何西阿書 10
1 以色列是茂盛的葡萄樹，結果繁多。 果子越多，就越增添祭壇； 地土越肥美，就越造美麗的柱像。
Isiraeli aarĩ ta mũthabibũ watheeremaga, nake agĩĩciarĩra maciaro. O ũrĩa maciaro make maingĩhaga-rĩ, noguo nake aakaga igongona nyingĩ; o ũrĩa bũrũri wake wagaacagĩra-rĩ, noguo aagemagia mahiga make marĩa maamũre ma kũhooyagwo.
2 他們心懷二意， 現今要定為有罪。 耶和華必拆毀他們的祭壇， 毀壞他們的柱像。
Ngoro ciao nĩ cia maheeni, na rĩu no nginya marĩhio wĩhia wao. Jehova nĩakamomora igongona ciao, na athũkangie mahiga macio mao maamũre ma kũhooyagwo.
3 他們必說：我們沒有王， 因為我們不敬畏耶和華。 王能為我們做甚麼呢？
Ningĩ nĩmakoiga atĩrĩ, “Tũtirĩ na mũthamaki, tondũ tũtiigana gũtĩĩa Jehova. No o na korwo twarĩ na mũthamaki-rĩ, nĩ atĩa angĩahotire gũtwĩkĩra?”
4 他們為立約說謊言，起假誓； 因此，災罰如苦菜滋生在田間的犂溝中。
Meranagĩra ciĩranĩro nyingĩ, na makehĩta mĩĩhĩtwa ya maheeni, na magathondeka irĩkanĩro; nĩ ũndũ ũcio maciira makunũkaga ta mahuti marĩ ũrogi marĩa mameraga hianyũ-inĩ.
5 撒馬利亞的居民必因伯‧亞文的牛犢驚恐； 崇拜牛犢的民和喜愛牛犢的祭司 都必因榮耀離開它，為它悲哀。
Andũ arĩa matũũraga Samaria metangaga nĩ ũndũ wa mũhianano wa njaũ ĩrĩa ya Bethi-Aveni. Amu andũ akuo nĩmakamĩcakaĩra, na noguo athĩnjĩri-ngai a mĩhianano ĩyo mageeka arĩa makenagĩra riiri wayo, tondũ nĩyeheretio kuuma kũrĩ o, ĩgathaamĩrio kũndũ kũngĩ.
6 人必將牛犢帶到亞述當作禮物， 獻給耶雷布王。 以法蓮必蒙羞； 以色列必因自己的計謀慚愧。
Nayo ĩgaatwarwo Ashuri, ĩtuĩke kĩheo kũrĩ mũthamaki ũcio mũnene. Efiraimu nĩagaconorithio; Isiraeli nake nĩagaconoka nĩ ũndũ wa mĩhianano ĩyo yake ya mĩtĩ.
7 至於撒馬利亞，她的王必滅沒， 如水面的沫子一樣。
Samaria na mũthamaki wakuo magaathererio ta karũhonge karĩ igũrũ wa maaĩ, maniinwo.
8 伯‧亞文的邱壇－ 就是以色列取罪的地方必被毀滅； 荊棘和蒺藜必長在他們的祭壇上。 他們必對大山說：遮蓋我們！ 對小山說：倒在我們身上！
Kũndũ kũrĩa gũtũũgĩru gwĩkagĩrwo waganu nĩgũkanangwo, na nĩkuo kwene wĩhia wa Isiraeli. Mĩigua na mahiũ ma nyeki-inĩ nĩcio igaakũra kuo, nacio ihumbĩre igongona ciao. Nao andũ nĩmakeera irĩma atĩrĩ, “Tũhumbĩrei!” na macooke meere tũrĩma atĩrĩ, “Tũgwĩrei!”
9 以色列啊， 你從基比亞的日子以來時常犯罪。 你們的先人曾站在那裏， 現今住基比亞的人 以為攻擊罪孽之輩的戰事臨不到自己。
“Wee Isiraeli-rĩ, kuuma o matukũ-inĩ ma Gibea ũtũũrĩte wĩhagia, na ũguo noguo ũtũũraga. Githĩ mbaara ndĩakinyĩire eeki ũũru kũu Gibea?
10 我必隨意懲罰他們。 他們為兩樣的罪所纏； 列邦的民必聚集攻擊他們。
Rĩrĩa niĩ ngenda, nĩngamaherithia; ndũrĩrĩ nĩigacookanĩrĩra, imokĩrĩre nĩguo imoohe imatahe nĩ ũndũ wa mehia mao kũingĩha.
11 以法蓮是馴良的母牛犢，喜愛踹穀， 我卻將軛加在牠肥美的頸項上， 我要使以法蓮拉套。 猶大必耕田； 雅各必耙地。
Efiraimu nĩ moori menyerie wĩra ĩrĩa yendete gũkonyora ngano; nĩ ũndũ ũcio nĩngamĩoha icooki ngingo-inĩ yayo thaka. Nĩngatwarithia Efiraimu, Juda no nginya agaacimba na mũraũ, nake Jakubu no nginya agaacimba gĩtira.
12 你們要為自己栽種公義， 就能收割慈愛。 現今正是尋求耶和華的時候； 你們要開墾荒地，等他臨到， 使公義如雨降在你們身上。
Rĩu-rĩ, mwĩhaandĩrei ũhoro wa ũthingu, nĩguo mwĩgethere maciaro ma wendo ũtathiraga, na mũciimbe mĩgũnda yanyu ya ngamba; nĩgũkorwo ihinda nĩ ikinyu rĩa kũrongooria Jehova, nginya rĩrĩa agooka, oirie mbura ya ũthingu igũrũ rĩanyu.
13 你們耕種的是奸惡， 收割的是罪孽， 吃的是謊話的果子。 因你倚靠自己的行為， 仰賴勇士眾多，
No rĩrĩ, inyuĩ mũhaandĩte waganu, mũkagetha ũũru; inyuĩ mũrĩĩte maciaro ma maheeni. Tondũ mwĩhokaga hinya wanyu inyuĩ ene, o na wa njamba cianyu nyingĩ cia ita-rĩ,
14 所以在這民中必有鬨嚷之聲， 你一切的保障必被拆毀， 就如沙勒幔在爭戰的日子拆毀伯‧亞比勒， 將其中的母子一同摔死。
mũrurumo wa mbaara nĩũgokĩrĩra andũ aku. Nĩ ũndũ ũcio ciikaro ciaku iria nũmu nĩikaanangwo, o ta ũrĩa Shalimani aanangire Bethi-Arabeli mũthenya ũrĩa wa mbaara, rĩrĩa manyina ma twana maatungumanirio thĩ hamwe na twana twao.
15 因他們的大惡， 伯特利必使你們遭遇如此。 到了黎明，以色列的王必全然滅絕。
Ũguo noguo ũgeekwo wee Betheli, nĩ ũndũ wa waganu waku mũnene. Rĩrĩa mũthenya ũcio ũgaakĩa-rĩ, mũthamaki wa Isiraeli nĩakaniinwo biũ.
