列王紀上 6
1 以色列人出埃及地後四百八十年，所羅門作以色列王第四年西弗月，就是二月，開工建造耶和華的殿。
Mfeɛ ahanan aduɔwɔtwe a wɔgyee Israelfoɔ firii nkoasom mu wɔ Misraim no a na Salomo nso adi Israel so ɔhene mfeɛ ɛnan no bosome Siv (bɛyɛ Kɔtɔnimaa) mu no, ɔhyɛɛ aseɛ sii Awurade Asɔredan no.
2 所羅門王為耶和華所建的殿，長六十肘，寬二十肘，高三十肘。
Asɔredan a ɔhene Salomo si maa Awurade no tentenemu yɛ anammɔn aduɔkron, ne tɛtrɛtɛ yɛ anammɔn aduasa ɛnna ne ɔsorokɔ yɛ anammɔn aduanan enum.
3 殿前的廊子長二十肘，與殿的寬窄一樣，闊十肘；
Ntwonoo a ɛda asɔredan no anim no tentene yɛ anammɔn aduasa a, ɛne asɔredan no ntrɛmu yɛ pɛ. Na, ne tɛtrɛtɛ nso yɛ anammɔn dunum.
4 又為殿做了嚴緊的窗櫺。
Salomo yɛɛ ntokua wɔ ɔfasuo no soro hyiaeɛ.
5 靠着殿牆，圍着外殿內殿，造了三層旁屋；
Asɔredan no fasukyire no nso, wɔsisii adan bebree fomfam ho hyiaeɛ.
6 下層寬五肘，中層寬六肘，上層寬七肘。殿外旁屋的樑木擱在殿牆坎上，免得插入殿牆。
Na ɛyɛ aborɔsan a ɛtoa so mmiɛnsa a aseɛ dan no tɛtrɛtɛ mu yɛ anammɔn nson ne fa. Aborɔsan a ɛtɔ so mmienu no tɛtrɛtɛ yɛ anammɔn nkron ɛnna apampam dan no tɛtrɛtɛ yɛ anammɔn edu ne fa. Wɔde mpunan a ɛgugu nnannua bi a ɛhyehyɛ ɔfasuo no mu na aka adan no afomfam ɔfasuo no ho. Enti, ɛkyerɛ sɛ wɔamfa mpunan no anhyehyɛ ɔfasuo no ankasa mu.
7 建殿是用山中鑿成的石頭。建殿的時候，鎚子、斧子，和別樣鐵器的響聲都沒有聽見。
Na aboɔ a wɔde sii asɔredan no nso, wɔsiesiee ho wɔ abopaebea hɔ enti, ɛdan no sie no, obi ante hama, pɛeɛ anaa dadeɛ biara nnyegyeeɛ wɔ adansiiɛ hɔ.
8 在殿右邊當中的旁屋有門，門內有旋螺的樓梯，可以上到第二層，從第二層可以上到第三層。
Na ɛkwan a wɔde kɔ aseɛ adan no mu no da Asɔredan no anafoɔ fam. Atwedeɛ kyinkyimiɛ na wɔforo kɔ ɛdan a ɛto so mmienu no so na foforɔ nso wɔ adan a ɛtɔ so mmienu ne mmiɛnsa no ntam.
9 所羅門建殿，安置香柏木的棟樑，又用香柏木板遮蓋。
Wɔwiee asɔredan no sie no, Salomo de nnua ne ntweneduro mpunan yɛɛ ani nsamsoɔ no.
10 靠着殿所造的旁屋，每層高五肘，香柏木的棟樑擱在殿牆坎上。
Sɛdeɛ wɔaka no, na adan wowɔ ɛdan no afanan nyinaa a wɔnam ntweneduro so de afam Asɔredan no afasuo no ho. Ɛdan no mu biara ɔsorokɔ yɛ anammɔn nson.
11 耶和華的話臨到所羅門說：
Na Awurade de saa asɛm yi brɛɛ Salomo sɛ,
12 「論到你所建的這殿，你若遵行我的律例，謹守我的典章，遵從我的一切誡命，我必向你應驗我所應許你父親大衛的話。
“Ɛfa saa Asɔredan a woresie yi ho no, sɛ woyɛ ɔsetie ma me mmara nyinaa ne me nhyehyɛeɛ a, na wodi me ɔhyɛ nsɛm so a, menam wo so bɛdi ɛbɔ a mehyɛɛ wʼagya Dawid no so.
13 我必住在以色列人中間，並不丟棄我民以色列。」
Mɛtena Israel mamfoɔ mu, na merempa me nkurɔfoɔ akyi da.”
14 所羅門建造殿宇。
Na Salomo wiee asɔredan no sie.
15 殿裏面用香柏木板貼牆，從地到棚頂都用木板遮蔽，又用松木板鋪地。
Na emu nyinaa, ɛfiri fam kɔsi nsamsoɔ no, wɔde nnua na ɛkataa ɔfasuo no anim. Wɔde tweneduro na ɛkataa ɔfasuo no anim, na wɔde pepeaa kataa abrannaa no so.
16 內殿，就是至聖所，長二十肘，從地到棚頂用香柏木板遮蔽。
Ɔtwaa mu, nyaa kronkronbea a ɛhɔ yɛ kronkron mu kronkron wɔ asɔredan no tiri mu hɔ pɛɛ. Na ɛhɔ atweeɛmu yɛ anammɔn aduasa a wɔde ntweneduro asam fam hɔ, de kɔsi ani nsameeɛ no so.
17 內殿前的外殿，長四十肘。
Asɔredan no ankasa a na ɛwɔ kronkron mu kronkron no akyi no, na ne ntentenemu yɛ anammɔn aduosia.
18 殿裏一點石頭都不顯露，一概用香柏木遮蔽；上面刻着野瓜和初開的花。
Wɔde ntweneduro na ɛsam aboɔ afasuo a ɛwɔ asɔredan no nyinaa so, na wɔsenee nkoraa fɛfɛ ne nhwiren, de dii nsameeɛ no ani adwini.
19 殿裏預備了內殿，好安放耶和華的約櫃。
Salomo siesiee kronkron mu kronkron a ɛtoa asɔredan no so; faako a wɔde Awurade Apam Adaka no bɛsi.
20 內殿長二十肘，寬二十肘，高二十肘，牆面都貼上精金；又用香柏木做壇，包上精金。
Saa kronkron mu kronkron no, na ne ntentenemu yɛ anammɔn aduasa na ne tɛtrɛtɛ yɛ anammɔn aduasa, ɛnna ne ɔsorokɔ nso yɛ anammɔn aduasa. Na Salomo de sikakɔkɔɔ amapa duraa nʼafasuo ne ne nsamsoɔ no ho nyinaa. Saa ara na ɔduraa afɔrebukyia a wɔde ntweneduro ayɛ no ho.
21 所羅門用精金貼了殿內的牆，又用金鍊子掛在內殿前門扇，用金包裹。
Afei, asɔredan no mu nkaeɛ no, ɔde sikakɔkɔɔ amapa sam hɔ nyinaa, na ɔde sikakɔkɔɔ yɛɛ nkɔnsɔnkɔnsɔn de guu ɛkwan a wɔde kɔ kronkron mu kronkron hɔ, de bɔɔ hɔ ano ban.
22 全殿都貼上金子，直到貼完；內殿前的壇，也都用金包裹。
Enti, ɔde sikakɔkɔɔ sam Asɔredan no ho nyinaa, kronkron mu kronkron ne afɔrebukyia no nyinaa ho, de wieeɛ.
23 他用橄欖木做兩個基路伯，各高十肘，安在內殿。
Kronkronbea mu hɔ, ɔde ngo dua senee Kerubim mmienu a emu biara ɔsorokɔ yɛ anammɔn dunum, de sisii hɔ.
24 這一個基路伯有兩個翅膀，各長五肘，從這翅膀尖到那翅膀尖共有十肘；
Kerubim baako biara ataban mu trɛ yɛ anammɔn dunum a, ataban baako biara tenten yɛ anammɔn nson ne fa.
25 那一個基路伯的兩個翅膀也是十肘，兩個基路伯的尺寸、形像都是一樣。
Na Kerubim mmienu no nyinaa tebea ne wɔn kɛseɛ yɛ pɛ
26 這基路伯高十肘，那基路伯也是如此。
a ɔbaako biara ɔsorokɔ yɛ anammɔn dunum.
27 他將兩個基路伯安在內殿裏；基路伯的翅膀是張開的，這基路伯的一個翅膀挨着這邊的牆，那基路伯的一個翅膀挨着那邊的牆，裏邊的兩個翅膀在殿中間彼此相接；
Salomo de wɔn sisi bɛnee wɔn ho wɔn ho wɔ asɔredan kronkronbea mu hɔ. Wɔn ataban mu trɛ no firi ɔfasuo baako kɔka ɔfasuo baako. Na wɔn ntaban a ɛwɔ ntam no hyia ɛdan no mfimfini.
28 又用金子包裹二基路伯。
Na ɔde sikakɔkɔɔ duraa Kerubim mmienu no ho.
29 內殿、外殿周圍的牆上都刻着基路伯、棕樹，和初開的花。
Na kronkronbea mu afasuo ne ɛdan mu no, ɔdii adwini a ɛyɛ Kerubim mmɛdua ne nhwiren guu ho.
30 內殿、外殿的地板都貼上金子。
Na ɔde sikakɔkɔɔ duraa adan mmienu no abrannaa so.
31 又用橄欖木製造內殿的門扇、門楣、門框；門口有牆的五分之一。
Ɛkwan a wɔfa so kɔ kronkronbea mu hɔ no, Salomo de ngo dua yɛɛ apono mmienu a emu biara wɔ twɛtwɛwa enum.
32 在橄欖木做的兩門扇上刻着基路伯、棕樹，和初開的花，都貼上金子。
Saa apono no ho nso, na wɔadi Kerubim, mmɛdua ne nhwiren adwini, na ne nyinaa nso, ɔde sikakɔkɔɔ duraa ho.
33 又用橄欖木製造外殿的門框，門口有牆的四分之一。
Afei, ɔde ngo dua yɛɛ aponnwa a emu biara wɔ twɛtwɛwa ɛnan a wɔfa hɔ kɔ asɔredan no mu.
34 用松木做門兩扇。這扇分兩扇，是摺疊的；那扇分兩扇，也是摺疊的。
Ɔde pepeaa nnua yɛɛ apono mmienu a wɔbobɔ, na wɔsii ɛpono no biara ɛkwan bi so sɛ, emu biara tumi bobɔ gu ɛno ara so.
35 上面刻着基路伯、棕樹，和初開的花，都用金子貼了。
Saa apono yi, wɔde Kerubim, mmɛdua, ne nhwiren adi ho adwini, na wɔde sikakɔkɔɔ adura ho.
36 他又用鑿成的石頭三層、香柏木一層建築內院。
Wɔsii adihɔ hɔ afasuo no kwan bi so a ntweneduro nnua ntosoɔ baako wɔ aboɔ a wɔatwa ntotosoɔ mmiɛnsa biara so.
37 所羅門 在位第四年西弗月，立了耶和華殿的根基。
Wɔtwaa Awurade Asɔredan fapem no bosome Siv (bɛyɛ Kɔtɔnimaa) mfimfini a saa ɛberɛ no na Salomo adi ɔhene mfeɛ ɛnan no.
38 到十一年布勒月，就是八月，殿和一切屬殿的都按着樣式造成。他建殿的工夫共有七年。
Wɔwiee ɛdan no ho biribiara bosome Bul (bɛyɛ Obubuo) mfimfini no a na wadi ɔhene mfeɛ dubaako. Enti, mfeɛ nson na wɔde sii asɔredan no.
