1 Yohana 4
1 Achambusanga ŵangu, ngasimunkulupilila mundu jwalijose jwakuti akulongoswa ni Mbumu jwa Akunnungu, nambo munninje nnole kanga mbumu jo akutyochela kwa Akunnungu pane ngaŵa, pakuŵa ŵakulondola ŵa unami ŵajinji akopochele pachilambo.
亲爱的朋友，不要相信所有灵，而是要对灵进行考验，看看这些灵是否出于上帝，因为已有许多假先知来到这世界。
2 Yeleyi ni ichinjile pakummanyilila mundu jwakulongoswa ni Mbumu jwa Akunnungu, mundu jwalijose jwakuitichisya kuti Che Yesu Kilisito ŵaiche ni kuŵa mundu, mundu jo akulongoswa ni Mbumu jwa Akunnungu.
你们如何识别上帝的灵？凡是承认耶稣基督以人类的身形来到这世界，那灵就是来自上帝。
3 Nambo mundu jwalijose jwangakunjitichisya Kilisito yeleyi, jwelejo nganakola Mbumu jwakutyochela kwa Akunnungu. Mundu jo akulongoswa ni mbumu jwakwakanila Kilisito, ni mbumu jumwapilikene akwika, sambano amasile kwika pachilambo.
那些不接受耶稣的灵，就不是来自上帝。事实上，这样的灵是反基督的灵，你们听过他要来，现在他已经来到这世界。
4 Ŵanyamwe ŵanache ndi ŵanache ŵa Akunnungu ni mwampundile ŵakulondola ŵaunami, ligongo mbumu jwa Akunnungu jwali munkati mwenu ali jwankulu kumpunda jwele jwali munkati mwa ŵandu ŵa pachilambo.
但你们属于上帝，并且已经胜过他们，因为在你们之中的那一位，远比已在这世上的那一位更伟大。
5 Ŵakulondola ŵaunami akuŵecheta indu ya pachilambo, ni ŵandu ŵa pachilambo akwapilikanila ligongo ŵelewo ali ŵa pachilambo pano.
他们属于这个世界，所以都用着这个世界的说话方式，这个世界也就听他们的。
6 Uweji tuli ŵandu ŵa Akunnungu, ni mundu jwalijose jwakwamanyilila Akunnungu, jwelejo akutupilikanila. Nambo mundu jwalijose jwangakummanyilila Akunnungu, jwelejo ngakutupilikanila. Yeleyo ni yatukuti pakummanyilila Mbumu jwausyene ni mbumu jwaunami.
我们属于上帝，认识上帝的就会听我们的，不属于上帝的就不会听我们的。通过这种方式，我们就可以辨别真理的灵和谬误的灵。
7 Achambusanga ŵangu, tunonyelane, pakuŵa unonyelo ukutyochela kwa Akunnungu. Ni mundu jwalijose jwakwete unonyelo ali mwanache jwa Akunnungu ni akwamanyilila Akunnungu.
亲爱的朋友们，让我们继续彼此相爱，因为爱来自上帝。爱其他人，你就是上帝所生，就认识上帝。
8 Mundu jwalijose jwanganakola unonyelo, jwelejo ngakummanyilila Akunnungu, pakuŵa Akunnungu ali unonyelo.
不爱其他人，就不认识上帝，因为上帝就是爱。
9 Akunnungu ŵaulosisye unonyelo wao kukwetu kwa kuntuma Mwanagwe jwajikajikape pachilambo, kuti kwa litala lya jwelejo tukole umi wa usyene.
上帝如何向我们显明爱？上帝派他唯一的独子来到这个世界，要让我们可以借着他而活；
10 Weleu ni unonyelo, ngaŵa kuti uweji twanonyele Akunnungu, nambo kuti ŵelewo ŵatunonyele uweji, ni ŵantumile Mwanagwe aŵe mbopesi kuti tulecheleswe sambi syetu.
这就是爱！不是我们爱上帝，而是上帝爱我们，他派他的儿子成为我们的罪被赦免的手段。
11 Ŵakunonyelwa ŵangu, naga Akunnungu ŵatunonyele kwanti yeleyo, nipele nowe ikutuŵajila tunonyelane jwine ni jwine.
朋友们，如果上帝就是通过这种方式爱我们，我们也应当以这种方式彼此相爱。
12 Ngapagwa mundu jwawayiye kwawona Akunnungu, nambo twanonyelanaga Akunnungu akutama nkulumbikana ni uwe, ni unonyelo wakwe ukumalila mwetuwe.
没有人曾见过上帝。但如果我们彼此相爱，上帝就住在我们之中，他的爱就会在我们中得以实现。
13 Kwa litala li tukumanyilila kuti tukutama nkulumbikana ni Akunnungu, ni Akunnungu akutama nkulumbikana ni uweji, pakuŵa atupele Mbumu jwao.
我们如何知道我们住在他之中，他也住在我们之中？因为他给了我们通过他的灵去爱的能力。
14 Noweji tuiweni ni tukwasalila ŵandu ŵane umboni kuti, Atati antyosisye Mwanagwe aŵe Nkulupusyo kwa ŵandu ŵa pachilambo.
因为我们就是我们所见之事的见证人，见证父派子作为这世界的救世主。
15 Mundu jwalijose jwakuitichisya ni kuti Che Yesu ali Mwana jwa Akunnungu, Akunnungu akutama nkulumbikana ni jwele, nombejo akutama nkulumbikana ni Akunnungu.
凡是宣称耶稣是上帝之子的人，上帝就住在他们之中，他们也住在上帝之中。
16 Noweji tuumanyi ni kuukulupilila unonyelo wa Akunnungu walinawo kukwetu. Akunnungu ali unonyelo ni mundu jwalijose jwakutama mu unonyelo akutama nkulumbikana ni Akunnungu, ni Akunnungu akutama nkulumbikana ni jwelejo.
我们已经经历并相信上帝对我们的爱。上帝就是爱，活在爱之中的人，活在上帝之中的人，上帝也活在他们之中。
17 Unonyelo umalile mwetuwe, kuti tukole chilolelo pa lyuŵa Akunnungu pachiŵalamule ŵandu. Nombe chitukole chelecho pakuŵa umi wetu pachilambo pa, ukulandana ni umi wa Che Yesu Kilisito.
这就是爱让我们完整的方式，这样我们就可以在审判日充满信心：因为我们在这个世界上的生活，就像他一样。
18 Mu unonyelo mwangali lipamba. Unonyelo waumalilwe ukutopola lipamba, pakuŵa mundu jwakwete lipamba nganaŵe kumalilwa mu unonyelo. Pakuŵa mundu jwakwete lipamba akukujogopa kulamulikwa.
有爱的地方就没有恐惧。上帝给了我们全部的爱，这种爱驱散了我们所有恐惧。如果我们害怕，那是因为我们害怕受到惩罚，这表明我们还没有完全被上帝全部的爱所改造。
19 Uweji tukunonyelana pakuŵa Akunnungu ŵatunonyele uweji kaje.
我们爱，是因为上帝先爱我们。
20 Mundu atiji ngwanonyela Akunnungu, akuno alinkunchima nlongo njakwe, ali jwaunami. Pakuŵa mundu jwangakunnonyela nlongo njakwe jwakumbona, ngakupakombola kwanonyela Akunnungu ŵangakwaŵona.
如果有人说“我爱上帝”，却恨其他基督徒兄弟姐妹，那这个人就是在说谎。如果不爱他们所看到的兄弟，就无法爱那看不见的上帝。
21 Kilisito ŵatupele lilajisyo li: Mundu jwakwanonyela Akunnungu akusachilwa iyoyo annonyele ni nlongo njakwe.
爱上帝的人，也应当爱他的兄弟姐妹，这就是上帝给我们的命令。
