Masengo 16
1 Che Paolo ŵaiche ku Debe ni ku Lisita, kweleko ŵatemi mundu jwakunkuya Che Yesu liina lyakwe che Timoseo. Achikulugwe che Timoseo ŵaliji Myahudi nombejo ŵaliji mundu jwakwakulupilila Che Yesu, nambo atatigwe ŵaliji Mgiliki.
保罗先去了特庇，然后又到了路司得。在那里有一位名叫提摩太的信徒，其母亲是犹太基督徒，父亲则是一名希腊人。
2 Che Timoseo ŵakunguluchilwaga umboni wambone ni ŵandu ŵakunkulupilila Kilisito ŵa ku Lisita ni ku Ikonio.
提摩太在路司得和以哥念的兄弟中名声很好，
3 Che Paolo ŵasachile kunjigala che Timoseo mu ulendo wao, nipele ŵambumbesye. Ŵatesile yeleyo ligongo lya Ŵayahudi ŵaŵaliji mu ilambo mo pakuŵa wose ŵamanyilile kuti atatigwe che Timoseo ŵaliji Mgiliki.
保罗希望带上他一同旅行，但由于当地的犹太人都知道他父亲是希腊人，所以他给他行了割礼。
4 Paŵapitaga mmisi jila ŵapele ŵandu malajisyo gaŵakopwesye achinduna ni achachekulu ku Yelusalemu kula ni kwasalila kuti agakamulichisye.
他们随后便一起去往其他城市，向其他信徒们讲述耶路撒冷使徒和长老所定下的规矩。
5 Nipele, mipingo ja ŵandu ŵakunkulupilila Kilisito japundile kulimbangana mu chikulupi, ni winji wa ŵandu ŵakunkulupilila Che Yesu wajonjesyeche lyuŵa ni lyuŵa.
众教会更坚定地相信主，信徒的数量与日俱增。
6 Che Paolo ni achinjakwe ŵapite mu ilambo ya ku Filigia ni ku Galatia ligongo Mbumu jwa Akunnungu ŵakanyisye akaalalichila ŵandu utenga wo mu chilambo cha ku Asia.
由于圣灵阻止他们在亚西亚传道，于是他们就走遍了弗吕家和加拉太地区。
7 Paŵaiche mmipika ja ku Misia, ŵasachile kwaula ku Bisinia, nambo Mbumu ju Che Yesu ŵakanyisye.
来到每西亚边境时，他们打算去庇推尼，但耶稣的圣灵不允许他们进入这座城市。
8 Nipele ŵapelengenye Misia ni kutuluchila ku Tuloa.
于是他们经由每西亚来到特罗亚。
9 Chilo chichocho pecho, che Paolo ŵaiweni yakuwona yati, mundu jwa ku Makedonia ŵajimi achachondelelaga achitiji, “Njomboche, nnyiche ku Makedonia kuntukamusye.”
保罗在夜里看到了一番异象，一名马其顿人站着恳求他说：“请到马其顿来帮帮我们！”
10 Che Paolo paŵagaweni gelego mu yakuwona, papopo twaliŵichile chile kwaula ku Makedonia pakuŵa twaiweni kuti Akunnungu atuŵilasile tukaalalichile ŵandu Ngani Jambone.
保罗见此异象后，我们认为上帝在召唤我们去那里传播福音，于是立刻安排了去往马其顿的行程。
11 Kutyochela ku Tuloa twajesile ni ngalaŵa mpaka ku Samotalaki, malaŵi jakwe twaiche ku Neapoli.
我们从特罗亚乘船直接去了撒摩特拉，第二天又赶往尼亚波利，
12 Kutyochela kweleko, twajawile mpaka ku Filipi musi wekulungwa wa chilambo cha ku Makedonia ni sooni musi wo waliji musi wautaŵikwe ni Ŵaloma. Twatemi mmusi mo kwa moŵa gampepe.
从那里去了腓立比，这也是马其顿最重要的城市，同时也是罗马的殖民地，然后在城里住了几天。
13 Pa lyuŵa lya Kupumulila twakopweche paasa musi ni twajawile kungulugulu lusulo kutwaganisyaga kuti kwana kwakupopelela. Twatemi ni kukunguluka ni achakongwe ŵaŵasongangene pelepo.
安息日那天，由于考虑到人们会到河边祈祷，所以我们出了城去往河边，然后坐下，与聚集在那里的妇女交流。
14 Mwa ŵaŵatupikanilaga ŵala jwapali jwankongwe jwakwapopela Akunnungu liina lyao che Lidia jwa musi wa ku Siatila, juŵasumisyaga iwalo ya ntengo. Ambuje ŵaugwile ntima wakwe kuti akamulisye iŵaŵechetaga che Paolo yo.
其中一位妇女名叫吕底亚，在推雅推拉城众售卖紫色布料，敬仰主的她专心聆听我们的话语。主开启她的心灵，让她留心保罗的言语，接受了他对她的教诲。
15 Che Lidia paŵabatiswe pamo ni ŵaali mu nyuumba jakwe, ŵatuchondelele achitiji, “Iŵaga nkulola kuti ngwakulupilila Ambuje, njinjilanje mu nyuumba jangu ni kutama mwelemo.” Ni ŵatuchisisye tujaule.
她和家人受洗之后，就恳请我们：“你们如果认为我是对主一心一意，就请到我家来住吧。”她坚持邀请我们，直到我们答应了这个请求。
16 Lyuŵa limo patwajaulaga kwiuto kwa mapopelelo kula, twasimene ni kapolo mwali jwana lisoka lya kulondola. Mwali jo ŵaliji nkwapa achambujegwe mbiya syesijinji kwa ulondole wakwe.
有一天，我们正在去往祈祷的场所，路上遇到一名被恶灵附体的婢女。她因为擅长占卜，为她的主人们赚取丰厚收入。
17 Nipele mwali jo ŵankuiye che Paolo noweji achinyokonyaga kuti, “Ŵandu ŵa ali achikapolo ŵa Akunnungu Ŵakulu. Akunsalila ichinjile pakukulupuswa.”
这婢女跟在我们身边，大声喊：“这些人是至高上帝的仆人，向你们宣讲如何获得救赎。”
18 Yeleyo ŵatendaga moŵa gamajinji, mbesi lyuŵa limo che Paolo yachimile ni ŵangalauchile ni kulisalila lisoka lyo, “Ngunlamula kwa ulamusi u Che Yesu Kilisito nkopoche mwa mwali ju!” Papopo lisoka lyo lyakopweche.
她一连几天都这样做，保罗感到不胜其烦，于是转身对那恶鬼说：“以耶稣基督之名，命令你从她身上出来！”那恶鬼就离开了她的身体。
19 Nambo achambujegwe mwali jo paŵaiweni kuti chilolelo chao chakupata ipanje chimasile, ŵaakamwile che Paolo ni che Sila ni kwakwekwelemya mpaka pakusumichisya malonda, mmbujo mwa achakulu ŵa musi.
但她的主人们看见自己的财路断了，就拉着保罗和西拉去见集市上的长官，
20 Nipele ŵaapeleche kwa ŵamalamulo achitiji, “Ŵandu ŵa ali Ŵayahudi ŵakuutindiganya musi wetu.
他们将两人带到裁判官面前，说：“这些犹太人人正在扰乱我们的城市。
21 Akwiganya masyoŵelo gangaŵajilwa mmalajisyo getu uweji ŵatuli Ŵaloma ngatukukombola kwajitichisya atamuno kuipanganya.”
对于我们罗马人而言，接受或践行他们所鼓吹的事情，是不合法的。”
22 Mpingo wa ŵandu walumbikene ni kwaputa che Paolo ni che Sila, nipele ŵamalamulo ŵala ŵaausile che Paolo ni che Sila iwalo yao ni kwalamula aputikwe mbokola.
民众纷纷攻击他们，裁判官剥去他们的衣服，下令对他们施以棍刑。
23 Paŵamasile kwaputa kwannope ŵaaŵisile mu nyuumba jakutaŵilwa ni kunlajisya jwakulindilila nyuumba jakutaŵilwa kuti ŵaagose uchenene.
用棍子打了他们以后，就把他们投入监牢，吩咐狱卒看住他们。
24 Nombe paŵagapochele malajisyo gala, ŵaaŵisile che Paolo ni che Sila mu chuumba cha munkati nnope mu nyuumba jakutaŵilwa jila ni ŵaataŵilile makongolo gao pa likongwa.
狱卒遵命把他们押入内部的牢房，将他们的两脚拴在木柱上。
25 Nambo pasikati chilo che Paolo ni che Sila ŵaliji nkwapopela Akunnungu ni kwajimbila nyimbo sya kwalapa ŵaŵataŵikwe ŵane ŵala ŵaliji nkwapikanila.
大约午夜时分，保罗和西拉向上帝祈祷并唱起颂歌，引来其他囚犯们侧耳听着。
26 Chisisimuchile chakopochele chindendemesi chekulungwa cha lisi chati misingi ja nyuumba jakutaŵilwa jatinganyiche. Papopo minango jose jaugwiche ni minyolo jijaataŵile ŵaŵataŵikwe ŵala jakutwiche.
忽然发生了大地震，震撼了监牢的地基，所有的牢房门立刻打开，囚犯身上的锁链也脱落了。
27 Jwakulindilila nyuumba jakutaŵilwa jula paŵajimwiche ni kujiwona minango ja nyuumba jeugule ŵaganisisye kuti ŵaŵataŵikwe wose ŵatisile. Nipele ŵasolomwele upanga wakwe, ŵatiji aliulaje.
狱卒醒来后发现牢门全开，以为囚犯都已逃脱了，便拔出刀来想要自刎。
28 Nambo che Paolo ŵambilasile kwa liloŵe lyekulungwa, “Nkaliulaga pakuŵa wose tuli mmumu.”
保罗大喊：“别伤害自己，我们都在这里！”
29 Jwakulindilila nyuumba jakutaŵilwa jula paŵaŵendile apegwe lumuli, ŵaguluchile nkati ni kugwa mmbujo pa makongolo ga che Paolo ni che Sila achitetemelaga kwa lipamba.
狱卒叫人拿来灯，然后冲了进去。看到保罗和西拉，便全身颤抖着俯伏在他们面前。
30 Nipele ŵaajigele che Paolo ni che Sila ni kwakoposya paasa ni kwausya, “Achambuje, ana ikuumajila kupanganya chichi pakuti ngulupuche?”
随后他便护送二人出了监牢，问到：“先生们，我该怎样做才能得救？”
31 Che Paolo ni che Sila ŵajanjile, “Mwakulupilile Ambuje Che Yesu, ni pachinchikulupuswa mmwejo ni ŵaali mu nyuumba jenu.”
他们说：“相信主耶稣，你和全家人就会获得救赎。”
32 Nipele che Paolo ni che Sila ŵanlalichile Liloŵe lya Ambuje jwakulindilila jo pamo ni wose ŵaali mu nyuumba jakwe.
然后，他们就开始向他和全家人宣讲主之道。
33 Katema kakoko ka chilo jwakulindilila jwa nyuumba jakutaŵilwa jo ŵaajigele che Paolo ni che Sila ni kugajosya maŵanga gao. Nipele ŵabatiswe jwakulindilila pamo ni wose ŵaali mu nyuumba jakwe.
尽管当时已是深夜，狱卒还是为使徒清洗伤口，然后和家人一起受了洗。
34 Nipele jwakulindilila jwa nyuumba jakutaŵilwa jo ŵaajigele che Paolo ni che Sila ni kwajausya ku nyuumba jakwe ni ŵapele chakulya. Ni nsyene pamo ni ŵaali mu nyuumba jakwe ŵasangalele kwannope pakuŵa sano akwakulupilila Akunnungu.
他将使徒们带回家中，为其准备饭菜，他和全家因相信上帝而获得极大的喜悦。
35 Pakwachele ŵamalamulo ŵa Chiloma ŵalajisye achakulu ŵa ŵakulindilila nyuumba jakutaŵilwa achitiji, “Mwalechele ŵandu ŵala ajaulangane.”
第二天清晨，裁判官派法警来找狱卒，说：“放了那些人。”
36 Jwakulindilila nyuumba jakutaŵilwa jula ŵansalile che Paolo ngani jo achitiji, “Ŵamalamulo alajisye utenga kuti alakwe ni che Sila nlecheleswe. Sambano njaule kwa chitendewele.”
狱卒对保罗说：“裁判官派人来释放你们，现在你们可以平安地离开了。”
37 Nambo che Paolo ŵansalile jwankulu jwa ŵakulindilila jo, “Nkuti uli? Nachiŵamuno nganitukola magambo, atuputile mbokola pelanga akuno uweji tuli Ŵaloma. Sooni ŵatuŵisile mu nyuumba jakutaŵilwa ni sambano ana akutukoposya kwachisyepela? Ngwamba! Akusachilwa aichanje achinsyene kukutukoposya.”
但保罗对他们说：“我们是罗马人，但他们在没有审判的情况下就公开殴打我们，将我们投入监牢，现在又想让我们悄悄地走？不行！他们应当亲自来释放我们！”
38 Achakulu ŵa ŵakulindilila ŵala ŵajawile kukwasalila ŵamalamulo yankati ngani jo, ni ŵamalamulo ŵala paŵapilikene kuti che Paolo ni che Sila ŵaliji Ŵaloma, ŵajogwepe.
法警回去报告，裁判官听说保罗和西拉是罗马人，感到很害怕，
39 Nipele, ŵaiche ni kwachondelela ŵanyawo kuti ŵalechelesye ni paŵakopwesye ŵachondelele kuti akopoche pa musi wo.
于是跑来向他们道歉，亲自护送他们出了监牢，恳请他们离开这座城。
40 Che Paolo ni che Sila ŵakopweche mu nyuumba jakutaŵilwa ni kwaula ku nyuumba ji che Lidia. Kweleko ŵasimene ni ŵandu ŵakunkulupilila Che Yesu ŵakamulisye mitima ni ŵatyosile.
两人离开监牢后去了吕底亚的家，在那里见到了其他信徒，鼓舞他们一番后便离开了。
