Luka 4
1 Che Yesu ŵatyosile mu lusulo lwa Yolodani ali aguumbele Mbumu jwa Akunnungu ni ŵalongweswe ni Mbumu kwaula mwipululu.
耶穌充滿聖神，由約旦河回來，就被聖神引到荒野裏去了，
2 Kweleko ŵalinjikwe ni Shetani kwa moŵa alobaini. Katema kose ko, nganalya chachili chose ni pagamasile moŵa go, jakwete sala.
四十天的工夫受魔鬼試探；祂在那時期內什麼也沒有吃，過了那期就餓了。
3 Shetani ŵaasalile, “Iŵaga mmwejo ni Mwana jwa Akunnungu, nlisalile ali liganga li ligalauche liŵe nkate.”
魔鬼對祂說：「你若是天主子，命這塊石頭變成餅吧! 」
4 Che Yesu ŵaajanjile, “Ilembekwe mu Malembelo ga Akunnungu, ‘Mundu ngakulama kwa kulya nkate pe.’”
耶穌回答說：「經上記載：『人生活不只靠餅。』
5 Shetani ŵankwesisye Che Yesu kwinani ni kunlosya kwanakamo mwenye syose sya pa chilambo.
魔鬼引祂到高處，頃時間把普世萬國指給祂看，
6 Shetani ŵansalile Che Yesu kuti, “Chinampe ulamusi wa ipanje yose ni ukulu wakwe, pakuŵa yose yi ambele une, ngukombola kumpa mundu jwalijose jungunsaka.
並對祂說：這一切權勢及其榮華，我都要給你，因為全交給我了；我願意把它給誰，就給誰。
7 Ni yose yi chinampe ni kuŵa yenu iŵaga chimundindiŵalile ni kumbopelela.”
所以你若是朝拜我，這一切都是的。」
8 Che Yesu ŵajanjile, “Ilembekwe mu Malembelo ga Akunnungu, ‘Chimwatindiŵalile Ambuje Akunnungu ŵenu ni kwapopelela ŵawowo pewo.’”
耶穌回答說：「經上記載：『你要朝拜上主，你的天主；惟獨事奉祂。』」
9 Shetani ŵanjigele Che Yesu mpaka ku Yelusalemu ni ŵanjimiche penani pa lusonga lwa Nyuumba ja Akunnungu ni kwasalila kuti “Iŵaga mmwejo nli Mwana jwa Akunnungu, nlipatusye paasi.
魔鬼又引祂到耶路撒冷，把祂放在聖殿頂上，向祂說：「你若是天主子，從這裡跳下去吧!
10 Pakuŵa ilembekwe, ‘Chachatuma achikatumetume ŵao ŵa kwinani angose.’
因為經上記載：『祂為你吩咐自己的天使保護你，
11 Ni sooni, ‘Channyakule mmakono mwao, ntakuligomba lukongolo lwenu paliganga.’”
他們要用手托著你，色免得你的腳碰在石頭上。』」
12 Nambo Che Yesu ŵajanjile, “Ilembekwe mu Malembelo ga Akunnungu, ‘Kasimwalinga Ambuje Akunnungu ŵenu.’”
耶穌回答說：「經上說：『不可試探上主，你的天主。』」
13 Shetani paŵamasile kwalinga ŵannesile kwa katema.
魔鬼用盡了各種試探後，就離開了祂，再等待機會。
14 Che Yesu ŵausile ku chilambo cha ku Galilaya achilongoswaga ni machili ga Mbumu jwa Akunnungu ni ngani syao syajenele mu Galilaya ni mu misi jose jajiŵandikene.
耶穌因聖神的德能，回到加利肋亞。祂的名聲音傳遍了臨近各地。
15 Nombe ŵaliji nkwajiganya ŵandu mu majumba gao ga kupopelela ni wose ŵaliji nkwalapa ŵelewo.
祂在他們的會堂施教，受到眾人的稱揚。
16 Che Yesu ŵajawile ku Nasaleti, musi wawakulile ni Lyuŵa lya Kupumulila, ŵajinjile mu nyuumba ja kupopelela mpela iyatite pakuŵa chisyoŵelo. Ŵajimi kuti agasyome Malembelo ga Akunnungu.
祂來到了納匝肋，自己曾受教養的地方；按他們的慣例，就在安息日那天進了會堂，並站起來要誦讀。
17 Ŵapochele chitabu chi che Isaya jwakulondola jwa Akunnungu ni ŵaunukwile, ŵasosile ni kupasimana papalembekwe yati
有人把依撒意亞先知書遞給祂；祂遂展開書卷，找到了一處，上邊寫說：
18 “Mbumu jwa Ambuje ali pamo ni une, pakuŵa asagwile kuti nalichile Ngani Jambone kwa ŵandu ŵakulaga. Andumile kukwatangachisya ŵataŵikwe kugopolekwa kwao, ni ŵangalola akombole kulola, ni kukwawombola ŵakukotochelwa.
『上主的神臨於我身上，因為祂給我傅了油，派遣我向貧窮人傳報善訊，向俘虜宣告釋放，向盲者宣告復明，使受壓迫者獲得自由，
19 Ni kwenesya chaka cha Ambuje chakulosya umbone kwa ŵandu ŵakwe.”
宣佈上主恩慈之年。』
20 Nipele ŵaunichile chitabu chila ni ŵampele katumetume, ŵatemi ni ŵandu wose ŵaŵaliji mu nyuumba ja kupopelela ŵannolechesye kwa nnope.
祂把書卷捲起來，交給侍役，就坐下了。會堂內眾人的眼睛都注視著祂。
21 Nombewo ŵaasalile, “Lelo Malembelo ga Akunnungu ga gaŵele isyene pamumbilikene ndi ngusyoma.”
祂便開始對他們說：「你們剛才聽過的這段聖經，今天應驗了。」
22 Wose ŵanonyelwe nawo ni ŵagasimosile maloŵe gambone gaŵaŵechete. Ŵausyanaga, “Ana, aju ngaŵa mwana ju che Yusufu?”
眾人都驚奇他口中所說的動聽的話；並且說：「這不是若瑟的兒子嗎﹖」
23 Che Yesu ŵaasalile, “Ngumanyilila chimusalile chitagu chi, ‘Jwantela nlilamye mwasyene.’ Ni sooni chinchiti, ‘Ituipilikene kuti mpanganyisye ku Kapelenaumu mpanganye nombe pamusi pano.’”
他回答他們說：「你們必定要對我說這句俗語：醫生，醫治你自己! 我們聽說你在葛法翁所行的一切，也在你的家鄉這裡行吧! 」
24 Ŵapundile kuŵecheta, “Ngunsalila isyene, ngapagwa jwakulondola jwa Akunnungu jwakukundikwa mu chilambo chakwe.
祂又說：「我實在告訴你們：沒有一個先知在本鄉受到悅納的。
25 Nambo mpilikane! Isyene ngunsalila ŵapali achakongwe ŵakuwililwa ni achiŵankwawo ŵajinji mu chilambo cha Isilaeli katema ka che Elia. Kele katema ko nganijinyaga ula kwa yaka itatu ni miesi sita ni kwaliji ni sala jekulungwa pa chilambo chose.
我據實告訴你們：在厄里亞時代，天閉塞了三年零六個月，遍地起了大飢荒，在以色列原有許多寡婦，
26 Namose yeleyo che Elia nganalajiswa kwa jwalijose jwakuwililwa ni ŵankwakwe ikaŵe kwa jwankongwe jwa kuwililwa jwa ku Salepita chilambo cha ku Sidoni.
厄里亞並沒有被派遺到她們中的一個那裡去，而只到了漆冬匝爾法特的一個寡婦那裡。
27 Ni sooni paliji ni ŵamatana ŵajinji chilambo cha ku Isilaeli katema ka jwakulondola jwa Akunnungu che Elisha. Nipele, nganapagwa jwalijose juŵaswejele ikaŵe che Naamani pe jwa ku Silia.”
在厄里叟先知時代，在以色列有許多癩病人，他們中沒有一個得潔淨的，只有敘利亞的納阿曼。」
28 Wose ŵaŵaliji mu nyuumba ja kupopelela jila paŵapikene yeleyo ŵatumbile nnope.
在會堂中聽見這話的人，都忿怒填胸，
29 Ŵajimi ni kwatyosya paasa musi wao wautaŵikwe pachanya chitumbi ni ŵampeleche mungulugulu chitumbi akombole kwatutila paasi.
起來把祂出趕出城外，領祂到了山崖上，─他們的成是建在山上的─要把祂推下去。
30 Nambo Che Yesu ŵapelete mbindikati jao ni kwaula.
祂卻由他們中間過去走了。
31 Che Yesu ŵajawile ku Kapelenaumu chilambo cha ku Galilaya ni kwajiganya ŵandu pa Lyuŵa lya Kupumulila.
耶穌下到加利肋亞的葛法翁城，就在安息日教訓人。
32 Ŵasimosile majiganyo gao pakuŵa utenga wao waliji ni ulamusi.
人都十分驚奇祂的教訓，因為祂的話具有一種權威。
33 Ni mu nyuumba ja kupopelela jila mwaliji ni mundu juŵaliji ni lisoka, ŵanyanyisye achitiji,
在會堂裡有一個附著邪魔惡鬼的人，他聲喊叫說：
34 “Okwe, Che Yesu jwa ku Nasaleti nkwete ichichi nowe? Ana nnyiche kukutujonanga? Ngummanyilila kuti mmwe nli ŵaani, mmwejo ni Ŵaswela ŵa Akunnungu!”
「啊! 納匝肋人耶穌，我們與你有什麼相干? 你來毀滅我們嗎? 我們知道你是誰：是天主的聖者。」
35 Che Yesu ŵalikalipile lisoka achitiji, “Mmyalale! Munkopoche mundu ju!” Nipele lisoka lyo lyangwisisye mundu jo paujo pa ŵandu ni kunkopoka pangampoteka.
耶穌吒斥他說：「不要作聲，從這人身上出去!」魔鬼把那人摔倒在人中間，便從他身上出去了，絲豪沒有傷害他。
36 Ŵandu wose ŵasimosile ni kuŵechetesyana, “Gelega gali majiganyo chi? Mundu ju akwete ulamusi ni machili ga kugasalila masoka gakopoche nombego gakukopoka!”
遂有一種驚駭籠罩了眾人彼此談論說：「這是什麼事? 祂權柄和能力命令邪魔，而他們竟出去了!」
37 Ngani si Che Yesu syajenele panapose pachilambo pala.
祂的名聲便傳遍了附近各地。
38 Che Yesu ŵakopweche mu nyuumba ja kupopelela jila ni kwaula kumusi ku che Simoni. Ŵaŵendile kuti ŵalamye akwegwao che Simoni pakuŵa ŵalwalaga chiboko.
祂從會堂裡出來，進了西滿的家，西滿的岳母正發高熱，他們為她祈求耶穌。
39 Nipele Che Yesu ŵaiche ni kwajinamila, ŵachikalipile chiboko nombecho channesile, papopo jwankongwe jo ŵajimwiche ni kwatelechela.
耶穌就走到她身邊，叱退熱症，熱症就離開了她；她立刻起來服事他們。
40 Palyaiche ligulo, ŵandu wose ŵaŵalwalaga ilwele yakupisyangana ŵaichisye ku Che Yesu nombewo ŵasajiche makono gao pa kila jumo ni kwalamya.
日落後，眾人把所有患各種病症的，都領到祂跟前，祂就把手覆在每一個人身上，治好了他們。
41 Nombe masoka gaakopweche ŵandu ŵajinji, ganyanyisye gachitiji, “Alakwe nli Mwana jwa Akunnungu!” Nambo Che Yesu nganagalechelela gaŵechete, pakuŵa gaamanyilile kuti ŵelewo ali Kilisito Nkulupusyo.
又有些從許多人身上出來的魔鬼吶喊說：「你是天主子。」祂便叱責他們，不許他們說話，因為他們知道祂是默西亞。
42 Kundaŵi jakwe, Che Yesu ŵajawile pachisyepela. Ŵandu ŵala ŵaliji nkwasosasosa. Paŵaichilile paŵaliji ŵalinjile kunsiŵila kuti anatyoche.
天一亮，耶穌就出去到了荒野地方；群眾就尋找祂，一直來到祂那裡，挽留祂不要離開他們。
43 Nambo ŵelewo ŵaasalile kuti, “Ngusachilwa kulalichila Ngani Jambone ja umwenye wa Akunnungu mu misi jine nombe pakuŵa ndumigwe kwa ligongo lyo.”
祂卻向他們說：「我也必須向別的城傳報天主國的喜訊，因為我被派遺，正是為了這事。」
44 Ŵapundile kulalichila Ngani Jambone mmajumba ga kupopelela ga ku Yudea.
祂就常在猶太的各會堂中宣講。
