Masengo 27
1 Paŵalamwile kuti tujaule ku Italia ni ngalaŵa ŵammisile che Paolo pamo ni ŵatawe ŵane mmakono ga che Juliasi, juŵaliji jwankulu jwa ŵangondo mumpingo waukuŵilanjikwa “Mpingo wa Agusto.”
到了将我们押送到意大利的时候，帝国团中一位名叫犹流的百夫长负责看管保罗和其他囚犯。
2 Twakwesile ngalaŵa jekulungwa jijatyochelaga ku Adiliamiti, jijaliji chile kutanda ulendo kupitila mbwani ja chilambo cha ku Asia ni twatandite ulendo. Che Alisitako mundu jwa ku Makedonia kutyochela ku Sesalonike ŵalongene noweji.
我们坐上一艘来自亚大米田的船，它将要开往亚西亚沿岸的海港。我们上船后就出发了，还有一人与我们同行：马其顿的帖撒罗尼迦人亚里达古。
3 Lyuŵa lyaaŵili twaiche ku Sidoni ni ngalaŵa. Nipele che Juliasi ŵaapanganichisye yambone che Paolo, ŵalesile ajaule kwa achambusangagwe kuti apegwe yaikwasoŵa.
第二天我们在西顿短暂停留，犹流对保罗非常友好，允许他到岸上看朋友，接受他们的招待。
4 Kutyochela kweleko twajendelechele ni ulendo, ni twapite mungulugulu chilumba cha Kupulo tuchilisepusyaga ni mbungo jijaliji jininkupuga nnope kutyochela paujo petu.
随后我们又从那里继续出发，因为是逆风，船便向塞浦路斯的背风地点驶去。
5 Twajombweche bahali ja Kilikia ni Pamfilia ni twaiche mmusi wa Mila chilambo cha ku Likia.
船只直接穿过基利家和旁非利亚一带的水域，抵达了吕家的每拉港。
6 Ni kweleko jwankulu jwa ŵangondo jula ŵajisimene ngalaŵa jekulungwa jichikopochelaga ku Alekisandilia kwaula ku Italia, nombejo ŵatujinjisye mwelemo.
在那里，百夫长找到一艘来自亚历山太，开往意大利的船只，于是安排我们上了这艘船。
7 Twajesile mbolembole moŵa gamajinji ni twaiche pachiŵandi ni Nido nkulaga. Pakuŵa mbungo jatusiŵilile kuendelechela ni twapite kusini kwa chilumba cha Kilete kuŵandikana ni Salomone.
但这艘船在随后的几天行驶得都很缓慢，好不容抵达革尼土对面的海域。因为逆风的缘故，船只无法继续前行，只能在撒摩尼附近背风穿过克里特的海域。
8 Twapite mumbwani kwa kulaga ni twaiche peuto papakuŵilanjikwa “Bandari jambone,” pachiŵandi musi wa Lasea.
沿着海岸行驶的这段航程很困难，最终抵达了拉西亚城附近一个名叫美港的地方。
9 Gaapite moŵa gamajinji ni moŵa gakutaŵa gaapite, ni twaliji mmoŵa ga kogoya kuendelechela ni ulendo wa mu ngalaŵa. Nipele che Paolo ŵaajamwiche achitiji,
这段旅程已经浪费了不少时间，未来的航程也很危险，此时都已过了禁食节。保罗警告他们说：
10 “Achalongo achinjangu, nguwona kuti ulendo wu chiuŵe wa kogoya ni kusoyesya indu, ngaŵa kwa ndundu ni ngalaŵa pe, nambo kwa umi wetu nombe.”
“各位，我估计这次旅程会非常困难，而且会有损失，不只是货物和船只，连我们的性命也危在旦夕。”
11 Nambo jwankulu jwa ŵangondo jula ŵagapikanile nnope maloŵe ga juŵalongosyaga ngalaŵa ni nsyene ngalaŵa kupunda maloŵe gaŵaŵechete che Paolo gala.
但百夫长更相信船长和船主的建议，把保罗的警告当耳旁风。
12 Pakuŵa bandari jo nganijiŵa jambone kutama moŵa ga mbepo, ŵandu ŵaŵatupile ŵajitichisye kuendelechela ni ulendo yakombolekaga aichanje ku Finikisi ni kutama kweleko katema ka mbepo ko. Finikisi jili bandari ja Kilete jajilolite kwiŵanda ni kwichela.
由于这个港口很小，无法在此过冬，所以大多数人主张继续航行，可以到非尼基去过冬——那是位于克里特的一个朝向西北和西南的港口。
13 Mbungo ja kusi jatandite kupuga ni ŵaganisisye kuti chakombole kutendekanya iŵasachile yo. Nipele ŵanyakwile nanga ni kuŵika mu ngalaŵa, ŵajendelechele ni ulendo ŵapite mbwani kwa mbwani ni kwika ku mbwani ja Kilete.
这时海上开始刮起和缓的南风，他们认为可以按计划进行，于是就起锚沿着克里特海滩接近海岸的路线航行。
14 Nambo pangakaŵa, mbungo jekulungwa jati mpela chimbunga jajikuŵilanjikwa “Mbungo ja kaskazi” japujile kutyochela ku chilumba.
但很快，从陆地向海上刮起了一阵名为“东北风”的飓风。
15 Ngalaŵa jila jagombilwe ni mbungo, nombejo nganijikombola kujipunda mbungo, nipele twajilesile jiseleleche ni mbungo.
船只被困在海中，无法迎风前行，只好随风飘流。
16 Nkwenda mo twapite upande wa kusini mwa chilumba chachinandi liina lyakwe Kauda, twakombwele kwakulimba nnope kugopola ntumbwi wa kwakulupuchisya ŵandu mu ngalaŵa jekulungwa jila.
最终我们来到一个名为高达的小岛，这里可以背风行驶。我们还花了很大力气将救生艇拉住。
17 Achikatumetume ŵaali mu ngalaŵa ŵala paŵanyakulile ntumbwi ula nkati, ŵautaŵilile mu ngalaŵa jila ni ngonji kuulimbisya kuti unajonasiche ni mbungo. Ni pakuŵa ŵajogopaga kutitimila munsanga wejinji mu mbwani ja Libia, kwa yele ŵagatulwisye matanga ni ŵagambaga kwenda pe ni mbungo.
水手把小艇吊起来，用缆索绕在船身将其捆好。他们担心船会在赛耳底的浅滩搁浅，于是放下船帆，任其飘流。
18 Mbungo jekulungwa jila jajendelechele kupuga ni malaŵi jakwe ŵatandite kwasila ndundu mu bahali.
船只在风浪中剧烈颠簸。第二天，船员们开始将货物拋在海里，
19 Ni lyuŵa lyaatatu ŵajasile ni makono gao achinsyene yoombo ya mu ngalaŵa jekulungwa.
第三天，他们又将船上的设备扔掉。
20 Moŵa gamajinji nganitukombola kuliwona lyuŵa atamuno ndondwa ni mbungo jekulungwa jila japundile nnope. Chilolelo chose chati tutulame chamasile.
接连数天都看不见太阳或星辰，肆虐的暴风雨铺天盖地，看起来我们似乎没有一点生还的希望。
21 Paŵatemi pangalya moŵa gamajinji, wajimi che Paolo pasikati pao ni kuti, “Achambusanga ŵangu nkambikanichisye une kuti kasintyoka ku Kilete ngankalaje kwantinyi ni kupotesya indu yi.
船上的人已经很久没有进食了。保罗站在他们面前，说：“各位，你们本该听我的，不要离开克里特，那样就可以避开这样的灾难和损失了。
22 Sambano ngunchondelela, nkamulichisye ntima pakuŵa ngapagwa jwalijose mwa ŵanyamwe juchawe nambo ngalaŵa pe ni jichijijonasiche.
但现在我想说的是，鼓起勇气，因为除了这艘船被毁，你们所有人都不会丢掉性命。
23 Pakuŵa chilo katumetume jwa kwinani jwa Akunnungu, Akunnungu jwandesile une kuŵa jwao ni jungwapopelela ŵangopochele,
因为昨晚，我所侍奉的上帝派来天使站在我身边，对我说：
24 ni kuusalila, ‘Kasinjogopa che Paolo! Ikuŵajilwa mmwejo kwima paujo pa Mwenye jwa ku Loma. Kwaligongo lyenu mwe Akunnungu chiŵakulupusye wose ŵaali mu ulendo pamo nomwe.’
‘保罗，不要怕。你一定会站在凯撒面前接受审判。看，上帝慷慨地赐予你这些人，他们与你同船而行。’
25 Nipele nkamulichisye ntima, pakuŵa ngwakulupilila Akunnungu kuti chiitendekwe mpela indite pakusalilwa.
所以各位，拿出勇气来。我相信上帝，我确信事情一定会像我说的那样。
26 Nambo chituponyekwe pa chilumba chimo.”
但是我们会在一个岛上失事。”
27 Chilo cha lyuŵa lya kumi na nne twaliji tuninkukwekwelemya akuno ni akunokuno ni meesi mu bahali ja Mediteleniani. Chilo nnope achikatumetume ŵaali mu ngalaŵa ŵaganisisye kuti tuŵandichile munsanga.
到了第十四天的午夜，我们还在亚得里亚海面被风吹着。水手感觉这里应该距离陆地不远了。
28 Nipele ŵatulwisye ngoji wawataŵilile chindu chakutopela achisakaga kupima amanyilile ipatite kwendesya ni ŵapatile makono alobaini. Kanyuma kanandi ŵapimile sooni ni ŵapatile makono selasini.
于是他们探测了一下水深， 40 米，继续往前再探测， 30 米。
29 Ni pakuŵa ŵajogopaga kukwama papali ni lwala, ŵatulwisye nanga ncheche sya kunyuma kwa ngalaŵa ni kupopela kuti kucheje.
他们怕船只可能会在乱石上搁浅，于是就从船尾拋下四个锚，祈祷天亮。
30 Ni ŵaŵalongosyaga ngalaŵa ŵala ŵasachile kutila kutyochela mu ngalaŵa ni ŵautulwisye ntumbwi ula achinamanilaga akutulusya nanga sya paujo.
水手们想要弃船逃生，于是假装要从船头拋锚，其实是想把救生艇放在海面上。
31 Nambo che Paolo ŵansalile jwankulu jwa ŵangondo jula pamo ni ŵangondo ŵane, “Iŵaga ŵanyaŵa ngaatama mu ngalaŵa ngankulupuswa.”
保罗对百夫长和士兵说：“水手如果不留在船上，你们必死无疑！”
32 Papopo ŵangondo ŵala ŵakatile migoji jijakamulile ntumbwi ni ŵaulesile ujigalikwe ni meesi.
于是士兵砍断拴着救生艇的绳子，任它消失在海中。
33 Kukanaŵe kucha che Paolo ŵachondelele wose kuti alye chakulya achitiji, “Lelo jino lyuŵa lya kumi na nne ntemi ni sala nli nkulolela, pangalya chindu chachili chose.
天快亮的时候，保罗劝大家吃点东西。他说：“你们忧心忡忡地想着这件事，已经连续 14 天没有吃东西了！
34 Nipele ngunchondelela nlye, pakuŵa chichinkulupusye kuti nkawa. Pakuŵa ngalujasika namuno luumbo lumo lwa pa mitwe jenu.”
听我劝，吃点东西吧，这可以让你们有力气！因为你们所有人连一根头发都不会失去。”
35 Che Paolo paŵamasile kuŵecheta yeleyo ŵajigele nkate, nipele ŵatogolele Akunnungu paujo pa wose, ŵagaŵenye ni kutanda kulya.
保罗说完就拿起饼，在众人面前感谢上帝，然后把饼掰开吃。
36 Nipele wose ŵakamulisye ntima, nombewo ŵalile.
众人受到鼓舞，也开始进食。
37 Ŵatwaliji mu ngalaŵa twaliji ŵandu mia mbili ni sabini na sita.
我们这艘船上的共有 276 人，
38 Patwalile wose ni kwikuta, ŵajijalwisye ngalaŵa jekulungwa kwakwasila ngano mu bahali.
大家吃饱后，为了减轻船只的负荷，水手把船上的麦子拋在海里。
39 Pakwachele ŵaŵalongosyaga ngalaŵa ŵala nganachimanyilila chilambo chila, nambo ŵauweni nsanga ku mbwani. Nipele ŵasachile kujijimika ngalaŵa kweleko naga chakombole.
黎明时分，他们来到一个不知名的海岸线，只看见一个海湾和一片海滩。他们计划在那里尝试将船搁浅。
40 Ŵakatile ngonji sya nanga ni kusileka mu bahali ni ŵagopwele ngonji sisyataŵikwe pa usukani ni kwinamukula tanga ja paujo pa ngalaŵa kuti jikamule mbungo ni kwajausya ku mbwani.
他们砍断拴着锚的绳子，将锚丢在海里，同时又松开舵绳，拉起前帆，顺着风向那片海滩驶去。
41 Nambo ŵaiche pamalekano pagachingangene matala gaŵili ga meesi ga bahali ni ngalaŵa jatanjile palapala. Upaande wa paujo pa ngalaŵa watitimile munsanga pangali kutinganyika, nambo upaande wa panyuma watandite kutemeka kwa ligongo lya machili ga matumbela.
但船还是卡在了沙洲处，船搁浅了，船头卡在沙滩上，一动不动。船尾则被大浪冲击，撞得粉碎。
42 Ŵangondo ŵasachile ŵaulaje ŵataŵikwe wose atakojelela ŵane ni kutila.
士兵想要杀了所有囚犯，防止有人游泳逃脱。
43 Nambo jwankulu jwa ŵangondo achisakaga kwakulupusya che Paolo, ŵaalekasisye ŵangondo akatenda yeleyo. Ŵalamwile ŵaakukombola kojelela alilechelele mmeesi ni kwika kunsanga.
但百夫长想要救保罗，就制止了他们的这个念头，吩咐会游泳的跳下水，先到岸上去，
44 Ni ŵaakusigalila wo, ŵane akamulile mbao ni ŵane ipitingwa iyatemeche mu ngalaŵa. Iyoyo ŵandu wose ŵaiche kwa chitendewele ku nsanga.
其余的人可以借助木板或船上的设备上岸。最终，所有人都安全登陆。
