馬太福音 22
1 耶穌又用比喻對他們說：
Jisu jowab dise aru taikhan ke dristanto pora kotha korise, eneka koi kene,
2 「天國好比一個王為他兒子擺設娶親的筵席，
“Sorgo laga rajyo eneka ase jineka ekjon raja pora tai chokra laga shadi nimite kha luwa khan taiyar korise.
3 就打發僕人去，請那些被召的人來赴席，他們卻不肯來。
Raja pora nokorkhan ke pathaikena shadi te mata manu khan ke bisari bole dise, kintu kunbi ahibole mon thaka nai.
4 王又打發別的僕人，說：『你們告訴那被召的人，我的筵席已經預備好了，牛和肥畜已經宰了，各樣都齊備，請你們來赴席。』
Aru bhi raja pora tai laga dusra nokorkhan ke eneka koi kene pathaise, ‘Jai kene shadi te mata manu khan ke kobi, “Sabi, Ami pora kha luwa bonai kene ase. Moi laga bhal guru aru mosto saguli khan ke morai dise, aru sob to taiyar hoi kene ase. Shadi laga kha luwa kori bole ahibi.’”
5 那些人不理就走了；一個到自己田裏去；一個做買賣去；
Kintu taikhan mon diya nai aru jai jaise, kunba kheti kori bole, aru kunba nijor dukan te jai jaise.
6 其餘的拿住僕人，凌辱他們，把他們殺了。
Aru kunba to raja laga nokorkhan ke dhori loise, aru sorom dibole laga kaam korise, aru morai dise.
7 王就大怒，發兵除滅那些兇手，燒毀他們的城。
Raja bisi khong uthise, aru tai laga sipahi khan ke pathaise aru tai laga nokor ke morai diya manu khan ke morai dise aru taikhan laga sheher ke julai dise.
8 於是對僕人說：『喜筵已經齊備，只是所召的人不配。
Etu pichete tai laga nokorkhan ke koise, ‘Shadi laga kha luwa taiyar hoise, kintu jun manu khan ke matise, taikhan shadi te ahibole thik nohoi.
9 所以你們要往岔路口上去，凡遇見的，都召來赴席。』
Etu nimite rasta khan te jabi aru tumikhan junke lok pai taikhan sobke shadi laga bhat khabole mati bhi.’
10 那些僕人就出去，到大路上，凡遇見的，不論善惡都召聚了來，筵席上就坐滿了客。
Etu pichete raja laga nokorkhan rasta khan te jaise aru jiman bhal aru biya manu khan ke lok paise, taikhan sobke joma kori kene anise, aru shadi laga ghor te manu khan pora bhorta hoise.
11 王進來觀看賓客，見那裏有一個沒有穿禮服的，
Kintu jitia raja ahikena manu khan ke saise, tai ekjon manu ke shadi laga kapra napindi kene thaka dikhise.
12 就對他說：『朋友，你到這裏來怎麼不穿禮服呢？』那人無言可答。
Aru raja pora taike koise, ‘Sathi, tumi shadi laga kapra napindi kene kineka yate ahise?’ Kintu etu manu eku bhi kobole para nai.
13 於是王對使喚的人說：『捆起他的手腳來，把他丟在外邊的黑暗裏；在那裏必要哀哭切齒了。』
Etu pichete raja pora tai laga nokorkhan ke koise, ‘Etu manu laga theng aru hath bandhi bhi, aru andhera jagate phelai dibi, juntu jagate tai khali kandi thakibo aru daat kamuri thakibo.’
14 因為被召的人多，選上的人少。」
Bisi manu khan ke mati sele, kintu khali kunba khan ke he basi loise.”
15 當時，法利賽人出去商議，怎樣就着耶穌的話陷害他，
Etu pichete kunba Pharisee khan jaise aru Jisu ke Tai nijor laga kotha pora phasai dibole taikhan kotha kori thakise.
16 就打發他們的門徒同希律黨的人去見耶穌，說：「夫子，我們知道你是誠實人，並且誠誠實實傳上帝的道，甚麼人你都不徇情面，因為你不看人的外貌。
Etu pichete taikhan laga chela aru Herod laga manu khan ke milai kene Jisu logote pathaise. Taikhan koise, “Shika manu, amikhan jane Apuni to hosa ase, aru Apuni Isor laga hosa rasta pora sikhai diye. Kun laga kotha bhi apuni hisab nakore, kele koile Apuni to manu laga chehera nasai.
17 請告訴我們，你的意見如何？納稅給凱撒可以不可以？」
Tinehoile amikhan ke kobi, Apuni ki bhabe? Caesar ke poisa diya to thik niyom ase na nai?”
18 耶穌看出他們的惡意，就說：「假冒為善的人哪，為甚麼試探我？
Kintu Jisu taikhan laga biya chal jani jaise aru koise, “Tumi kopoti khan kele Moike porikha kori ase?
19 拿一個上稅的錢給我看！」他們就拿一個銀錢來給他。
Amike kar diya laga chandi poisa to dikha bhi.” Etu pichete taikhan ekta chandi poisa anikena Jisu ke dise.
20 耶穌說：「這像和這號是誰的？」
Jisu taikhan ke dikhai kene koise, “Etu kun laga noksa aru naam ase?”
21 他們說：「是凱撒的。」耶穌說：「這樣，凱撒的物當歸給凱撒；上帝的物當歸給上帝。」
Taikhan Jisu ke koise, “Caesar laga.” Etu pichete Jisu taikhan ke koise, “Tinehoile ki to Caesar laga ase etu taike dibi, aru ki to Isor laga ase eitu khan Isor ke dibi.”
22 他們聽見就希奇，離開他走了。
Jitia taikhan etu hunise, taikhan asurit hoise. Etu pichete taikhan Jisu ke chari kene jaise.
23 撒都該人常說沒有復活的事。那天，他們來問耶穌說：
Eke dinte kunba Sadducee khan, jun khan punoruthan te biswas nakore, taikhan Jisu usorte ahise. Taikhan Jisu ke eneka hudise,
24 「夫子，摩西說：『人若死了，沒有孩子，他兄弟當娶他的妻，為哥哥生子立後。』
“Shika manu, Moses pora koise, ‘Jodi kunba manu bacha nathaki kene mori jai, tai laga bhai to tai laga maiki ke shadi koribo lage aru tai laga kokai nimite bacha jonom dibo lage.’
25 從前，在我們這裏有弟兄七人，第一個娶了妻，死了，沒有孩子，撇下妻子給兄弟。
Etiya, taikhan majote satta bhai kokai khan thakise. Poila, dangor kokai shadi korise aru mori jaise. Bacha nathaka karone, etu maiki ke mora manu laga dusra bhai nimite rakhidise.
26 第二、第三，直到第七個，都是如此。
Etu pichete dusra bhai bhi eneka he korise, aru dusra bhai bhi, eneka kori kene pura sat-ta bhai koikai shadi korise.
27 末後，婦人也死了。
Sob bhai kokai khan morija pichete, utu maiki bhi mori jai.
28 這樣，當復活的時候，她是七個人中哪一個的妻子呢？因為他們都娶過她。」
Etiya, mori kene jinda huwa dinte, sat-ta bhai kokai majote, tai kun laga maiki hobo? Kilekoile taikhan sob etu maiki ke shadi kori sele.”
29 耶穌回答說：「你們錯了；因為不明白聖經，也不曉得上帝的大能。
Kintu Jisu taikhan ke jowab dikene koise, “Tumikhan golti ase, kelemane tumikhan shastro najane aru Isor laga hokti bhi najane.
30 當復活的時候，人也不娶也不嫁，乃像天上的使者一樣。
Kilekoile mori kene jinda huwa manu khan shadi nakore aru shadi nimite nadiye. Hoilebi, taikhan duth khan nisena sorgote thake.
31 論到死人復活，上帝在經上向你們所說的，你們沒有念過嗎？
Kintu, mori kene jee utha laga kotha to, tumikhan Isor laga kotha koi diya te pura nai naki, eneka koi kene thaka,
32 他說：『我是亞伯拉罕的上帝，以撒的上帝，雅各的上帝。』上帝不是死人的上帝，乃是活人的上帝。」
‘Moi Abraham, Isaac, aru Jacob laga Isor ase?’ Isor to mora manu khan laga Isor nohoi, kintu jinda manu khan laga Isor ase.”
33 眾人聽見這話，就希奇他的教訓。
Jitia joma hoi kene thaka manu khan Jisu laga sikhai diya kotha hunise, taikhan asurit hoise.
34 法利賽人聽見耶穌堵住了撒都該人的口，他們就聚集。
Kintu jitia Pharisee khan Jisu pora Sadducee khan laga mukh chup kori diya hunise, taikhan eke logote mili kene joma hoise.
35 內中有一個人是律法師，要試探耶穌，就問他說：
Taikhan majote, ekjon ukil, Jisu ke porikha kori bole ekta kotha hudise-
36 「夫子，律法上的誡命，哪一條是最大的呢？」
“Shika manu, sob niyom laga majote, kuntu niyom he sob pora dangor ase?”
37 耶穌對他說：「你要盡心、盡性、盡意愛主－你的上帝。
Jisu koise, “‘Tumi laga Isor ke pura mon pora, aru pura atma, aru pura bhabona pora morom koribi.’
38 這是誡命中的第一，且是最大的。
Etu he sob pora dangor aru poila niyom ase.
39 其次也相倣，就是要愛人如己。
Aru dusra niyom to eneka ase- ‘Nijorke morom kora nisena tumi laga ghor usor manu khan ke bhi morom koribi.’
40 這兩條誡命是律法和先知一切道理的總綱。」
Jiman niyom aru bhabobadi khan laga kotha khan ase, etu duita niyom uporte khara ase.”
41 法利賽人聚集的時候，耶穌問他們說：
Etiya, jitia Pharisee khan sob joma hoi kene thaka somoite, Jisu taikhan ke ekta kotha hudise.
42 「論到基督，你們的意見如何？他是誰的子孫呢？」他們回答說：「是大衛的子孫。」
Tai koise, “Tumikhan Khrista ke ki bhabe? Tai kun laga Putro ase?” Taikhan koise, “David laga Putro.”
43 耶穌說：「這樣，大衛被聖靈感動，怎麼還稱他為主，說：
Jisu taikhan ke koise, “Tinehoile kineka kori kene David to atma te Taike probhu koi kene mate, eneka koi kene,
44 主對我主說： 你坐在我的右邊， 等我把你仇敵放在你的腳下。
‘Isor pora moi laga Probhu ke koise, “Moi laga dyna hathte bohibi, Jitia tak Moi tumi laga dushman khan ke tumi laga theng nichete na ane’”?
45 大衛既稱他為主，他怎麼又是大衛的子孫呢？」
Jodi David pora Khrista ke ‘Probhu’ matise, tinehoile kineka Tai David laga chokra hobo?”
46 他們沒有一個人能回答一言。從那日以後，也沒有人敢再問他甚麼。
Kun bhi Jisu ke ekta jowab bhi dibole para nai, aru utu din pora kun bhi Taike ekta kotha bhi nahuda hoise.
