阿摩司書 5
1 以色列家啊，要聽我為你們所作的哀歌：
Ta iguai ũhoro ũyũ, inyuĩ nyũmba ya Isiraeli, mũigue ngĩcakaya nĩ ũndũ wanyu:
2 以色列民跌倒，不得再起； 躺在地上，無人攙扶。
“Mũirĩtu gathirange, nĩwe Isiraeli, nĩagwĩte, na ndagookĩra rĩngĩ, atiganĩirio bũrũri-nĩ wake mwene, hatarĩ na mũndũ wa kũmũũkĩria.”
3 主耶和華如此說： 以色列家的城發出一千兵的，只剩一百； 發出一百的，只剩十個。
Mwathani Jehova ekuuga atĩrĩ: “Itũũra inene rĩrĩa rĩatũmaga thigari ngiri cia Isiraeli-rĩ, no thigari igana igaatigara; narĩo itũũra rĩrĩa rĩatũmaga thigari igana-rĩ, no thigari ikũmi igaatigara.”
4 耶和華向以色列家如此說： 你們要尋求我，就必存活。
Jehova ekwĩra nyũmba ya Isiraeli atĩrĩ: “Njariai mũtũũre muoyo;
5 不要往伯特利尋求， 不要進入吉甲， 不要過到別是巴； 因為吉甲必被擄掠， 伯特利也必歸於無有。
tigai kũrongooria Betheli, tigai gũthiĩ Giligali, na mũtikanyiite rũgendo rwa gũthiĩ Birishiba. Tondũ andũ a Giligali ti-itherũ nĩmagatahwo, na andũ a Betheli matuuo kĩndũ hatarĩ.”
6 要尋求耶和華，就必存活， 免得他在約瑟家像火發出， 在伯特利焚燒，無人撲滅。
Rongoriai Jehova, mũtũũre muoyo, ndakae gũtuthũkĩra nyũmba ya Jusufu ta mwaki; naguo mwaki ũcio nĩũkaniinana, nakuo Betheli kwage mũndũ ũngĩhota kũũhoria.
7 你們這使公平變為茵蔯、 將公義丟棄於地的，
Inyuĩ arĩa mũgarũraga kĩhooto gĩgatuĩka ũrũrũ, na mũkarangĩrĩria ũthingu thĩ
8 要尋求那造昴星和參星， 使死蔭變為晨光， 使白日變為黑夜， 命海水來澆在地上的－ 耶和華是他的名；
(we ũrĩa wombire njata iria ciĩtagwo Kĩrĩmĩra na Karaũ, o we ũrĩa ũgarũraga nduma ndumanu ĩgatuĩka rũciinĩ, na agatumania mũthenya ũgatuĩka ũtukũ, ũrĩa wĩtaga maaĩ ma iria rĩrĩa inene akamaitũrũra gũkũ thĩ-rĩ: Jehova nĩrĩo rĩĩtwa rĩake;
9 他使力強的忽遭滅亡， 以致保障遭遇毀壞。
areehagĩra kĩĩhitho kĩrũmu mwanangĩko o rĩmwe ta rũheni, narĩo itũũra inene rĩrĩa rĩirigĩre akarĩanangithia),
10 你們怨恨那在城門口責備人的， 憎惡那說正直話的。
inyuĩ mũthũũraga ũrĩa ũkananagia maũndũ iciirĩro-inĩ, nake ũrĩa waragia ũhoro wa ma mũkamũmena.
11 你們踐踏貧民， 向他們勒索麥子； 你們用鑿過的石頭建造房屋， 卻不得住在其內； 栽種美好的葡萄園， 卻不得喝所出的酒。
Mũrangagĩrĩria mũthĩĩni, na mũkamũtunya ngano na hinya. Nĩ ũndũ ũcio, o na gũtuĩka nĩmwakĩte nyũmba nene cia mahiga-rĩ, mũtigacitũũra; o na gũtuĩka nĩmũhaandĩte mĩgũnda mĩega ya mĩthabibũ-rĩ, mũtikanyua ndibei yayo.
12 我知道你們的罪過何等多， 你們的罪惡何等大。 你們苦待義人，收受賄賂，在城門口屈枉窮乏人。
Tondũ niĩ nĩnjũũĩ ũrĩa mahĩtia manyu maigana, na ngamenya ũrĩa mehia manyu marĩ manene. Inyuĩ mũhinyagĩrĩria andũ arĩa athingu, na mũkaamũkĩra mahaki, na mũkaagithia athĩĩni kĩhooto maciirĩro-inĩ.
13 所以通達人見這樣的時勢必靜默不言， 因為時勢真惡。
Tondũ ũcio mũndũ ũrĩa mũbacĩrĩri no gũkira akiraga ki mahinda ta macio, tondũ nĩ mahinda mooru.
14 你們要求善， 不要求惡，就必存活。 這樣，耶和華－萬軍之上帝 必照你們所說的與你們同在。
Rongoriai maũndũ marĩa mega, no ti marĩa mooru, nĩguo mũtũũre muoyo. Nake Jehova Ngai Mwene-Hinya-Wothe nĩarĩkoragwo hamwe na inyuĩ, o ta ũrĩa mũtũire muugaga.
15 要惡惡好善， 在城門口秉公行義； 或者耶和華－萬軍之上帝向約瑟的餘民施恩。
Thũũrai maũndũ marĩa mooru, mwendage marĩa mega; tũũriai kĩhooto maciirĩro-inĩ. Jehova Ngai Mwene-Hinya-Wothe ahota kũiguĩra matigari ma Jusufu tha.
16 主耶和華－萬軍之上帝如此說： 在一切寬闊處必有哀號的聲音； 在各街市上必有人說： 哀哉！哀哉！ 又必叫農夫來哭號， 叫善唱哀歌的來舉哀。
Tondũ ũcio-rĩ, Jehova Ngai Mwene-Hinya-Wothe, o we Mwathani, ekuuga atĩrĩ: “Nĩgũkaagĩa na mũcakayo njĩra-inĩ ciothe iria nene, na kĩrĩro kĩa ruo rwa ngoro ihaaro-inĩ ciothe. Arĩmi nĩmagatũmanĩrwo moke marĩre, nao arĩa macakayaga moke macakae.
17 在各葡萄園必有哀號的聲音， 因為我必從你中間經過。 這是耶和華說的。
Nĩgũkaagĩa mũcakayo mĩgũnda-inĩ yothe ya mĩthabibũ, nĩgũkorwo nĩngatuĩkanĩria gatagatĩ-inĩ kanyu,” ũguo nĩguo Jehova ekuuga.
18 想望耶和華日子來到的有禍了！ 你們為何想望耶和華的日子呢？ 那日黑暗沒有光明，
Kaĩ inyuĩ mwĩriragĩria mũthenya wa Jehova mũrĩ na haaro-ĩ! Nĩ kĩĩ gĩtũmaga mwĩrirĩrie mũthenya ũcio wa Jehova? Mũthenya ũcio ũgaatuĩka nduma, no ti ũtheri.
19 景況好像人躲避獅子又遇見熊， 或是進房屋以手靠牆，就被蛇咬。
Ũgaatuĩka ta mũndũ akĩũrĩra mũrũũthi, agatũngana na nduba, kana atoonye nyũmba yake, nake aigĩrĩra guoko gwake rũthingo-inĩ, arũmwo nĩ nyoka.
20 耶和華的日子不是黑暗沒有光明嗎？ 不是幽暗毫無光輝嗎？
Githĩ mũthenya ũcio wa Jehova ndũgaagĩtuĩka nduma, no ti ũtheri; ĩĩ, nduma ndumanu, gũtarĩ na mũrũri wa ũtheri?
21 我厭惡你們的節期， 也不喜悅你們的嚴肅會。
“Niĩ nĩthũire na nganyarara ciathĩ cianyu; ndingĩkirĩrĩria ciũngano cianyu.
22 你們雖然向我獻燔祭和素祭， 我卻不悅納， 也不顧你們用肥畜獻的平安祭；
O na mũngĩndehera maruta ma njino, na maruta ma ngano-rĩ, ndikametĩkĩra. O na mũngĩkarehe maruta marĩa mega ma ũiguano-rĩ, ndikamarũmbũiya.
23 要使你們歌唱的聲音遠離我， 因為我不聽你們彈琴的響聲。
Thengiai inegene rĩu rĩa nyĩmbo cianyu! Ndigathikĩrĩria mĩgambo ya inanda cianyu cia mũgeeto.
24 惟願公平如大水滾滾， 使公義如江河滔滔。
No kĩhooto nĩkĩrekwo gĩthererage ta rũũĩ, na ũthingu ũthererage ta karũũĩ gatahũũaga.
25 「以色列家啊，你們在曠野四十年，豈是將祭物和供物獻給我呢？
“Inyuĩ nyũmba ya Isiraeli-rĩ, nĩmwandutagĩra magongona na maruta mĩaka mĩrongo ĩna mũrĩ kũu werũ-inĩ?
26 你們抬着為自己所造之摩洛的帳幕和偶像的龕，並你們的神星。
Nĩmũtũũgĩrĩtie ihooero rĩa mũthamaki wanyu, o na njikarĩro ya mĩhianano yanyu, o njata ĩyo ya ngai yanyu, ĩrĩa mwethondekeire inyuĩ ene.
27 所以我要把你們擄到大馬士革以外。」這是耶和華－名為萬軍之上帝說的。
Tondũ ũcio-rĩ, nĩngatũma mũtahwo mũtwarwo mbere ya Dameski,” ũguo nĩguo Jehova ekuuga, ũrĩa wĩtagwo Ngai Mwene-Hinya-Wothe.
