以賽亞書 43
1 雅各啊，創造你的耶和華， 以色列啊，造成你的那位， 現在如此說： 你不要害怕！因為我救贖了你。 我曾提你的名召你，你是屬我的。
Nou menm, moun fanmi Jakòb yo, men sa Seyè a ap di nou koulye a, li menm ki te kreye nou an. Nou menm moun Izrayèl yo, men sa l'ap di nou, li menm ki te fè nou ak men l': -Nou pa bezwen pè anyen! M'ap toujou pwoteje nou. Se mwen menm ki te ban nou non nou pote a. Se pou mwen nou ye.
2 你從水中經過，我必與你同在； 你詵過江河，水必不漫過你； 你從火中行過，必不被燒， 火焰也不着在你身上。
Lè n'ap pase sou lanmè, m'ap kanpe la avèk nou. Lè n'ap janbe gwo dlo, dlo a p'ap bwote nou ale. Lè n'ap mache nan mitan dife, dife p'ap boule nou. Flanm dife a p'ap fè nou anyen.
3 因為我是耶和華－你的上帝， 是以色列的聖者－你的救主； 我已經使埃及作你的贖價， 使古實和西巴代替你。
Paske mwen menm, mwen se Seyè a, Bondye nou an. Se Bondye pèp Izrayèl la ki yon Bondye apa. Se mwen menm k'ap delivre nou! Pou m' te ka delivre nou mwen te bay peyi Lejip, peyi Letiopi ansanm ak peyi Seba a nan plas nou.
4 因我看你為寶為尊； 又因我愛你， 所以我使人代替你， 使列邦人替換你的生命。
M'ap bay tout moun lòt nasyon yo pou m' ka sove lavi nou, paske mwen konsidere nou anpil. Nou gen anpil valè pou mwen, mwen renmen nou anpil.
5 不要害怕，因我與你同在； 我必領你的後裔從東方來， 又從西方招聚你。
Nou pa bezwen pè anyen. Mwen la avèk nou. M'ap fè tout moun nou yo tounen lakay yo. M'ap sanble nou soti nan peyi sou bò solèy leve ak nan peyi sou bò solèy kouche.
6 我要對北方說，交出來！ 對南方說，不要拘留！ 將我的眾子從遠方帶來， 將我的眾女從地極領回，
M'ap di moun ki rete sou bò nan nò yo: Kite yo ale! M'ap di moun ki rete sou bò nan sid yo: Kite yo tounen! Kite pitit gason m' yo tounen soti byen lwen. Kite pitit fi m' yo tounen soti toupatou sou latè.
7 就是凡稱為我名下的人， 是我為自己的榮耀創造的， 是我所做成，所造作的。
Se pèp mwen yo ye. Se mwen menm ki kreye yo pou yo ka sèvi yon lwanj pou mwen. Se mwen menm menm ki te fè yo. Se nan men mwen yo soti.
8 你要將有眼而瞎、 有耳而聾的民都帶出來！
Seyè a di ankò: -Fè pèp la konparèt devan m'. Se yon bann moun ki gen je men ki pa wè. Yo gen zòrèy men yo pa tande.
9 任憑萬國聚集； 任憑眾民會合。 其中誰能將此聲明， 並將先前的事說給我們聽呢？ 他們可以帶出見證來，自顯為是； 或者他們聽見便說：這是真的。
Rele tout nasyon yo, fè yo tout reyini ansanm. Fè yo sanble nan tribinal la. Kilès nan bondye moun sa yo ki te di davans sa ki gen pou rive a? Kilès ki te fè nou konnen bagay k'ap rive koulye a? Fè bondye sa yo vini ak temwen ki pou kanpe pale pou yo. Lè y'a tande yo, y'a ba yo rezon!
10 耶和華說：你們是我的見證， 我所揀選的僕人。 既是這樣，便可以知道，且信服我， 又明白我就是耶和華。 在我以前沒有真神； 在我以後也必沒有。
Men pawòl Seyè a di: -Se nou menm menm ki pou sèvi m' temwen. Se nou menm mwen te chwazi pou sèvi m', pou nou konnen m', pou nou kapab mete konfyans nou nan mwen, pou nou ka konprann se mwen menm sèl ki Bondye tout bon an. Anvan mwen, pa t' gen lòt bondye. Apre mwen, p'ap gen lòt bondye.
11 惟有我是耶和華； 除我以外沒有救主。
Se mwen menm sèl ki Granmèt la, Seyè a. Pa gen lòt ki ka delivre nou pase mwen menm!
12 我曾指示，我曾拯救，我曾說明， 並且在你們中間沒有別神。 所以耶和華說： 你們是我的見證。 我也是上帝；
Se mwen menm ki te di nou davans sa ki gen pou rive. Se mwen menm ki delivre nou. Pa gen ankenn lòt bondye lòt nasyon yo ki janm fè sa pou nou. Nou menm, se temwen mwen nou ye. Se mwen ki Bondye. Se Seyè a menm ki di sa.
13 自從有日子以來，我就是上帝； 誰也不能救人脫離我手。 我要行事誰能阻止呢？
M' pa janm chanje. Pesonn pa ka chape anba men mwen. Ki moun ki ka defèt sa mwen fè?
14 耶和華－你們的救贖主、 以色列的聖者如此說： 因你們的緣故， 我已經打發人到巴比倫去； 並且我要使迦勒底人如逃民， 都坐自己喜樂的船下來。
Men sa Seyè k'ap delivre nou an di: Men sa Bondye pèp Izrayèl la ki yon Bondye apa a di: -Pou m' ka sove nou, m'ap voye yon lame mache sou lavil Babilòn. M'ap fè yo tout kouri met deyò. Wi, moun Kalde yo pral desann soti sou batiman ki te tout lògèy yo a.
15 我是耶和華－你們的聖者， 是創造以色列的，是你們的君王。
Se mwen menm Seyè a, Bondye pa nou an, ki yon Bondye apa. Se mwen menm ki te kreye pèp Izrayèl la. Se mwen menm ki wa nou!
16 耶和華在滄海中開道， 在大水中開路，
Nan tan lontan, se li menm, Seyè a, ki te louvri yon chemen nan mitan lanmè a pou nou. Li te fè yon wout nan mitan gwo dlo ki te fin debòde yo.
17 使車輛、馬匹、軍兵、勇士都出來， 一同躺下，不再起來； 他們滅沒，好像熄滅的燈火。
Li te fè moun yo sanble yon gwo lame ak anpil zam, anpil cha lagè ak tout chwal yo. Li fè yo tonbe atè, yo pa janm ka leve ankò. Yo mouri tankou yon bouji lè ou soufle sou li.
18 耶和華如此說： 你們不要記念從前的事， 也不要思想古時的事。
Men sa Seyè a di: Pa chita ap chonje tan lontan. Pa rete ap kalkile sa ki fin pase!
19 看哪，我要做一件新事； 如今要發現，你們豈不知道嗎？ 我必在曠野開道路， 在沙漠開江河。
Men m'ap fè yon lòt bagay pou nou. Li konmanse rive deja. Nou pa wè li? Mwen pral fè yon wout nan mitan dezè a. Mwen pral fè gwo dlo koule nan savann lan.
20 野地的走獸必尊重我； 野狗和鴕鳥也必如此。 因我使曠野有水， 使沙漠有河， 好賜給我的百姓、我的選民喝。
Bèt nan bwa pral fè lwanj mwen. Chen mawon ak otrich pral fè fèt pou mwen. Paske m'ap mete dlo nan dezè a. M'ap fè gwo dlo koule nan savann lan pou pèp mwen chwazi pou rele m' pa m' lan ka jwenn dlo pou yo bwè.
21 這百姓是我為自己所造的， 好述說我的美德。
Pèp mwen te fè pou mwen an va chante, l'a fè lwanj mwen.
22 雅各啊，你並沒有求告我； 以色列啊，你倒厭煩我。
Seyè a di: -Men se pa mwen menm nou te sèvi, nou menm fanmi Jakòb yo! Nou menm pèp Izrayèl la, nou te bouke avè m'.
23 你沒有將你的羊帶來給我作燔祭， 也沒有用祭物尊敬我； 我沒有因供物使你服勞， 也沒有因乳香使你厭煩。
Nou pa t' ofri mouton nou yo pou yo te boule pou mwen. Se pa t' pou fè lwanj mwen nou te touye bèt nou yo. Mwen pa t' fòse nou fè ofrann grenn jaden nou yo pou mwen. Mwen pa t' fatige nou pou lansan nou pa boule pou mwen.
24 你沒有用銀子為我買菖蒲， 也沒有用祭物的脂油使我飽足； 倒使我因你的罪惡服勞， 使我因你的罪孽厭煩。
Nou pa t' depanse lajan nou achte lansan pou mwen. Ni nou pa t' ofri m' grès bèt nou touye yo pou sa te fè m' plezi. Men, se nou menm ki kraze m' ak peche nou yo. Se nou menm ki fatige m' ak mechanste n'ap fè yo.
25 惟有我為自己的緣故塗抹你的過犯； 我也不記念你的罪惡。
Se mwen menm ankò k'ap efase tou sa nou fè ki mal. Se paske se mwen kifè m'ap fè l'. Mwen p'ap kenbe nou nan kè poutèt peche nou yo.
26 你要提醒我，你我可以一同辯論； 你可以將你的理陳明，自顯為義。
Ede m' chonje sa ki te pase. Ann konparèt ansanm nan tribinal la. Ou pral pale pou defann tèt ou, pou fè wè se ou ki gen rezon.
27 你的始祖犯罪； 你的師傅違背我。
Premye zansèt nou an te fè sa li pa t' dwe fè. Mesaje nou yo te vire do ban mwen.
28 所以，我要辱沒聖所的首領， 使雅各成為咒詛， 使以色列成為辱罵。
Se poutèt sa mwen avili moun ki reskonsab kay yo mete apa pou mwen an. Se poutèt sa mwen lage fanmi Jakòb la pou yo detwi yo nèt. Mwen kite yo pase moun pèp Izrayèl yo nan betiz.
