創世記 32
1 雅各仍舊行路，上帝的使者遇見他。
Jakòb menm ale chemen chemen l'. Li kontre kèk zanj Bondye sou wout li.
2 雅各看見他們就說：「這是上帝的軍兵」，於是給那地方起名叫瑪哈念。
Lè li wè yo, li di: -Sa se lame Bondye a. Se konsa li rele kote a Manayim.
3 雅各打發人先往西珥地去，就是以東地，見他哥哥以掃，
Jakòb voye kèk komisyonè devan al jwenn Ezaou, frè li a, nan peyi Seyi, kote Edon te rete a.
4 吩咐他們說：「你們對我主以掃說：『你的僕人雅各這樣說：我在拉班那裏寄居，直到如今。
Men sa li ba yo lòd pou yo di: -Men sa n'a di Ezaou, mèt mwen: Jakòb, nèg pa ou la, voye di ou konsa, li te pase tout tan sa a lakay Laban. Se poutèt sa li te pran tout reta sa a pou l' tounen.
5 我有牛、驢、羊群、僕婢，現在打發人來報告我主，為要在你眼前蒙恩。』」
Li gen bèf, bourik, mouton, kabrit, domestik ak sèvant. Li voye di ou sa pou ou ka fè pa l'.
6 所打發的人回到雅各那裏，說：「我們到了你哥哥以掃那裏，他帶着四百人，正迎着你來。」
Lè mesaje yo tounen vin jwenn Jakòb, yo di l': -Nou t ale kote Ezaou, frè ou la. Koulye a li gen tan sou wout pou l' vin kontre ou. Li gen katsan (400) moun ak li.
7 雅各就甚懼怕，而且愁煩，便把那與他同在的人口和羊群、牛群、駱駝分做兩隊，
Jakòb te pè anpil. Li te boulvèse. Li pran moun ki te avè l' yo, li fè yo fè de pòsyon. Li fè menm bagay la ak mouton, bèf, chamo li te genyen yo.
8 說：「以掃若來擊殺這一隊，剩下的那一隊還可以逃避。」
Li t'ap di nan kè l': -Si Ezaou vin atake yon pòsyon, lòt pòsyon an va gen tan chape.
9 雅各說：「耶和華－我祖亞伯拉罕的上帝，我父親以撒的上帝啊，你曾對我說：『回你本地本族去，我要厚待你。』
Jakòb lapriyè, li di: -O Bondye Abraram granpapa m' lan, Bondye Izarak papa m' lan! O Seyè, ou menm ki te di m' tounen nan peyi m' kote m' te fèt la! W'a fè tout bagay mache byen pou mwen.
10 你向僕人所施的一切慈愛和誠實，我一點也不配得；我先前只拿着我的杖過這約旦河，如今我卻成了兩隊了。
Mwen menm k'ap sèvi ou la, mwen pa wè poukisa ou fè m' tout favè sa yo, poukisa ou toujou kenbe pawòl ou avè m'. Lè m' t'ap travèse larivyè Jouden, se annik yon baton mwen te gen nan men m'. Koulye a m'ap tounen, mwen tèlman genyen, mwen ka separe yo fè de pòsyon.
11 求你救我脫離我哥哥以掃的手；因為我怕他來殺我，連妻子帶兒女一同殺了。
Tanpri, delivre m' non anba men Ezaou, frè mwen an! Mwen pè pou l' pa vin atake nou, pou l' pa touye ata fanm yo ak timoun yo.
12 你曾說：『我必定厚待你，使你的後裔如同海邊的沙，多得不可勝數。』」
Chonje sa ou te di m' lan: M'ap fè tout bagay mache byen pou ou. M'ap si tèlman ba ou pitit pitit, moun p'ap ka konte yo. Y'ap tankou grenn sab bò lanmè.
13 當夜，雅各在那裏住宿，就從他所有的物中拿禮物要送給他哥哥以掃：
Jakòb rete pase nwit la kote l' te ye a. Apre sa, nan sa l' te gen avè l' yo, li chwazi ladan yo pou fè Ezaou, frè l' la, kado.
14 母山羊二百隻，公山羊二十隻，母綿羊二百隻，公綿羊二十隻，
Li pran desan (200) fenmèl kabrit ak vin bouk, desan fenmèl mouton ak vin belye,
15 奶崽子的駱駝三十隻－各帶着崽子，母牛四十隻，公牛十隻，母驢二十匹，驢駒十匹；
trant fenmèl chamo nouris ak tout ti chamo yo dèyè yo, karant manman bèf, dis towo, vin fenmèl bourik ak dis mal bourik.
16 每樣各分一群，交在僕人手下，就對僕人說：「你們要在我前頭過去，使群群相離，有空閒的地方」；
Li pran bèt yo, li mete chak kalite apa, li renmèt chak kalite bay yonn nan domestik li yo. Li di yo konsa: -Pran devan mwen. Chak moun ap kite yon distans nan mitan bèt pa l' yo ak bèt ki devan l' yo.
17 又吩咐儘先走的說：「我哥哥以掃遇見你的時候，問你說：『你是哪家的人？要往哪裏去？你前頭這些是誰的？』
Epi li pase premye a lòd sa a: -Lè Ezaou, frè m' lan, va kontre ou, l'ap mande ou: Kilès ki mèt ou? Kote ou prale? Pou ki moun bèt sa yo w'ap pouse devan ou konsa a?
18 你就說：『是你僕人雅各的，是送給我主以掃的禮物；他自己也在我們後邊。』」
W'a reponn li: Se pou Jakòb, nèg pa ou la. Se yon kado li voye bay Ezaou, mèt mwen an. Li menm, li dèyè, l'ap vini.
19 又吩咐第二、第三，和一切趕群畜的人說：「你們遇見以掃的時候也要這樣對他說；
Li pase dezyèm lan, twazyèm lan ak tout lòt moun ki t'ap mache dèyè bèt yo menm lòd la. -Men sa nou gen pou n' di Ezaou, lè nou kontre l'.
20 並且你們要說：『你僕人雅各在我們後邊。』」因雅各心裏說：「我藉着在我前頭去的禮物解他的恨，然後再見他的面，或者他容納我。」
Se pou nou di: Wi, Jakòb, nèg pa ou la, ap vin dèyè nou pye pou pye. Jakòb t'ap di nan kè l'. Avèk tout kado m'ap voye devan m' lan, m'ap fè kè l' kontan. Konsa, lè n'a kontre, ou pa janm konnen, li ka fè pa m'.
21 於是禮物先過去了；那夜，雅各在隊中住宿。
Moun yo pran devan ak kado yo. Men Jakòb rete dèyè, li pase nwit la kote l' te ye a.
22 他夜間起來，帶着兩個妻子，兩個使女，並十一個兒子，都過了雅博渡口，
Menm jou lannwit sa a, Jakòb leve, li pran de madanm li yo, de sèvant li yo ak onz pitit gason li yo, li janbe lòt bò larivyè Jabòk, nan pas la.
23 先打發他們過河，又打發所有的都過去，
Apre li fin fè yo janbe larivyè a, li fè janbe tout sa li te genyen tou.
24 只剩下雅各一人。有一個人來和他摔跤，直到黎明。
Men li menm, li te rete pou kont li dèyè. Lè sa a, gen yon moun ki mare batay ak li, yo goumen jouk devanjou.
25 那人見自己勝不過他，就將他的大腿窩摸了一把，雅各的大腿窩正在摔跤的時候就扭了。
Lè nonm lan wè li pa t' ka bat li, li bay Jakòb yon kou nan ren l'. Se konsa zo ren l' dejwente pandan yo t'ap goumen an.
26 那人說：「天黎明了，容我去吧！」雅各說：「你不給我祝福，我就不容你去。」
Nonm lan di l': -Kite m' ale, paske bajou pral kase. Jakòb reponn li: -Si ou pa beni mwen, mwen p'ap kite ou ale.
27 那人說：「你名叫甚麼？」他說：「我名叫雅各。」
Nonm lan di: -Ki jan ou rele? Li reponn: -Jakòb.
28 那人說：「你的名不要再叫雅各，要叫以色列；因為你與上帝與人較力，都得了勝。」
Nonm lan di l': -Yo p'ap rele ou Jakòb ankò. Y'ap rele ou Izrayèl, paske ou goumen ak Bondye, ou goumen ak moun, se ou menm ki genyen batay la.
29 雅各問他說：「請將你的名告訴我。」那人說：「何必問我的名？」於是在那裏給雅各祝福。
Jakòb mande l': -Tanpri, di m' ki jan ou rele? Li reponn: -Poukisa w'ap mande m' ki jan mwen rele? Apre sa li beni Jakòb.
30 雅各便給那地方起名叫毗努伊勒，意思說：「我面對面見了上帝，我的性命仍得保全。」
Jakòb di konsa: -Mwen wè Bondye, mwen pa mouri. Se konsa, li rele kote l' te ye a Penyèl.
31 日頭剛出來的時候，雅各經過毗努伊勒，他的大腿就瘸了。
Solèy te gen tan ap leve lè Jakòb kite Penyèl, li t'ap bwete poutèt ren li.
32 故此，以色列人不吃大腿窩的筋，直到今日，因為那人摸了雅各大腿窩的筋。
Se poutèt sa, jouk jòdi a, pitit pitit Izrayèl yo pa manje venn ki kenbe zo ren an, paske se sou venn sa a Bondye te frape Jakòb.
