Yohana 10
1 Che Yesu ŵaasalile, “Ngunsalila isyene, mundu jwalijose jwakwinjila mu lichinga lya ngondolo pangajinjilila pa nnango, nambo akwinjilila kwine, jwelejo ali jwawiyi ni jwakusumula.
我實實在在告訴你們：凡不由門進入羊棧，而由別處爬進去的，便是賊，便是強盜。
2 Nambo jwakwinjilila pa nnango, jwelejo ali jwakuchinga ngondolo.
由門進去的，才是羊的牧人。
3 Jwakulindilila akumbugulila nnango mundu jo, ni ngondolo sikupilikana liloŵe lya jwakuchinga, nombejo akusiŵilanga ngondolo syakwe jwalijose kwa liina lyakwe ni kusikoposya paasa.
看門的給他開門，羊聽他的聲音；他按著名字呼喚自己的羊，並引領出來。
4 Amalaga kusikoposya paasa akusilongolela, nombe ngondolo syo sikunkuya, pakuŵa sikulimanyilila liloŵe lyakwe.
當他把羊放出來以後，就走在羊前面，羊也跟隨他，因為認得他的聲音。
5 Ngondolo syo ngasikombola kunkuya jwannendo, nambo sisimmutuche pakuŵa ngasikumanyilila liloŵe lyakwe.”
羊決不跟隨陌生人，反而逃避他，因為羊不認得陌生人的聲音。」
6 Che Yesu ŵaasalile chitagu cho, nambo ŵandu wo nganaimanyilila chasachile kwasalila.
耶穌給他們講了這個比喻，他們卻不明白給他們所講的是什麼。
7 Nipele Che Yesu ŵaŵechete sooni, “Ngunsalila isyene, uneji ndili nnango wa kwinjilila ngondolo.
於是耶穌又對他們說: 「我實實在在告訴你們: 我是羊的門；
8 Ŵane wose ŵaŵanongolele kwika ŵaliji ŵawiyi ni ŵakusumula, nombe ngondolo syo nganisyapilikanila.
凡在我以先來的，都是賊和強盜，沒有聽從他們。
9 Uneji ndili nnango, mundu jwalijose jwakwinjila mu lichinga kwa kwinjilila kukwangu chakulupuswe, chajinjile ni kukopoka, ni kupata yakulya.
我就是門，誰若經過我進來，必可得安全；可以進，可以出，可以找到草場。
10 Jwawiyi akwika achisakaga kwiŵa ni kuulaga ni kujonanga. Uneji iiche kuti akole umi wa usyene, wangaukupungula.”
賊來，無非是為偷竊、殺害、毀滅; 我來，卻是為叫他們獲得生命，且獲得更豐富的生命。
11 “Uneji ndili jwakuchinga jwambone. Jwakuchinga jwambone akuutyosya umi wakwe kwa ligongo lya ngondolo syakwe.
我是善牧: 善牧為羊捨掉自己的性命。
12 Jwamasengo jwanganaŵa jwakuchinga, namose nganaŵa nsyene ngondolo. Pakugawona masogo gali nkwika, akusileka ngondolo ni kuutuka. Nipele masogo gakusikamula ni kusipwilinganya.
傭工，因不是牧人，羊也不是他自己的，一看見狼來，便棄羊逃跑──狼就抓住羊，把羊趕散了，
13 Mundu jo akuutuka pakuŵa ali mundu jwamasengo jwa malipilo ni ngondolo ngaŵa chindu kukwakwe.
因為他是傭工，對羊漠不關心。
14 Uneji ndili jwakuchinga jwambone. Ngusimanyilila ngondolo syangu ni ngondolo syangu sikuumanyilila une,
我是善牧，我認識我的羊，我的羊也認識我，
15 mpela ila Atati yakuti pakuumanyilila, ni uneji inguti pakwamanyilila Atati. Uneji nguutyosya umi wangu kwa ligongo lya ngondolo.
正如父認識我，我也認識父一樣；我並且為羊捨掉我的性命。
16 Sooni ngwete ngondolo sine syangaŵa sya lichinga li. Nombesyo ngusachilwa kusiichisya, nombesyo sisipilikane liloŵe lyangu ni chikuŵe mpingo umo ni jwakuchinga jumo.”
我還有別的羊，不屬於這一棧，我也該把他們引來，他們要聽我的聲音，這樣，將只有一個羊群，一個牧人。
17 “Atati akuunonyela une ligongo nguutyosya umi wangu kuti mbochele sooni.
父愛我，因為我捨掉我的性命，為再取回它來：
18 Ngapagwa mundu jwakuusumula umi wangu, uneji nguutyosya nansyene. Ngwete ukombole wa kuutyosya ni ukombole wa kuutola. Yelei ni yatite pakulajisya Atati ŵangu mbanganye.”
誰也不能痔去我的性命，而我是甘心情願捨掉它；我有權捨掉它，我也有權再取回它來：這是我由我父接受的命令。」
19 Kwa ligongo lya maloŵe ga Che Yesu, Ŵayahudi ŵatindene sooni.
因了這些話，猶太人中間又發生了紛爭；
20 Ŵajinji mwa ŵelewo ŵatite, “Akwete lisoka, ni sooni jwampugwe! Kwachichi nkumpilikanila?”
他們中有許人說: 「他附魔發瘋，為什麼還聽他呢？」
21 Ŵandu ŵane ŵatite, “Mundu jwakamwilwe ni lisoka ngakukombola kuŵecheta yelei. Ana lisoka likukombola kugaugula meeso ga ŵandu ŵangalola?”
另有些人說: 「這話不是附魔的人所能說的；難道魔鬼能開瞎子的眼睛麼？」
22 Ku Yelusalemu ko kwaliji ni chindimba chakukumbuchila kujiŵika pajika Nyuumba kwa ligongo lya Ambuje. Ni katema ko kaliji katema ka mbepo.
那時，在耶路撒冷舉行重建節，正是冬天。
23 Nombe Che Yesu ŵaliji nkwendajenda pa Nyuumba ja Akunnungu pansana pa mwenye Che Selemani.
耶穌徘徊於聖殿撒羅滿遊廊下。
24 Nipele Ŵayahudi ŵaasyungwile, ni ŵambusisye, “Ana chintuleche tuli nkuganisya mpaka chakachi? Iŵaga mmwe ndi Kilisito Jwakuwombola, ntusalile uchenene.”
猶太人圍起他來，向他說：「你使我們的心神懸疑不定，要到幾時呢？你如果是默西亞，就坦白告訴我們罷！」
25 Che Yesu ŵajanjile, “Nansalile, nambo nganimungulupilila. Masengo gingugapanganya kwa ulamusi wa Atati ŵangu gakulosya kuti une ndili jwelejo.
耶穌答覆說: 「我已經告訴了你們，你們卻不相信；我以我父的名所作的工作，為我作證，
26 Nambo ŵanyamwe ngankukulupilila pakuŵa ŵanyamwe nganimma ngondolo syangu.
但你們還是不信，因為你們不是屬於我的羊。
27 Ngondolo syangu sikupilikana liloŵe lyangu. Uneji ngusimanyilila, nombesyo sikuunguya.
我的羊聽我的聲音，我也認識他們，他們也跟隨我；
29 Atati ŵangu juŵambele ngondolo syo ali jwankulu kupunda wose, nombe ngapagwa mundu jwalijose juchakombole kusipokonya mmakono mwa Atati ŵangu.
那賜給我羊群的父，超越一切，為此，誰也不能從我父手裏將他們奪去。
30 Uneji ni Atati ŵangu tuli ŵamo.”
我與父原是一體。」
31 Nipele Ŵayahudi ŵalokwete sooni maganga kuti ŵaulaje Che Yesu.
猶太人又拿起石頭來，要砸死他。
32 Che Yesu ŵaasalile, “Nannosisye masengo gambone gamajinji gaŵambele Atati ŵangu kuti nagapanganye. Ana masengo chi gambone mwa gelego gankusaka kumulajila?”
耶穌向他們說: 「我賴我父給你們顯示了許多善事，為了那一件，你們要砸死我呢？」
33 Ŵayahudi ŵajanjile, “Ngatukumponya maganga kwa ligongo lya masengo gambone, nambo kwa ligongo lya kwatukana Akunnungu! Pakuŵa mmwejo ndi mundu pe, nambo nkulitenda Akunnungu.”
猶太人回答說：「為了善事，我們不會砸死你；而是為了褻瀆話，為你是人，卻把你自己當作是天主。」
34 Che Yesu ŵajanjile, “Ilembekwe Mmalajisyo genu kuti, Akunnungu ŵatite, ‘Ŵanyamwe ndi achiminungu?’
耶穌卻向他們說: 「在你們的法律上不是記載著：『我說過: 你們是神麼』？
35 Akunnungu ŵaaŵilasile achiminungu aŵala wose ŵaŵasalilwe liloŵe lyao, ni uweji tuimanyi kuti Malembelo ga Akunnungu gakuŵecheta usyene moŵa gose.
如果，那些承受天主的話，天主尚且稱他們為神──而經書是不能廢棄的──
36 Sambano Atati asagwile ni kunduma pachilambo pa. Kwachichi ŵanyamwe kuusalila, ngwatukana Akunnungu, panguti, uneji ndili Mwana jwa Akunnungu.
那麼，父所祝聖並派遣到世界上來的，因為說過: 我是天主子，你們就說: 你說褻瀆的話麼？
37 Iŵaga ngangupanganya masengo gaasachile Atati ŵangu nagapanganye, nkangulupilila une.
假使我不做我父的工作，你們就不必信我；
38 Nambo iŵaga ngugapanganya masengo gao, natamuno munaangulupilile uneji, ngakulupilile masengo gangu. Pelepo chimmanyilile kusyene kuti Atati ali mwangu une ni uneji ndili mwa Atati.”
但若是我做了，你們縱然不肯信我，至少要信這些工作，如此你們必定認出父在我內，我在父內。」
39 Nipele ŵalinjile sooni kwakamula Che Yesu, nambo ŵalikulupwisye ni kutyoka.
他們又企圖捉拿他，他卻從他們手中走脫了。
40 Che Yesu ŵajawile sooni pesi lusulo lwa Yolodani, kwiuto kuŵabatisyaga che Yohana ŵandu kula ni kutama kweleko.
耶穌又到約旦河對岸，若翰先前施洗的地方去了，並住在那裏。
41 Ŵandu ŵajinji ŵanjaulile ni kuti, “Che Yohana nganaapanganya chimanyisyo chachili chose. Nambo yose yaisasile che Yohana nkati mundu ju ili isyene.”
有許多人到他那裏說：「若翰固然沒有行過神跡，但若翰關於這人所說的一切，都是真的。」
42 Kweleko ŵandu ŵajinji ŵaakulupilile Che Yesu.
許多人就在那裏信了耶穌。
