何西阿書 5
1 眾祭司啊，要聽我的話！ 以色列家啊，要留心聽！ 王家啊，要側耳而聽！ 審判要臨到你們， 因你們在米斯巴如網羅， 在他泊山如鋪張的網。
Koute sa byen, nou menm prèt yo! Pare zòrèy nou, nou menm pitit Izrayèl yo! Louvri zòrèy nou, nou menm ki fanmi wa a! Se nou menm y'ap jije koulye a. Nou tounen yon pyèj sou mòn Mispa. nou tounen yon pèlen yo mete sou mòn Tabò.
2 這些悖逆的人肆行殺戮， 罪孽極深； 我卻斥責他們眾人。
Moun k'ap fè mechanste yo al twò lwen. Se mwen menm k'ap pini yo tout.
3 以法蓮為我所知； 以色列不能向我隱藏。 以法蓮哪，現在你行淫了， 以色列被玷污了。
Depi lontan mwen konnen moun Efrayim yo. Pou moun Izrayèl yo menm, nanpwen anyen sou yo mwen pa konnen. Moun Efrayim yo lage kò yo nan fè tankou jennès, yo kite m' pou lòt bondye. Moun Izrayèl yo menm mete tèt yo nan kondisyon yo pa ka fè sèvis pou mwen.
4 他們所行的使他們不能歸向上帝； 因有淫心在他們裏面， 他們也不認識耶和華。
Avèk tou sa pèp la ap fè a, yo pa ka tounen vin jwenn Bondye yo a ankò. Yo pran nan sèvi zidòl. Yo pa konnen Seyè a ankò!
5 以色列的驕傲當面見證自己。 故此，以色列和以法蓮必因自己的罪孽跌倒； 猶大也必與他們一同跌倒。
Sa pèp Izrayèl la ap fè nan awogans li, se sa k'ap lakòz yo kondannen l'. Avèk peche moun Izrayèl ak moun Efrayim yo ap plede fè yo, y'ap bite, y'ap tonbe. Menm moun peyi Jida yo ap bite ansanm ak yo tou.
6 他們必牽着牛羊去尋求耶和華，卻尋不見； 他已經轉去離開他們。
Y'a pran mouton ak bèf pou fè ofrann pou Seyè a. Y'a chache l', men yo p'ap jwenn li, paske li wete kò l' sou yo.
7 他們向耶和華行事詭詐，生了私子。 到了月朔，他們與他們的地業必被吞滅。
Yo pa t' kenbe pawòl yo ak Seyè a, yo twonpe l'. Yo fè yon bann timoun ki pa janm konnen Bondye. Nan yon sèl mwa, Bondye ap detwi yo nèt ansanm ak tout jaden yo.
8 你們當在基比亞吹角， 在拉瑪吹號， 在伯‧亞文吹出大聲，說： 便雅憫哪，有仇敵在你後頭！
Kònen klewon an lavil Gibeya! Sonnen avètisman an lavil Rama! Bay rèl lavil Betavenn pou moun yo pare pou lagè! Leve pye nou, moun Benjamen! Lènmi dèyè nou.
9 在責罰的日子，以法蓮必變為荒場； 我在以色列支派中，指示將來必成的事。
Jou pou yo pini moun Efrayim yo rive. Y'ap fini nèt avèk yo. M'ap kanpe nan mitan tout branch fanmi Izrayèl yo, m'ap fè yo konnen sa ki gen pou rive vre.
10 猶大的首領如同挪移地界的人， 我必將忿怒倒在他們身上，如水一般。
Seyè a di ankò: Chèf peyi Jida yo fè menm bagay ak moun k'ap deplase bòn pou antre sou tè moun. M'ap move sou yo, m'ap vare sou yo tankou lavalas k'ap desann!
11 以法蓮因樂從人的命令， 就受欺壓，被審判壓碎。
Moun Efrayim yo ap soufri anba moun k'ap peze yo a. Yo pèdi tè ki pou yo dapre lalwa, paske yo te soti pou yo te swiv moun ki pa gen anyen pou bay.
12 我使以法蓮如蟲蛀之物， 使猶大家如朽爛之木。
M'ap fini ak moun Efrayim yo, m'ap manje yo tankou poudbwa manje bwa. M'ap disparèt moun peyi Jida yo, m'ap fè yo tounen pouriti.
13 以法蓮見自己有病， 猶大見自己有傷， 他們就打發人往亞述去見耶雷布王， 他卻不能醫治你們， 不能治好你們的傷。
Moun Efrayim yo wè jan peyi a te malad, moun Jida yo te wè eta malenng peyi a. Lè sa a, moun Izrayèl yo kouri al mande sekou nan peyi Lasiri, yo voye moun al mande gran wa a sekou. Men, gran wa sa a pa ka ban nou gerizon, ni li p'ap ka geri malenng nou yo.
14 我必向以法蓮如獅子， 向猶大家如少壯獅子。 我必撕裂而去， 我要奪去，無人搭救。
M'ap atake moun Efrayim yo tankou yon lyon. M'ap tonbe sou moun Jida yo tankou yon jenn ti lyon. Wi, se mwen k'ap dechire yo an miyèt moso. Apre sa, m'ap kite yo, m'ap depòte yo byen lwen peyi yo. Pesonn p'ap ka sove yo anba men m'.
15 我要回到原處， 等他們自覺有罪，尋求我面； 他們在急難的時候必切切尋求我。
M'ap vire do m' tounen lakay mwen jouk y'a rekonèt fòt yo. Se lè sa a y'a chache m'. Wi, lè y'a wè jan y'ap soufri a, y'a mete chache m'.
