彌迦書 3

1 我說：雅各的首領， 以色列家的官長啊，你們要聽！ 你們不當知道公平嗎？

וָאֹמַר שִׁמְעוּ־נָא רָאשֵׁי יַעֲקֹב וּקְצִינֵי בֵּית יִשְׂרָאֵל הֲלוֹא לָכֶם לָדַעַת אֶת־הַמִּשְׁפָּֽט׃

2 你們惡善好惡， 從人身上剝皮， 從人骨頭上剔肉，

שֹׂנְאֵי טוֹב וְאֹהֲבֵי (רעה) [רָע] גֹּזְלֵי עוֹרָם מֵֽעֲלֵיהֶם וּשְׁאֵרָם מֵעַל עַצְמוֹתָֽם׃

3 吃我民的肉， 剝他們的皮， 打折他們的骨頭， 分成塊子像要下鍋， 又像釜中的肉。

וַאֲשֶׁר אָכְלוּ שְׁאֵר עַמִּי וְעוֹרָם מֵעֲלֵיהֶם הִפְשִׁיטוּ וְאֶת־עַצְמֹֽתֵיהֶם פִּצֵּחוּ וּפָרְשׂוּ כַּאֲשֶׁר בַּסִּיר וּכְבָשָׂר בְּתוֹךְ קַלָּֽחַת׃

4 到了遭災的時候， 這些人必哀求耶和華， 他卻不應允他們。 那時他必照他們所行的惡事向他們掩面。

אָז יִזְעֲקוּ אֶל־יְהֹוָה וְלֹא יַעֲנֶה אוֹתָם וְיַסְתֵּר פָּנָיו מֵהֶם בָּעֵת הַהִיא כַּאֲשֶׁר הֵרֵעוּ מַעַלְלֵיהֶֽם׃

5 論到使我民走差路的先知－ 他們牙齒有所嚼的， 他們就呼喊說：平安了！ 凡不供給他們吃的， 他們就預備攻擊他－ 耶和華如此說：

כֹּה אָמַר יְהֹוָה עַל־הַנְּבִיאִים הַמַּתְעִים אֶת־עַמִּי הַנֹּשְׁכִים בְּשִׁנֵּיהֶם וְקָרְאוּ שָׁלוֹם וַאֲשֶׁר לֹא־יִתֵּן עַל־פִּיהֶם וְקִדְּשׁוּ עָלָיו מִלְחָמָֽה׃

6 你們必遭遇黑夜，以致不見異象； 又必遭遇幽暗，以致不能占卜。 日頭必向你們沉落， 白晝變為黑暗。

לָכֵן לַיְלָה לָכֶם מֵֽחָזוֹן וְחָשְׁכָה לָכֶם מִקְּסֹם וּבָאָה הַשֶּׁמֶשׁ עַל־הַנְּבִיאִים וְקָדַר עֲלֵיהֶם הַיּֽוֹם׃

7 先見必抱愧， 占卜的必蒙羞， 都必摀着嘴唇， 因為上帝不應允他們。

וּבֹשׁוּ הַחֹזִים וְחָֽפְרוּ הַקֹּסְמִים וְעָטוּ עַל־שָׂפָם כֻּלָּם כִּי אֵין מַעֲנֵה אֱלֹהִֽים׃

8 至於我，我藉耶和華的靈， 滿有力量、公平、才能， 可以向雅各說明他的過犯， 向以色列指出他的罪惡。

וְאוּלָם אָנֹכִי מָלֵאתִי כֹחַ אֶת־רוּחַ יְהֹוָה וּמִשְׁפָּט וּגְבוּרָה לְהַגִּיד לְיַֽעֲקֹב פִּשְׁעוֹ וּלְיִשְׂרָאֵל חַטָּאתֽוֹ׃

9 雅各家的首領、以色列家的官長啊， 當聽我的話！ 你們厭惡公平， 在一切事上屈枉正直；

שִׁמְעוּ־נָא זֹאת רָאשֵׁי בֵּית יַעֲקֹב וּקְצִינֵי בֵּית יִשְׂרָאֵל הַֽמְתַעֲבִים מִשְׁפָּט וְאֵת כׇּל־הַיְשָׁרָה יְעַקֵּֽשׁוּ׃

10 以人血建立錫安， 以罪孽建造耶路撒冷。

בֹּנֶה צִיּוֹן בְּדָמִים וִירוּשָׁלַ͏ִם בְּעַוְלָֽה׃

11 首領為賄賂行審判； 祭司為雇價施訓誨； 先知為銀錢行占卜。 他們卻倚賴耶和華，說： 耶和華不是在我們中間嗎？ 災禍必不臨到我們。

רָאשֶׁיהָ ׀ בְּשֹׁחַד יִשְׁפֹּטוּ וְכֹהֲנֶיהָ בִּמְחִיר יוֹרוּ וּנְבִיאֶיהָ בְּכֶסֶף יִקְסֹמוּ וְעַל־יְהֹוָה יִשָּׁעֵנוּ לֵאמֹר הֲלוֹא יְהֹוָה בְּקִרְבֵּנוּ לֹֽא־תָבוֹא עָלֵינוּ רָעָֽה׃

12 所以因你們的緣故， 錫安必被耕種像一塊田， 耶路撒冷必變為亂堆； 這殿的山必像叢林的高處。

לָכֵן בִּגְלַלְכֶם צִיּוֹן שָׂדֶה תֵֽחָרֵשׁ וִירוּשָׁלַ͏ִם עִיִּין תִּֽהְיֶה וְהַר הַבַּיִת לְבָמוֹת יָֽעַר׃