箴言 10
1 所羅門的箴言： 智慧之子使父親歡樂； 愚昧之子叫母親擔憂。
| מִשְׁלֵי שְׁלֹמֹה בֵּן חָכָם יְשַׂמַּח־אָב וּבֵן כְּסִיל תּוּגַת אִמּֽוֹ׃ |
2 不義之財毫無益處； 惟有公義能救人脫離死亡。
| לֹֽא־יוֹעִילוּ אוֹצְרוֹת רֶשַׁע וּצְדָקָה תַּצִּיל מִמָּֽוֶת׃ |
3 耶和華不使義人受飢餓； 惡人所欲的，他必推開。
| לֹא־יַרְעִיב יְהֹוָה נֶפֶשׁ צַדִּיק וְהַוַּת רְשָׁעִים יֶהְדֹּֽף׃ |
4 手懶的，要受貧窮； 手勤的，卻要富足。
| רָאשׁ עֹשֶׂה כַף־רְמִיָּה וְיַד חָרוּצִים תַּעֲשִֽׁיר׃ |
5 夏天聚斂的，是智慧之子； 收割時沉睡的，是貽羞之子。
| אֹגֵר בַּקַּיִץ בֵּן מַשְׂכִּיל נִרְדָּם בַּקָּצִיר בֵּן מֵבִֽישׁ׃ |
6 福祉臨到義人的頭； 強暴蒙蔽惡人的口。
| בְּרָכוֹת לְרֹאשׁ צַדִּיק וּפִי רְשָׁעִים יְכַסֶּה חָמָֽס׃ |
7 義人的紀念被稱讚； 惡人的名字必朽爛。
| זֵכֶר צַדִּיק לִבְרָכָה וְשֵׁם רְשָׁעִים יִרְקָֽב׃ |
8 心中智慧的，必受命令； 口裏愚妄的，必致傾倒。
| חֲכַם־לֵב יִקַּח מִצְוֺת וֶאֱוִיל שְׂפָתַיִם יִלָּבֵֽט׃ |
9 行正直路的，步步安穩； 走彎曲道的，必致敗露。
| הוֹלֵךְ בַּתֹּם יֵלֶךְ בֶּטַח וּמְעַקֵּשׁ דְּרָכָיו יִוָּדֵֽעַ׃ |
10 以眼傳神的，使人憂患； 口裏愚妄的，必致傾倒。
| קֹרֵֽץ עַיִן יִתֵּן עַצָּבֶת וֶאֱוִיל שְׂפָתַיִם יִלָּבֵֽט׃ |
11 義人的口是生命的泉源； 強暴蒙蔽惡人的口。
| מְקוֹר חַיִּים פִּי צַדִּיק וּפִי רְשָׁעִים יְכַסֶּה חָמָֽס׃ |
12 恨能挑啟爭端； 愛能遮掩一切過錯。
| שִׂנְאָה תְּעֹרֵר מְדָנִים וְעַל כׇּל־פְּשָׁעִים תְּכַסֶּה אַהֲבָֽה׃ |
13 明哲人嘴裏有智慧； 無知人背上受刑杖。
| בְּשִׂפְתֵי נָבוֹן תִּמָּצֵא חׇכְמָה וְשֵׁבֶט לְגֵו חֲסַר־לֵֽב׃ |
14 智慧人積存知識； 愚妄人的口速致敗壞。
| חֲכָמִים יִצְפְּנוּ־דָעַת וּפִֽי־אֱוִיל מְחִתָּה קְרֹבָֽה׃ |
15 富戶的財物是他的堅城； 窮人的貧乏是他的敗壞。
| הוֹן עָשִׁיר קִרְיַת עֻזּוֹ מְחִתַּת דַּלִּים רֵישָֽׁם׃ |
16 義人的勤勞致生； 惡人的進項致死。
| פְּעֻלַּת צַדִּיק לְחַיִּים תְּבוּאַת רָשָׁע לְחַטָּֽאת׃ |
17 謹守訓誨的，乃在生命的道上； 違棄責備的，便失迷了路。
| אֹרַח לְחַיִּים שׁוֹמֵר מוּסָר וְעֹזֵב תּוֹכַחַת מַתְעֶֽה׃ |
18 隱藏怨恨的，有說謊的嘴； 口出讒謗的，是愚妄的人。
| מְכַסֶּה שִׂנְאָה שִׂפְתֵי־שָׁקֶר וּמוֹצִא דִבָּה הוּא כְסִֽיל׃ |
19 多言多語難免有過； 禁止嘴唇是有智慧。
| בְּרֹב דְּבָרִים לֹא יֶחְדַּל־פָּשַׁע וְחוֹשֵׂךְ שְׂפָתָיו מַשְׂכִּֽיל׃ |
20 義人的舌乃似高銀； 惡人的心所值無幾。
| כֶּסֶף נִבְחָר לְשׁוֹן צַדִּיק לֵב רְשָׁעִים כִּמְעָֽט׃ |
21 義人的口教養多人； 愚昧人因無知而死亡。
| שִׂפְתֵי צַדִּיק יִרְעוּ רַבִּים וֶאֱוִילִים בַּחֲסַר־לֵב יָמֽוּתוּ׃ |
22 耶和華所賜的福使人富足， 並不加上憂慮。
| בִּרְכַּת יְהֹוָה הִיא תַעֲשִׁיר וְלֹֽא־יוֹסִף עֶצֶב עִמָּֽהּ׃ |
23 愚妄人以行惡為戲耍； 明哲人卻以智慧為樂。
| כִּשְׂחוֹק לִכְסִיל עֲשׂוֹת זִמָּה וְחׇכְמָה לְאִישׁ תְּבוּנָֽה׃ |
24 惡人所怕的，必臨到他； 義人所願的，必蒙應允。
| מְגוֹרַת רָשָׁע הִיא תְבוֹאֶנּוּ וְתַאֲוַת צַדִּיקִים יִתֵּֽן׃ |
25 暴風一過，惡人歸於無有； 義人的根基卻是永久。
| כַּעֲבוֹר סוּפָה וְאֵין רָשָׁע וְצַדִּיק יְסוֹד עוֹלָֽם׃ |
26 懶惰人叫差他的人 如醋倒牙，如煙薰目。
| כַּחֹמֶץ ׀ לַשִּׁנַּיִם וְכֶעָשָׁן לָעֵינָיִם כֵּן הֶעָצֵל לְשֹׁלְחָֽיו׃ |
27 敬畏耶和華使人日子加多； 但惡人的年歲必被減少。
| יִרְאַת יְהֹוָה תּוֹסִיף יָמִים וּשְׁנוֹת רְשָׁעִים תִּקְצֹֽרְנָה׃ |
28 義人的盼望必得喜樂； 惡人的指望必致滅沒。
| תּוֹחֶלֶת צַדִּיקִים שִׂמְחָה וְתִקְוַת רְשָׁעִים תֹּאבֵֽד׃ |
29 耶和華的道是正直人的保障， 卻成了作孽人的敗壞。
| מָעוֹז לַתֹּם דֶּרֶךְ יְהֹוָה וּמְחִתָּה לְפֹעֲלֵי אָֽוֶן׃ |
30 義人永不挪移； 惡人不得住在地上。
| צַדִּיק לְעוֹלָם בַּל־יִמּוֹט וּרְשָׁעִים לֹא יִשְׁכְּנוּ־אָֽרֶץ׃ |
31 義人的口滋生智慧； 乖謬的舌必被割斷。
| פִּֽי־צַדִּיק יָנוּב חׇכְמָה וּלְשׁוֹן תַּהְפֻּכוֹת תִּכָּרֵֽת׃ |
32 義人的嘴能令人喜悅； 惡人的口說乖謬的話。
| שִׂפְתֵי צַדִּיק יֵדְעוּן רָצוֹן וּפִי רְשָׁעִים תַּהְפֻּכֽוֹת׃ |
