詩篇 73
1 亞薩的詩。 上帝實在恩待以色列那些清心的人！
Asaf dwom. Ampa ara Onyankopɔn yɛ ma Israel, ɔyɛ ma wɔn a wɔn akoma mu teɛ.
2 至於我，我的腳幾乎失閃； 我的腳險些滑跌。
Nanso me deɛ, anka me nan reyɛ awatiri; anka merehwere me nnyinasoɔ,
3 我見惡人和狂傲人享平安就心懷不平。
ɛfiri sɛ, mʼani beree ahantanfoɔ ɛberɛ a mehunuu amumuyɛfoɔ yiedie no.
4 他們死的時候沒有疼痛； 他們的力氣卻也壯實。
Wɔnhunuu ahokyere da; na wɔwɔ ahoɔden ne apɔmuden.
5 他們不像別人受苦， 也不像別人遭災。
Dadwene a ɛtaa ba nnipa soɔ biara nna wɔn so; ɔdasani haw biara nna wɔn so.
6 所以，驕傲如鏈子戴在他們的項上； 強暴像衣裳遮住他們的身體。
Enti, ahantan yɛ wɔn kɔnmuadeɛ, na wɔde akakabensɛm afira.
7 他們的眼睛因體胖而凸出； 他們所得的，過於心裏所想的。
Wɔn akoma a apirim no mu na nnebɔne firie; na wɔn amumuyɛ adwene nni mma ɔka.
8 他們譏笑人，憑惡意說欺壓人的話； 他們說話自高。
Wɔsere afoforɔ na wɔka wɔn ho nsɛm a ɛnyɛ; wɔde nhyɛsoɔ hunahuna afoforɔ wɔ ahomasoɔ mu.
9 他們的口褻瀆上天； 他們的舌毀謗全地。
Wɔn ano ka ɔsoro nsɛm, na wɔn tɛkrɛma agye asase afa.
10 所以上帝的民歸到這裏， 喝盡了滿杯的苦水。
Ɛno enti wɔn nkurɔfoɔ kɔ wɔn nkyɛn na wonya nsuo bebree nom.
11 他們說：上帝怎能曉得？ 至高者豈有知識呢？
Wɔbisa sɛ, “Ɛbɛyɛ dɛn na Onyankopɔn ahunu? Na Ɔsorosoroni no wɔ nhunumu anaa?”
12 看哪，這就是惡人； 他們既是常享安逸，財寶便加增。
Sei na amumuyɛfoɔ no teɛ, hwee mfa wɔn ho, na wɔkɔ so pɛ ahonyadeɛ.
13 我實在徒然潔淨了我的心， 徒然洗手表明無辜。
Ampa ara, mʼakoma a ɛho teɛ no, mannya hwee amfiri mu; me nsa a ɛnni fɔ no ayɛ kwa.
14 因為，我終日遭災難； 每早晨受懲治。
Ɛda mu nyinaa mehunu amane; anɔpa biara wɔtwe mʼaso.
15 我若說，我要這樣講， 這就是以奸詐待你的眾子。
Sɛ mekaa sɛ, “Mɛkasa saa” a, anka medii wo mma no hwammɔ.
16 我思索怎能明白這事， 眼看實係為難，
Mebɔɔ mmɔden sɛ mɛte yeinom nyinaa ase, nanso na ɛhyɛ me so
17 等我進了上帝的聖所， 思想他們的結局。
kɔsii sɛ mekɔɔ Onyankopɔn kronkronbea hɔ; ɛhɔ na metee deɛ ɛbɛba wɔn so awieeɛ no ase.
18 你實在把他們安在滑地， 使他們掉在沉淪之中。
Ampa ara wode wɔn gu baabi a ɛhɔ yɛ toro. Wode wɔn hwe fam sɛe wɔn pasaa.
19 他們轉眼之間成了何等的荒涼！ 他們被驚恐滅盡了。
Sɛdeɛ wɔsɛe prɛko pɛ, na ehu hwim wɔn kɔ no,
20 人睡醒了，怎樣看夢； 主啊，你醒了也必照樣輕看他們的影像。
ɛte sɛ daeɛso, ɛberɛ a onipa anyaneɛ, Ao Awurade, sɛ wokanyane wo ho a, wobɛbu wʼani agu wɔn so sɛ biribi a ɛnni hɔ.
21 因而，我心裏發酸， 肺腑被刺。
Ɛberɛ a awerɛhoɔ hyɛɛ mʼakoma mu na me sunsum dii yea no,
22 我這樣愚昧無知， 在你面前如畜類一般。
meyɛɛ sɛ obi a ɔnnim hwee na ɔnni adwene; meyɛɛ sɛ aboa gyimifoɔ wɔ wʼanim.
23 然而，我常與你同在； 你攙着我的右手。
Nanso, na mene wowɔ hɔ ɛberɛ biara; na wode wo nsa nifa asɔ me mu.
24 你要以你的訓言引導我， 以後必接我到榮耀裏。
Wode wʼafotuo kyerɛ me ɛkwan; na akyire no, wode me bɛkɔ animuonyam mu.
25 除你以外，在天上我有誰呢？ 除你以外，在地上我也沒有所愛慕的。
Hwan na mewɔ wɔ soro ka wo ho? Na biribiara nni asase so a mepɛ ka wo ho.
26 我的肉體和我的心腸衰殘； 但上帝是我心裏的力量， 又是我的福分，直到永遠。
Me honam, ne mʼakoma bɛdi me hwammɔ, nanso Onyankopɔn ne mʼakoma ahoɔden ne me kyɛfa daa nyinaa.
27 遠離你的，必要死亡； 凡離棄你行邪淫的，你都滅絕了。
Wɔn a wɔmmɛn wo no bɛyera. Wosɛe wɔn a wɔnni wo nokorɛ nyinaa.
28 但我親近上帝是與我有益； 我以主耶和華為我的避難所， 好叫我述說你一切的作為。
Nanso, me deɛ, menim sɛ ɛyɛ sɛ wɔbɛbɛn Onyankopɔn. Mede Otumfoɔ Awurade ayɛ me hintabea; mɛka wo nneyɛɛ nyinaa akyerɛ.
