何西阿書 7
1 我想醫治以色列的時候， 以法蓮的罪孽和撒馬利亞的罪惡就顯露出來。 他們行事虛謊， 內有賊人入室偷竊， 外有強盜成群騷擾。
Nagra Israeli vahera zamazeri so'e hunaku huanagi, Efraemi vahe'mofo kefo avu'avazamo'a eama nehigeno, Sameria vahe'mofona havi zamavu'zamava zamo'a zamagripina avite'ne. Zamagra kefo zamavu'zamava nehazage'za, musufa vahe'mo'za nona tagna nevazizage'za, megia musufa vahe'mo'za vano nehu'za vahe'mofo zana musufa enerize.
2 他們心裏並不思想我記念他們的一切惡； 他們所行的現在纏繞他們，都在我面前。
Hianagi ana kumi'zamigu'ma nage'ma nokanua zana zamagra ke'za antahiza osu'naze. Kumima haza zamo'a maka kaziga megagi zmante'nege'na, Nagra ana maka kumizmi'a amate negoe.
3 他們行惡使君王歡喜， 說謊使首領喜樂。
Hagi kefo avu'ava zanteti kini nera azeri muse nehu'za, havigema huzanteti ugagota kva vahe'zmia zamazeri musena nehaze.
4 他們都是行淫的， 像火爐被烤餅的燒熱， 從摶麵到發麵的時候， 暫不使火着旺。
Hagi zamagra savri monko avu'avaza hu vahe mani'nazanki'za, breti krenaku'ma witi flaua'ma heneru'zama avenifima tevema hugrazageno tusi amuhoma nehiankna huno, monkozama hu zamagu'zamagesamo'a teve rukru nehie.
5 在我們王宴樂的日子， 首領因酒的烈性成病； 王與褻慢人拉手。
Hagi kini ne'mo'ma ne'zama kreno neneno musema nehia knarera, ugagota kva vahe'mo'za hankave tina ne'za neginagi nehazageno kini ne'mo'a zamagri'enena kiza zokago kea nehie.
6 首領埋伏的時候，心中熱如火爐， 就如烤餅的整夜睡臥， 到了早晨火氣炎炎。
Hagi kefo avu'ava'ma hu antahiza zamimo'a avenimo'ma tusi amuhoma nehiankna huno, amuho huteno kenagera amuhomo'a ome osi osi nehuno, nanterama segeno'a tevenefa'mo'ma nehiaza huno hagana hagana nehie.
7 眾民也熱如火爐， 燒滅他們的官長。 他們的君王都仆倒而死； 他們中間無一人求告我。
Hagi zamagra avenimo'ma tusi amuhoma hiaza hute'za, kva vahe'zmia zamahe hana nehaze. Hagi miko kini vahezamia zamahe vaganere'za nagrama zamazama hanugura nagritega kea nosaze.
8 以法蓮與列邦人攙雜； 以法蓮是沒有翻過的餅。
Hagi Israeli vahe'mo'za ru vahe'ene ruhavia hu'za nemaniza, te so'e osu'nea kekigna hu'naze.
9 外邦人吞吃他勞力得來的，他卻不知道； 頭髮斑白，他也不覺得。
Hagi ru vahe'mo'za hankavezamia eri amne nehazanagi, zamagra ana zana keza antahiza nosaze. Hagi tu'zamazokamo'a tusiza nehianagi, zamagra e'i ana zana ke'za antahiza nosaze.
10 以色列的驕傲當面見證自己， 雖遭遇這一切， 他們仍不歸向耶和華－他們的上帝， 也不尋求他。
Hagi Israeli vahe'mokizmi keontahi zamavu'zamava zamo'a eriama huno nezmasamianagi, zamagra rukrahe hu'za Ra Anumzana zamagra'a Anumzantera omege Agrikura hakegera nosaze.
11 以法蓮好像鴿子愚蠢無知； 他們求告埃及，投奔亞述。
Hagi Efraemi vahe'mo'za mago antahi'zana omne maho namagna vahe mani'naze. Zamagra Isipi vaheku zamazama hanagura kezaneti'za, kegavama huzmante'sazegura Asiria vahekura kea hu'naze.
12 他們去的時候，我必將我的網撒在他們身上； 我要打下他們，如同空中的鳥。 我必按他們會眾所聽見的懲罰他們。
Hagi anantegama vanage'na namama hareno enevigeno, kukoma rutare ante'neno azeneriankna hu'na Nagra kukoni'a atrena zamazerite'na, knazana zamigahue.
13 他們因離棄我，必定有禍； 因違背我，必被毀滅。 我雖要救贖他們，他們卻向我說謊。
Zamagra ra hazenkefi manigahaze. Na'ankure nagrira zamefi hunami'za fre'nazankiza, zamagra haviza hugahaze. Hagi ete nagra zamavarenaku nehuanagi, zamagra havige hu'za renavatga nehaze.
14 他們並不誠心哀求我， 乃在床上呼號； 他們為求五穀新酒聚集， 仍然悖逆我。
Hagi zamagra zamagu'aretira hu'za nagritega krafagea nosazanki, tafe'zamire mani'neza amne krafagea nehaze. Zamagra wainire'ene witire'ene ome eritru nehu'za, Nagrira zamefi hunami'naze.
15 我雖教導他們，堅固他們的膀臂， 他們竟圖謀抗拒我。
Hagi Nagra rempi huzami'na zamazeri hankaveti'noanagi, zamagra nazeri haviza hunaku oku'a kea anaki'naze!
16 他們歸向，卻不歸向至上者； 他們如同翻背的弓。 他們的首領必因舌頭的狂傲倒在刀下； 這在埃及地必作人的譏笑。
Hagi zamagra rukrahe hu'za e'nazanagi, Nagritera ome'nazanki haviza hu'nea atigna hu'naze. Hagi kva vahe'zamimo'zama knare osu kema hu'nazagu hu'za ha' vahe'mo'za kva vahera eme zamahe fri vagaregahaze. E'ina hanage'za Isipi vahe'mo'za zamagi'za regahaze.
