岸邊，就捨棄了一切，跟隨了祂。
12 Che Yesu paŵaliji musi umo mu misi ja kweleko, paliji ni jwannume juŵaliji ni matana chiilu chose, nombejo paŵammweni Che Yesu ŵagonile manguku ni kwachondelela aninkuti, “Ambuje mwasakaga muswejesye.”
有一次，耶穌在一座城裏，看，有一個遍體長了癩的人，見了耶穌，就俯首至地求祂說：「主，你若願意，就能潔淨我。」
13 Che Yesu ŵajongwele nkono ni ŵankwaiye ni kuti, “Ngusaka, nswejele!” Papopo mundu jo ŵalamile matana.
耶穌便伸手撫摸他說：「我願意，你潔淨了吧! 」癩病就立刻從他身上退去。
14 Nombe Che Yesu ŵansalile, “Munansalile mundu jwalijose nambo njaule nkalilosye kwa jwambopesi, nkatyosye mbopesi kwa ligongo lya kuswejela kwenu mpela iŵatite pakusala che Musa uŵe umboni kuti nnamile.”
耶穌切切囑咐他不要告訴別人，並說：「但要叫司祭檢驗你，為你的潔淨，獻上梅瑟所規定的，給他們當作證據。」
15 Nambo ngani syasikwagamba Che Yesu syapundile kwenela pana pose ni mipingo ja ŵandu jasongangene kukwapikanila ni kulamiswa ilwele yao.
祂的名聲更摶揚開了，遂有許多人齊集來聽教，並為自己治好病症。
16 Nambo Che Yesu ŵalisapwile pajika pe ni kupopela.
耶穌卻退入荒野中去祈禱。
17 Lyuŵa limo, Che Yesu ŵaliji nkwiganya, Mafalisayo ni ŵakwiganya malajisyo kutyochela misi jose ja ku Yudea ni ku Galilaya ni ku Yelusalemu ŵatemi papopo. Nipele machili ga Ambuje galiji pamo ni Che Yesu ligongo lya kwalamya ŵandu ŵa kulwala.
有一天，耶穌正在施教，幾個法利賽人和法學士也在座，他們是從加利肋亞和猶太各鄉村及耶路撒冷來的；上主的德能摧迫祂治病。
18 Ŵaiche ŵandu ŵampepe ali anjigele mundu jwakutatala ali agonile mu chitagala, ŵalinjile kwajinjisya nkati achisakaga kwaŵika paujo pa Che Yesu.
看，有人用床抬來一個患癱瘓症的人，設法把他抬進去，放在耶穌跟前；
19 Nambo ŵalepele kwinjila nkati ligongo lya winji wa ŵandu. Nipele ŵakwesile pachanya nyuumba, ŵapowele chipagala ni kwatulusya pamo ni chitagala mbindikati ja ŵandu paujo pa Che Yesu.
但因人眾多，不得其門而入，遂上了屋頂，從瓦中間，把他連那小床繫到中間，正放在耶穌面前。
20 Nombe Che Yesu paŵachiweni chikulupi chao ŵansalile, “Ambusanga, nlecheleswe sambi syenu.”
耶穌一見他們的信心，就說：「人啊! 你的罪赦了。」
21 Mafalisayo ni ŵakwiganya Malajisyo ŵatandite kuliusyanga achitiji, “Aŵa ni ŵaani ŵakwatukana Akunnungu? Ngapagwa mundu jwakukombola kulechelesya sambi ikaŵe Akunnungu pe!”
經師和法利塞人開始忖度說：「這人是誰? 竟說褻瀆話! 除了天主一個外，誰能赦罪? 」
22 Nambo Che Yesu ŵasimanyi ng'anisyo syao ni ŵausisye kuti “Kwachichi nkuliusya yeleyi mmitima jenu?
耶穌看透了他們的心思，就向他們說：「你們心裡忖什麼呢?
23 Chaapi chili chakwepepala nnope, kusala, ‘Sambi syenu silecheleswe,’ pane kusala, ‘Njimuche njaule?’
什麼比較容易? 是說：你的罪赦了，或是說：起來行走吧!
24 Nipele ngusaka mmanyilile kuti Mwana jwa Mundu akwete ulamusi wa kwalechelesya ŵandu sambi syao pachilambo pano.” Pelepo ŵansalile mundu jwakutatala jo, “Njimuche, njigale chitagala chenu, njaule kumangwenu.”
但為叫你們知道人子在地上有權赦罪─便對癱子說：我給你說：起來，拿起你的小床，回家去吧!
25 Papopo mundu jula ŵajimwiche paujo pao ni kunyakula chitagala chao chiŵagonele ni kwaula kumangwao achakusyaga Akunnungu.
那人立刻在他們在面前站了起來，拿著他躺過的小床，讚頌天主，回去了。
26 Ŵanawose ŵasimosile ni kukamulwa ni lipamba, ŵaakusisye Akunnungu achitiji “Lelo tuiweni yakusimonjeka.”
眾人十分驚奇，並光榮天主，滿懷恐怖懼說：「今天我們看見了出奇的事。」
27 Paŵamasile gelego, Che Yesu ŵakopweche paasa ni ŵammweni mundu jumpepe jwakukumbikanya nsongo liina lyakwe che Lawi ali atemi mu nyuumba ja kulipila nsongo ni Che Yesu ŵansalile, “Munguye une!”
此後，耶穌出去，看見一個稅吏，名叫肋未，在稅關那裡坐著，便對他說：「跟隨我吧!
28 Nombe che Lawi ŵajimi, ŵalesile yose ni kwakuya.
他便捨棄一切，起來跟隨了祂。
29 Che Lawi ŵaalaliche Che Yesu aiche kulya mu nyuumba jao. Mpingo wa ŵandu ŵakukumbikanya nsongo ni ŵandu ŵane ŵatemi kulya pamo nawo.
肋未在自己家中擺設了盛筵，有許多稅吏和其他的人，與他們一同坐席。
30 Mafalisayo ni ŵakwiganya Malajisyo ŵaali mu mpingo wao ŵaalalamichile ŵakulijiganya ŵa Che Yesu aninkuti, “Kwachichi nkulya ni kung'wa pamo ni ŵakukumbikanya nsongo ni ŵaali ni sambi?”
法利賽人和他們的經師就憤憤不平，對祂的門徒說：「你們為什麼同罪人和稅吏一起吃喝? 」
31 Che Yesu ŵajanjile, “Ŵangakulwala ngakwalajila ŵantela ikaŵe ŵakulwala.
耶穌回答他們說：「不是健康的人需要醫生，而是有病的人。
32 Nganiika kukwaŵilanga ŵandu ŵakupanganya yaili yambone paujo pa Akunnungu nambo ŵaali ni sambi kuti aleche sambi.”
我來不是召叫義人，而是召叫罪人悔改。」
33 Ŵandu ŵane ŵa mumpingo ula ŵaasalile Che Yesu, “Ŵakulijiganya ŵa che Yohana Ŵakubatisya akutaŵa kaŵilikaŵili ni kupopela ni ŵakulijiganya ŵa Mafalisayo akupanganya iyoyo peyo. Nambo ŵakulijiganya ŵenu akulya ni kung'wa.”
他們又對祂說：「若翰的門徒屢次禁食，行祈禱，法利賽人的門徒也是這樣；而你的卻又吃又喝。」
34 Che Yesu ŵajanjile, “Uli, ana nkuganisya kuti nkukombola kwatendekasya achambusanga ŵa mlombela ataŵe akuno ali pamo nawo?
耶穌回答說：「伴郎和新郎在一起的時候，你們豈能叫他們禁食?
35 Nambo chikaiche katema pachajigalikwe mlombela jo pasikati jao, gele moŵa go chachitaŵa.”
但日子將要來到，當新郎從他們人疲劫去時，在那些日子他們就要禁食了。
36 Che Yesu ŵatanjile achi chitagu chi, “Ngapagwa mundu jwakupapula chigamba mu nguo jasambano ni kutotela mu nguo jewisale atamuno atendaga yeleyo chajijonanje nguo jasambano jo ni sooni, chele chigamba cha nguo jasambano cho ngachijilana ni jewisale jo.
祂又對他們講比喻說：「沒有人從新衣服撕下一塊作補釘，補在舊衣上的；不然，新的撕破了，而且從新衣上撕下的補釘，與舊的也不相稱。
37 Sooni ngapagwa mundu jwakutaga divai jasambano mu misaku jewisale jekolochekwe ni mapende pakuŵa jele divai jasambano jo chijipapule misaku ni divai chijimwasiche ni misaku jo chijijonasiche.
也沒有把新酒裝入舊皮囊的，不然，新酒要漲破舊皮囊，酒要流出來，皮囊也破了。
38 Nambo divai jasambano jikutajikwa mu misaku jasambano.
但新酒應裝入新皮囊。
39 Ngapagwa jwakusaka kung'wa divai jasambano ali ang'wele jakalakala pakuŵa akuti, ‘Jele jakalakala jo ni jambone nnope.’”
也沒有人喝著陳酒，願意喝新酒的，因為他說：「還是舊的好。」
