箴言 21
1 王的心在耶和華手中， 好像隴溝的水隨意流轉。
Ti puso ti ari ket kasla maysa a waig iti ima ni Yahweh; iturturongna ti danum iti sadinoman a kayatna.
2 人所行的，在自己眼中都看為正； 惟有耶和華衡量人心。
Amin nga aramid ti maysa a tao ket kasla nalinteg iti bukodna a panagkita, ngem ni Yahweh ti mangtimtimbang iti puso.
3 行仁義公平 比獻祭更蒙耶和華悅納。
Ti panagaramid iti umno ken nalinteg ket ad-adda a pakaay-ayoan ni Yahweh ngem iti daton.
4 惡人發達，眼高心傲， 這乃是罪。
Ti kinatangsit ken kinapalangguad-nga arigna a silaw ti nadangkes-ket basol.
5 殷勤籌劃的，足致豐裕； 行事急躁的，都必缺乏。
Dagiti panggep ti nagaget ket agturong laeng iti kinarang-ay, ngem tunggal maysa nga agdarasudos ket agturong laeng iti kinakurapay.
6 用詭詐之舌求財的，就是自己取死； 所得之財乃是吹來吹去的浮雲。
Ti pananggun-od kadagiti kinabaknang babaen iti ulbod a dila ket kasla angep nga agpukaw a dagus ken silo a makapatay.
7 惡人的強暴必將自己掃除， 因他們不肯按公平行事。
Ti kinaranggas dagiti nadangkes ti kasla mangiyanudto kadakuada, ta agkedkedda nga agaramid iti nalinteg.
8 負罪之人的路甚是彎曲； 至於清潔的人，他所行的乃是正直。
Nakillo ti dalan ti nakabasol a tao, ngem agar-aramid iti nalinteg ti nadalus a tao.
9 寧可住在房頂的角上， 不在寬闊的房屋與爭吵的婦人同住。
Nasaysayaat ti agnaed iti maysa a suli iti tuktok ti balay ngem iti uneg ti balay a kadenna ti mannakiapa nga asawa a babai.
10 惡人的心樂人受禍； 他眼並不憐恤鄰舍。
Agtarigagay iti dakes ti nadangkes; awan makita ti kaarrubana a kinaimbag kadagiti matana.
11 褻慢的人受刑罰，愚蒙的人就得智慧； 智慧人受訓誨，便得知識。
Inton madusa ti mananglais, agbalin a masirib ti nengneng, ken inton masuroan ti masirib a tao, umad-adu pay ti pannakaammona.
12 義人思想惡人的家， 知道惡人傾倒，必致滅亡。
Kitkitaen ti tao nga agar-aramid iti nalinteg ti balay ti nadangkes, dadaelenna ti nadangkes.
13 塞耳不聽窮人哀求的， 他將來呼籲也不蒙應允。
Ti tao a saan a mangipangag iti asug dagiti nakurapay a tattao, inton agasug met isuna, saanto met isuna a maipangag.
14 暗中送的禮物挽回怒氣； 懷中搋的賄賂止息暴怒。
Ti maysa a sagut ket pabaawenna ti unget, ken ti maysa a sagut ket ikkatenna ti nakaro a pungtot.
15 秉公行義使義人喜樂， 使作孽的人敗壞。
No naipatungpal ti hustisia, mangiyeg daytoy iti rag-o iti tao a nagaramid iti nalinteg, ngem mangiyeg daytoy iti panagbuteng kadagiti agar-aramid iti kinadakes.
16 迷離通達道路的， 必住在陰魂的會中。
Ti tao a naiyaw-awan manipud iti pannakaawat, aginananto isuna iti taripnong dagiti natay.
17 愛宴樂的，必致窮乏； 好酒，愛膏油的，必不富足。
Agbalinto a nakurapay ti siasinoman a mangay-ayat iti ragragsak; saanto a bumaknang ti tao mangay-ayat iti arak ken lana.
18 惡人作了義人的贖價； 奸詐人代替正直人。
Ti nadangkes a tao ket agbalinto a subbot ti agar-aramid iti nalinteg, ken ti mangliliput ket agbalinto a subbot ti nalinteg.
19 寧可住在曠野， 不與爭吵使氣的婦人同住。
Nasaysayaat ti agnaed iti let-ang ngem ti makikadua iti babai a mangparparnuay iti riri ken nareklamo unay.
20 智慧人家中積蓄寶物膏油； 愚昧人隨得來隨吞下。
Ti napateg a gameng ken lana ket adda iti balay ti nasirib, ngem pasaysayangen dagitoy ti maag a tao.
21 追求公義仁慈的， 就尋得生命、公義，和尊榮。
Ti tao nga agar-aramid iti nalinteg ken naimbag-ket makasarak iti biag, kinalinteg, ken dayaw.
22 智慧人爬上勇士的城牆， 傾覆他所倚靠的堅壘。
Rauten ti nasirib a tao ti siudad dagiti nabileg, ket rebbaenna ti sarikedked a nangsalaknib iti daytoy.
23 謹守口與舌的， 就保守自己免受災難。
Ti siasinoman nga agannad kadagiti ibagbagana ket ilislisina ti bagina iti riribuk.
24 心驕氣傲的人名叫褻慢； 他行事狂妄，都出於驕傲。
Ti napalangguad ken natangsit a tao-”mananglais” ti naganna-agtigtignay nga addaan iti nakaro kinapannakkel.
25 懶惰人的心願將他殺害， 因為他手不肯做工。
Ti tarigagay ti sadut ti mangpatay kenkuana, ta agkedked dagiti imana nga agtrabaho.
26 有終日貪得無饜的； 義人施捨而不吝惜。
Agmalmalem nga agkalkalikagum isuna, ngem ti tao nga agar-aramid iti nalinteg ket mangmangted ken saanna nga ibabawi.
27 惡人的祭物是可憎的； 何況他存惡意來獻呢？
Makarimon ti daton ti nadangkes a tao; ad-adda pay a makarimon no iyegna daytoy a buyoganna kadagiti dakes a panggep.
28 作假見證的必滅亡； 惟有聽真情而言的，其言長存。
Mapukaw ti ulbod a saksi, ngem ti tao a mangipangpangag ket agsao iti amin a tiempo.
29 惡人臉無羞恥； 正直人行事堅定。
Agpampammarang a napigsa ti nadangkes a tao, ngem ti tao a nalinteg ket naannad maipapan kadagiti tignayna.
30 沒有人能以智慧、聰明、 謀略敵擋耶和華。
Awan kinasirib, pannakaawat, wenno balakad a maikontra kenni Yahweh.
31 馬是為打仗之日預備的； 得勝乃在乎耶和華。
Maisagsagana ti kabalio para iti aldaw ti gubat, ngem ni Yahweh ti makinkukua iti balligi.
