诗篇 81
1 亚萨的诗，交与伶长。用迦特乐器。 你们当向 神—我们的力量大声欢呼， 向雅各的 神发声欢乐！
Thaburi ya Asafu Inĩrai Ngai, o we hinya witũ, nĩ ũndũ wa gũkena; anĩrĩrai mũinĩre Ngai wa Jakubu!
2 唱起诗歌，打手鼓， 弹美琴与瑟。
Ambĩrĩriai kũina, hũũrai kĩhembe, na mũhũũre kĩnanda kĩa mũgeeto kĩrĩa kĩgambi wega, o na gĩa kĩnũbi.
3 当在月朔并月望— 我们过节的日期吹角，
Huhai coro hĩndĩ ya Karũgamo ka Mweri, na ningĩ rĩrĩa mweri waiganana, mũthenya ũrĩa wa Gĩathĩ giitũ;
4 因这是为以色列定的律例， 是雅各 神的典章。
ũyũ nĩ watho wa kĩrĩra gĩa kũrũmĩrĩrwo kũrĩ Isiraeli, o guo watho wa Ngai wa Jakubu.
5 他去攻击埃及地的时候， 在约瑟中间立此为证。 我在那里听见我所不明白的言语：
We nĩaũhaandire ũtuĩke kĩrĩra harĩ Jusufu hĩndĩ ĩrĩa aathiire gũtharĩkĩra bũrũri wa Misiri, kũrĩa twaiguire mwario tũtaamenyire.
6 神说：我使你的肩得脱重担， 你的手放下筐子。
Ekuuga atĩrĩ, “Nĩndeheririe mũrigo kuuma ciande-inĩ ciao; moko mao nĩndameheririe kuuma thĩinĩ wa gĩkabũ.
7 你在急难中呼求，我就搭救你； 我在雷的隐密处应允你， 在米利巴水那里试验你。 (细拉)
Wangaĩire ũrĩ na mĩnyamaro na niĩ ngĩkũhatũra, ngĩgwĩtĩka ndĩ thĩinĩ wa mũrurumo wa ngwa; ndakũgeririe ũrĩ kũu maaĩ-inĩ ma Meriba.
8 我的民哪，你当听，我要劝戒你； 以色列啊，甚愿你肯听从我。
“Inyuĩ andũ akwa, iguai ngĩmũkaania, naarĩ korwo no mũũthikĩrĩrie, inyuĩ Isiraeli!
9 在你当中，不可有别的神； 外邦的神，你也不可下拜。
Mũtikanagĩe na ngai ngʼeni gatagatĩ-inĩ kanyu; mũtikanainamĩrĩre ngai ya kũngĩ.
10 我是耶和华—你的 神， 曾把你从埃及地领上来； 你要大大张口，我就给你充满。
Nĩ niĩ Jehova Ngai waku, ũrĩa wakũrutire bũrũri wa Misiri. Athamia kanua gaku na nĩngũkũhe gĩa kũrĩa.
11 无奈，我的民不听我的声音； 以色列全不理我。
“No andũ akwa matiigana gũũthikĩrĩria; Isiraeli ndaigana kũnjathĩkĩra.
12 我便任凭他们心里刚硬， 随自己的计谋而行。
Nĩ ũndũ ũcio ngĩmarekereria marũmĩrĩre ũremi wa ngoro ciao, na marũmagĩrĩre mwĩĩro wao ene.
13 甚愿我的民肯听从我， 以色列肯行我的道，
“Korwo andũ akwa no maathikĩrĩrie, korwo Isiraeli no marũmĩrĩre njĩra ciakwa,
14 我便速速治服他们的仇敌， 反手攻击他们的敌人。
ndamatooreria thũ ciao o na ihenya, na njũkĩrĩre andũ arĩa marĩ muku nao na ũndũ wa guoko gwakwa!
15 恨耶和华的人必来投降， 但他的百姓必永久长存。
Andũ arĩa mathũire Jehova mangĩĩthuna marĩ mbere yake, na iherithia rĩao rĩtũũre nginya tene.
16 他也必拿上好的麦子给他们吃， 又拿从磐石出的蜂蜜叫他们饱足。
No inyuĩ ingĩmũhe ngano ĩrĩa njega mũno mũrĩĩage; ingĩmũhũũnagia na ũũkĩ wa kuuma rwaro-inĩ rwa ihiga.”
