以賽亞書 21
1 論海旁曠野的默示： 有仇敵從曠野，從可怕之地而來， 好像南方的旋風，猛然掃過。
| מַשָּׂא מִדְבַּר־יָם כְּסוּפוֹת בַּנֶּגֶב לַחֲלֹף מִמִּדְבָּר בָּא מֵאֶרֶץ נוֹרָאָֽה׃ |
2 令人悽慘的異象已默示於我。 詭詐的行詭詐，毀滅的行毀滅。 以攔哪，你要上去！ 米底亞啊，你要圍困！ 主說：我使一切歎息止住。
| חָזוּת קָשָׁה הֻגַּד־לִי הַבּוֹגֵד ׀ בּוֹגֵד וְהַשּׁוֹדֵד ׀ שׁוֹדֵד עֲלִי עֵילָם צוּרִי מָדַי כׇּל־אַנְחָתָהֿ הִשְׁבַּֽתִּי׃ |
3 所以，我滿腰疼痛； 痛苦將我抓住， 好像產難的婦人一樣。 我疼痛甚至不能聽； 我驚惶甚至不能看。
| עַל־כֵּן מָלְאוּ מׇתְנַי חַלְחָלָה צִירִים אֲחָזוּנִי כְּצִירֵי יוֹלֵדָה נַעֲוֵיתִי מִשְּׁמֹעַ נִבְהַלְתִּי מֵרְאֽוֹת׃ |
4 我心慌張，驚恐威嚇我。 我所羨慕的黃昏，變為我的戰兢。
| תָּעָה לְבָבִי פַּלָּצוּת בִּֽעֲתָתְנִי אֵת נֶשֶׁף חִשְׁקִי שָׂם לִי לַחֲרָדָֽה׃ |
5 他們擺設筵席， 派人守望，又吃又喝。 首領啊，你們起來， 用油抹盾牌。
| עָרֹךְ הַשֻּׁלְחָן צָפֹה הַצָּפִית אָכוֹל שָׁתֹה קוּמוּ הַשָּׂרִים מִשְׁחוּ מָגֵֽן׃ |
6 主對我如此說： 你去設立守望的， 使他將所看見的述說。
| כִּי כֹה אָמַר אֵלַי אֲדֹנָי לֵךְ הַֽעֲמֵד הַֽמְצַפֶּה אֲשֶׁר יִרְאֶה יַגִּֽיד׃ |
7 他看見軍隊， 就是騎馬的一對一對地來， 又看見驢隊，駱駝隊， 就要側耳細聽。
| וְרָאָה רֶכֶב צֶמֶד פָּרָשִׁים רֶכֶב חֲמוֹר רֶכֶב גָּמָל וְהִקְשִׁיב קֶשֶׁב רַב־קָֽשֶׁב׃ |
8 他像獅子吼叫，說： 主啊，我白日常站在望樓上， 整夜立在我守望所。
| וַיִּקְרָא אַרְיֵה עַל־מִצְפֶּה ׀ אֲדֹנָי אָנֹכִי עֹמֵד תָּמִיד יוֹמָם וְעַל־מִשְׁמַרְתִּי אָנֹכִי נִצָּב כׇּל־הַלֵּילֽוֹת׃ |
9 看哪，有一隊軍兵騎着馬， 一對一對地來。 他就說：巴比倫傾倒了！傾倒了！ 他一切雕刻的神像都打碎於地。
| וְהִנֵּה־זֶה בָא רֶכֶב אִישׁ צֶמֶד פָּרָשִׁים וַיַּעַן וַיֹּאמֶר נָפְלָה נָֽפְלָה בָּבֶל וְכׇל־פְּסִילֵי אֱלֹהֶיהָ שִׁבַּר לָאָֽרֶץ׃ |
10 我被打的禾稼，我場上的穀啊， 我從萬軍之耶和華－ 以色列的上帝那裏所聽見的，都告訴你們了。
| מְדֻשָׁתִי וּבֶן־גׇּרְנִי אֲשֶׁר שָׁמַעְתִּי מֵאֵת יְהֹוָה צְבָאוֹת אֱלֹהֵי יִשְׂרָאֵל הִגַּדְתִּי לָכֶֽם׃ |
11 論度瑪的默示： 有人聲從西珥呼問我說： 守望的啊，夜裏如何？ 守望的啊，夜裏如何？
| מַשָּׂא דּוּמָה אֵלַי קֹרֵא מִשֵּׂעִיר שֹׁמֵר מַה־מִּלַּיְלָה שֹׁמֵר מַה־מִּלֵּֽיל׃ |
12 守望的說： 早晨將到，黑夜也來。 你們若要問就可以問， 可以回頭再來。
| אָמַר שֹׁמֵר אָתָה בֹקֶר וְגַם־לָיְלָה אִם־תִּבְעָיוּן בְּעָיוּ שֻׁבוּ אֵתָֽיוּ׃ |
13 論阿拉伯的默示： 底但結伴的客旅啊， 你們必在阿拉伯的樹林中住宿。
| מַשָּׂא בַּעְרָב בַּיַּעַר בַּעְרַב תָּלִינוּ אֹרְחוֹת דְּדָנִֽים׃ |
14 提瑪地的居民拿水來，送給口渴的， 拿餅來迎接逃避的。
| לִקְרַאת צָמֵא הֵתָיוּ מָיִם יֹֽשְׁבֵי אֶרֶץ תֵּימָא בְּלַחְמוֹ קִדְּמוּ נֹדֵֽד׃ |
15 因為他們逃避刀劍和出了鞘的刀， 並上了弦的弓與刀兵的重災。
| כִּֽי־מִפְּנֵי חֲרָבוֹת נָדָדוּ מִפְּנֵי ׀ חֶרֶב נְטוּשָׁה וּמִפְּנֵי קֶשֶׁת דְּרוּכָה וּמִפְּנֵי כֹּבֶד מִלְחָמָֽה׃ |
16 主對我這樣說：「一年之內，照雇工的年數，基達的一切榮耀必歸於無有。
| כִּי־כֹה אָמַר אֲדֹנָי אֵלָי בְּעוֹד שָׁנָה כִּשְׁנֵי שָׂכִיר וְכָלָה כׇּל־כְּבוֹד קֵדָֽר׃ |
17 弓箭手所餘剩的，就是基達人的勇士，必然稀少，因為這是耶和華－以色列的上帝說的。」
| וּשְׁאָר מִסְפַּר־קֶשֶׁת גִּבּוֹרֵי בְנֵֽי־קֵדָר יִמְעָטוּ כִּי יְהֹוָה אֱלֹהֵֽי־יִשְׂרָאֵל דִּבֵּֽר׃ |
