耶利米书 4
1 耶和华说：以色列啊， 你若回来归向我， 若从我眼前除掉你可憎的偶像， 你就不被迁移。
Vo Israel, nangma hung kilekit ding nahin, nangma kahenga hung kilekit tan, tin Pakaiyin aseiye. Thet umtah doilim hochu napai doh’a chuleh nangma ka-angsunga kon’a nachemang kit tahlou ding ahi.
2 你必凭诚实、公平、公义， 指着永生的耶和华起誓； 列国必因耶和华称自己为有福， 也必因他夸耀。
Chuleh kamin’a “Pakai hingjing” tia nangma nakihah sel’a, nangman thulah, thutandih chuleh chondihna chu nadinpi ding ahi. Chuteng namtin vaipi dinga nangma phatthei channa nahiding, chuleh mitin hung kikhom uva kamin avahchoi ding ahi.
3 耶和华对犹大和耶路撒冷人如此说： 要开垦你们的荒地， 不要撒种在荆棘中。
Hiche hi, Judah mite leh Jerusalem’a chengte henga Pakai thusei chu ahi. “Lholou gamtah leiset tobang nalungsung’u chu kaljal’unlang, muchi pha chu ling leh khao lah’a themang hih un.
4 犹大人和耶路撒冷的居民哪， 你们当自行割礼，归耶和华， 将心里的污秽除掉； 恐怕我的忿怒因你们的恶行发作， 如火着起， 甚至无人能以熄灭！
Vo Judah leh Jerusalem mite, kiletsah hoitho pailhauvin, Pakai angsung’a kipelut uvin. Nalungsung uva setna dim chep-vun chu tan un paidoh un, nalung khel’un. Achutilouleh nachonset nau jal’a chu kalungsat nachung uva meikong banga hung deojah ding, hichu koima aphelmit ding umlouhel ding ahi,’’ tin Pakaiyin aseiye.
5 你们当传扬在犹大， 宣告在耶路撒冷说： 你们当在国中吹角，高声呼叫说： 你们当聚集！ 我们好进入坚固城！
Judah gamsunga samphongun, chuleh Jerusalem’a phongjal un! Amaho chu seipeh un, gamsung pumpia phongjal’un. “Nakihinso nadiuvin jam un, chuleh kulpi kikaikhum khopi sunga jamlut un.’’
6 应当向锡安竖立大旗。 要逃避，不要迟延， 因我必使灾祸与大毁灭从北方来到。
Melchihna ponlap khat, Jerusalem mite din khaidoh’un; Hoidohna din tun jamtauvin, umden den hih un! Ijeh inem itileh keiman sahlam gamkaiya kon’a manthahna nachunguva kahinlhunsah ding ahi, ati.
7 有狮子从密林中上来， 是毁坏列国的。 它已经动身出离本处， 要使你的地荒凉， 使你的城邑变为荒场无人居住。
Keipi bahkai khat, namtin vaipi sumang chu, akiselna kokhuh’a konin ahung pot’e. Aman akiselna kokhuh ahin dalhan, nang lampi ahin jottai. Aman nagamsung asuhmang ding, nakhopi jousea jong mi chenna lou khogem asoding ahi.
8 因此，你们当腰束麻布，大声哀号， 因为耶和华的烈怒没有向我们转消。
Hijeh chun khaodip-pon kivon’unlang kap uvin mauvun. Ajeh chu Pakai lungsat, khohsetah chu ichunguva alhunge. tiuvin.
9 耶和华说：“到那时，君王和首领的心都要消灭；祭司都要惊奇，先知都要诧异。”
Pakaiyin aseiye,’’ Hiche nikho chuleh lengpa leh leng chapate kicha-a kihotdiu, thempuho jong tija diu chuleh themgao hojong lungdong dendiu ahi,’’ ati.
10 我说：“哀哉！主耶和华啊，你真是大大地欺哄这百姓和耶路撒冷，说：‘你们必得平安。’其实刀剑害及性命了。”
Hichun keiman, “Vo Hatchungnung Pakai, nangman Jerusalem’a cham-lungmon umding ahi, tia natepsa hilou ham? Ahivangin, nangin amaho najoulheptai, alol’u leh chemjam akisuto gamtai,’’ kati.
11 那时，必有话对这百姓和耶路撒冷说：“有一阵热风从旷野净光的高处向我的众民刮来，不是为簸扬，也不是为扬净。
Hiche phat chuleh, Pakaiyin amite jah’a aseiding, ‘’Vo kamite, nelgam’a kon’a meisa tobang kho-hui savetvut in nahin nunkhum diu, hiche hui chu huilhi leh buhsi semhoh hui hilou ding ahi.’’
12 必有一阵更大的风从这些地方为我刮来；现在我又必发出判语，攻击他们。”
Hiche khopihui chu keiman huneitah’a kahin nunsah ahi. Chuleh tua namanthah nadiu thutan khum’a phongdoh’a chu keima kahi,’’ ati.
13 看哪，仇敌必如云上来； 他的战车如旋风， 他的马匹比鹰更快。 我们有祸了！ 我们败落了！
Ven, melma chu meilhang lom bangin ahunge. Agalsatna kangtalai ho chimpei kipei abangin, asakolte jong muvanlai sangin ajangkhai jouve. Itobanga khohse hitam, eiho amahthah ihitauve.
14 耶路撒冷啊，你当洗去心中的恶， 使你可以得救。 恶念存在你心里要到几时呢？
Vo Jerusalem, huhhing'a naumthei nadin nalungthim a thilse ho kisoptheng in. Itihchan geiya, nalung sunga setna hochu nachen sah ding ham?
15 有声音从但传扬， 从以法莲山报祸患。
Dan khopi leh Ephraim thinglhang gam’a hungkon thangkou ten, nang manthahna ding thuse jeng aphonguve.
16 你们当传给列国， 报告攻击耶路撒冷的事说： 有探望的人从远方来到， 向犹大的城邑大声呐喊。
Namtin vaipi jouse gih’un chuleh hichehi Jerusalem’a seiphongun. Melmapa chu gamla tah’a konin ahung e. Aman Judah gamsung khopi ho douna kho ahinsam’e.
17 他们周围攻击耶路撒冷， 好像看守田园的， 因为她背叛了我。 这是耶和华说的。
Lou ngah hon lou ahon bang’un Jerusalem khopi chu aum kimveltauve. Ajeh chu kamiten kei doumah mah aboltauve, tin Pakaiyin aseiye.
18 你的行动，你的作为，招惹这事； 这是你罪恶的结果， 实在是苦， 是害及你心了！
Vo Judah, nathilbol leh nachonna chengsen, thilse hichenghi nachung’a ahinlhut ahitai. Hiche gentheina hi akha kine banga nachunga hunglhung ahitan, nalungchang geiya ahin dot ahitai.
19 我的肺腑啊，我的肺腑啊，我心疼痛！ 我心在我里面烦躁不安。 我不能静默不言， 因为我已经听见角声和打仗的喊声。
Ohe, kalungchang anai, kadip adambehseh e! kalungchang aphudot dot in, thipbeh in kaumtheipoi. Ajeh chu keiman melmapa sumkon gin kajan chuleh agalsatna pumpi pohjah gin kajai.
20 毁坏的信息连络不绝， 因为全地荒废。 我的帐棚忽然毁坏； 我的幔子顷刻破裂。
Manthahna chunga manthahna, gamsung ahunglhung’e, gamsung pumpi ahomkeuvin akijamtai. Hetmanlouvin kaponbuh chengseu abon'in asusetan, chuleh kachennau jouseu jong asuse gamtai.
21 我看见大旗，听见角声， 要到几时呢？
Itihchan hi gal ponlap kavet vet’uva, chuleh gal husa leh sumkon gin kangai ngai diuham?
22 耶和华说：我的百姓愚顽，不认识我； 他们是愚昧无知的儿女， 有智慧行恶，没有知识行善。
Pakaiyin aseiye, “Kamite angol gam’uvin, keima jong eihepouve. chapang ngol bangin aumun, imacha ahekhen theipouve. Thilse bolna lam’a athem’un ahivangin amahon thilpha bolje ahepouve,’’ati.
23 先知说：我观看地， 不料，地是空虚混沌； 我观看天，天也无光。
Keiman leiset kaven, hichu ahomkeo leh alimbei ahi. Keiman vanlam kaven, vah aumpon athim e.
24 我观看大山，不料，尽都震动， 小山也都摇来摇去。
Keiman thinglhang leh molsang ho kaven, akihot ling gam’un chuleh aonle le gam tauve.
25 我观看，不料，无人； 空中的飞鸟也都躲避。
Kavet pet chun, mihem ho jouse kamutapoi. Chuleh vacha ho jouse jong alengmang gamtauve.
26 我观看，不料，肥田变为荒地； 一切城邑在耶和华面前， 因他的烈怒都被拆毁。
Kavet pet chun, gam leiset phalai jouse gamgo asohtan, chuleh khopi jouse jong chu, Pakai lungsat khohse chun khogemsa asogamtai.
27 耶和华如此说：全地必然荒凉， 我却不毁灭净尽。
Pakaiyin aseiye, “Leiset pumpi ahom keova hung umding, ahivanga leiset apumpia kasuhmanglou ding ahi.
28 因此，地要悲哀， 在上的天也必黑暗； 因为我言已出，我意已定， 必不后悔，也不转意不做。
Leiset lunghem ding, vanho jong hung thim ding. Ajeh chu keiman kamite chunga kathupehsa ahitai. Chuleh keiman katohding chu kageltohsa ahitan, nung jong nungkhel kit pong’e,’’ati.
29 各城的人因马兵和弓箭手的响声就都逃跑， 进入密林，爬上磐石； 各城被撇下， 无人住在其中。
Sakol kangtalai chunga touho leh thalpi kap them ho husa chun, mipi jouse ajam chehtauve. Amaho hamjing lah’a akisel’un, chuleh molsang lam’a ajamtauve. Khopi jouse ahomkeuvin aumtan, mihem khatcha jong achengtapoi.
30 你凄凉的时候要怎样行呢？ 你虽穿上朱红衣服， 佩戴黄金装饰， 用颜料修饰眼目， 这样标致是枉然的！ 恋爱你的藐视你， 并且寻索你的性命。
Vo Jerusalem, nangin ipi nabol am, Nangma kisusea dalhahsa nahitai. Ibol’a nangma ponsil hoitah tah’a nakivon’a, sana-a nakijep ham? Ibol’a namitte ni chu mitlouva najeppol ham? Nakijepna chu pannabei ahin, nakivoppi nadongmahon la donlouvin nakoiyun, thadin bou naholtauve.
31 我听见有声音，仿佛妇人产难的声音， 好像生头胎疼痛的声音， 是锡安女子的声音； 她喘着气、挓挲手， 说：我有祸了！ 在杀人的跟前，我的心发昏了。
Keiman numei naosonat masapen thoh’a, aka-pen gin tobang khat kajan. Hiche hi Jerusalem chanu melhoitah, haithei louva aka-gin chu ahi. Ohe ada kahi, tolthat ho’a kon in nei panpin, ati.
