以賽亞書 29
1 唉！亞利伊勒，亞利伊勒， 大衛安營的城， 任憑你年上加年， 節期照常周流。
Due wo Ariel, Ariel, kuropɔn a Dawid tenaa mu! Fa afe ka afe ho na ma wo mfirihyia mu afahyɛ ahorow no nkɔ so.
2 我終必使亞利伊勒困難； 她必悲傷哀號， 我卻仍以她為亞利伊勒。
Nanso metua Ariel ano; obedi awerɛhow na wato kwadwom, ɔbɛyɛ sɛ afɔremuka so gya.
3 我必四圍安營攻擊你， 屯兵圍困你， 築壘攻擊你。
Mede dɔm betwa wo ho ahyia; mesisi abantenten atwa wo ho ahyia na madi ntuano dwuma atia wo.
4 你必敗落，從地中說話； 你的言語必微細出於塵埃。 你的聲音必像那交鬼者的聲音出於地； 你的言語低低微微出於塵埃。
Wɔasie wo no, wobɛkasa afi asase mu; wo kasa a mu ntew no befi mfutuma mu aba. Wo nne befi asase no mu aba te sɛ ɔsaman de; wo kasa befi mfutuma mu aka asomsɛm.
5 你仇敵的群眾，卻要像細塵； 強暴人的群眾，也要像飛糠。 這事必頃刻之間忽然臨到。
Nanso wʼatamfo bebrebe no bɛyɛ sɛ mfutuma muhumuhu, na atirimɔdenfo bebrebe no ayɛ sɛ ntɛtɛ a mframa abɔ. Ɛbɛba prɛko pɛ, amono mu hɔ ara.
6 萬軍之耶和華必用雷轟、地震、大聲、旋風、暴風， 並吞滅的火焰，向她討罪。
Asafo Awurade bɛba. Ɔde aprannaa ne asasewosow ne huuyɛ kɛse, mframahweam ne ahum ne ogyaframa a ɛhyew ade bɛba.
7 那時，攻擊亞利伊勒列國的群眾， 就是一切攻擊亞利伊勒和她的保障， 並使她困難的， 必如夢景，如夜間的異象；
Afei amanaman bebrebe a wotu Ariel so sa nyinaa, wɔn a wɔtow hyɛ ɔne nʼaban so na wotua nʼano no, ɛbɛyɛ wɔn sɛ adaeso, anaa anadwo mu anisoadehu.
8 又必像飢餓的人夢中吃飯， 醒了仍覺腹空； 或像口渴的人夢中喝水， 醒了仍覺發昏，心裏想喝。 攻擊錫安山列國的群眾也必如此。
Sɛnea obi a ɔkɔm de no so dae sɛ ɔredidi, na sɛ onyan a ɔte sɛ ɔkɔm de no no; sɛnea obi a osukɔm de no so dae sɛ ɔrenom nsu, nanso onyan a na watɔ beraw, na osukɔm de no ara no. Saa ara na ɛbɛyɛ ama amanaman dodow a wɔko tia Bepɔw Sion no.
9 你們等候驚奇吧！ 你們宴樂昏迷吧！ 他們醉了，卻非因酒； 他們東倒西歪，卻非因濃酒。
Mo ho nnwiriw mo na ɛnyɛ mo nwonwa, mo ani mfura a munhu ade; mommobow a emfi nsa, montotɔ ntintan a emfi bobesa.
10 因為耶和華將沉睡的靈澆灌你們， 封閉你們的眼， 蒙蓋你們的頭。 你們的眼就是先知； 你們的頭就是先見。
Awurade de nnahɔɔ ato mo so: Wakata mo ani (adiyifo no); wakata mo ti so (adehufo no).
11 所有的默示，你們看如封住的書卷，人將這書卷交給識字的，說：「請念吧！」他說：「我不能念，因為是封住了。」
Mo de, saa anisoadehu yi nyinaa nka hwee mma mo, ɛte sɛ nsɛm a wɔasɔw ano wɔ nhoma mmobɔwee mu. Sɛ mode nhoma mmobɔwee no ma obi a, otumi kenkan, na moka kyerɛ no se, “Mesrɛ wo kenkan eyi” a, obebua se, “Merentumi, efisɛ wɔasɔw ano.”
12 又將這書卷交給不識字的人，說：「請念吧！」他說：「我不識字。」
Sɛ nso, mode nhoma mmobɔwee no ma nea onnim akenkan, na moka kyerɛ no se, “Mesrɛ wo kenkan eyi” a, obebua se, “Minnim akenkan.”
13 主說：因為這百姓親近我， 用嘴唇尊敬我， 心卻遠離我； 他們敬畏我， 不過是領受人的吩咐。
Awurade ka se, “Saa nnipa yi de anohunu twiw bɛn me na wɔde wɔn anofafa hyɛ me anuonyam, nanso wɔn koma mmɛn me. Som a wɔsom me no yɛ mmara a nnipa akyerɛ wɔn no nko ara.
14 所以，我在這百姓中要行奇妙的事， 就是奇妙又奇妙的事。 他們智慧人的智慧必然消滅， 聰明人的聰明必然隱藏。
Enti mɛma nnipa yi ho adwiriw wɔn bio mede anwonwade ntoatoaso bɛyɛ; mɛsɛe anyansafo nyansa, na mɛma nimdefo adenim ayɛ ɔkwa.”
15 禍哉！那些向耶和華深藏謀略的， 又在暗中行事，說： 誰看見我們呢？ 誰知道我們呢？
Wonnue, wɔn a wɔyɛ biribiara sɛ wɔde wɔn atirimpɔw behintaw Awurade, wɔn a wɔyɛ wɔn nnwuma wɔ sum ase na wosusuw sɛ, “Hena na ohu yɛn? Hena na ɔbɛte ase?”
16 你們把事顛倒了， 豈可看窯匠如泥嗎？ 被製作的物豈可論製作物的說： 他沒有製作我？ 或是被創造的物論造物的說： 他沒有聰明？
Musisi nneɛma ti ase, sɛnea modwene sɛ ɔnwemfo te sɛ dɔte no! Nea wayɛ betumi aka akyerɛ nea ɔyɛe no se, “Ɛnyɛ wo na woyɛɛ me ana”? Kuku betumi aka afa ɔnwemfo ho se “Onnim hwee ana”?
17 黎巴嫩變為肥田， 肥田看如樹林， 不是只有一點點時候嗎？
Ɛrenkyɛ koraa, wɔrennan Lebanon nyɛ no asasebere na asasebere no nso nyɛ sɛ kwae ana?
18 那時，聾子必聽見這書上的話； 瞎子的眼必從迷矇黑暗中得以看見。
Saa da no, ɔsotifo bɛte nsɛm a ɛwɔ nhoma mmobɔwee no mu na kusuuyɛ ne esum mu mpo onifuraefo ani behu ade.
19 謙卑人必因耶和華增添歡喜； 人間貧窮的必因以色列的聖者快樂。
Ahobrɛasefo bedi ahurusi wɔ Awurade mu bio; ahiafo ho bɛsɛpɛw wɔn wɔ Israel Ɔkronkronni no mu.
20 因為，強暴人已歸無有， 褻慢人已經滅絕， 一切找機會作孽的都被剪除。
Atutuwpɛfo bɛyera, wɔrenhu fɛwdifo bio, na wɔn a wodwen bɔne nyinaa, wobetwa wɔn agu,
21 他們在爭訟的事上定無罪的為有罪， 為城門口責備人的設下網羅， 用虛無的事屈枉義人。
wɔn a wɔka asɛm baako ma obi di fɔ, wɔn a wosum nea ɔreyi ne ho ano afiri wɔ asennii na wodi adansekurum ma wobu nea odi bem no fɔ no nso wobetwa wɔn agu.
22 所以，救贖亞伯拉罕的耶和華 論雅各家如此說： 雅各必不再羞愧， 面容也不致變色。
Enti sɛɛ na Awurade a ogyee Abraham nkwa no ka kyerɛ Yakob fifo: “Yakob anim rengu ase bio; wɔn anim rehoa bio.
23 但他看見他的眾子， 就是我手的工作在他那裏， 他們必尊我的名為聖， 必尊雅各的聖者為聖， 必敬畏以色列的上帝。
Sɛ wohu wɔn mma wɔ wɔn mu, wɔn a wɔyɛ me nsa ano adwuma no a wɔbɛyɛ me din no kronkron; wobegye Yakob ɔkronkronni no kronkronyɛ ato mu, na wɔde fɛre agyina Israel Nyankopɔn no anim.
24 心中迷糊的必得明白； 發怨言的必受訓誨。
Wɔn a wɔfom kwan wɔ honhom mu benya ntease; wɔn a wonwiinwii nso begye nkyerɛkyerɛ ato mu.”
