路加福音 24
1 七日的頭一日，黎明的時候，那些婦女帶着所預備的香料來到墳墓前，
Ngpum mhmüp ngawiksik üng, ng'uingnam he jah ceh u lü, nghnumi he ng’uhnüna citki he.
2 看見石頭已經從墳墓滾開了，
Acunüng k'utnak üngka lungnu cun akcea ngtäng se hmu u lü,
3 她們就進去，只是不見主耶穌的身體。
lutki he, acunüng Jesuha yawk cun am ami hmuh.
4 正在猜疑之間，忽然有兩個人站在旁邊，衣服放光。
Acunüng, acuna phäha ami cäicah k'um üng, khyang nghngih akbawk suisa ni lü, ngdang lawki xawi.
5 婦女們驚怕，將臉伏地。那兩個人就對她們說：「為甚麼在死人中找活人呢？
Ami kyühnak am kawp u lü ami ve k'um üng anini naw, “Ivai akthia ksunga akxüng nami suiki ni?
6 他不在這裏，已經復活了。當記念他還在加利利的時候怎樣告訴你們，
“Hia am ve ti naw, tho be päng ve; Kalilea a ve üng nami veia a ngthu pyen cen süm be ua,
7 說：『人子必須被交在罪人手裏，釘在十字架上，第三日復活。』」
‘khyanga Capa, khyangka hea kut üng mansaka kya khai, kutlamktung üng taih khai he, amhmüp thum üng tho be khaia kyaki,’ a ti cen,” ani ti.
8 她們就想起耶穌的話來，
Acunüng a pyen süm law be u lü,
9 便從墳墓那裏回去，把這一切的事告訴十一個使徒和其餘的人。
ng’uhnün üngka naw cit beki he naw, xaleiat la akce hea veia acuna mawngma avan cun ami jah mtheh,
10 那告訴使徒的就是抹大拉的馬利亞和約亞拿，並雅各的母親馬利亞，還有與她們在一處的婦女。
Acuna nghnumi he cun, Marih Makdalin, Joanah la Jakuka nu Mariha kyaki he; ami veia nghnumi kce he naw pi acuna ngthu cun ngsä he üng ami jah mtheh hnga.
11 她們這些話，使徒以為是胡言，就不相信。
Cunsepi acuna ngthu cun ngthu sawxata kba, ia am msui u lü am ami kcangnak.
12 彼得起來，跑到墳墓前，低頭往裏看，見細麻布獨在一處，就回去了，心裏希奇所成的事。
Pita tho law lü ng’uhnüna dawngki; acunüng kawp lü tengki naw, jih he däng ve se hmu lü aktäa cäi lü ima cit beki.
13 正當那日，門徒中有兩個人往一個村子去；這村子名叫以馬忤斯，離耶路撒冷約有二十五里。
Acuna mhmüp üng axüisaw xawi nghngih, Jerusalem üngka naw mäng khyüh thukia Emawk khawa ani ceh k'um üng,
14 他們彼此談論所遇見的這一切事。
Jerusalema iyawa awmih avan sumkyam ni lü citki xawi.
15 正談論相問的時候，耶穌親自就近他們，和他們同行；
Acukba sumkyam ni lü ani ceh k'um üng, Jesuh naw jah pan law lü ani veia cit hngaki.
16 只是他們的眼睛迷糊了，不認識他。
Jesuh cun ani hmuh te am ani ksing.
17 耶穌對他們說：「你們走路彼此談論的是甚麼事呢？」他們就站住，臉上帶着愁容。
Acunüng Jesuh naw, “Nani ceh maha i nani sumkyamki ni?” ti lü jah kthäh se, thuisei ni lü ngdüiki xawi.
18 二人中有一個名叫革流巴的回答說：「你在耶路撒冷作客，還不知道這幾天在那裏所出的事嗎？」
Acunüng, Kalawpah naki naw, “Jerusalem khawa tuhmüngawi iyawa awmih am na ksingkia khin hin nang däng aw?” ti lü a msang.
19 耶穌說：「甚麼事呢？」他們說：「就是拿撒勒人耶穌的事。他是個先知，在上帝和眾百姓面前，說話行事都有大能。
Ani naw, “Ia ngkhaw ni?” ti se, anini naw, “Sahma Nazaret Jesuh, Pamhnam ja khyang avana hmuha a pyenksak la a bilawh üng a ngming ngthanga mawng,
20 祭司長和我們的官府竟把他解去，定了死罪，釘在十字架上。
ktaiyü ngvai he la mi ngvai he naw hnim vaia ami mso, kutlamktung khana ami taiha mawng cen,
21 但我們素來所盼望、要贖以色列民的就是他！不但如此，而且這事成就，現在已經三天了。
Isarel he jah küikyan khaia kami ngaih’uhei, acuna kyanak cun tuhngawi üng mhmüp thum law pängki.
22 再者，我們中間有幾個婦女使我們驚奇；她們清早到了墳墓那裏，
“Acuna thea pi kami vei üngka nghnumi he, khaw ngawilam ksika a ng'uhnak ng’uhnüna va cit u lü ami jah cäicatei law sak,
23 不見他的身體，就回來告訴我們，說看見了天使顯現，說他活了。
a yawk am hmu u lü, ‘Pamhnama khankhawngsä he ami hmuha ngdang lawki he naw, Ani xüng ve tia pyen ve u,’ ami ti law.
24 又有我們的幾個人往墳墓那裏去，所遇見的正如婦女們所說的，只是沒有看見他。」
“Acunüng, kami veia ka avang ng’uhnüna cit u lü, nghnumi hea pyen lawa kba, ami va hmuh, cunsepi, amät cun am ami hmuh,” ani ti.
25 耶穌對他們說：「無知的人哪，先知所說的一切話，你們的心信得太遲鈍了。
Acunüng, Jesuh naw, “Khyang k'ang he aw, sahma hea pyen avan am kcang na thei khaia angki he aw!
26 基督這樣受害，又進入他的榮耀，豈不是應當的嗎？」
Mesijah naw acun avan cun khamei lü a hlüngtainaka lut khaia am kya kungki aw?” a ti.
27 於是從摩西和眾先知起，凡經上所指着自己的話都給他們講解明白了。
Acunüng, Mosi la sahma he avana yük üng tünei lü Pamhnama cangcim avan üng amäta mawngma ng’yuki avana suilam a jah mtheh.
28 將近他們所去的村子，耶穌好像還要往前行，
Acunüng, ani cehnak vaia ngnam ani pha law hlü üng, Jesuh cun acuna khaw khye lü, athuknaka cit khaia kba ngtün se,
29 他們卻強留他，說：「時候晚了，日頭已經平西了，請你同我們住下吧！」耶穌就進去，要同他們住下。
anini naw, “Kani veia awmeia khaw mü lü khaw pi mthan law hlü ve,” ti ni se, acunüng ani hlawnga awm khaia lutki.
30 到了坐席的時候，耶穌拿起餅來，祝謝了，擘開，遞給他們。
Acunüng Jesuh naw ani veia buh ei khaia, a ngawh üng, muk lo lü, josenak am kbeki naw, bo lü, a jah pet.
31 他們的眼睛明亮了，這才認出他來。忽然耶穌不見了。
Acunüng, ani mik vai law se, Jesuh ni tia ani ksing law üng Jesuh cun khyükeiki.
32 他們彼此說：「在路上，他和我們說話，給我們講解聖經的時候，我們的心豈不是火熱的嗎？」
Acunüng, axüisaw xawi naw, “Lama a jah ngthuheipüi üng, Pamhnama Cangcim he a jah mtheh k’um üng, ni mlung k'uma meidäikia mäih am kyakia kya kung aih se?” tia, animät ngthäh kyuki xawi.
33 他們就立時起身，回耶路撒冷去，正遇見十一個使徒和他們的同人聚集在一處，
Acun la ngdüi law ni lü Jerusalema cit beki xawi naw, xaleiat he la ani püi he awm hmaihki he cun jah hmu ni se amimi naw,
34 說：「主果然復活，已經現給西門看了。」
“Bawipa tho law be kcang ve, Sihmona veia pi ngdangki ni,” ami ti.
35 兩個人就把路上所遇見，和擘餅的時候怎麼被他們認出來的事，都述說了一遍。
Acunüng, anini naw pi lam ani ceh k'um üng, akya lawa mawng, muk bo se, a müi ani ksing lawa mawng cun ani pyen hnga.
36 正說這話的時候，耶穌親自站在他們當中，說：「願你們平安！」
Acuna ngthu ani pyen k'um üng, Jesuh ami ksunga ngdüi law lü, “Nami khana dim’yenak ve se,” a ti.
37 他們卻驚慌害怕，以為所看見的是魂。
Cunsepi, aktäa ngmüimkhya hmuki hea ngai u lü, ngpyangki he.
38 耶穌說：「你們為甚麼愁煩？為甚麼心裏起疑念呢？
Cunsepi Jesuh naw, “Ise nami khuikhaki ni? Ise nami mlungmthin k'uma mlung hlawthlatnak awmki ni?
39 你們看我的手，我的腳，就知道實在是我了。摸我看看！魂無骨無肉，你們看，我是有的。」
“Ka kut la ka khawpha he jah teng ua keiha ni ka kya ve, na hnet u lü na teng u; nami na hmuha kba ngmüimkhya naw mtisa la yuh am ta naw,” a ti.
40 說了這話，就把手和腳給他們看。
Acukba a pyen khap üng, a kut la a khawpha he a jah mhmuh.
41 他們正喜得不敢信，並且希奇；耶穌就說：「你們這裏有甚麼吃的沒有？」
Acunüng, ami jekyai law nganga phäha, am kcang na pha u lü, ami awm k'um üng, Jesuh naw, “Ei vai iyaw nami taki aw?” ti lü, a jah kthäh.
42 他們便給他一片燒魚。
Acunüng ami sawng päng nga amtawn ami pet.
43 他接過來，在他們面前吃了。
Acunüng lo lü ami ma a ei.
44 耶穌對他們說：「這就是我從前與你們同在之時所告訴你們的話說：摩西的律法、先知的書，和詩篇上所記的，凡指着我的話都必須應驗。」
Acunüng, Jesuh naw, “Mosia thum, sahma hea cayuknak la mküinaka ng’äi üng, keia mawng ng’yuki avan kümkawi law khai tia, nami hlawnga ka awm üng ka ning jah mtheh khawi cun ahin he ni,” a ti.
45 於是耶穌開他們的心竅，使他們能明白聖經，
Acunüng, Pamhnama ngthu ami ksingnak vaia ami mlung a jah vaisak;
46 又對他們說：「照經上所寫的，基督必受害，第三日從死裏復活，
acunüng, ami veia, “Mesijah naw khuikhanak khamei lü, amhmüp thum üng thihnak üngka naw tho be khai,
47 並且人要奉他的名傳悔改、赦罪的道，從耶路撒冷起直傳到萬邦。
A ngming am, ngjutnaka ngthu la, katnak mhlätnaka ngthu, Jerusalem khaw üngka naw tün lü, khyang avana veia sang khai he, tia ng’yuki,’
48 你們就是這些事的見證。
“Nangmi cun ahin hea saksiha nami kyaki ni.
49 我要將我父所應許的降在你們身上，你們要在城裏等候，直到你們領受從上頭來的能力。」
“Acunüng, ka pa naw a pyen nami khana ka tüi law khai; cunsepi, khana johit am nami yah hlana küt üng Jerusalema a na k’äih ua,” a ti.
50 耶穌領他們到伯大尼的對面，就舉手給他們祝福。
Acunüng Jesuh naw axüisaw he mlüh üngka naw Bethanih khawa jah cehpüiki naw a kut säng lü josenak am a jah kbe.
51 正祝福的時候，他就離開他們，被帶到天上去了。
Acukba josenak a jah pet k’um üng axüisaw hea awmnak üngka naw khankhawa kai beki.
52 他們就拜他，大大地歡喜，回耶路撒冷去，
Axüisaw he cun sawhkhah u lü, jekyai leng leng u lü, Jerusalema nghlat beki he.
53 常在殿裏稱頌上帝。
Acunüng, Pamhnam mküimto u lü, Temple üng awm nglätki he.
