利未记 21
1 耶和华对摩西说：“你告诉亚伦子孙作祭司的说：祭司不可为民中的死人沾染自己，
UThixo wathi kuMosi, “Khuluma labaphristi, amadodana ka-Aroni, ubatshele ukuthi: ‘Umphristi kakumelanga azingcolise ngokomlayo, ngokungcwaba loba ngubani wakibo ofileyo,
2 除非为他骨肉之亲的父母、儿女、弟兄，
ngaphandle kwesihlobo esiseduze njengonina, uyise, indodana loba indodakazi yakhe, umfowabo
3 和未曾出嫁、作处女的姊妹，才可以沾染自己。
loba udadewabo osegumeni ngoba engelandoda, labo angabangcwaba.
4 祭司既在民中为首，就不可从俗沾染自己。
Kangazingcolisi ngenxa yezihlobo zomkakhe, azibhixe ngokungcwabana lazo.
5 不可使头光秃；不可剃除胡须的周围，也不可用刀划身。
Abaphristi kabangaphuci amakhanda abo, loba bagunde amacele endevu zabo, loba bazicabe emzimbeni.
6 要归 神为圣，不可亵渎 神的名；因为耶和华的火祭，就是 神的食物，是他们献的，所以他们要成为圣。
Kumele babengcwele kuNkulunkulu wabo, njalo kakumelanga bangcolise ibizo likaNkulunkulu wabo. Kababe ngcwele ngoba yibo abanikela imihlatshelo yokudla kuThixo, ukudla kukaNkulunkulu wabo, kumele babengcwele.
7 不可娶妓女或被污的女人为妻，也不可娶被休的妇人为妻，因为祭司是归 神为圣。
Kabangathathi abafazi abangcolileyo ngenxa yobufebe, loba abehlukana lamadoda abo ngoba abaphristi bangcwele kuNkulunkulu.
8 所以你要使他成圣，因为他奉献你 神的食物；你要以他为圣，因为我—使你们成圣的耶和华—是圣的。
Bathatheni njengabantu abangcwele ngoba banikela ngokudla kukaNkulunkulu wenu. Bathatheni njengabantu abangcwele ngoba mina Thixo olingcwelisayo ngingcwele.
9 祭司的女儿若行淫辱没自己，就辱没了父亲，必用火将她焚烧。
Nxa indodakazi yomphristi izingcolisa ngokuba yisifebe, iyangisa uyise; kayitshiswe ngomlilo.
10 “在弟兄中作大祭司、头上倒了膏油、又承接圣职、穿了圣衣的，不可蓬头散发，也不可撕裂衣服。
Umphristi omkhulu kubafowabo, onguye othelwe amafutha okugcoba umphristi ekhanda, abekiweyo ukuthi agqoke izivunulo zobuphristi, kakumelanga ekele inwele zakhe zingakanywanga loba adabule izigqoko zakhe ngenxa yosizi.
11 不可挨近死尸，也不可为父母沾染自己。
Kakumelanga angene lapho okulesidumbu khona. Kangazingcolisi ngaleyondlela loba kufe uyise kumbe unina,
12 不可出圣所，也不可亵渎 神的圣所，因为 神膏油的冠冕在他头上。我是耶和华。
njalo kangasuki endlini kaNkulunkulu kumbe ayingcolise, ngoba usekhethiwe ngokugcotshwa ngamafutha kaNkulunkulu wakhe. Mina nginguThixo.
13 他要娶处女为妻。
Umfazi amthathayo kabe yintombi egcweleyo.
14 寡妇或是被休的妇人，或是被污为妓的女人，都不可娶；只可娶本民中的处女为妻。
Kangathathi umfelokazi, owehlukene lomkakhe loba umfazi ongcoliswe yibufebe, kodwa athathe kuphela intombi egcweleyo ebantwini bakibo,
15 不可在民中辱没他的儿女，因为我是叫他成圣的耶和华。”
angangcolisi inzalo yakhe phakathi kwabantu bakibo. Mina nginguThixo engimenza abengcwele.’”
16 耶和华对摩西说：
UThixo wathi kuMosi,
17 “你告诉亚伦说：你世世代代的后裔，凡有残疾的，都不可近前来献他 神的食物。
“Tshela u-Aroni uthi: ‘kakho owenzalo yakhe kuzozonke izizukulwane ezizayo nxa elesici esithile ongasondela anikele ukudla kukaNkulunkulu wakhe.
18 因为凡有残疾的，无论是瞎眼的、瘸腿的、塌鼻子的、肢体有余的、
Akulamuntu olobulima obuthile ongasondela: umuntu oyisiphofu, longumqhuge, logogekileyo loba olezitho ezingaphelelanga;
19 折脚折手的、
akulamuntu olobulima enyaweni loba esandleni,
20 驼背的、矮矬的、眼睛有毛病的、长癣的、长疥的，或是损坏肾子的，都不可近前来。
kumbe odundubele emahlombe, loba ongumuthwa, kumbe elobulima bamehlo, loba olentembuzane, kumbe izilonda eziphihlikayo, loba olimele emaphambilini.
21 祭司亚伦的后裔，凡有残疾的，都不可近前来，将火祭献给耶和华。他有残疾，不可近前来献 神的食物。
Akungabikhona owenzalo ka-Aroni umphristi othi nxa elobulima asondele ukuzanikela umnikelo wokudla kuThixo.
22 神的食物，无论是圣的，至圣的，他都可以吃。
Angadla ukudla okungcwelengcwele kukaNkulunkulu wakhe loba yikudla bani okungcwele;
23 但不可进到幔子前，也不可就近坛前；因为他有残疾，免得亵渎我的圣所。我是叫他成圣的耶和华。”
kodwa ngenxa yobulima bakhe kakumelanga asondele eduze kwekhetheni, kumbe aye e-alithareni, ngoba ngaleyondlela angangcolisa indlu yami engcwele. Mina nginguThixo obenza babengcwele.’”
24 于是，摩西晓谕亚伦和亚伦的子孙，并以色列众人。
Konke lokhu uMosi wakutshela u-Aroni lamadodana akhe, labo bonke abako-Israyeli.
