詩篇 135
1 你們要讚美耶和華！ 你們要讚美耶和華的名！ 耶和華的僕人站在耶和華殿中； 站在我們上帝殿院中的，你們要讚美他！
Ra Anumzamofo eri'za vahe'motma Ra Anumzamofona agi'a ahentesga hiho. Ra Anumzamofona husga hunteho. Ra Anumzamofona agi'a ahentesga hiho.
Ra Anumzamofo mono nompima omanetiza vahe'ene, tagri Anumzamofo mono nonkumapima oneti'za vahe'mota anara hiho.
3 你們要讚美耶和華！ 耶和華本為善； 要歌頌他的名， 因為這是美好的。
Ra Anumzamofona agi'a ahentesga hiho. Na'ankure Ra Anumzamo'a Agra knare hu'ne. Ra Anumzamofona zagame huta agi'a ahentesga hiho. Na'ankure Agri agimo'a so'e zantfa hu'ne.
4 耶和華揀選雅各歸自己， 揀選以色列特作自己的子民。
Na'ankure Ra Anumzamo'a Jekopunkura nagri'a suzane huno huhamprinenteno, Israeli vahekura huno nagri marerisa feno zankna hu'za manigahaze huno huhampri zamante'ne.
5 原來我知道耶和華為大， 也知道我們的主超乎萬神之上。
Nagrama ke'na antahi'nama huana, Ra Anumzamo'a rankrerfa hu'ne. Ana hu'neankino maka havi anumzantamina zamagatere vagare'ne.
6 耶和華在天上，在地下， 在海中，在一切的深處， 都隨自己的意旨而行。
Ra Anumzamo'a monafino, ama mopafino, hagerimofo agofeturo, hagerimofo agu'afinema nazano tro hunaku'ma hiazana amne nehie.
7 他使雲霧從地極上騰， 造電隨雨而閃， 從府庫中帶出風來。
Agra higeno mopama ome atretegatira hampomo'a eri tru huno marenerigeno, ko'ene kopasi'nanena atregeno ne-e. Ana nehuno fenoma nentea noma'afinti zahora atregeno ne-e.
8 他將埃及頭生的， 連人帶牲畜都擊殺了。
Isipi vahe'mokizmi agonesa mofavreramine, afukra zamifintira agonesa anenta'araminena maka ome zamahetre eme zmahetre hu'ne.
9 埃及啊，他施行神蹟奇事， 在你當中，在法老和他一切臣僕身上。
Isipi vahe'mota tamagri amu'nompi, Feronte'ene, Fero eri'za vahetera kaguva zane, avamezanena eri fore huno zamazeri haviza hu'ne.
10 他擊殺許多的民， 又殺戮大能的王，
Kokankokama mani'naza vahera ome zmahetre eme zmahetre nehuno, hankavenentake kini vahera zamahe fri'ne.
11 就是亞摩利王西宏和巴珊王噩， 並迦南一切的國王，
Ana kini vahera, Amori vahe kini ne' Sihonima, Basani vahe kini ne' Ogima, maka Kenani mopafima mani'naza kini vahe'taminena zamahe hana hu'ne.
12 將他們的地賞賜他的百姓以色列為業。
Ana huteno ana vahe'mokizmi mopa Agra vahe Israeli nagara eri zamige'za erisanti hare'naze.
13 耶和華啊，你的名存到永遠！ 耶和華啊，你可記念的名存到萬代！
Ra Anumzamoka kagri kagimo'a maka kna mevava huno nevie. Maka vahe'ma forehu anante nante'ma hu'za vanaza vahe'mo'za Ra Anumzamoka Kagri kavukva zankura antahigami'za vugahaze.
14 耶和華要為他的百姓伸冤， 為他的僕人後悔。
Na'ankure Ra Anumzamo'a vahe'a refko huno nezamageno, eri'za vahe'a asunku huzmantegahie.
15 外邦的偶像是金的，銀的， 是人手所造的；
Kaza osu havi anumzantamina, silvareti'ene golireti vahe'mo'za avako hu'za zamazanteti tro hunte'naze.
16 有口卻不能言， 有眼卻不能看，
Ana havi anumzaramina zamagira me'neanagi, keaga nosu'za, zamavua me'neanagi zamavua nonke'za,
17 有耳卻不能聽， 口中也沒有氣息。
zamagesa me'neanagi keaga nontahiza, zamagona me'neanagi zamasimura nontaze.
18 造他的要和他一樣， 凡靠他的也要如此。
Hagi ana kaza osu havi anumzantamima tro'ma hu'naza vahe'ene, ana zantaminte'ma zamentintima nehaza vahe'mo'zanena, ana kaza osu havi anumzankna hugahaze.
19 以色列家啊，你們要稱頌耶和華！ 亞倫家啊，你們要稱頌耶和華！
Israeli vahe'mota Ra Anumzamofo agi'a ahentesga nehinke'za, Aroni naga'nofi'ma pristi eri'zama e'neriza naga'mo'za Ra Anumzamofo agi'a ahentesga hiho.
20 利未家啊，你們要稱頌耶和華！ 你們敬畏耶和華的，要稱頌耶和華！
Livae naga nofi'mota Ra Anumzamofo agi'a ahentesga nehinke'za, iza'zo Ra Anumzamofonku'ma koro hunente'za vahe'mo'za Agri agoragama nemanisaza vahe'mo'za Ra Anumzamofo agi'a ahentesga hiho.
21 住在耶路撒冷的耶和華 該從錫安受稱頌。 你們要讚美耶和華！
Saioni agonare'ma mani'naza vahe'mota Ra Anumzamofona agi'a ahentesga hiho. Na'ankure Agra ama ana Jerusalemi kumapi nemanie. Ra Anumzamofo agi'a ahentesga hiho.
