雅歌 4
1 我的佳偶，你甚美麗！你甚美麗！ 你的眼在帕子內好像鴿子眼。 你的頭髮如同山羊群臥在基列山旁。
Hĩ, kaĩ wee mwendwa wakwa ũkĩrĩ mũthaka-ĩ! Ĩĩ ti-itherũ ũrĩ mũthaka! Maitho maku mahaana ta ma ndutura makĩonerwo hau taama-inĩ ũcio ũkũhumbĩrĩte ũthiũ. Njuĩrĩ yaku no ta rũũru rwa mbũri rũgĩikũrũka Kĩrĩma-inĩ kĩa Gileadi.
2 你的牙齒如新剪毛的一群母羊， 洗淨上來，個個都有雙生， 沒有一隻喪掉子的。
Magego maku mahaana ta rũũru rwa ngʼondu ciarĩkia kũmurwo guoya o ũguo, ikĩambata ciumĩte gũthambio. O ĩmwe yacio ĩrĩ na ihatha rĩayo; hatirĩ o na ĩmwe yacio ĩrĩ iiki.
3 你的唇好像一條朱紅線； 你的嘴也秀美。 你的兩太陽在帕子內， 如同一塊石榴。
Mĩromo yaku ĩhaana ta uuthi mũtune; kanua gaku kagĩrĩte mũno. Thĩa ciaku ihaana ta ciatũ igĩrĩ cia itunda rĩa mũkomamanga, ikĩonerwo hau taama-inĩ ũcio ũkũhumbĩrĩte ũthiũ.
4 你的頸項好像大衛建造收藏軍器的高臺， 其上懸掛一千盾牌， 都是勇士的籐牌。
Ngingo yaku ĩhaana ta mũthiringo ũrĩa mũraihu wa Daudi, wakĩtwo wega mũno; nakuo gũgacuurio ngo ngiri, na ciothe nĩ ngo cia njamba cia ita.
5 你的兩乳好像百合花中吃草的一對小鹿， 就是母鹿雙生的。
Nyondo ciaku cierĩ ihaana ta ciana igĩrĩ cia thiiya, ikahaana ciana cia mahatha cia thiiya ikĩrĩa itoka-inĩ.
6 我要往沒藥山和乳香岡去， 直等到天起涼風、 日影飛去的時候回來。
Nĩngũthiĩ kĩrĩma-inĩ kĩa manemane, na nginye karĩma-inĩ ka ũbani, njikare kuo nginya kũrĩĩrura, nacio ciĩruru ciirĩrie.
7 我的佳偶，你全然美麗， 毫無瑕疵！
Wee mwendwa wakwa ũrĩ mũthaka biũ; ndũrĩ na kameni o na kanini.
8 我的新婦，求你與我一同離開黎巴嫩， 與我一同離開黎巴嫩。 從亞瑪拿頂， 從示尼珥與黑門頂， 從有獅子的洞， 從有豹子的山往下觀看。
Ũka tũthiĩ nawe, mũhiki wakwa, tuume Lebanoni, nĩtũthiĩ nawe tuume Lebanoni. Harũrũka uume gacũmbĩrĩ-inĩ ka Amana, ũkiume kĩrĩma gĩa Seniru, o gacũmbĩrĩ ka Herimoni, uume kũu imamo-inĩ cia mĩrũũthi, ũkiume irĩma-inĩ icio cia ngarĩ.
9 我妹子，我新婦， 你奪了我的心。 你用眼一看， 用你項上的一條金鍊， 奪了我的心！
Nĩũtahĩte ngoro yakwa, wee mwarĩ wa maitũ, o wee mũhiki wakwa; nĩũtahĩte ngoro yakwa na irora o rĩmwe rĩa maitho maku, na ithaga rĩmwe rĩa mũgathĩ waku wa ngingo.
10 我妹子，我新婦， 你的愛情何其美！ 你的愛情比酒更美！ 你膏油的香氣勝過一切香品！
Wee mwarĩ wa maitũ, o we mũhiki wakwa, kaĩ wendo waku nĩ wa gũkenerwo-ĩ! Ĩĩ wendo waku nĩ wa gũkenania mũno gũkĩra ndibei, naguo mũtararĩko wa maguta maku nĩ mwega kũrĩ wa mahuti mothe marĩa manungi wega!
11 我新婦，你的嘴唇滴蜜， 好像蜂房滴蜜； 你的舌下有蜜，有奶。 你衣服的香氣如黎巴嫩的香氣。
Wee mũhiki wakwa, mĩromo yaku ĩtaatagia mũrĩo ta magua ma ũũkĩ; iria na ũũkĩ irĩ rungu rwa rũrĩmĩ rwaku. Mũtararĩko mwega wa nguo ciaku no ta ũrĩa wa Lebanoni.
12 我妹子，我新婦， 乃是關鎖的園， 禁閉的井，封閉的泉源。
Wee mwarĩ wa maitũ, o wee mũhiki wakwa, ũhaana ta mũgũnda mũirigĩre, ũkahaana ta gĩthima kĩirigĩre, na ta itherũkĩro rĩa maaĩ ihingĩrĩrie.
13 你園內所種的結了石榴， 有佳美的果子， 並鳳仙花與哪噠樹。
Thuuna ciaku nĩ ta mũgũnda wa mĩtĩ ya mĩkomamanga ĩ na matunda mega mũno, ũrĩ na mĩhanuni, na mĩtĩ ĩrĩa yumaga uundi,
14 有哪噠和番紅花， 菖蒲和桂樹， 並各樣乳香木、沒藥、沉香， 與一切上等的果品。
ĩkoima uundi na manjano, na irago na mĩndarathini, hamwe na mũtĩ o wothe wa ũbani, na manemane na thubiri, na mahuti mothe marĩa manungi wega mũno.
15 你是園中的泉，活水的井， 從黎巴嫩流下來的溪水。
Wee-rĩ, ũrĩ itherũkĩro rĩa maaĩ rĩrĩ mũgũnda, ũrĩ gĩthima kĩa maaĩ megũtherera, maikũrũkĩte moimĩte Lebanoni.
16 北風啊，興起！ 南風啊，吹來！ 吹在我的園內， 使其中的香氣發出來。 願我的良人進入自己園裏， 吃他佳美的果子。
Wee rũhuho rwa gathigathini ũkĩra, nawe rũhuho rwa gũthini-rĩ, ũka! Hurutanaai mũgũnda-inĩ wakwa, nĩguo mũtararĩko waguo ũhunje kũndũ kũraya. Mwendwa wakwa nĩatoonye mũgũnda-inĩ wake, na arĩe matunda maguo o macio mega mũno.
