詩篇 69
1 大衛的詩，交與伶長。調用百合花。 上帝啊，求你救我！ 因為眾水要淹沒我。
| לַמְנַצֵּחַ עַֽל־שׁוֹשַׁנִּים לְדָוִֽד׃ הוֹשִׁיעֵנִי אֱלֹהִים כִּי בָאוּ מַיִם עַד־נָֽפֶשׁ׃ |
2 我陷在深淤泥中，沒有立腳之地； 我到了深水中，大水漫過我身。
| טָבַעְתִּי ׀ בִּיוֵן מְצוּלָה וְאֵין מָעֳמָד בָּאתִי בְמַעֲמַקֵּי־מַיִם וְשִׁבֹּלֶת שְׁטָפָֽתְנִי׃ |
3 我因呼求困乏，喉嚨發乾； 我因等候上帝，眼睛失明。
| יָגַעְתִּי בְקָרְאִי נִחַר גְּרוֹנִי כָּלוּ עֵינַי מְיַחֵל לֵאלֹהָֽי׃ |
4 無故恨我的，比我頭髮還多； 無理與我為仇、要把我剪除的，甚為強盛。 我沒有搶奪的，要叫我償還。
| רַבּוּ ׀ מִשַּׂעֲרוֹת רֹאשִׁי שֹׂנְאַי חִנָּם עָצְמוּ מַצְמִיתַי אֹיְבַי שֶׁקֶר אֲשֶׁר לֹא־גָזַלְתִּי אָז אָשִֽׁיב׃ |
5 上帝啊，我的愚昧，你原知道； 我的罪愆不能隱瞞。
| אֱֽלֹהִים אַתָּה יָדַעְתָּ לְאִוַּלְתִּי וְאַשְׁמוֹתַי מִמְּךָ לֹא־נִכְחָֽדוּ׃ |
6 萬軍的主－耶和華啊， 求你叫那等候你的，不要因我蒙羞！ 以色列的上帝啊， 求你叫那尋求你的，不要因我受辱！
| אַל־יֵבֹשׁוּ בִי ׀ קֹוֶיךָ אֲדֹנָי יְהוִה צְבָאוֹת אַל־יִכָּלְמוּ בִי מְבַקְשֶׁיךָ אֱלֹהֵי יִשְׂרָאֵֽל׃ |
7 因我為你的緣故受了辱罵， 滿面羞愧。
| כִּֽי־עָלֶיךָ נָשָׂאתִי חֶרְפָּה כִּסְּתָה כְלִמָּה פָנָֽי׃ |
8 我的弟兄看我為外路人； 我的同胞看我為外邦人。
| מוּזָר הָיִיתִי לְאֶחָי וְנָכְרִי לִבְנֵי אִמִּֽי׃ |
9 因我為你的殿心裏焦急，如同火燒， 並且辱罵你人的辱罵都落在我身上。
| כִּֽי־קִנְאַת בֵּיתְךָ אֲכָלָתְנִי וְחֶרְפּוֹת חוֹרְפֶיךָ נָפְלוּ עָלָֽי׃ |
10 我哭泣，以禁食刻苦我心； 這倒算為我的羞辱。
| וָאֶבְכֶּה בַצּוֹם נַפְשִׁי וַתְּהִי לַחֲרָפוֹת לִֽי׃ |
11 我拿麻布當衣裳， 就成了他們的笑談。
| וָאֶתְּנָה לְבוּשִׁי שָׂק וָאֱהִי לָהֶם לְמָשָֽׁל׃ |
12 坐在城門口的談論我； 酒徒也以我為歌曲。
| יָשִׂיחוּ בִי יֹשְׁבֵי שָׁעַר וּנְגִינוֹת שׁוֹתֵי שֵׁכָֽר׃ |
13 但我在悅納的時候向你－耶和華祈禱。 上帝啊，求你按你豐盛的慈愛， 憑你拯救的誠實應允我！
| וַאֲנִי תְפִלָּתִֽי־לְךָ ׀ יְהוָה עֵת רָצוֹן אֱלֹהִים בְּרָב־חַסְדֶּךָ עֲנֵנִי בֶּאֱמֶת יִשְׁעֶֽךָ׃ |
14 求你搭救我出離淤泥， 不叫我陷在其中； 求你使我脫離那些恨我的人， 使我出離深水。
| הַצִּילֵנִי מִטִּיט וְאַל־אֶטְבָּעָה אִנָּצְלָה מִשֹּֽׂנְאַי וּמִמַּֽעֲמַקֵּי־מָֽיִם׃ |
15 求你不容大水漫過我， 不容深淵吞滅我， 不容坑坎在我以上合口。
| אַל־תִּשְׁטְפֵנִי ׀ שִׁבֹּלֶת מַיִם וְאַל־תִּבְלָעֵנִי מְצוּלָה וְאַל־תֶּאְטַר־עָלַי בְּאֵר פִּֽיהָ׃ |
16 耶和華啊，求你應允我！ 因為你的慈愛本為美好； 求你按你豐盛的慈悲回轉眷顧我！
| עֲנֵנִי יְהוָה כִּי־טוֹב חַסְדֶּךָ כְּרֹב רַחֲמֶיךָ פְּנֵה אֵלָֽי׃ |
17 不要掩面不顧你的僕人； 我是在急難之中，求你速速地應允我！
| וְאַל־תַּסְתֵּר פָּנֶיךָ מֵֽעַבְדֶּךָ כִּֽי־צַר־לִי מַהֵר עֲנֵֽנִי׃ |
18 求你親近我，救贖我！ 求你因我的仇敵把我贖回！
| קָרְבָה אֶל־נַפְשִׁי גְאָלָהּ לְמַעַן אֹיְבַי פְּדֵֽנִי׃ |
19 你知道我受的辱罵、欺凌、羞辱； 我的敵人都在你面前。
| אַתָּה יָדַעְתָּ חֶרְפָּתִי וּבָשְׁתִּי וּכְלִמָּתִי נֶגְדְּךָ כָּל־צוֹרְרָֽי׃ |
20 辱罵傷破了我的心， 我又滿了憂愁。 我指望有人體恤，卻沒有一個； 我指望有人安慰，卻找不着一個。
| חֶרְפָּה ׀ שָֽׁבְרָה לִבִּי וָֽאָנוּשָׁה וָאֲקַוֶּה לָנוּד וָאַיִן וְלַמְנַחֲמִים וְלֹא מָצָֽאתִי׃ |
21 他們拿苦膽給我當食物； 我渴了，他們拿醋給我喝。
| וַיִּתְּנוּ בְּבָרוּתִי רֹאשׁ וְלִצְמָאִי יַשְׁקוּנִי חֹֽמֶץ׃ |
22 願他們的筵席在他們面前變為網羅， 在他們平安的時候變為機檻。
| יְהִֽי־שֻׁלְחָנָם לִפְנֵיהֶם לְפָח וְלִשְׁלוֹמִים לְמוֹקֵֽשׁ׃ |
23 願他們的眼睛昏矇，不得看見； 願你使他們的腰常常戰抖。
| תֶּחְשַׁכְנָה עֵינֵיהֶם מֵרְאוֹת וּמָתְנֵיהֶם תָּמִיד הַמְעַֽד׃ |
24 求你將你的惱恨倒在他們身上， 叫你的烈怒追上他們。
| שְׁפָךְ־עֲלֵיהֶם זַעְמֶךָ וַחֲרוֹן אַפְּךָ יַשִּׂיגֵֽם׃ |
25 願他們的住處變為荒場； 願他們的帳棚無人居住。
| תְּהִי־טִֽירָתָם נְשַׁמָּה בְּאָהֳלֵיהֶם אַל־יְהִי יֹשֵֽׁב׃ |
26 因為，你所擊打的，他們就逼迫； 你所擊傷的，他們戲說他的愁苦。
| כִּֽי־אַתָּה אֲשֶׁר־הִכִּיתָ רָדָפוּ וְאֶל־מַכְאוֹב חֲלָלֶיךָ יְסַפֵּֽרוּ׃ |
27 願你在他們的罪上加罪， 不容他們在你面前稱義。
| תְּֽנָה־עָוֺן עַל־עֲוֺנָם וְאַל־יָבֹאוּ בְּצִדְקָתֶֽךָ׃ |
28 願他們從生命冊上被塗抹， 不得記錄在義人之中。
| יִמָּחֽוּ מִסֵּפֶר חַיִּים וְעִם צַדִּיקִים אַל־יִכָּתֵֽבוּ׃ |
29 但我是困苦憂傷的； 上帝啊，願你的救恩將我安置在高處。
| וַאֲנִי עָנִי וְכוֹאֵב יְשׁוּעָתְךָ אֱלֹהִים תְּשַׂגְּבֵֽנִי׃ |
30 我要以詩歌讚美上帝的名， 以感謝稱他為大！
| אֲהַֽלְלָה שֵׁם־אֱלֹהִים בְּשִׁיר וַאֲגַדְּלֶנּוּ בְתוֹדָֽה׃ |
31 這便叫耶和華喜悅，勝似獻牛， 或是獻有角有蹄的公牛。
| וְתִיטַב לַֽיהוָה מִשּׁוֹר פָּר מַקְרִן מַפְרִֽיס׃ |
32 謙卑的人看見了就喜樂； 尋求上帝的人，願你們的心甦醒。
| רָאוּ עֲנָוִים יִשְׂמָחוּ דֹּרְשֵׁי אֱלֹהִים וִיחִי לְבַבְכֶֽם׃ |
33 因為耶和華聽了窮乏人， 不藐視被囚的人。
| כִּֽי־שֹׁמֵעַ אֶל־אֶבְיוֹנִים יְהוָה וְאֶת־אֲסִירָיו לֹא בָזָֽה׃ |
34 願天和地、 洋海和其中一切的動物都讚美他！
| יְֽהַלְלוּהוּ שָׁמַיִם וָאָרֶץ יַמִּים וְֽכָל־רֹמֵשׂ בָּֽם׃ |
35 因為上帝要拯救錫安，建造猶大的城邑； 他的民要在那裏居住，得以為業。
| כִּי אֱלֹהִים ׀ יוֹשִׁיעַ צִיּוֹן וְיִבְנֶה עָרֵי יְהוּדָה וְיָשְׁבוּ שָׁם וִירֵשֽׁוּהָ׃ |
36 他僕人的後裔要承受為業； 愛他名的人也要住在其中。
| וְזֶרַע עֲבָדָיו יִנְחָלוּהָ וְאֹהֲבֵי שְׁמוֹ יִשְׁכְּנוּ־בָֽהּ׃ |
