约书亚记 19
1 为西缅支派的人，按着宗族，拈出第二阄。他们所得的地业是在犹大人地业中间。
Hanki nampa 2 mopare'ma satu zokago'ma re'za kazana, Simioni agi efore hige'za, Simioni naga'mo'za nagate nofite hu'za refko hu'za erisantihare'naze. Ana mopama erisantimahare'naza mopamo'a Juda naga'mokizmi mopamofo amu'nozamifi me'ne.
2 他们所得为业之地就是：别是巴（或名示巴）、摩拉大、
Simioni naga'mozama erisantimahare'naza kumatmimofo zamagi'a ama'ine, Bersebama, mago agi'a (Sebae) Moladama,
3 哈萨·书亚、巴拉、以森、
Hazar-Sualima, Balama, Ezemima,
4 伊利多拉、比土力、何珥玛、
Eltoladima, Bethulima, Homama,
5 洗革拉、伯·玛加博、哈萨·苏撒、
Ziklagima, Bet-Makabotima, Hazar-Susama,
6 伯·利巴勿、沙鲁险，共十三座城，还有属城的村庄；
Bet-Lebaotine, Saruheni kuma me'ne. Hagi ana makara 13ni'a ranra kumatmi megeno, ne'onse kumatamimo megagi zamantetere hu'ne.
7 又有亚因、利门、以帖、亚珊，共四座城，还有属城的村庄；
Hanki mago'ane 4'a ranra kumatami megeno, ne'onse kuma'ma megagiterema hu'nea kumatamima eri'nazana, Ainima, Rimonima, Eterima, Asani kuma'ene eri'naze.
8 并有这些城邑四围一切的村庄，直到巴拉·比珥，就是南地的拉玛。这是西缅支派按着宗族所得的地业。
Ana nehu'za ranra kuma'ene ne'onse megagi zmante'nea kumatamina miko eri vagarazageno vuno, fenkamu sauti kaziga Ba'alat Bea mago agi'a Nigevi kaziga Rame nehaza kumate uhanatige'za Simioni naga'moza nagate nofite hu'zama erisantimahare'naza mope.
9 西缅人的地业是从犹大人地业中得来的；因为犹大人的分过多，所以西缅人在他们的地业中得了地业。
Hanki Juda nagara ra mopa refko huzami'nagu, Simioni naga'mo'za Juda naga'mokizmi mopafinti mago'a eri'naze. Ana hu'negu Simioni naga'mo'za Juda naga'mokizmi mopafi mago'a mopa erisantihare'za mani'naze.
10 为西布伦人，按着宗族，拈出第三阄。他们地业的境界是到撒立；
Hanki nampa 3 mopare'ma satu zokago'ma re'za kazana, Zebuluni agi efore higeno, Zebuluni naga'mo'za nagate nofite refko hu'za eri'naza mopazamimofo agema'amo'a vuno, Saridi rankumate uhanati'ne.
11 往西上到玛拉拉，达到大巴设，又达到约念前的河；
Hagi zage fre kaziga mopamofo agema'amo'a Marala uhanatiteno, vuno Dabeseti tavaonte vuteno, vuno Jokneam kumamofo zage hanati kaziga osi ti me'nere uhanati'ne.
12 又从撒立往东转向日出之地，到吉斯绿·他泊的境界，又通到大比拉，上到雅非亚；
Hanki Sarititira mopamofo agema'amo'a rukrahe huno zage hanati kaziga Kislot-Tabori kaziga uhanatiteno, vuno Daberati uhanatino, Jafia mareri'ne.
13 从那里往东，接连到迦特·希弗，至以特·加汛，通到临门，临门延到尼亚；
Anantetira mopamofo agema'amo'a zage hanati kaziga vuvava huno Gat Hefarine, Et Kazini rankuma trente vuteno, anantetira Rimmoni uhanatiteno, rukrahe'ma hiana Nea kaziga avugosa hunteno vu'ne.
14 又绕过尼亚的北边，转到哈拿顿，通到伊弗他·伊勒谷。
Hanki noti kaziga mopamofo agema'amo'a rugagino, Hanaton rankumate uhanatiteno, vuvava huno Ifta-El agupoma ome atrete ome atre'ne.
15 还有加他、拿哈拉、伸 、以大拉、伯利恒，共十二座城，还有属城的村庄。
Hanki ana maka Zebuluni naga nofi'moza'ma eri'naza ranra kumatamimofo zamagi'a amanahu me'ne, Katatima, Nahalalima, Simronima, Idalane, Betlehemu kuma'enena eri'naze. Hagi ana makara 12fu'a rankumatamine ne'onse kumatamima megagi zamanteterema hu'nea kumara erivagare'naze.
16 这些城并属城的村庄就是西布伦人按着宗族所得的地业。
Hanki ama ana ranra kumatamine tavao zamire'ma me'ne'a neonse kumatamina Zebuluni naga'mo'za nagate nofite refko hu'za zamagra'a mopa erisantihare'naze.
17 为以萨迦人，按着宗族，拈出第四阄。
Hanki nampa 4 moparema satu zokagoma re'za kazana, Isaka agi efore hige'za, Isaka naga'mo'za nagate nofite hu'za mopa refko hu'za erisantihare'naze.
18 他们的境界是到耶斯列、基苏律、书念、
Hagi Isaka naga'mo'za eri'naza ranra kumatamimofo zamagi'a amanahu me'ne, Jesrilma, Kesulotima, Sunemima,
19 哈弗连、示按、亚拿哈拉、
Hafaraimima, Sionima, Anaharatima,
20 拉璧、基善、亚别、
Rabitima, Kisionima, Ebezima,
21 利篾、隐·干宁、隐·哈大、伯·帕薛；
Remetima, En-Ganimima, En-hadama, Bet-Pazezima hu'za eri'naze.
22 又达到他泊、沙哈洗玛、伯·示麦，直通到约旦河为止，共十六座城，还有属城的村庄。
Hagi Isaka naga'mo'zama eri'naza mopamofo agema'amo'a Tabori agonare vuteno, vuno Sahahazumane Bet-Semes rankuma trente uhanatiteno, vuno Jodani tinte ome atrege'za Isaka naga'mo'zama eri'nazana, 16ni'a ranra kuma'tamine tavaozamire'ma me'nea neonse kumataminena eri vagare'naze.
23 这些城并属城的村庄就是以萨迦支派按着宗族所得的地业。
Ama ana ranra kuma'tamine ne'onse kumatamina Isaka naga'mo'za nagate nofite hu'za zamagra'a suza refko hu'za erisantihare'naze.
24 为亚设支派，按着宗族，拈出第五阄。
Hanki nampa 5fu mopare'ma satu zokagore'za kazana, Asa agi efore hige'za, Asa naga'mo'za nagate nofite hu'za mopa refko hu'za erisantihare'naze.
25 他们的境界是黑甲、哈利、比田、押煞、
Hagi Asa naga'mo'zama eri'naza mopa'afima me'nea ranra kumatamimofo zamagi'a amanahu hu'ne, Helkatima, Halima, Betenima, Aksafama,
26 亚拉米勒、亚末、米沙勒；往西达到迦密，又到希曷·立纳，
Alamelekima, Amadine, Misali ran kuma'ene, zage fre kaziga mopamofo agema'amo'a Kameli agonane Siho Libnat rankuma tavaonte ome antre'ne.
27 转向日出之地，到伯·大衮，达到细步纶；往北到伊弗他·伊勒谷，到伯·以墨和尼业，也通到迦步勒的左边；
Hanki anantetira mopamofo agema'amo'a ome rukrahe huno zage hanati kaziga Bet-Dagoni rankumate vuteno, Zebuluni naga mopane Ifta-El agupo tavaonte vuteno, vuvava huno noti kaziga Bet-Emekine, Neieli rankumate uhanatiteno, agatereno noti kaziga vuvava huno Kabuli rankumate uhanati'ne.
28 又到义伯 、利合、哈们、加拿，直到西顿大城；
Hanki anantetira Ebronima, Rehobuma, Hamonine, Kana kumatamina agatereno ogantu Saidon rankumate uhanati'ne.
29 转到拉玛和坚固城泰尔；又转到何萨，靠近亚革悉一带地方，直通到海；
Hanki anantetira mopamofo agema'amo'a rukrahe huno Rama rankumate vuteno, Tairi rankuma'ma hanavenentake have kegina hugagi'naza kumate uhanati'ne. Anantetira mopamofo agema'amo'a rukrahe huno Hosa rankuma me'nerega avugosa hunteno vuno, Akzib kaziga Mediterenia ra hageri me'nere ome atre'ne.
30 又有乌玛、亚弗、利合，共二十二座城，还有属城的村庄。
Hanki Asa naga'mo'zama mago'a mopama eri'nazana, Umane, Afekine, Rehobu rankuma'ene erizageno, ana makara 22'a ranra kuma me'negeno ne'onse kumatamina megagizmanteterema hu'neana, ana maka eri 'naze.
31 这些城并属城的村庄就是亚设支派按着宗族所得的地业。
Hanki ana ranra kumatamine ne'onse kumatamina Asa naga'mo'za nagate nofite refko hu'za erisantihare'naze.
32 为拿弗他利人，按着宗族，拈出第六阄。
Hanki nampa 6si mopare'ma satu zokagoma re'za kazana, Naftali agi'a efore higeno, Naftali naga'mo'za nagate nofite hu'za mopa refko hu'za eri'naze.
33 他们的境界是从希利弗从撒拿音的橡树，从亚大米·尼吉和雅比聂，直到拉共，通到约旦河；
Hagi mopazamimofo agema'amo'a Herefi rankuma'ene Za'ananimima ko zafama me'nereti agafa huteno, vuno Adami Nekebi rankuma'ene Jabnili kumatrena agatereno vuteno, vuvava huno Lakumi rankumate uhanatiteno, Jodani ti ankenare ome vagare'ne.
34 又转向西到亚斯纳·他泊，从那里通到户割，南边到西布伦，西边到亚设，又向日出之地，达到约旦河那里的犹大。
Hagi ana mopamofo agema'amo'a rukrahe'ma hiana, Aznot-Tabor rankumamofo zage fre kazigati rugitagino Hukok rankumate uhanati'ne. Higeno Zebuluni naga'mofo mopa sauti kaziga megeno, Asa naga'mofo mopa zage fre kaziga megeno, Jodani tina zage hanati kaziga me'ne.
35 坚固的城就是：西丁、侧耳、哈末、拉甲、基尼烈、
Hanki hankavenentake vihuma havereti'ma hu'naza rankumatamimofo zamagi'a amanahu me'ne, Zidimima, Zerima, Hamatima, Rakatima, Kineretima,
36 亚大玛、拉玛、夏琐、
Adama, Ramama, Hazorima,
37 基低斯、以得来、隐·夏琐、
Kedesima, Edreima, En-Hazorima,
38 以利稳、密大·伊勒、和琏、伯·亚纳、伯·示麦，共十九座城，还有属城的村庄。
Ironima, Migdal-Elmama, Horemima, Bet-Anatine Bet-Semesine megeno ana makara, Naptali naga'mo'za 19ni'a ranra kumatamine ne'onse kumatamima tavao zamire'ma megagiterema hu'neana ana maka eri vagare'naze.
39 这些城并属城的村庄就是拿弗他利支派按着宗族所得的地业。
Hagi ama ana ranra kumatamine ne'onse kumatamina Naftali naga'mo'za nagate nofite hu'za refko hu'za eri'naze.
40 为但支派，按着宗族，拈出第七阄。
Hanki nampa 7ni mopare'ma satu zokagoma re'za kazana Dani agi efore higeno, Dani naga'mo'za nagate nofite hu'za mopa refko hu'za eri'naze.
41 他们地业的境界是琐拉、以实陶、伊珥·示麦、
Hanki ranra kumama eri'naza kumatamimofo zamagi'a amanahu me'ne, Zorama, Estaolima, Ir-Semesima,
42 沙拉宾、亚雅 、伊提拉、
Sa'alabinima, Aijalonima, Itlama,
43 以伦、亭拿他、以革伦、
Elonima, Timnama, Ekronima,
44 伊利提基、基比顿、巴拉、
Eltekema, Gibetonima, Ba'alatima,
45 伊胡得、比尼·比拉、迦特·临门、
Jehudima, Bene-Berakima Gat-Rimonima,
46 美·耶昆、拉昆，并约帕对面的地界。
Mejakonima, Rakonima, Jopa ranku tavaonte'ma me'nea kumatamina ana maka Dani naga'moza eri'naze.
47 但人的地界越过原得的地界；因为但人上去攻取利善，用刀击杀城中的人，得了那城，住在其中，以他们先祖但的名将利善改名为但。
Hianagi Dani nagara henka ha' vahe'zamimo'za mopazamifintira zamahenati atre'naze. Ana hazage'za mareriza Lesemi vahera ha' huzamante'za ana maka vahera bainati kazinteti zamahe vaganere'za Lesemi rankumara Dani naga'moza eri'naze. Hagi Lesemi rankumapima manite'za ana kuma agi'a rekrahe hu'za nezamageho agire asamre'za Dani'e hu'za agi'a ante'naze.
48 这些城并属城的村庄就是但支派按着宗族所得的地业。
Hanki ama ana ranra kumatamine, neonse kumatamina Dani naga'mo'za nagate nofite hu'za refko hu'za erisantihare'naze.
49 以色列人按着境界分完了地业，就在他们中间将地给嫩的儿子约书亚为业，
Hanki Israeli vahe'mo'za mopama refko hu'za nagate nofite hu'za erite'za, anampintira mopa refko hu'za Nuni nemofo Josuana ami'naze.
50 是照耶和华的吩咐，将约书亚所求的城，就是以法莲山地的亭拿·西拉城，给了他。他就修那城，住在其中。
Ra Anumzamo'ma hu'nea kante ante'za Efraemi naga'mokizmi mopamofo agona asoparega Timnat-Sera me'nea rankuma Josua'a namiho hige'za, amizageno ana kumara eri kasefa huno rankuma kino mani'ne.
51 这就是祭司以利亚撒和嫩的儿子约书亚，并以色列各支派的族长，在示罗会幕门口，耶和华面前，拈阄所分的地业。这样，他们把地分完了。
Hanki pristi ne Eleazaki, Nuni nemofo Josua'ene ana maka naga'nofipinti'ma vugota hutere hu'naza kva vahe'mo'za Silo kumate atruhuza seli nomofo avuga manine'za, Ra Anumzamofo avure satu zokago re'za eri ama hu'za ana maka mopa nagate nofite refko hu'zmi vagarazage'za erisantihare'naze.
