出埃及記 39
1 比撒列用藍色、紫色、朱紅色線做精緻的衣服，在聖所用以供職，又為亞倫做聖衣，是照耶和華所吩咐摩西的。
Benza izembatho zokwenza umsebenzi endaweni engcwele ngokuzeluka ngentambo eluhlaza, eyibubende lebomvu. Basebesenza isembatho sika-Aroni esingcwele, njengalokhu uThixo wayelaye uMosi.
2 他用金線和藍色、紫色、朱紅色線，並撚的細麻做以弗得；
Benza isembatho semahlombe ngegolide, kanye lentambo eluhlaza, eyibubende lebomvu langelembu elicolekileyo.
3 把金子錘成薄片，剪出線來，與藍色、紫色、朱紅色線，用巧匠的手工一同繡上。
Bakhanda izicecedu zegolide bazisika zaba zincingo bazeluka ngentambo eluhlaza, eyibubende lebomvu, kanye lelembu elicolekileyo, kwaba ngumsebenzi womuntu oleminwe.
4 又為以弗得做兩條相連的肩帶，接連在以弗得的兩頭。
Benza iziqa zemahlombe esambathweni leso, ezathungelwa emaceleni womabili ukuze sibotshwe.
5 其上巧工織的帶子和以弗得一樣的做法，用以束上，與以弗得接連一塊，是用金線和藍色、紫色、朱紅色線，並撚的細麻做的，是照耶和華所吩咐摩西的。
Ukhalo lwaso olwelukwa ngobuciko lwalufanana laso, luyinto yinye lesembatho semahlombe, lwenziwe ngentambo eligolide, eluhlaza, eyibubende lebomvu, kanye lelembu eliphothwe kuhle, njengalokhu uThixo walaya uMosi.
6 又琢出兩塊紅瑪瑙，鑲在金槽上，彷彿刻圖書，按着以色列兒子的名字雕刻；
Bathungela amatshe aligugu ohlobo lwe-onikisi ezicecisweni zegolide bawadwebela njengophawu elamabizo amadodana ka-Israyeli.
7 將這兩塊寶石安在以弗得的兩條肩帶上，為以色列人做紀念石，是照耶和華所吩咐摩西的。
Basebewathungela eziqeni zemahlombe esembatho semahlombe njengamatshe esikhumbuzo samadodana ka-Israyeli, njengalokhu uThixo walaya uMosi.
8 他用巧匠的手工做胸牌，和以弗得一樣的做法，用金線與藍色、紫色、朱紅色線，並撚的細麻做的。
Benza isembatho sesifubeni, kwaba ngumsebenzi wezingcwethi. Basenza njengesembatho semahlombe: ngegolide, ngentambo eluhlaza, eyibubende lebomvu, kanye lelembu eliphothwe kuhle.
9 胸牌是四方的，疊為兩層；這兩層長一虎口，寬一虎口，
Sasilingana inxa zonke, singumunwe ubude lomunwe ububanzi, sigoqwe saphindwa kabili.
10 上面鑲着寶石四行：第一行是紅寶石、紅璧璽、紅玉；
Basebethungela imizila emine yamatshe aligugu. Emzileni wakuqala kwakulerubhi, ithophazi kanye lebheriyeli;
11 第二行是綠寶石、藍寶石、金鋼石；
emzileni wesibili kwakule-emeralidi, isafaya kanye ledayimana;
12 第三行是紫瑪瑙、白瑪瑙、紫晶；
emzileni wesithathu kwakulejasinti, i-agathi kanye le-amethisi;
13 第四行是水蒼玉、紅瑪瑙、碧玉。這都鑲在金槽中。
emzileni wesine kwakulekhrisolathi, i-onikisi kanye lejaspa. Athungelwa esezicecisweni zegolide.
14 這些寶石都是按着以色列十二個兒子的名字，彷彿刻圖書，刻十二個支派的名字。
Kwakulamatshe alitshumi lambili, lilinye limele ibizo ngalinye lamadodana ka-Israyeli, linye ngalinye lilotshwe njengokudweba kombazi wamatshe, kungani luphawu, ngalinye lilotshwe ibizo lezizwana zako-Israyeli ezilitshumi lambili.
15 在胸牌上，用精金擰成如繩子的鍊子。
Isembatho sesifubeni selukelwa amaketane ngegolide elicolekileyo kungani ligoda.
16 又做兩個金槽和兩個金環，安在胸牌的兩頭。
Benza iziceciso zegolide ezimbili, kanye lamasongo amabili egolide, basebebophela amasongo amabili emagumbini esembatho sesifubeni.
17 把那兩條擰成的金鍊子穿過胸牌兩頭的環子，
Babophela amaketane amabili egolide emasongweni amabili asemagumbini esembatho sesifubeni,
18 又把鍊子的那兩頭接在兩槽上，安在以弗得前面肩帶上。
kwathi ngapha acina khona bawabophela ezicecisweni ezimbili, bawahlanganisa eziqeni zemahlombe phambi kwesembatho semahlombe.
19 做兩個金環，安在胸牌的兩頭，在以弗得裏面的邊上，
Benza amasongo amabili egolide bawabophela kwamanye amagumbi amabili esembatho sesifubeni ngaphakathi komphetho phansi kwesembatho semahlombe.
20 又做兩個金環，安在以弗得前面兩條肩帶的下邊，挨近相接之處，在以弗得巧工織的帶子以上。
Baphinda benza njalo amanye amasongo egolide amabili bawabophela ngaphansi kweziqa zemahlombe, eduze komphetho ngaphezudlwana kwebhanti lasokhalweni lwesembatho semahlombe
21 用一條藍細帶子把胸牌的環子和以弗得的環子繫住，使胸牌貼在以弗得巧工織的帶子上，不可與以弗得離縫，是照耶和華所吩咐摩西的。
Babophela amasongo esembatho sesifubeni emasongweni esembatho semahlombe ngentambo eziluhlaza, kuhlanganiselwa okhalweni ukuze isembatho sesifubeni singazunguzeki sehlukane lesembatho semahlombe njengalokhu uThixo walaya uMosi.
22 他用織工做以弗得的外袍，顏色全是藍的。
Benza isigqoko sesembatho semahlombe ngelembu eliluhlaza kuphela kungumsebenzi womeluki,
23 袍上留一領口，口的周圍織出領邊來，彷彿鎧甲的領口，免得破裂。
kulesikhala phakathi laphakathi kwesigqoko njengokuvuleka kwamabheqe; kulomphetho olandeliselwe isikhala lesi ukuze isembatho singadabuki.
24 在袍子底邊上，用藍色、紫色、朱紅色線，並撚的細麻做石榴，
Benza emphethweni wesigqoko amaphomegranathi ngentambo eluhlaza, eyibubende lebomvu, kanye lelembu eliphothwe kuhle.
25 又用精金做鈴鐺，把鈴鐺釘在袍子周圍底邊上的石榴中間：
Benza amabhera ngegolide elicolekileyo bawathungela emphethweni wesigqoko phakathi laphakathi kwamaphomegranathi.
26 一個鈴鐺一個石榴，一個鈴鐺一個石榴，在袍子周圍底邊上用以供職，是照耶和華所吩咐摩西的。
Amabhera kanye lamaphomegranathi athungelwa agatshaniswa emphethweni wesembatho esasizagqokwa ekwenzeni umsebenzi wenkonzo, njengalokhu uThixo walaya uMosi.
27 他用織成的細麻布為亞倫和他的兒子做內袍，
U-Aroni kanye lamadodana akhe bathungelwa amabhatshi ngelembu elicolekileyo, kungumsebenzi womeluki uqobo lwakhe,
28 並用細麻布做冠冕和華美的裹頭巾，用撚的細麻布做褲子，
kanye lamaqhiye elembu elicolekileyo, kanye lezembatho zangaphakathi zelembu elicolekileyo.
29 又用藍色、紫色、朱紅色線，並撚的細麻，以繡花的手工做腰帶，是照耶和華所吩咐摩西的。
Ibhanti lekhalweni lathungwa ngelembu elicolekileyo kanye lentambo eluhlaza, eyibubende lebomvu, kwaba ngumsebenzi wombalazi ngokuthunga, njengalokhu uThixo walaya uMosi.
30 他用精金做聖冠上的牌，在上面按刻圖書之法，刻着「歸耶和華為聖」。
Benza icence lomqhele ongcwele ngegolide elicolekileyo bawudwebela khona njengombhalo wophawu othi: Ubungcwele kabube kuThixo.
31 又用一條藍細帶子將牌繫在冠冕上，是照耶和華所吩咐摩西的。
Basebebophela intambo eluhlaza ukuze bakuhlanganise leqhiye, njengalokhu uThixo walaya uMosi.
32 帳幕，就是會幕，一切的工就這樣做完了。凡耶和華所吩咐摩西的，以色列人都照樣做了。
Ngakho-ke wonke umsebenzi wethabanikeli lethente lokuhlangana wapheleliswa. Abako-Israyeli benza konke njengalokhu uThixo walaya uMosi.
33 他們送到摩西那裏。帳幕和帳幕的一切器具，就是鉤子、板、閂、柱子、帶卯的座，
Basebeletha ithabanikeli kuMosi: ithente kanye lazozonke impahla zalo, ingwegwe, amathala, imithando, izinsika lezisekelo;
34 染紅公羊皮的蓋、海狗皮的頂蓋，和遮掩櫃的幔子，
isembeso esenziwe ngezikhumba zenqama eziphendulwe ngomphendulo obomvu, isembeso sezikhumba eziqinileyo kanye lekhetheni eliphothiweyo;
35 法櫃和櫃的槓並施恩座，
umtshokotsho wobufakazi lemijabo yawo eyizibambo zawo kanye lesihlalo somusa;
36 桌子和桌子的一切器具並陳設餅，
itafula lezitsha zalo zonke kanye lesinkwa esiNgcwele;
37 精金的燈臺和擺列的燈盞，與燈臺的一切器具，並點燈的油，
uluthi lwesibane lwegolide elicolekileyo lodwendwe lwezibane lazozonke izinto ezisetshenziswa kulo, kanye lamafutha e-oliva okukhanyisa;
38 金壇、膏油、馨香的香料、會幕的門簾，
i-alithari legolide, amafutha okugcoba abakhethiweyo, impepha elephunga elimnandi, kanye lekhetheni lesango lethente;
39 銅壇和壇上的銅網，壇的槓並壇的一切器具，洗濯盆和盆座，
i-alithari lethusi leminxibo yalo yethusi, izigodo zalo eziyizibambo lezitsha zalo zonke; umkolo lezinyawo zawo; amakhetheni eguma lezinsika zawo kanye lezisekelo,
40 院子的帷子和柱子，並帶卯的座，院子的門簾、繩子、橛子，並帳幕和會幕中一切使用的器具，
lekhetheni lesango leguma; amagoda lezikhonkwane zethente leguma; zonke impahla zethabanikeli, ithente lokuhlangana;
41 精工做的禮服，和祭司亞倫並他兒子在聖所用以供祭司職分的聖衣。
izembatho ezelukiweyo zokusetshenziswa emsebenzini wokukhonza endaweni engcwele, kuhlanganisa izembatho ezingcwele zika-Aroni lezamadodana akhe ababezazigqoka nxa besenza umsebenzi wobuphristi.
42 這一切工作都是以色列人照耶和華所吩咐摩西做的。
Abako-Israyeli basebenza wonke umsebenzi njengokulaywa kukaMosi nguThixo.
43 耶和華怎樣吩咐的，他們就怎樣做了。摩西看見一切的工都做成了，就給他們祝福。
UMosi wawuhlola umsebenzi wabona ukuthi wawenziwe njengokulaya kukaThixo. Ngakho uMosi wababusisa.
