约伯记 19
1 约伯回答说：
Hagi anante Jopu'a amanage huno Bildatina kenona hunte'ne,
2 你们搅扰我的心， 用言语压碎我要到几时呢？
Kagra zazate nata naminka ane. Kema hana kemo'a zazate nazeri havizantfa hie.
3 你们这十次羞辱我； 你们苦待我也不以为耻。
Hago kagra 10ni'a zupa kefintira nazeri haviza nehunka, kefinti'ma nazeri havizama hanazankura kagazegura osane.
4 果真我有错， 这错乃是在我。
Hagi nagrama tamagema hu'na kumi'ma hu'nesuana, kagri zana omne'neankinka e'inahu kea eme huonantegahane.
5 你们果然要向我夸大， 以我的羞辱为证指责我，
Kagrama kagesama antahinana, nagra knare hu'noe hunka kavufga rana nehunka, nagrama knafima ufroa zankura kumi hu'nea nona'a knazana e'nerie hunka nagrikura nehane.
6 就该知道是 神倾覆我， 用网罗围绕我。
Hianagi Anumzamo Agra'a nazeri haviza nehuno, kukompina navrenente.
7 我因委曲呼叫，却不蒙应允； 我呼求，却不得公断。
Hanki naza hiho hu'na kezama atuana, mago vahe'mo'a ana kezankeni'a antahi onami'ne. Naza hihogu'ma nanekea huanagi, mago vahe'mo'a antahinamino nagri kaziga anteno nazahu kea osu'ne.
8 神用篱笆拦住我的道路，使我不得经过； 又使我的路径黑暗。
Hagi kama vunaku'ma huankana Anumzamo maninkanirege'na kama vu'zankura huge'na, akohe'na mani'noe. Ana nehuno kana rehanintiri huno rehiza hige'na novue.
9 他剥去我的荣光， 摘去我头上的冠冕。
Hanki vahe'mo'zama ra nagima nenamizageno nasenire'ma kini fetori'ma anteanknama hu'neana, hagitenetreno nagaze erinami'ne.
10 他在四围攻击我，我便归于死亡， 将我的指望如树拔出来。
Hagi Agra maka kaziga hazenkea namino nevige'na ome haviza hugeno, arafu'na aga'ma zafa eri tasagima hiaza huno amuha zani'a eri atrene.
11 他的忿怒向我发作， 以我为敌人。
Ana nehuno ha' vahe'amofoma hiaza huno nagri'ma arimpa ahenante'nea zamo'a teve rukru hu'ne.
12 他的军旅一齐上来， 修筑战路攻击我， 在我帐棚的四围安营。
Hagi sondia vahe'amo'za eritru hu'za hahunante'naku kana nevarize. Ana nehu'za ana maka sondia vahe'amo'za seli noni'a avazagi kanegize.
13 他把我的弟兄隔在远处， 使我所认识的全然与我生疏。
Anumzamo'a naga'ni'a zamavare afete'are nezmanteno, roneni'aramina zamazeri ha' vahe'ni'a sege'za hara renenantaze.
14 我的亲戚与我断绝； 我的密友都忘记我。
Hagi naga'nimo'za nenatrazageno, navate aronenimo'za zamage'akaninantaze.
15 在我家寄居的， 和我的使女都以我为外人； 我在他们眼中看为外邦人。
Hagi nagri nompima nemaniza vahe'mo'zane, eri'za a'nemo'zanena kasefa vahe'ma zamagazankna hu'za nenagaze. Nagra zamagri zamavurera ruregati vahekna hue.
16 我呼唤仆人， 虽用口求他，他还是不回答。
Hanki eri'za vahe'nigu'ma kema nehugeno'a, ke'ni'a antahinonamie. E'ina hige'na eri'za vahe'nimo'ma ke'nima antahinogura mago'ane kea hu agesa nehuanagi, eme onage'ne.
17 我口的气味，我妻子厌恶； 我的恳求，我同胞也憎嫌。
Nagi'ma aka hu'na kema nehugeno evia himnagura a'nimofona amuti agesa higeno, tusi avresra hunenantegeno, nafuhe'za tusi zamavesra hunantaze.
18 连小孩子也藐视我； 我若起来，他们都嘲笑我。
Ne'one mofavreramimo'zanena tusi zamavaresra hunante'za huhaviza hunenantaze. Ana nehu'za kema huzmi'zama nehuge'za zamefi hunenamize.
19 我的密友都憎恶我； 我平日所爱的人向我翻脸。
Hanki navate aronenimo'za zamagote'za zamavesra hunenantazageno, nagrama navesi nezmantoa vahe'mo'za zamefi hunenamize.
20 我的皮肉紧贴骨头； 我只剩牙皮逃脱了。
Na'ankure navufgamo'a zaferinanire akamarege'na, fri' avamente e'noanagi ofri'noe.
21 我朋友啊，可怜我！可怜我！ 因为 神的手攻击我。
Hanki aronenimota tamasunku hunanteho. Na'ankure Anumzamo'a Agra'a azanu knazana namino, nazeri haviza nehie.
22 你们为什么仿佛 神逼迫我， 吃我的肉还以为不足呢？
Hagi tamagra nagafare Anumzamo'ma hiazana huta, nazeri havizana nehaze? Nahigeta nazeri haviza huvava huta nevaze?
23 惟愿我的言语现在写上， 都记录在书上；
Hagi nagrama nagesama antahuana, nanekeni'a avontafepi krentege, mago'a zante'ma hanagati'za krentege,
24 用铁笔镌刻， 用铅灌在磐石上，直存到永远。
havere'ma eri vakiki'za krentege'ma hazageno meno viresina knare hisine.
25 我知道我的救赎主活着， 末了必站立在地上。
Hianagi nagra antahi'noe, nagu'vazino ete Navre Nera mani'neankino, magokna nagri kaziga eme anteno keagani'a naza huno eri fatgo hugahie.
26 我这皮肉灭绝之后， 我必在肉体之外得见 神。
Hanki fri'nugeno navufgamo'a kasrigahianagi, ama ana navufgare mani'ne'na Anumzani'a kegahue.
27 我自己要见他， 亲眼要看他，并不像外人。 我的心肠在我里面消灭了！
Nagra navufinti Anumzanimofona kegahue. Nagra navufinti'ma kesua zankura tusiza huno nave'nesie.
28 你们若说：我们逼迫他要何等地重呢？ 惹事的根乃在乎他；
Hanki nagafare nazeri havizahu kea hunka, agra hu'nea kefo avu'ava'mo higeno hazenkefina nemanie hunka nehane.
29 你们就当惧怕刀剑； 因为忿怒惹动刀剑的刑罚， 使你们知道有报应。
Hianagi ana nanekekamo'ma hazenkema avreno'ma kagrite'ma esia zankura korora nosane. Na'ankure bainati kazinteti kagrira hazenkea kaminigenka kagrama kenka antahinka hanana, fatgo huno refko nehie hunka antahigahane.
