以赛亚书 49
1 众海岛啊，当听我言！ 远方的众民哪，留心而听！ 自我出胎，耶和华就选召我； 自出母腹，他就提我的名。
Boyoka ngai, bino bisanga; boyoka maloba oyo, bino bikolo oyo ezali mosika: Yawe abengaki ngai wuta na libumu ya mama na ngai, azalaki kolobela kombo na ngai wuta mbotama na ngai;
2 他使我的口如快刀， 将我藏在他手荫之下； 又使我成为磨亮的箭， 将我藏在他箭袋之中；
akomisi monoko na ngai lokola mopanga ya minu makasi, abombi ngai na se ya elili ya loboko na Ye, akomisi ngai lokola tolotolo mpe abombi ngai kati na ebombelo batolotolo na Ye;
3 对我说：你是我的仆人以色列； 我必因你得荣耀。
alobaki na ngai: « Oh Isalaele, ozali mosali na ngai, nakomonisa nkembo na ngai na nzela na yo. »
4 我却说：我劳碌是徒然； 我尽力是虚无虚空。 然而，我当得的理必在耶和华那里； 我的赏赐必在我 神那里。
Kasi ngai, nalobaki: « Nabimisaki motoki na ngai se pamba, nasilisaki makasi na ngai na pamba mpe nazwaki litomba moko te. Nzokande, lifuti na ngai ezali na maboko ya Yawe, mpe litomba na ngai ezali epai ya Nzambe na ngai. »
5 耶和华从我出胎，造就我作他的仆人， 要使雅各归向他， 使以色列到他那里聚集。 原来耶和华看我为尊贵； 我的 神也成为我的力量。
Mpe sik’oyo, Yawe oyo asalaki ngai wuta na libumu ya mama na ngai mpo ete nazala mosali na Ye, mpo na kozongisa Jakobi epai na Ye mpe kosangisa Isalaele pene na Ye, pamba te nazali na lokumu na miso ya Yawe mpe Nzambe na ngai azali makasi na ngai,
6 现在他说：你作我的仆人， 使雅各众支派复兴， 使以色列中得保全的归回尚为小事， 我还要使你作外邦人的光， 叫你施行我的救恩，直到地极。
Ye, Yawe, alobi: « Ezali penza likambo moke mpo na yo kozala mosali na Ngai mpo na kotelemisa mabota ya Jakobi mpe kozongisa bana ya Isalaele oyo nabombaki. Mpe lisusu, nakokomisa yo pole mpo na bikolo mosusu mpo ete omema lobiko na Ngai kino na suka ya mokili. »
7 救赎主—以色列的圣者耶和华 对那被人所藐视、本国所憎恶、 官长所虐待的如此说： 君王要看见就站起， 首领也要下拜； 都因信实的耶和华， 就是拣选你—以色列的圣者。
Tala liloba oyo Yawe, Mosikoli mpe Mosantu ya Isalaele, alobi epai na ye oyo atiolami mpe amonani lokola eloko pamba na miso ya ekolo, na miso ya mowumbu ya bakonzi mabe: « Bakonzi bakomona yo mpe bakotelema, bakambi bakomona yo mpe bakogumbama, likolo na Yawe oyo azali Sembo, Mosantu ya Isalaele, oyo aponaki yo. »
8 耶和华如此说： 在悦纳的时候，我应允了你； 在拯救的日子，我济助了你。 我要保护你， 使你作众民的中保； 复兴遍地， 使人承受荒凉之地为业。
Tala liloba oyo Yawe alobi: « Na tango ya malamu, nakoyanola yo; mpe na mokolo ya lobiko, nakosunga yo; nakobatela yo mpe nakotombola yo mpo ete osala boyokani elongo na bato, osala ete mokili etombwama mpe ozongisela yango libula na yango oyo ebebisamaki;
9 对那被捆绑的人说：出来吧！ 对那在黑暗的人说：显露吧！ 他们在路上必得饮食， 在一切净光的高处必有食物。
mpo ete oloba na bakangami: ‹ Bobima, › mpe na bato oyo bazali kati na molili: ‹ Bokoma bansomi! › Boye bakozala lokola bibwele oyo ezali kolia matiti pene ya nzela, mpe bakozwa bilei na bangomba nyonso oyo ebotaka matiti te.
10 不饥不渴， 炎热和烈日必不伤害他们； 因为怜恤他们的必引导他们， 领他们到水泉旁边。
Bakoyoka lisusu nzala te mpe posa ya mayi te; molunge ya esobe to moyi makasi ekomonisa bango pasi te, pamba te Ye oyo alingaka bango akolakisa bango nzela mpe akomema bango pene ya miluka.
11 我必使我的众山成为大道； 我的大路也被修高。
Nakobongola bangomba na Ngai nyonso nzela, mpe nakokunda mabulu ya banzela na Ngai ya minene.
12 看哪，这些从远方来； 这些从北方、从西方来； 这些从秦国来。
Tala, bakowuta penza mosika, ndambo moko na ngambo ya nor, ndambo mosusu na ngambo ya weste, mpe ndambo mosusu na etuka ya Sinimi. »
13 诸天哪，应当欢呼！ 大地啊，应当快乐！ 众山哪，应当发声歌唱！ 因为耶和华已经安慰他的百姓， 也要怜恤他困苦之民。
Oh likolo, ganga na esengo! Oh mabele, sepela! Oh bangomba, boyemba banzembo! Pamba te Yawe abondisi bato na Ye mpe ayokeli mawa bato oyo banyokwamaki.
14 锡安说：耶和华离弃了我； 主忘记了我。
Kasi Siona alobaki: « Yawe asundoli ngai, Nkolo na ngai abosani ngai! »
15 妇人焉能忘记她吃奶的婴孩， 不怜恤她所生的儿子？ 即或有忘记的， 我却不忘记你。
Boni, mama akoki solo kobosana bebe na ye oyo azali komelisa mabele, to kozanga bolingo epai ya mwana oyo ye aboti? Ata soki akoki kobosana, ngai nakoki kobosana yo te!
16 看哪，我将你铭刻在我掌上； 你的墙垣常在我眼前。
Tala, nakoma yo na matandu ya maboko na ngai; bamir na yo ya makasi ezalaka tango nyonso liboso na ngai.
17 你的儿女必急速归回； 毁坏你的，使你荒废的，必都离你出去，
Bana na yo bakozonga na lombangu, kasi babebisi na yo bakokende mosika na yo.
18 你举目向四方观看； 他们都聚集来到你这里。 耶和华说：我指着我的永生起誓： 你必要以他们为妆饰佩戴， 以他们为华带束腰，像新妇一样。
Tombola miso na yo mpe tala na zingazinga: bana na yo nyonso basangani mpe bazali koya epai na yo. Nalapi ndayi na Kombo na Ngai, elobi Yawe, ete bakozala mpo na yo lokola babiju ya talo, mpe okolata bango lokola mokaba ya mwasi mobandami na libala.
19 至于你荒废凄凉之处， 并你被毁坏之地， 现今众民居住必显为太窄； 吞灭你的必离你遥远。
Ata soki mokili na yo ekomaki lokola mipiku ya mabanga, bongo ebebisamaki mpe etikalaki lisusu na bato te; sik’oyo, ekokoma moke mpo na bato na yo, mpe bato oyo bazalaki komonisa yo pasi bakozala mosika na yo.
20 你必听见丧子之后所生的儿女说： 这地方我居住太窄， 求你给我地方居住。
Okanisaki ete ozangaki bana, kasi okoyoka bango koloba na matoyi na yo: « Esika oyo ezali penza moke mpo na biso; pesa biso esika oyo eleki monene mpo ete tokoka kovanda. »
21 那时你心里必说：我既丧子独居， 是被掳的，漂流在外。 谁给我生这些？ 谁将这些养大呢？ 撇下我一人独居的时候， 这些在哪里呢？
Boye, okomilobela na motema: « Nani abotelaki ngai bana nyonso oyo? Nazangaki bana mpe nazalaki kobota te, nazalaki mowumbu mpe moto basundola. Bongo nani abokolaki bango? Natikalaki kaka ngai moko, bongo bana oyo bawuti wapi? »
22 主耶和华如此说： 我必向列国举手， 向万民竖立大旗； 他们必将你的众子怀中抱来， 将你的众女肩上扛来。
Tala liloba oyo Nkolo Yawe alobi: « Tala, nakotombola loboko na Ngai liboso ya bikolo, nakotelemisa bendele na Ngai liboso ya bato; bakomema bana na yo ya mibali na maboko na bango mpe oyo ya basi, na mapeka na bango.
23 列王必作你的养父； 王后必作你的乳母。 他们必将脸伏地，向你下拜， 并舔你脚上的尘土。 你便知道我是耶和华； 等候我的必不致羞愧。
Bakonzi bakozala batata babokoli na yo, mpe basi na bango, basungi na yo; bakofukama liboso na yo na bilongi etala na mabele, bakolembola putulu ya makolo na yo. Boye, okoyeba solo ete Ngai, nazali Yawe; ete bato oyo batielaka Ngai motema bayokisamaka soni te. »
24 勇士抢去的岂能夺回？ 该掳掠的岂能解救吗？
Boni, bakoki solo kobotola bomengo ya bitumba na maboko ya basoda ya mpiko to kokangola mokangami wuta na maboko ya monyokoli na ye?
25 但耶和华如此说： 就是勇士所掳掠的，也可以夺回； 强暴人所抢的，也可以解救。 与你相争的，我必与他相争； 我要拯救你的儿女。
Kasi tala liloba oyo Yawe alobi: « Solo, mokangami akokangolama na maboko ya basoda ya mpiko, mpe bomengo ya bitumba ekokangolama na maboko ya monyokoli. Nakotelemela bato oyo bakotelemela yo, mpe nakobikisa bana na yo.
26 并且我必使那欺压你的吃自己的肉， 也要以自己的血喝醉，好像喝甜酒一样。 凡有血气的必都知道我—耶和华是你的救主， 是你的救赎主，是雅各的大能者。
Nakosala ete banyokoli na yo balia misuni na bango moko; bakolangwa makila na bango moko ndenge balangwaka masanga ya vino. Boye, moto nyonso akoyeba ete Ngai Yawe, nazali Mobikisi na yo, Mosikoli na yo, Elombe ya Jakobi. »
