Yohana 1
1 Chikanaŵe gumbikwa chachilichose jwapali jumo jwaŵilanjikwe Liloŵe, nombe jwele liloŵe jo ŵaliji pamo ni Akunnungu, nombejo ŵaliji Akunnungu.
在世界之初，道即已存在。这是上帝之道，道即上帝。
2 Chitandilile kundanda Liloŵe jo ŵaliji ni Akunnungu.
在万物之初，这道便与上帝同在。
3 Indu yose yagumbichikwe ni ŵelewo ni pangali ŵelewo nganichipagwa chachili chose chichagumbichikwe.
万物皆为他所造，没有上帝就没有世上的一切。
4 Jwelejo ŵaliji ndande ja umi ni wele umi wo uichenawo lilanguka kwa ŵandu.
他是生命之源，这生命就是人之光。
5 Ni lyele lilanguka lyo likulanguchisya mu chipi atamuno chipi cho ngachikukombola kulisima lilanguka.
光照亮黑暗，黑暗不能将光熄灭。
6 Akunnungu ŵantumile mundu jumpepe liina lyakwe Yohana,
上帝派一位叫做约翰的人前来，
7 jwelejo ŵaiche kukwasalila ŵandu umboni nkati lilanguka lyo, kuti ŵandu wose apilikane ni kukulupilila.
证明和解释光，让众人通过他相信上帝。
8 Che Yohana nsyene nganaŵa lilanguka lyo nambo ŵaiche kukwasalila ŵandu pangasisa nkati lilanguka lyo.
约翰不是光，而是要来此为那光作见证。
9 Lyelelyo lili lilanguka lisyene, lilanguka lyalikwika pachilambo ni kwalanguchisya ŵandu wose.
这真正的光来到世界，普照世人。
10 Jwelejo jwapali pachilambo pano ni kwa jwelejo Akunnungu ŵachigumbile chilambo nambo ŵandu ŵa pachilambo nganiŵamanyilila.
他在这个世界上，世界乃通过他创造而成，但世界却并不知晓他是谁。
11 Ŵaiche kwa ŵandu ŵakwe nsyene, nambo ŵandu ŵakwe nganiŵapochela.
他来到自己的子民身边，但他们却不接受他。
12 Nambo ŵanawose ŵaŵaapochele ni kwakulupilila, ŵaatesile akombole kuŵa ŵanache ŵa Akunnungu,
但接受他就是相信他的人，他会赋予他们成为上帝儿女的权利。
13 aŵele ŵanache ŵa Akunnungu ngaŵa kwa kupagwa mpela ŵandu yakuti pa kupagwa ni ngaŵa kwa kusaka kwa mundu nambo apagwile kwa usache wakwe Akunnungu.
他们并非以人间方式诞生的儿女，不是人类欲望的结果或父亲做出的决定，而是由上帝诞生。
14 Nombe Liloŵe jo ŵaliji mundu ni ŵatemi noweji. Ni uweji tuuweni ukulu wao, ukulu wao jwelejo jwajikape jwatyosile kwa Atati Akunnungu, aguumbele umbone ni usyene.
道变身人类，生活在人类中间，我们可以看到他的荣光，这是天父唯一之子的荣光，满溢恩典和真理。
15 Che Yohana nsyene paŵambweni ŵaasalile ŵandu ngani jankati jwelejo kwa kunyanyisya achitiji, “Aju ni jwejula junangambaga katema panasasile kuti, ‘Akwika mundu jumo kanyuma kangu jwali jwankulungwa kumbunda une, pakuŵa jwapali uneji ngunaŵe kupagwa.’”
约翰为他作见证，向民众高声呼喊：“他就是我之前所说的那个人：‘在我之后到来的人，远比我重要得多，因为他早在我之前就已存在。’”
16 Malinga ni winji wa umbone wao, uweji wose tupochele ntuuka wejinji nnope.
他生性慷慨，我们接受他的慷慨，不断获得恩典之礼。
17 Pakuŵa Akunnungu ŵagaichisye Malajisyo kwa litala li che Musa nambo umbone wa Akunnungu ni usyene ituichile kwa litala li Che Yesu Kilisito.
律法借由摩西颁布，恩典和真理却是通过耶稣基督而存在。
18 Ngapagwa mundu juŵambweni Akunnungu katema kakalikose. Mwana jwajikape, jwaali Akunnungu jwausyene, ni jwakunonyelwa ni Atati, jwelejo ni jwatumanyisye Akunnungu.
从未有人见过唯一的上帝，只有距离天父最近之人，才能向我们展示何为上帝。
19 Au uli umboni wautyosisye che Yohana, katema ilongola ŵa Ŵayahudi kutyochela ku Yelusalemu paŵaatumile ŵambopesi ni Ŵalawi kukwausya, “Ana mmwe ndi ŵaani?”
犹太人从耶路撒冷派祭司和利未人来到约翰这里，问他：“你是谁？”以下便是约翰做出的公开呈明。
20 Che Yohana nganakaana kwanga, ŵajitichisye pangasisa, “Uneji nguniŵa Kilisito Jwakuwombola.”
约翰明确而坦诚地说：“我不是基督。”没有一丝犹豫。
21 Pelepo ŵambusisye, “Sambano mmwe ndi ŵaani? Ana mmwe ni che Elia?” Che Yohana ŵajanjile, “Une nguniŵa che Elia.” Ni ŵambusisye sooni, “Ana mmwe ndi jwakulondola jwa Akunnungu jula juŵatite akwika?” Che Yohana ŵajanjile, “Ngwamba.”
他们问：“那么你是谁？是以利亚吗？” 他说：“不，我不是。” “是那位先知吗？” 他回答：“不是。”
22 Ni ŵanyawo ŵambusisye, “Sambano mmwe ndi ŵaani? Nkuliŵalanga ichichi? Ntusalile tukaasalile aŵala ŵatutumile kukumbusya.”
他们再问：“那么你是谁？我们需要回复派我们前来之人。你认为你自己是谁？”
23 Che Yohana ŵajanjile, mpela ila che Isaya jwakulondola jwa Akunnungu iŵang'ambaga, “Uneji ndili mundu jungunyanyisya liloŵe mwipululu, ‘Njongole litala lya Ambuje.’”
他说：“我就是荒野中的呼喊之声：‘修直主的路！’”他引用了以赛亚先知所说的一句话。
24 Ni aŵala ŵandu ŵaŵalajiswe ni Mafalisayo,
这些由法利赛人派来的祭司和利未人
25 ŵambusisye che Yohana, “Iŵaga mmwe nganimma Kilisito Jwakuwombola pane che Elia pane jwakulondola jwa Akunnungu jula, kwachichi nkubatisya?”
问约翰：“你既然不是基督、不是以利亚、也不是那位先知，那么你为什么施洗？”
26 Che Yohana ŵajanjile, “Uneji ngubatisya ni meesi, nambo apali jumo mwa ŵanyamwe, jwangankummanyilila.
约翰回答：“我只是用水施洗，但你们中却有一个人，你们并不认识。
27 Ni jwejula jwakwika kanyuma, une nganguŵajilwa kuŵa katumetume jwakuugula migoji ja italawanda yao.”
他在我之后到来，我即使给他解鞋带都不配。”
28 Yelei yatendekwe mmusi wa ku Besania peesi lusulo lwa Yolodani apala che Yohana paŵabatisyaga ŵandu.
约翰在约旦河施洗，这一切就发生在约旦河远处的伯大尼。
29 Malaŵi jakwe, che Yohana ŵambweni Che Yesu aninkwaichilila ni ŵatite, “Nnole, jweleju ali Mwanangondolo jwa Akunnungu jwakwigala sambi sya ŵandu ŵa pachilambo!
第二天，约翰见耶稣向他走来，就说：“看，这是上帝的羔羊，他可以去除这世间的罪！
30 Ajuju ni jwejula junangambaga panatite, ‘Kanyuma akwika mundu jumo jwali jwankulungwa kuumbunda une, pakuŵa jwapali uneji ngunaŵe kupagwa!’
这就是我说的那个人‘有一个人，在我之后到来，远比我重要的多，因为他早在我之前就已存在。’
31 Uneji nganinaamanyilila, nambo nyiche kukubatisya ni meesi kuti ŵandu ŵa ku Isilaeli ŵaamanyilile.”
我本来不认识他。但为了让他可以显现给以色列人，我才来此用水施洗。”
32 Che Yohana ŵatusalile indu iyaiweni achitiji, “Nambweni Mbumu jwa Akunnungu achitulukaga kutyochela kwinani mpela nguunda ni kwatula pachanya pao.
约翰又给出关于耶稣的证明：“我曾看见圣灵如鸽子般从天上降落，停留在他的身上。
33 Uneji nganinaamanyilila nambo jwelejo juŵandumile ngabatisye ni meesi ŵaasalile, ‘Jwelejo juchimwaone ali nkutuluchilwa ni Mbumu jwa Akunnungu ni kwatula pachanya pao, jwelejo ni juchabatisye ni Mbumu jwa Akunnungu.’”
我本来不认识他，但派我前来用水施洗的那个人对我说：‘如果你看见圣灵降下并停留在谁身上，谁就能用圣灵进行施洗。’
34 Nipele che Yohana ŵatite, “Uneji naiweni yeleyi ni malasile umboni kuti ajuju ni Mwana jwa Akunnungu.”
我看到了所发生的一切，所以才能见证他就是上帝之子。”
35 Malaŵi jakwe, che Yohana ŵaliji sooni ni ŵakulijiganya ŵao ŵaŵili.
第二天，约翰和他的两个门徒站在那里。
36 Paŵaweni Che Yesu ali nkupita, ŵatite, “Munnole, ajuju ali Mwanangondolo jwa Akunnungu.”
约翰看见耶稣经过，就说：“看，这就是上帝的羔羊！”
37 Ni aŵala ŵakulijiganya ŵaŵili paŵampilikene che Yohana achiŵechetaga maloŵe go, ŵaakuiye Che Yesu.
那两个门徒听见他这番话，就开始跟随耶稣。
38 Nipele, Che Yesu ŵagalawiche, ŵaweni ŵakulijiganya ŵaŵili ŵa che Yohana achakuyaga ŵausisye, “Ana nkusosanga ichichi?” Ni ŵanyawo ŵajanjile, “Labi, ana nkutama kwapi?” Labi malumbo gakwe Jwakwiganya.
耶稣转过身来，看见他们跟在身后，就问：“你们在寻找什么？”他们说：“拉比（意为‘老师’），你住在哪里？”
39 Che Yesu ŵajanjile, “Njisangane ni ŵanyamwe chimmone.” Ŵakulijiganya wo ŵaakuiye, ŵapaweni paŵatamaga, jaliji mpela saa kumi ja ligulo ni ŵanyawo ŵatemi nawo lyuŵa lila.
他说：“来看看吧。”于是他们就跟随他，看到他所住的地方。当时是下午四点，这一天剩下的时间，他们都和耶稣待在一起。
40 Jumo jwa aŵala ŵakulijiganya ŵaŵili ŵaŵampilikene che Yohana achiŵechetaga maloŵe go ni kwakuya Che Yesu ŵaliji che Andulea, mpwao che Simoni Petulo.
在听从约翰跟随耶稣的那两个人中，有一个人是西门（即彼得）的弟弟安得烈。
41 Che Andulea ŵansimene kaje che Simoni mpwakwe, ni ŵansalile, “Tummweni Masiya,” yaani “Kilisito Jwakuwombola”.
他先找到自己的哥哥西门，告诉他：“我们遇见弥赛亚了！”（“弥赛亚”意为“基督。”）
42 Nipele, ŵanjawisye ku Che Yesu. Ni Che Yesu ŵannolite che Simoni ni ŵatite, “Mmwejo ni che Simoni mwanagwao che Yohana. Sano chimmilanjikwe che Kefa.” Mchigiliki Petulo, malumbo gakwe, “Lwala.”
然后他就带着西门去见耶稣。耶稣直接看着西门说：“你是约翰的儿子西门，但现在你叫做矶法。”（即“彼得。”）
43 Malaŵi jakwe Che Yesu ŵapite ku chilambo cha Galilaya. Nipele ŵansimene che Filipo ni kunsalila, “Munguye.”
第二天，耶稣决定去加利利。路上遇见了腓力，就对他说：“跟随我吧！”
44 Che Filipo ŵaliji mundu jwa musi wa ku Besesaida, musi uŵatamaga che Andulea ni che Petulo.
腓力是伯赛大人，是安得烈和彼得的同乡。
45 Nipele che Filipo ŵansosile che Nasanieli, ni paŵammweni ŵansalile, “Tummweni ajula juŵalembekwe mmalajisyo ga Akunnungu gaŵapele che Musa ni mu itabu ya ŵakulondola ŵa Akunnungu, Che Yesu kutyochela musi wa ku Nasaleti Mwana ju che Yusufu.”
腓力找到拿但业，告诉他：“我们遇见了摩西在律法书上所写，众先知所记载的那个人，他就是约瑟的儿子，拿撒勒人耶稣。”
46 Nombe che Nasanieli ŵambusisye che Filipo, “Ana chindu chambone chikukomboleka kutyochela ku Nasaleti?” Che Filipo ŵansalile, “Njise kunnole.”
拿但业说：“拿撒勒？那里能出什么好事？”腓力说：“来看看就知道了！”
47 Che Yesu paŵambweni che Nasanieli achaichililaga ŵatite, “Nnole! Jwele ali Mwisilaeli nsyenesyene, nkati mwakwe mwangali unami.”
耶稣看见拿但业向他走过来，这样评价他：“看，这是一位真正的以色列人！没有任何污点和过错。”
48 Che Nasanieli ŵausisye Che Yesu, “Ana mumanyilile chinauli?” Che Yesu ŵajanjile, “Akanammilanje che Filipo, nambweni ndi ntemi paasi pa chitela cha ntini pala.”
拿但业问他：“你怎么知道我呢？”耶稣回答：“在腓力招呼你之前，我看到你站在无花果树下。”
49 Pelepo che Nasanieli ŵatite, “Jwakwiganya, mmwe ndi Mwana jwa Akunnungu, mmwe ndi Mwenye jwa ku Isilaeli!”
拿但业欢呼道：“拉比，你是上帝之子，你是以色列的王！”
50 Che Yesu ŵansalile, “Ana mungulupilile pakuŵa nansalile kuti nammweni paasi pa chitela cha ntini pala? Chingawone gamakulungwa kupunda gelega.”
耶稣说：“你相信我，就是因为我说‘我看见你在无花果树下’这句话吗？你看到的会更多！”
51 Che Yesu ŵajendelechele kusala, “Isyene ngunsalila, chinkuwone kwinani kweugule ni achikatumetume ŵa kwinani ŵa Akunnungu achikwelaga ni kutuluka pa Mwana jwa Mundu.”
然后耶稣说：“告诉你实话，你将看见天空开启，上帝的天使在人子处上上下下。”
