歷代志上 28
1 大衛招聚以色列各支派的首領和輪班服事王的軍長，與千夫長、百夫長，掌管王和王子產業牲畜的，並太監，以及大能的勇士，都到耶路撒冷來。
Dhavhidhi akarayira vabati veIsraeri vose kuti vaungane paJerusarema: vabati pamusoro pamarudzi, vatungamiri vamapoka aishandira mambo, vatungamiri vezviuru navatungamiri vamazana, navabati vaichengeta zvinhu nezvipfuwo zvamambo uye navanakomana vake, pamwe chete navabati vomumuzinda wamambo, varume vane simba nemhare dzose dzakashinga.
2 大衛王就站起來，說：「我的弟兄，我的百姓啊，你們當聽我言，我心裏本想建造殿宇，安放耶和華的約櫃，作為我上帝的腳凳；我已經預備建造的材料。
Mambo Dhavhidhi akasimuka akamira akati, “Teererai kwandiri, hama dzangu navanhu vangu. Zvakanga zviri mumwoyo mangu kuti ndivake imba senzvimbo yokuzororera yeareka yesungano yaJehovha, kuti zvive chitsiko chetsoka dzaMwari wedu, uye ndakaita urongwa hwokuivaka.
3 只是上帝對我說：『你不可為我的名建造殿宇；因你是戰士，流了人的血。』
Asi Mwari akati kwandiri, ‘Iwe hausi kuzovakira Zita rangu imba, nokuti uri murwi uye wakateura ropa.’
4 然而，耶和華－以色列的上帝在我父的全家揀選我作以色列的王，直到永遠。因他揀選猶大為首領；在猶大支派中揀選我父家，在我父的眾子裏喜悅我，立我作以色列眾人的王。
“Asi Jehovha, Mwari waIsraeri, akandisarudza kubva kumhuri yangu yose kuti ndive mambo pamusoro paIsraeri nokusingaperi. Akasarudza Judha kuti ave mhuri yangu, uye kubva muvanakomana vababa vangu akafadzwa nokundiita mambo pamusoro peIsraeri.
5 耶和華賜我許多兒子，在我兒子中揀選所羅門坐耶和華的國位，治理以色列人。
Pavanakomana vangu vose, uye Jehovha akandipa vakawanda kwazvo, iye akasarudza mwanakomana wangu Soromoni kuti agare pachigaro choumambo hwaJehovha pamusoro paIsraeri.
6 耶和華對我說：『你兒子所羅門必建造我的殿和院宇；因為我揀選他作我的子，我也必作他的父。
Akati kwandiri, ‘Soromoni mwanakomana wako ndiye achavaka imba yangu nezvivanze zvangu, ndichava baba vake.
7 他若恆久遵行我的誡命典章如今日一樣，我就必堅定他的國位，直到永遠。』
Ndichasimbisa umambo hwake nokusingaperi kana iye akatsungirira mukuita zvandakarayira nemitemo yangu sezviri kuitwa panguva ino.’
8 現今在耶和華的會中，以色列眾人眼前所說的，我們的上帝也聽見了。你們應當尋求耶和華－你們上帝的一切誡命，謹守遵行，如此你們可以承受這美地，遺留給你們的子孫，永遠為業。
“Saka zvino ndinokurayira pamberi peIsraeri yose uye napamberi peungano yaJehovha, uye Mwari wedu achinzwa: Chenjerera kuti utevere kurayira kwose kwaJehovha senhaka kuvana vako nokusingaperi.
9 「我兒所羅門哪，你當認識耶和華－你父的上帝，誠心樂意地事奉他；因為他鑒察眾人的心，知道一切心思意念。你若尋求他，他必使你尋見；你若離棄他，他必永遠丟棄你。
“Newewo mwanakomana wangu Soromoni, ziva Mwari wababa vako, uye umushumire nomwoyo wose uye nepfungwa dzako dzose, nokuti Jehovha anonzvera mwoyo uye anonzwisisa chinangwa chipi nechipi chiri mupfungwa. Ukamutsvaga achawanikwa newe, asi kana ukamurasa, iye achakuramba nokusingaperi.
10 你當謹慎，因耶和華揀選你建造殿宇作為聖所。你當剛強去行。」
Funga zvino, nokuti Jehovha akusarudza kuti uvake temberi senzvimbo tsvene. Iva nesimba uye uite basa iri.”
11 大衛將殿的遊廊、旁屋、府庫、樓房、內殿，和施恩所的樣式指示他兒子所羅門，
Ipapo Dhavhidhi akapa mwanakomana wake Soromoni urongwa hwebiravira retemberi, dzimba dzayo, matura ayo, makamuri ayo okumusoro, makamuri ayo omukati uye nenzvimbo yokuyananisira.
12 又將被靈感動所得的樣式，就是耶和華上帝殿的院子、周圍的房屋、殿的府庫，和聖物府庫的一切樣式都指示他；
Akamupa urongwa hwazvose zvakanga zvaiswa noMweya mupfungwa make pamusoro pezvivanze zvetemberi yaJehovha namakamuri ose akapoteredza, pamusoro pamatura epfuma yetemberi yaMwari napamusoro pamatura ezvinhu zvakakumikidzwa.
13 又指示他祭司和利未人的班次與耶和華殿裏各樣的工作，並耶和華殿裏一切器皿的樣式，
Akamurayira zvokuita pamusoro pamapoka avaprista navaRevhi uye napamusoro pebasa rose rokushumira mutemberi yaJehovha, uyewo napamusoro pemidziyo yaizoshandiswa mubasa rayo.
14 以及各樣應用金器的分兩和各樣應用銀器的分兩，
Akarayira uremu hwegoridhe remidziyo yose yaizoshandiswa mumhando dzose dzokushumira, nouremu hwesirivha yemidziyo yose yaizoshandiswa mumhando dzose dzokushumira:
15 金燈臺和金燈的分兩，銀燈臺和銀燈的分兩，輕重各都合宜；
Uremu hwegoridhe rezvigadziko zvemwenje zvegoridhe nemwenje yazvo, nouremu hwechigadziko chomwenje chimwe nechimwe, nemwenje yacho, maererano nokushandiswa kwechigadziko chemwenje chimwe nechimwe.
16 陳設餅金桌子的分兩，銀桌子的分兩，
Uremu hwegoridhe retafura imwe neimwe yechingwa chakatsaurwa; uremu hwesirivha yetafura dzesirivha;
17 精金的肉叉子、盤子，和爵的分兩，各金碗與各銀碗的分兩，
uremu hwegoridhe rakanatswa reforogo, ndiro dzokusasa nemikombe; uremu hwegoridhe nedhishi rimwe nerimwe regoridhe; uremu hwesirivha yedhishi rimwe nerimwe resirivha;
18 精金香壇的分兩，並用金子做基路伯；基路伯張開翅膀，遮掩耶和華的約櫃。
uye uremu hwegoridhe rakanatswa nearitari yezvinonhuhwira. Akamupawo mufananidzo wengoro iyo ina makerubhi egoridhe akatambanudza mapapiro awo achifukidza areka yesungano yaJehovha.
19 大衛說：「這一切工作的樣式都是耶和華用手劃出來使我明白的。」
Dhavhidhi akati, “Zvose izvi ndakazviziviswa zvanyorwa noruoko rwaJehovha uye akaita ndinzwisise urongwa hwake hwose.”
20 大衛又對他兒子所羅門說：「你當剛強壯膽去行！不要懼怕，也不要驚惶。因為耶和華上帝就是我的上帝，與你同在；他必不撇下你，也不丟棄你，直到耶和華殿的工作都完畢了。
Dhavhidhi akatiwo kumwanakomana wake Soromoni, “Simba utsunge mwoyo, uye uite basa iri. Usatya kana kuora mwoyo, nokuti Jehovha Mwari, Mwari wangu, anewe. Haachazokusiyi kana kukurasa, kusvikira basa rose rokushandira temberi yaJehovha rapera.
21 有祭司和利未人的各班，為要辦理上帝殿各樣的事，又有靈巧的人在各樣的工作上樂意幫助你；並有眾首領和眾民一心聽從你的命令。」
Mapoka avaprista navaRevhi akagadzirira kuita basa rose rapatemberi yaMwari, uye murume wose anoda uye ane umhizha hupi nehupi pamabasa amaoko achakubatsira pabasa iri rose. Vabati vose navanhu vose vachateerera kurayira kwako kwose.”
