約書亞記 15
1 猶大支派按着宗族拈鬮所得之地是在儘南邊，到以東的交界，向南直到尋的曠野。
Hanki Juda naga'ma nagate nofite'ma hu'za mopama refko'ma huzami'nazana, fenkamu sauti kaziga Idomu vahe mopama ometete uramino, vuvava huno sauti kaziga Sinie nehaza ka'ma kotega vu'ne.
2 他們的南界是從鹽海的儘邊，就是從朝南的海汊起，
Hanki mopazmimofo agema'amo'a fenkamu sauti kazigati'ma agafama hu'neana, fri hagerimofo ankenaregati agafa huteno,
3 通到亞克拉濱坡的南邊，接連到尋，上到加低斯‧巴尼亞的南邊，又過希斯崙，上到亞達珥，繞到甲加，
anantetira vuno Akrabimie nehaza agonaregama mareneriza kana agatereno, kantu kaziga Sinie nehaza ka'ma kokantega vuteno, Kades Banea mopamofo sauti kazigati marerino vuno, Hezroni rankumara agatereno Ada rankumatega anagamu uhanatiteno, ananteti rukrahe huno Karka rankumate vu'ne.
4 接連到押們，通到埃及小河，直通到海為止。這就是他們的南界。
Hagi anantetira vuno Asmoni kumate uhanatiteno, Isipi mopama emete'nere'ma osi tinkraho me'nea avaririno Mediterenieni ra hagerinte uhanatine. Ana higeno Juda nagamokizmi sauti kaziga mopamo'a anante ometre'ne.
5 東界是從鹽海南邊到約旦河口。北界是從約旦河口的海汊起，
Hagi zage hanati kaziga mopamofo agema'amo'a Fri Hagerimpima Jodani timo'ma enefrerega vu'ne. Higeno noti kaziga mopamo'a Fri Hagerimpima Jodani timo'ma enefrereti agafa hu'ne.
6 上到伯‧曷拉，過伯‧亞拉巴的北邊，上到呂便之子波罕的磐石；
Hanki anantetira ana mopamofo agema'amo'a marerino zage fre kaziga Bet-Hoglen uhanatiteno, vuno anagamu noti kaziga Bet-Araba Bohani Rubeni nemofo havema me'nere uhanati'ne.
7 從亞割谷往北，上到底璧，直向河南亞都冥坡對面的吉甲；又接連到隱‧示麥泉，直通到隱‧羅結，
Hagi mopamofo agema'amo'a Akhori aguporegati marerino vuno Debiri uhanatiteno, rukrahe huno noti kaziga Gilgali agonamo'ma sauti kaziga Adumimi agonamofo asoparega vuteno, anantetira vuvava huno En-Semesima tima nehanatire vuno, En Rogeli ome atre'ne.
8 上到欣嫩子谷，貼近耶布斯的南界（耶布斯就是耶路撒冷）；又上到欣嫩谷西邊的山頂，就是在利乏音谷極北的邊界；
Hanki anantetira marerino Ben Hinomu agupoma emetre'nerega Jerusalemi kumamofona sauti kaziga me'nea agonamofo asoparega vu'ne. Anantetira Hinomu agupomofona zage fre kazigati, ana agonamofo morusapi marerino, Refaimi agupomofo noti kazigama ometretega vu'ne.
9 又從山頂延到尼弗多亞的水源，通到以弗崙山的城邑，又延到巴拉（巴拉就是基列‧耶琳）；
Hagi ana agonamofo morusapintira vuno mopamofo agema'amo'a Neftoa tinkeriramima me'nere vuteno, vuno Efroni agona tvaonte me'nea rankumatminte uhanatiteno, anantetira rukrahe huno Ba'ala rankumate vu'ne. Hagi ana kumamofo mago agi'a Kiriat Jearimie hu'za menina nehaze.
10 又從巴拉往西繞到西珥山，接連到耶琳山的北邊（耶琳就是基撒崙）；又下到伯‧示麥過亭納，
Hanki Ba'alatira zage fre kaziga rukrahe huno vuno Seiri agonare uhanatiteno, Jearimi agonamofo [e'i Kesalonie] noti kaziga asoparega vuteno vuvava huno Bet Semesi rugitagino Timna vu'ne.
11 通到以革倫北邊，延到施基崙，接連到巴拉山；又通到雅比聶，直通到海為止。
Hagi anantetira ana mopamofo agema'amo'a vuno Ekroni noti kaziga ne'one agonaramintega vuteno, rukrahe huno Sihikeroni vuteno, anantetira Ba'ara agona erigama neteno Jabneli uhanati'ne. Higeno ana mopamofo agema'amo'a Mediterenia ra hagerinte ome atre'ne.
12 西界就是大海和靠近大海之地。這是猶大人按着宗族所得之地四圍的交界。
Hagi Juda naga'mokizmi zage fre kaziga mopamofo agema'amo'a, Mediterenia ra hagerimofo ankenare me'ne. Hagi Juda naga'mo'za ana mopafi nagate nofite hu'za mani'naze.
13 約書亞照耶和華所吩咐的，將猶大人中的一段地，就是基列‧亞巴，分給耶孚尼的兒子迦勒。亞巴是亞衲族的始祖（基列‧亞巴就是希伯崙）。
Ko'ma Ra Anumzamo'ma asami'nea kante anteno, Josua'a Jefune nemofo Kalepina Juda nagamokizmi mopafinti mago mopa refko humi'neana Kiriat Arbae, e'i menina Hebroni me'ne. (Arba'a Anaki tusinasi vahe'mokizmi nezamageho'e).
14 迦勒就從那裏趕出亞衲族的三個族長，就是示篩、亞希幔、撻買；
Hagi Kalepi'a Hebroniti'ma 3'a Anaki mofavrerami zamahe natitre'neana Sesaiki, Ahimaniki, Talmaima huno zamahe natitre'ne.
15 又從那裏上去，攻擊底璧的居民。（這底璧從前名叫基列‧西弗。）
Hanki Kalepi'a Debiri rankumapima mani'naza vahera marerino hara ome huzamante'ne. Hanki kora ana kumakura (Kiriat Sefa nehazane).
16 迦勒說：「誰能攻打基列‧西弗將城奪取，我就把我女兒押撒給他為妻。」
Hanki Kalepi'a amanage hu'ne, ina ne'mo'o Kiriat sefa vahe'ma ha'ma huzamagateresia nera mofani'a Aksana amisnugeno a' erintegahie.
17 迦勒兄弟基納斯的兒子俄陀聶奪取了那城，迦勒就把女兒押撒給他為妻。
Higeno Kalepi nefu Kenasi mofavremo Otnieli Kiriat Sefa kumara hara huzmagateregeno, Kalepi'a mofa'a Aksana amigeno ara erinte'ne.
18 押撒過門的時候，勸丈夫向她父親求一塊田，押撒一下驢，迦勒問她說：「你要甚麼？」
Hagi Aksama Otnielinte'ma marea knazupa, Aksa'a nefa Kalepina mopagu ome antahigenaku Otnielina tutu hunte'ne. Hagi donki afu'mofo agumpinti'ma Aksa'ma anama takau neregeno'a, Kalepi'a antahigeno, na'a hugante'nuegu kave'nesie?
19 她說：「求你賜福給我，你既將我安置在南地，求你也給我水泉。」她父親就把上泉下泉賜給她。
Higeno Aksa'a nefana amanage huno asmi'ne. Asomu hunantenka Kagra Negevi kaziga hagege mopa hago nami'nananki, mago'a kampu'i tinena namighane. Higeno anagamune fenkma kaziganema me'nea kampui tina Kalepi'a ami'ne.
20 以下是猶大支派按着宗族所得的產業。
Hanki Juda naga'mo'zama rankuma'ene mopanema nagate nofite'ma hu'za erisantihare'naza kumatamimofo zamagi'a ama'ne,
21 猶大支派儘南邊的城邑，與以東交界相近的，就是甲薛、以得、雅姑珥、
Sauti kaziga Idomu vahe mopa eme atretegama Juda naga'mokizmi rankumatmima me'neana, Kebzilima, Ederima, Jagurima.
22 基拿、底摩拿、亞大達、
Kinama, Dimonama, Adadama,
23 基低斯、夏瑣、以提楠、
Kedesima, Hazorima, Itnanima,
24 西弗、提鍊、比亞綠、
Zifima, Telemima, Bearotima,
25 夏瑣‧哈大他、加略‧希斯崙（加略‧希斯崙就是夏瑣）、
Hazor-Hadatama, Keriot-Hezronima, (e'i Hazorie hu'za nehaza kumare),
26 亞曼、示瑪、摩拉大、
Amamuma, Semama, Moladama,
27 哈薩‧迦大、黑實門、伯‧帕列、
Hazar-Gadama, Hesmonima, Bet-Peletima,
28 哈薩‧書亞、別是巴、比斯約他、
Hazar-Sualima, Besibama Biziotiama,
29 巴拉、以因、以森、
Ba'alama, Imima, Ezemima,
30 伊勒多臘、基失、何珥瑪、
Eltoladima, Kesilima, Homama,
31 洗革拉、麥瑪拿、三撒拿、
Ziklagima, Madmanama, Sansanama,
32 利巴勿、實忻、亞因、臨門，共二十九座城，還有屬城的村莊。
Lebaotima, Silhimima, Ainima, Rimoni kuma'enene. Hagi ana makara 29ni'a ranra kumatmi me'negeno, ne'onse kumazmia megagitere hu'ne.
33 在高原有以實陶、瑣拉、亞實拿、
Hanki zage fre kazigama ne'onse agonaramimofo asoparegama me'nea kumataminena Juda naga'ma zami'neana, Estaolima, Zorama, Asnama,
34 撒挪亞、隱‧干寧、他普亞、以楠、
Zanoama, En-Ganimima, Tapuama, Enamuma,
35 耶末、亞杜蘭、梭哥、亞西加、
Jarmutima, Adulamuma, Sokoma, Azekama,
36 沙拉音、亞底他音、基底拉、基底羅他音，共十四座城，還有屬城的村莊。
Sa'araimima, Atithaimima, Gederama, Gederotaimima huno me'ne. Ana makara 14ni'a ranra kumatmi me'negeno, ne'onse kumazmia megagitere hu'ne.
37 又有洗楠、哈大沙、麥大‧迦得、
Hagi mago kazigama metru hu'nea ranra kumatmimofo zamagi'a, Zenanima, Hadasama, Migdal-Gatima,
38 底連、米斯巴、約帖、
Dileanima, Mizpama, Joktelima,
39 拉吉、波斯加、伊磯倫、
Lakhisima, Bozkatima, Eklonima,
40 迦本、拉幔、基提利、
Kabonima, Lamamuma, Kitlisima,
41 基低羅、伯‧大袞、拿瑪、瑪基大，共十六座城，還有屬城的村莊。
Gederotima, Bet-Dagonima, Na'ama, Makeda kuma'enene. Hagi ana makara 16ni'a ranra kumatmi megeno, ne'onse kumazmia megagitere hu'ne.
42 又有立拿、以帖、亞珊、
Hagi mago kazigama metru hu'nea ranra kumatmimofo zamagi'a, Libnama, Etama, Asanima,
43 益弗他、亞實拿、尼悉、
Iftama, Asnama, Nezibima,
44 基伊拉、亞革悉、瑪利沙，共九座城，還有屬城的村莊。
Keilama, Akzibima, Maresa kumaki huno megeno, ana makara 9ni'a ranra kumatmi me'negeno, ne'onse kumazmia megagitere hu'ne.
45 又有以革倫和屬以革倫的鎮市村莊；
Hanki Ekroni ran kuma e'neri'za ne'onse kumazmima megagi'nea kuma'taminema Juda naga'mo'zama eri'nazana,
46 從以革倫直到海，一切靠近亞實突之地，並屬其地的村莊。
Ekroni rankuma e'neri'za, Asdoti rankuma'ene e'neriza, vu'za hagerinkenaregama me'nea neonse kumataminena eri'naze.
47 亞實突和屬亞實突的鎮市村莊；迦薩和屬迦薩的鎮市村莊；直到埃及小河，並大海和靠近大海之地。
Asdotima me'nea ranra kuma'ene ne'onse kumatamine, Gaza rankuma'ene tvaoma'are'ma me'nea neonse kumatamima, fenkamu sauti kaziga Isipi mopama eme atretegema me'nea tinkagomute vigeno, Mediteterenia ra hageri ankenare ome atre'ne.
48 在山地有沙密、雅提珥、梭哥、
Hagi agonaramimpima me'nea kumatmina, Samirima, Jatirima, Sokoma,
49 大拿、基列‧薩拿（基列‧薩拿就是底璧）、
Danama, Kiriat-Sana [mago agi'a Debirie].
50 亞拿伯、以實提莫、亞念、
Hagi Anabuma, Estemoma, Animima,
51 歌珊、何倫、基羅，共十一座城，還有屬城的村莊。
Gosenima, Holonima, Giloma huno megeno ana makara 11ni'a ranra kumatmi me'negeno, ne'onse kumazmia megagitere hu'ne.
52 又有亞拉、度瑪、以珊、
Hanki mago kaziga metru hu'nea ranra kumatmimofo zamagi'a, Arabuma, Dumama, Esanima,
53 雅農、伯‧他普亞、亞非加、
Janimima, Bet-tapuama, Afekama,
54 宏他、基列‧亞巴（基列‧亞巴就是希伯崙）、洗珥，共九座城，還有屬城的村莊。
Humtama, Kiriat-Arbama, (e'i menina Hebronie nehaze), Ziorima huno megeno, ana makara 9ni'a ranra kumatmi me'negeno ne'onse kumazmimo megagitere hu'ne.
55 又有瑪雲、迦密、西弗、淤他、
Hanki mago kaziga metru hu'nea ranra kumatmimofo zamagi'a, Maonima, Kamelima, Zifima, Juttama,
56 耶斯列、約甸、撒挪亞、
Jezrielima, Jokdeamuma, Zanoama,
57 該隱、基比亞、亭納，共十座城，還有屬城的村莊。
Kainima, Gibeama, Timna kumaki huno megeno, ana makara 10ni'a ranra kumatmi me'negeno, ne'onse kumazmia megagitere hu'ne.
58 又有哈忽、伯‧夙、基突、
Hanki mago kaziga metru hu'nea ranra kumatmimofo zamagi'a, Halhulima, Bet-Zurima, Gedorima,
59 瑪臘、伯‧亞諾、伊勒提君，共六座城，還有屬城的村莊。
Ma'aratima, Bet-Anotima, Eltekonima huno megeno, ana makara 6si'a ranra kumatmi megeno, ne'onse kumazmia megagitere hu'ne.
60 又有基列‧巴力（基列‧巴力就是基列‧耶琳）、拉巴，共兩座城，還有屬城的村莊。
Hanki mago kaziga me'nea rankumatremokizni zanagi'a, Kiriat-Ba'aline, (mago agi'a Kiriat Jearimie), Raba kuma'ene me'nakeno, ne'onse kumatmimo'a megagitere hu'ne.
61 在曠野有伯‧亞拉巴、密丁、西迦迦、
Hagi ka'ma mopama me'nefima me'nea kumatmimofo zamagi'a, Bet Arabama, Midinima, Sekakama,
62 匿珊、鹽城、隱‧基底，共六座城，還有屬城的村莊。
Nibsaninma Hage rankuma'ma En-Gedi kumaki hu'za me'naze. Hagi ana makara 6si'a ranra kumatmi me'negeno, ne'onse kumazmia megagitere hu'ne.
63 至於住耶路撒冷的耶布斯人，猶大人不能把他們趕出去，耶布斯人卻在耶路撒冷與猶大人同住，直到今日。
Hianagi Jebusi vahe'ma Jerusalema ko'ma mani'naza vahera, Juda naga'mo'za zamahenati otre'za, zamatrazage'za zamagrane magopi Jerusalemi kumapi mani'za e'za meninena mani'naze.
