申命記 33
1 以下是神人摩西在未死之先為以色列人所祝的福：
| וְזֹאת הַבְּרָכָה אֲשֶׁר בֵּרַךְ מֹשֶׁה אִישׁ הָאֱלֹהִים אֶת־בְּנֵי יִשְׂרָאֵל לִפְנֵי מוֹתֽוֹ׃ |
2 他說：耶和華從西奈而來， 從西珥向他們顯現， 從巴蘭山發出光輝， 從萬萬聖者中來臨， 從他右手為百姓傳出烈火的律法。
| וַיֹּאמַר יְהוָה מִסִּינַי בָּא וְזָרַח מִשֵּׂעִיר לָמוֹ הוֹפִיעַ מֵהַר פָּארָן וְאָתָה מֵרִבְבֹת קֹדֶשׁ מִֽימִינוֹ אשדת אֵשׁ דָּת לָֽמוֹ׃ |
3 他疼愛百姓； 眾聖徒都在他手中。 他們坐在他的腳下， 領受他的言語。
| אַף חֹבֵב עַמִּים כָּל־קְדֹשָׁיו בְּיָדֶךָ וְהֵם תֻּכּוּ לְרַגְלֶךָ יִשָּׂא מִדַּבְּרֹתֶֽיךָ׃ |
4 摩西將律法傳給我們， 作為雅各會眾的產業。
| תּוֹרָה צִוָּה־לָנוּ מֹשֶׁה מוֹרָשָׁה קְהִלַּת יַעֲקֹֽב׃ |
5 百姓的眾首領， 以色列的各支派， 一同聚會的時候， 耶和華在耶書崙中為王。
| וַיְהִי בִישֻׁרוּן מֶלֶךְ בְּהִתְאַסֵּף רָאשֵׁי עָם יַחַד שִׁבְטֵי יִשְׂרָאֵֽל׃ |
6 願呂便存活，不致死亡； 願他人數不致稀少。
| יְחִי רְאוּבֵן וְאַל־יָמֹת וִיהִי מְתָיו מִסְפָּֽר׃ |
7 為猶大祝福說： 求耶和華俯聽猶大的聲音， 引導他歸於本族； 他曾用手為自己爭戰， 你必幫助他攻擊敵人。
| וְזֹאת לִֽיהוּדָה וַיֹּאמַר שְׁמַע יְהוָה קוֹל יְהוּדָה וְאֶל־עַמּוֹ תְּבִיאֶנּוּ יָדָיו רָב לוֹ וְעֵזֶר מִצָּרָיו תִּהְיֶֽה׃ |
8 論利未說： 耶和華啊，你的土明和烏陵 都在你的虔誠人那裏。 你在瑪撒曾試驗他， 在米利巴水與他爭論。
| וּלְלֵוִי אָמַר תֻּמֶּיךָ וְאוּרֶיךָ לְאִישׁ חֲסִידֶךָ אֲשֶׁר נִסִּיתוֹ בְּמַסָּה תְּרִיבֵהוּ עַל־מֵי מְרִיבָֽה׃ |
9 他論自己的父母說： 我未曾看見； 他也不承認弟兄， 也不認識自己的兒女。 這是因利未人遵行你的話， 謹守你的約。
| הָאֹמֵר לְאָבִיו וּלְאִמּוֹ לֹא רְאִיתִיו וְאֶת־אֶחָיו לֹא הִכִּיר וְאֶת־בנו בָּנָיו לֹא יָדָע כִּי שָֽׁמְרוּ אִמְרָתֶךָ וּבְרִֽיתְךָ יִנְצֹֽרוּ׃ |
10 他們要將你的典章教訓雅各， 將你的律法教訓以色列。 他們要把香焚在你面前， 把全牲的燔祭獻在你的壇上。
| יוֹרוּ מִשְׁפָּטֶיךָ לְיַעֲקֹב וְתוֹרָתְךָ לְיִשְׂרָאֵל יָשִׂימוּ קְטוֹרָה בְּאַפֶּךָ וְכָלִיל עַֽל־מִזְבְּחֶֽךָ׃ |
11 求耶和華降福在他的財物上， 悅納他手裏所辦的事。 那些起來攻擊他和恨惡他的人， 願你刺透他們的腰， 使他們不得再起來。
| בָּרֵךְ יְהוָה חֵילוֹ וּפֹעַל יָדָיו תִּרְצֶה מְחַץ מָתְנַיִם קָמָיו וּמְשַׂנְאָיו מִן־יְקוּמֽוּן׃ |
12 論便雅憫說： 耶和華所親愛的必同耶和華安然居住； 耶和華終日遮蔽他，也住在他兩肩之中。
| לְבִנְיָמִן אָמַר יְדִיד יְהֹוָה יִשְׁכֹּן לָבֶטַח עָלָיו חֹפֵף עָלָיו כָּל־הַיּוֹם וּבֵין כְּתֵיפָיו שָׁכֵֽן׃ |
13 論約瑟說： 願他的地蒙耶和華賜福， 得天上的寶物、甘露， 以及地裏所藏的泉水；
| וּלְיוֹסֵף אָמַר מְבֹרֶכֶת יְהֹוָה אַרְצוֹ מִמֶּגֶד שָׁמַיִם מִטָּל וּמִתְּהוֹם רֹבֶצֶת תָּֽחַת׃ |
14 得太陽所曬熟的美果， 月亮所養成的寶物；
| וּמִמֶּגֶד תְּבוּאֹת שָׁמֶשׁ וּמִמֶּגֶד גֶּרֶשׁ יְרָחִֽים׃ |
15 得上古之山的至寶， 永世之嶺的寶物；
| וּמֵרֹאשׁ הַרְרֵי־קֶדֶם וּמִמֶּגֶד גִּבְעוֹת עוֹלָֽם׃ |
16 得地和其中所充滿的寶物， 並住荊棘中上主的喜悅。 願這些福都歸於約瑟的頭上， 歸於那與弟兄迥別之人的頂上。
| וּמִמֶּגֶד אֶרֶץ וּמְלֹאָהּ וּרְצוֹן שֹׁכְנִי סְנֶה תָּבוֹאתָה לְרֹאשׁ יוֹסֵף וּלְקָדְקֹד נְזִיר אֶחָֽיו׃ |
17 他為牛群中頭生的，有威嚴； 他的角是野牛的角， 用以牴觸萬邦，直到地極。 這角是以法蓮的萬萬， 瑪拿西的千千。
| בְּכוֹר שׁוֹרוֹ הָדָר לוֹ וְקַרְנֵי רְאֵם קַרְנָיו בָּהֶם עַמִּים יְנַגַּח יַחְדָּו אַפְסֵי־אָרֶץ וְהֵם רִבְבוֹת אֶפְרַיִם וְהֵם אַלְפֵי מְנַשֶּֽׁה׃ |
18 論西布倫說： 西布倫哪，你出外可以歡喜。 以薩迦啊，在你帳棚裏可以快樂。
| וְלִזְבוּלֻן אָמַר שְׂמַח זְבוּלֻן בְּצֵאתֶךָ וְיִשָּׂשכָר בְּאֹהָלֶֽיךָ׃ |
19 他們要將列邦召到山上， 在那裏獻公義的祭； 因為他們要吸取海裏的豐富， 並沙中所藏的珍寶。
| עַמִּים הַר־יִקְרָאוּ שָׁם יִזְבְּחוּ זִבְחֵי־צֶדֶק כִּי שֶׁפַע יַמִּים יִינָקוּ וּשְׂפוּנֵי טְמוּנֵי חֽוֹל׃ |
20 論迦得說： 使迦得擴張的應當稱頌！ 迦得住如母獅； 他撕裂膀臂，連頭頂也撕裂。
| וּלְגָד אָמַר בָּרוּךְ מַרְחִיב גָּד כְּלָבִיא שָׁכֵן וְטָרַף זְרוֹעַ אַף־קָדְקֹֽד׃ |
21 他為自己選擇頭一段地， 因在那裏有設立律法者的分存留。 他與百姓的首領同來； 他施行耶和華的公義 和耶和華與以色列所立的典章。
| וַיַּרְא רֵאשִׁית לוֹ כִּי־שָׁם חֶלְקַת מְחֹקֵק סָפוּן וַיֵּתֵא רָאשֵׁי עָם צִדְקַת יְהוָה עָשָׂה וּמִשְׁפָּטָיו עִם־יִשְׂרָאֵֽל׃ |
22 論但說： 但為小獅子， 從巴珊跳出來。
| וּלְדָן אָמַר דָּן גּוּר אַרְיֵה יְזַנֵּק מִן־הַבָּשָֽׁן׃ |
23 論拿弗他利說： 拿弗他利啊，你足沾恩惠， 滿得耶和華的福， 可以得西方和南方為業。
| וּלְנַפְתָּלִי אָמַר נַפְתָּלִי שְׂבַע רָצוֹן וּמָלֵא בִּרְכַּת יְהוָה יָם וְדָרוֹם יְרָֽשָׁה׃ |
24 論亞設說： 願亞設享受多子的福樂， 得他弟兄的喜悅， 可以把腳蘸在油中。
| וּלְאָשֵׁר אָמַר בָּרוּךְ מִבָּנִים אָשֵׁר יְהִי רְצוּי אֶחָיו וְטֹבֵל בַּשֶּׁמֶן רַגְלֽוֹ׃ |
25 你的門閂是銅的，鐵的。 你的日子如何，你的力量也必如何。
| בַּרְזֶל וּנְחֹשֶׁת מִנְעָלֶיךָ וּכְיָמֶיךָ דָּבְאֶֽךָ׃ |
26 耶書崙哪，沒有能比上帝的。 他為幫助你，乘在天空， 顯其威榮，駕行穹蒼。
| אֵין כָּאֵל יְשֻׁרוּן רֹכֵב שָׁמַיִם בְעֶזְרֶךָ וּבְגַאֲוָתוֹ שְׁחָקִֽים׃ |
27 永生的上帝是你的居所； 他永久的膀臂在你以下。 他在你前面攆出仇敵， 說：毀滅吧。
| מְעֹנָה אֱלֹהֵי קֶדֶם וּמִתַּחַת זְרֹעֹת עוֹלָם וַיְגָרֶשׁ מִפָּנֶיךָ אוֹיֵב וַיֹּאמֶר הַשְׁמֵֽד׃ |
28 以色列安然居住； 雅各的本源獨居五穀新酒之地。 他的天也滴甘露。
| וַיִּשְׁכֹּן יִשְׂרָאֵל בֶּטַח בָּדָד עֵין יַעֲקֹב אֶל־אֶרֶץ דָּגָן וְתִירוֹשׁ אַף־שָׁמָיו יַֽעַרְפוּ טָֽל׃ |
29 以色列啊，你是有福的！ 誰像你這蒙耶和華所拯救的百姓呢？ 他是你的盾牌，幫助你， 是你威榮的刀劍。 你的仇敵必投降你； 你必踏在他們的高處。
| אַשְׁרֶיךָ יִשְׂרָאֵל מִי כָמוֹךָ עַם נוֹשַׁע בַּֽיהוָה מָגֵן עֶזְרֶךָ וַאֲשֶׁר־חֶרֶב גַּאֲוָתֶךָ וְיִכָּֽחֲשׁוּ אֹיְבֶיךָ לָךְ וְאַתָּה עַל־בָּמוֹתֵימוֹ תִדְרֹֽךְ׃ |
