歷代志上 14
1 泰爾王希蘭將香柏木運到大衛那裏，又差遣使者和石匠、木匠給大衛建造宮殿。
Hagi anante Tairi kumate kini ne' Hiramu'a kato vahe huzmantege'za sida zafa e'neriza, have eri'zama eri vahe'ene, noma negiza vahe'enena nezmavareno Deviti hirega kini noma'a ome kinaku vu'naze.
2 大衛就知道耶和華堅立他作以色列王，又為自己的民以色列，使他的國興旺。
Hagi ana'ma higeno'a Deviti'ma antahino keno'ma hiana Ra Anumzamo'a Israeli vahe' kini nazeri otino, Israeli vahe'agu huno maka mopama kegavama hanua mopa asomu hunante huno antahi'ne.
3 大衛在耶路撒冷又立后妃，又生兒女。
Hagi Deviti'a Jerusalemi kumate mani'neno mago'ane a'nanea erino rama'a ne'mofara zamante'ne.
4 在耶路撒冷所生的眾子是沙母亞、朔罷、拿單、所羅門、
Hagi Jerusalemi kumate'ma mani'nenoma kasente'nea mofavreramimofo zamagi'a ama'ne, Samuama, Sobabuma, Netenima, Solomonima,
5 益轄、以利書亞、以法列、
Iparima, Elisuama, Elpeletima,
6 挪迦、尼斐、雅非亞、
Nogama, Nefekima, Jafiama,
7 以利沙瑪、比利雅大、以利法列。
Elisamama, Beliadama, Elifeletima huno zamante'ne.
8 非利士人聽見大衛受膏作以色列眾人的王，非利士眾人就上來尋索大衛。大衛聽見，就出去迎敵。
Hagi Filistia vahe'mo'zama antahi'zama, Devitima Israeli vahe kinima azeri otizageno'a, maka Filistia vahe'mo'za erimago hu'za Devitina hahunte'naku hake'za mareri'naze. Hianagi ana kema Devitima asamizageno nentahino, ha' huzmante'naku vu'ne.
9 非利士人來了，布散在利乏音谷。
Hagi Filistia vahe'mo'za Refaimi agupofi e'za ana kumate vahetmina eme zamarotgo hu'za rohu nezamare'za mika zazmia eri'naze.
10 大衛求問上帝，說：「我可以上去攻打非利士人嗎？你將他們交在我手裏嗎？」耶和華說：「你可以上去，我必將他們交在你手裏。」
Hagi Deviti'a Anumzamofo antahigeno, Filistia vahera vu'na hara ome huzmantenugenka, nzampina zamavarentegahano? Huno higeno amanage huno Ra Anumzamo'a kenona hu'ne, Marerige'na Filistia vahera kazampi zamavarentaneno.
11 非利士人來到巴力‧毗拉心，大衛在那裏殺敗他們。大衛說：「上帝藉我的手沖破敵人，如同水沖去一般」；因此稱那地方為巴力‧毗拉心。
Anage higeno Deviti'a sondia vahe'anena marerino Filistia vahera hara ome huzamagatereno amanage hu'ne, Ti hageankna huno ha' vahe'nia Anumzamo'a hara huzmante'ne. E'ina hu'negu ana kuma'mofo agi'a Ba'al Perazimie huno agi'a antemi'ne.
12 非利士人將神像撇在那裏，大衛吩咐人用火焚燒了。
Hagi Filistia vahe'mo'zama koroma nefre'za atre'za fraza havi anumzazimia, teve hanavazita kreho huno Deviti'a hige'za, teve hanavaziza kre'naze.
13 非利士人又布散在利乏音谷。
Hagi Filistia vahe'mo'za osi'a kna umanite'za ete e'za Refaim agupofi vahera zamaratgo hu'za rohura eme zamare'naze.
14 大衛又求問上帝。上帝說：「不要一直地上去，要轉到他們後頭，從桑林對面攻打他們。
Hagi Deviti'a mago'ane Anumzamofona antahigegeno, Anumzamo'a asamino, marerinka ome ozmahegosananki, rugaginka balsamu zafaramima me'neregati enka eme hara huzmantenka zamahegahane.
15 你聽見桑樹梢上有腳步的聲音，就要出戰，因為上帝已經在你前頭去攻打非利士人的軍隊。」
Hagi kagrama antahisankeno'ma zafaramimofo amuzafima sondia vahetamimo'ma agatre azatrema huno esia agasasama antahisunka, Filistia vahera vunka hara ome huzamanto. Na'ankure Anumzamo'a vugota huganteno nevuno, Filistia sondia vahera zamahegahie.
16 大衛就遵着上帝所吩咐的，攻打非利士人的軍隊，從基遍直到基色。
Hagi Anumzamo'ma asami'nea kante anteno Deviti'a nevuno Filistia vahera Gibionitira agafa huno zamarotgo huno hara huzmanteno vuno, Gezeri kumate ome atre'ne.
17 於是大衛的名傳揚到列國，耶和華使列國都懼怕他。
Hagi ana'ma higeno'a Deviti agenkemo'a maka kokantega vuno eno higeno, Ra Anumzamo'a maka mopafi vahera zamazeri zamagogofege'za Devitinkura tusi koro hu'naze.
