民數記 23
1 巴蘭對巴勒說：「你在這裏給我築七座壇，為我預備七隻公牛，七隻公羊。」
Balaam ka kyerɛɛ ɔhene no sɛ, “Si afɔrebukyia nson wɔ ha, na siesie anantwie mma nson ne nnwennini nson fa wɔn bɔ afɔdeɛ.”
2 巴勒照巴蘭的話行了。巴勒和巴蘭在每座壇上獻一隻公牛，一隻公羊。
Balak tiee Balaam asɛm no, enti ɔde nantwie ba ne odwennini ba bɔɔ afɔrebukyia nson no biara so afɔdeɛ.
3 巴蘭對巴勒說：「你站在你的燔祭旁邊，我且往前去，或者耶和華來迎見我。他指示我甚麼，我必告訴你。」於是巴蘭上一淨光的高處。
Afei Balaam ka kyerɛɛ ɔhene no sɛ, “Sɔre gyina wo ɔhyeɛ afɔdeɛ no ho na mɛhwɛ sɛ Awurade bɛhyia me, na asɛm a ɔbɛka akyerɛ me no nso, mɛka akyerɛ wo.” Enti, ɔforo kɔɔ apampam baabi.
4 上帝迎見巴蘭；巴蘭說：「我預備了七座壇，在每座壇上獻了一隻公牛，一隻公羊。」
Ɛhɔ na Onyankopɔn hyiaa no. Balaam ka kyerɛɛ Awurade sɛ, “Masiesie afɔrebukyia nson. Mabɔ afɔrebukyia no biara so nantwie ba ne odwennini ba afɔdeɛ.”
5 耶和華將話傳給巴蘭，又說：「你回到巴勒那裏，要如此如此說。」
Afei, Awurade de nkra maa Balaam sɛ ɔnkɔka nkyerɛ ɔhene Balak.
6 他就回到巴勒那裏，見他同摩押的使臣都站在燔祭旁邊。
Ɛberɛ a Balaam sane baeɛ no, na ɔhene no ne ahenemma a wɔfiri Moab no gyina ɔhyeɛ afɔdeɛ no ho.
7 巴蘭便題起詩歌說： 巴勒引我出亞蘭， 摩押王引我出東山，說： 來啊，為我咒詛雅各； 來啊，怒罵以色列。
Nkɔmhyɛ a Balaam de maaeɛ no nie: “Ɔhene Balak soma bɛfrɛɛ me firii Aram. Moabhene frɛɛ me firii apueeɛ fam nkokoɔ so. Ɔkaa sɛ, ‘Bra bɛdome Yakob ma me! Bra bɛka mmusuo a ɛbɛba Israelfoɔ so.’
8 上帝沒有咒詛的，我焉能咒詛？ 耶和華沒有怒罵的，我焉能怒罵？
Ɛbɛyɛ dɛn na matumi madome wɔn a Onyankopɔn nnomee wɔn? Ɛbɛyɛ dɛn na matumi abu wɔn fɔ, nnipa a Awurade mmuu wɔn fɔ?
9 我從高峰看他，從小山望他； 這是獨居的民，不列在萬民中。
Mehunu wɔn firi abotan atifi; mehwɛ wɔn firi nkokoɔ so. Mehunu nnipa a wɔte wɔn ho ase, a wɔayi wɔn afiri amanaman mu.
10 誰能數點雅各的塵土？ 誰能計算以色列的四分之一？ 我願如義人之死而死； 我願如義人之終而終。
Hwan na ɔbɛtumi akan Yakob asefoɔ, wɔdɔɔso sɛ mfuturo? Hwan na ɔbɛtumi akan Israelfoɔ nkyɛmu ɛnan mu baako? Ma menwu sɛ ɔteneneeni; na mawieɛ nyɛ sɛ wɔn deɛ.”
11 巴勒對巴蘭說：「你向我做的是甚麼事呢？我領你來咒詛我的仇敵，不料，你竟為他們祝福。」
Ɔhene Balak bisaa Balaam sɛ, “Ɛdeɛn na woayɛ me yi? Mede wo baa sɛ bɛdome mʼatamfoɔ, nanso woahyira wɔn!”
12 他回答說：「耶和華傳給我的話，我能不謹慎傳說嗎？」
Nanso, Balaam buaa sɛ, “Metumi aka biribi a Awurade nkaa sɛ menka anaa?”
13 巴勒說：「求你同我往別處去，在那裏可以看見他們；你不能全看見，只能看見他們邊界上的人。在那裏要為我咒詛他們。」
Afei, Balak ka kyerɛɛ no sɛ, “Bra na yɛnkɔ baabi foforɔ. Yɛduru hɔ a, wobɛhunu ɔman Israel fa bi wɔ hɔ. Dome wɔn a wobɛhu wɔn wɔ hɔ no nyinaa.”
14 於是領巴蘭到了瑣腓田，上了毗斯迦山頂，築了七座壇；每座壇上獻一隻公牛，一隻公羊。
Ɔhene Balak faa Balaam de no kɔɔ Sofim bepɔ Pisga atifi. Ɔsii afɔrebukyia nson wɔ hɔ. Ɛnna ɔde nantwie ba ne odwennini bɔɔ afɔrebukyia biara so afɔdeɛ.
15 巴蘭對巴勒說：「你站在這燔祭旁邊，等我往那邊去迎見耶和華。」
Afei, Balaam ka kyerɛɛ ɔhene no sɛ, “Gyina wo ɔhyeɛ afɔdeɛ no ho wɔ ha na me nso merekɔhyia Awurade.”
16 耶和華臨到巴蘭那裏，將話傳給他；又說：「你回到巴勒那裏，要如此如此說。」
Awurade hyiaa Balaam na ɔkaa asɛm a ɔnkɔka kyerɛɛ no.
17 他就回到巴勒那裏，見他站在燔祭旁邊；摩押的使臣也和他在一處。巴勒問他說：「耶和華說了甚麼話呢？」
Enti, ɔsane baa baabi a ɔhene no ne Moab ahenemma no wɔ a wɔgyina wɔn ɔhyeɛ afɔdeɛ no ho. Ɔhene no de ahopere bisaa sɛ, “Awurade aka sɛn?”
18 巴蘭就題詩歌說： 巴勒，你起來聽； 西撥的兒子，你聽我言。
Nkɔmhyɛ a Balaam de maaeɛ no nie: “Balak, sɔre na tie; Sipor babarima tie me.
19 上帝非人，必不致說謊， 也非人子，必不致後悔。 他說話豈不照着行呢？ 他發言豈不要成就呢？
Onyankopɔn nnyɛ onipa na wadi atorɔ; Ɔnyɛ onipa na wasesa nʼadwene. Wakasa a wanyɛ anaa? Wahyɛ bɔ bi pɛn a wanni so anaa?
20 我奉命祝福； 上帝也曾賜福，此事我不能翻轉。
Wɔhyɛɛ me sɛ menhyira; wahyira, na merentumi nnane no!
21 他未見雅各中有罪孽， 也未見以色列中有奸惡。 耶和華－他的上帝和他同在； 有歡呼王的聲音在他們中間。
“Menhunu amanehunu bi a ɛbɛba Yakob so. Ɔhaw biara nni hɔ mma Israel! Awurade, wɔn Onyankopɔn ka wɔn ho. Ɔne wɔn ɔhene!
22 上帝領他們出埃及； 他們似乎有野牛之力。
Onyankopɔn ayi wɔn afiri Misraim; ɔte sɛ nantwie hoɔdenfoɔ ma wɔn.
23 斷沒有法術可以害雅各， 也沒有占卜可以害以色列。 現在必有人論及雅各，就是論及以色列說： 上帝為他行了何等的大事！
Nnome biara renka Yakob, abayisɛm biara nni tumi wɔ Israel so. Na wɔbɛka wɔ Yakob ho sɛ, ‘Hwɛ anwanwadeɛ a Onyankopɔn ayɛ ama Israel!’
24 這民起來，彷彿母獅， 挺身，好像公獅， 未曾吃野食， 未曾喝被傷者之血，決不躺臥。
Saa nnipa yi sɔre sɛ gyataburu. Wɔgyina hɔ sɛ gyata hoɔdenfoɔ. Ɔnnye nʼahome kɔsi sɛ ɔbɛwe nʼahaboa awie na wanom ne mogya nyinaa!”
25 巴勒對巴蘭說：「你一點不要咒詛他們，也不要為他們祝福。」
Ɔhene no ka kyerɛɛ Balaam sɛ, “Sɛ worennome wɔn a, ɛnneɛ nhyira wɔn.”
26 巴蘭回答巴勒說：「我豈不是告訴你說『凡耶和華所說的，我必須遵行』嗎？」
Nanso Balaam buaa no sɛ, “Manka ankyerɛ wo sɛ asɛm a Awurade bɛka akyerɛ me sɛ menka no na mɛka?”
27 巴勒對巴蘭說：「來吧，我領你往別處去，或者上帝喜歡你在那裏為我咒詛他們。」
Afei, ɔhene no ka kyerɛɛ Balaam sɛ, “Mede wo bɛkɔ baabi foforɔ. Ebia, ɛhɔ bɛyɛ anisɔ ama Onyankopɔn sɛ wobɛgyina hɔ adome wɔn.”
28 巴勒就領巴蘭到那下望曠野的毗珥山頂上。
Enti, ɔhene Balak faa Balaam de no kɔɔ bepɔ Peor a ani kyerɛ anweatam no atifi pɛɛ so.
29 巴蘭對巴勒說：「你在這裏為我築七座壇，又在這裏為我預備七隻公牛，七隻公羊。」
Bio, Balaam ka kyerɛɛ ɔhene no sɛ ɔnsi afɔrebukyia nson na ɔnsiesie nantwie mma nson ne nnwennini mma nson mma afɔrebɔ.
30 巴勒就照巴蘭的話行，在每座壇上獻一隻公牛，一隻公羊。
Ɔhene no yɛɛ deɛ Balaam kaeɛ no, enti ɔde nantwie ba ne odwennini ba bɔɔ afɔdeɛ wɔ afɔrebukyia nson no biara so.
