耶利米书 12
1 耶和华啊，我与你争辩的时候， 你显为义； 但有一件，我还要与你理论： 恶人的道路为何亨通呢？ 大行诡诈的为何得安逸呢？
Vo Pakai, adih’a thutan nangbou nahi. Hijeh chun, nakom’a kakiphinna thu sei-inge. Ipi dinga migiloute khangtou tou’uva, Chule joule nal a thilbol ho phatou touvu ham?
2 你栽培了他们， 他们也扎了根， 长大，而且结果。 他们的口是与你相近， 心却与你远离。
Nangin amaho naphut det in; Hijeh chun amahon ajung akho det un, chule akhang theiuve. Akam seh in namin apha jingun; Ahivangin, alungthim u nang’a konin agamla lheh e.
3 耶和华啊，你晓得我，看见我， 察验我向你是怎样的心。 求你将他们拉出来， 好像将宰的羊， 叫他们等候杀戮的日子。
Hijongle, Vo Pakai nangman kei lungthim nahet ahi. Nangman keima neimuchen in, ka lunggel jong nei patep e. Amaho vang thadinga kikai kelngoi bang in, abonchauvin kaimang soh in, thadin gotsa koidoh jeng in.
4 这地悲哀， 通国的青草枯干，要到几时呢？ 因其上居民的恶行， 牲畜和飞鸟都灭绝了。 他们曾说：他看不见我们的结局。
Itihchan gamsung hi lunghem’a umding ham? Gamsung mite gitlou jeh in, gamsa ho leh vachate jong gamsunga kon in akithehmang sohtauve. Amahon hiti jong hin aseiuve, “Eihon ipi boljong leuhen, Pakaiyin bon muphalou” atiuve.
5 耶和华说：你若与步行的人同跑， 尚且觉累， 怎能与马赛跑呢？ 你在平安之地，虽然安稳， 在约旦河边的丛林要怎样行呢？
Nangma mitoh nakenga nakilheitet’a bon nachol leh, nangman sakol iti na lheitet jou ding ham? Chule nangma chu, gamnom lai le a-ong laiya nakiselhuh theileh, Jordan vadung panga, gamnoiya iti nadin jou ding ham?
6 因为连你弟兄和你父家都用奸诈待你。 他们也在你后边大声喊叫， 虽向你说好话， 你也不要信他们。
Ajeh chu nasopite leh nang insung mite jong nangma douva pang ahiuve. Amahon nang dounan kiphinna thu aseiyun, thading jeng injong agel uve. Hijeh chun, amahon thu ngeitah tah seijongleu, tahsan hih beh in.
7 我离了我的殿宇， 撇弃我的产业， 将我心里所亲爱的交在她仇敌的手中。
Keiman ka goulo ding kamite ka dalhah’a, amaho chu donlouva kakoi ahitai. Keiman ka-ittah kamite chu, amelmateu khut a kapehdoh ahitai.
8 我的产业向我如林中的狮子， 她发声攻击我， 因此我恨恶她。
Kalhentum kamiten eidouvun, gammang noiya keipi kisen bangin eikisenkhum’un: Hijeh chun, amahohi keiman kahot lheh jeng e.
9 我的产业向我岂如斑点的鸷鸟呢？ 鸷鸟岂在她四围攻击她呢？ 你们要去聚集田野的百兽， 带来吞吃吧！
Ka lhentum kamiten, muthong ho umchan athouve. Ahinla muthonghon amaho joh aumkimvel’u ahitai. Amaho negam dingle nengim dingin gamsa ho gakoukhomun.
10 许多牧人毁坏我的葡萄园， 践踏我的分， 使我美好的分变为荒凉的旷野。
Gamdang vaipohon ka lengpilei asuseuvin, kaloulai jouse jong akeng in achilthang tauve. Ka-ittah ka gamsung abon'in gamkeo leh nelgam asosahtauvin ahi.
11 他们使地荒凉； 地既荒凉，便向我悲哀。 全地荒凉，因无人介意。
Amahon gamsung pumpi ahomkeo leh pannabeiyin akoiyun, ahomkeova aumphat un, akanau ogin kajan, ahinla koiman gelkhoh in aneipoi.
12 灭命的都来到旷野中一切净光的高处； 耶和华的刀从地这边直到地那边尽行杀灭。 凡有血气的都不得平安。
Molchung achailah ho jousea, amaho sumang ding galmi ho ahung kitollut tauve. Pakai chemjam chun, leiset ninglang khat a pat a langkhat geiya, namtin vaipi chu a bahgamtai. Koimacha asohcha umlou ding ahi.
13 他们种的是麦子， 收的是荆棘； 劳劳苦苦却毫无益处。 因耶和华的烈怒， 你们必为自己的土产羞愧。
Kamiten suhlou chang atu-uvin, ahinlah ling le khao jeng a-atkhomui. Amahon choltah in na atongun, ahivangin imacha aphatchompi pouve. Amahon alho-lhun u ajumpi dingu, ajeh chu, Pakai lungsatna chu achung'uva chu ahitai.
14 耶和华如此说：“一切恶邻，就是占据我使百姓以色列所承受产业的，我要将他们拔出本地，又要将犹大家从他们中间拔出来。
Pakaiyin hitin aseiye, “Keiman kami Israelte kapehsa gamsung sumanga, Israel heng le kom, nam gilou ho chu, gamsung’a kon’a thingphung ajung geiuva kibotdoh bang’a kabodoh ding ahi. Chuleh alah uva kon’a keiman Judah chu kaloidoh ding ahi.
15 我拔出他们以后，我必转过来怜悯他们，把他们再带回来，各归本业，各归故土。
Chutahle keiman amaho chunga lainatna kaneikit ding, Amitakip chu ama ama goulo mun leh ama ama gamsung cheh’a kahin le puilut kitding ahi.
16 他们若殷勤学习我百姓的道，指着我的名起誓说：‘我指着永生的耶和华起誓’，正如他们从前教我百姓指着巴力起誓，他们就必建立在我百姓中间。
Chule hitiding ahi, hiche mite hin, kamite jal’a kihilna thah aneiyuva, keima minpan’a ‘Hingjing Pakaiyin’ tia akihahsel theiuva, keima eihouvu leh, amahon kamite lah’a mun aneithei dingu chule khangtou diu ahi.
17 他们若是不听，我必拔出那国，拔出而且毁灭。这是耶和华说的。”
Amavang koihileh, nam khattouvin ka thusei angailouleh, amaho chu thingphung kibodoh banga kabodoh a, kasuhmang ding ahi, kei Pakaiyin kasei ahi,” ati.
