詩篇 103
1 大衛的詩。 我的心哪，你要稱頌耶和華！ 凡在我裏面的，也要稱頌他的聖名！
| לְדָוִד ׀ בָּרֲכִי נַפְשִׁי אֶת־יְהוָה וְכָל־קְרָבַי אֶת־שֵׁם קָדְשֽׁוֹ׃ |
2 我的心哪，你要稱頌耶和華！ 不可忘記他的一切恩惠！
| בָּרֲכִי נַפְשִׁי אֶת־יְהוָה וְאַל־תִּשְׁכְּחִי כָּל־גְּמוּלָֽיו׃ |
3 他赦免你的一切罪孽， 醫治你的一切疾病。
| הַסֹּלֵחַ לְכָל־עֲוֺנֵכִי הָרֹפֵא לְכָל־תַּחֲלֻאָֽיְכִי׃ |
4 他救贖你的命脫離死亡， 以仁愛和慈悲為你的冠冕。
| הַגּוֹאֵל מִשַּׁחַת חַיָּיְכִי הַֽמְעַטְּרֵכִי חֶסֶד וְרַחֲמִֽים׃ |
5 他用美物使你所願的得以知足， 以致你如鷹返老還童。
| הַמַּשְׂבִּיעַ בַּטּוֹב עֶדְיֵךְ תִּתְחַדֵּשׁ כַּנֶּשֶׁר נְעוּרָֽיְכִי׃ |
6 耶和華施行公義， 為一切受屈的人伸冤。
| עֹשֵׂה צְדָקוֹת יְהוָה וּמִשְׁפָּטִים לְכָל־עֲשׁוּקִֽים׃ |
7 他使摩西知道他的法則， 叫以色列人曉得他的作為。
| יוֹדִיעַ דְּרָכָיו לְמֹשֶׁה לִבְנֵי יִשְׂרָאֵל עֲלִילֽוֹתָיו׃ |
8 耶和華有憐憫，有恩典， 不輕易發怒，且有豐盛的慈愛。
| רַחוּם וְחַנּוּן יְהוָה אֶרֶךְ אַפַּיִם וְרַב־חָֽסֶד׃ |
9 他不長久責備， 也不永遠懷怒。
| לֹֽא־לָנֶצַח יָרִיב וְלֹא לְעוֹלָם יִטּֽוֹר׃ |
10 他沒有按我們的罪過待我們， 也沒有照我們的罪孽報應我們。
| לֹא כַחֲטָאֵינוּ עָשָׂה לָנוּ וְלֹא כַעֲוֺנֹתֵינוּ גָּמַל עָלֵֽינוּ׃ |
11 天離地何等的高， 他的慈愛向敬畏他的人也是何等的大！
| כִּי כִגְבֹהַּ שָׁמַיִם עַל־הָאָרֶץ גָּבַר חַסְדּוֹ עַל־יְרֵאָֽיו׃ |
12 東離西有多遠， 他叫我們的過犯離我們也有多遠！
| כִּרְחֹק מִזְרָח מִֽמַּֽעֲרָב הִֽרְחִיק מִמֶּנּוּ אֶת־פְּשָׁעֵֽינוּ׃ |
13 父親怎樣憐恤他的兒女， 耶和華也怎樣憐恤敬畏他的人！
| כְּרַחֵם אָב עַל־בָּנִים רִחַם יְהוָה עַל־יְרֵאָֽיו׃ |
14 因為他知道我們的本體， 思念我們不過是塵土。
| כִּי־הוּא יָדַע יִצְרֵנוּ זָכוּר כִּי־עָפָר אֲנָֽחְנוּ׃ |
15 至於世人，他的年日如草一樣。 他發旺如野地的花，
| אֱנוֹשׁ כֶּחָצִיר יָמָיו כְּצִיץ הַשָּׂדֶה כֵּן יָצִֽיץ׃ |
16 經風一吹，便歸無有； 它的原處也不再認識它。
| כִּי רוּחַ עָֽבְרָה־בּוֹ וְאֵינֶנּוּ וְלֹא־יַכִּירֶנּוּ עוֹד מְקוֹמֽוֹ׃ |
17 但耶和華的慈愛歸於敬畏他的人， 從亙古到永遠； 他的公義也歸於子子孫孫－
| וְחֶסֶד יְהוָה ׀ מֵעוֹלָם וְעַד־עוֹלָם עַל־יְרֵאָיו וְצִדְקָתוֹ לִבְנֵי בָנִֽים׃ |
18 就是那些遵守他的約、 記念他的訓詞而遵行的人。
| לְשֹׁמְרֵי בְרִיתוֹ וּלְזֹכְרֵי פִקֻּדָיו לַעֲשׂוֹתָֽם׃ |
19 耶和華在天上立定寶座； 他的權柄統管萬有。
| יְֽהוָה בַּשָּׁמַיִם הֵכִין כִּסְאוֹ וּמַלְכוּתוֹ בַּכֹּל מָשָֽׁלָה׃ |
20 聽從他命令、成全他旨意、 有大能的天使，都要稱頌耶和華！
| בָּרֲכוּ יְהוָה מַלְאָכָיו גִּבֹּרֵי כֹחַ עֹשֵׂי דְבָרוֹ לִשְׁמֹעַ בְּקוֹל דְּבָרֽוֹ׃ |
21 你們作他的諸軍，作他的僕役， 行他所喜悅的，都要稱頌耶和華！
| בָּרֲכוּ יְהוָה כָּל־צְבָאָיו מְשָׁרְתָיו עֹשֵׂי רְצוֹנֽוֹ׃ |
22 你們一切被他造的， 在他所治理的各處， 都要稱頌耶和華！ 我的心哪，你要稱頌耶和華！
| בָּרֲכוּ יְהוָה ׀ כָּֽל־מַעֲשָׂיו בְּכָל־מְקֹמוֹת מֶמְשַׁלְתּוֹ בָּרֲכִי נַפְשִׁי אֶת־יְהוָֽה׃ |
