以赛亚书 3
1 主—万军之耶和华从耶路撒冷和犹大， 除掉众人所倚靠的，所仗赖的， 就是所倚靠的粮，所仗赖的水；
Atĩrĩrĩ, Mwathani, Jehova Mwene-Hinya-Wothe, arĩ hakuhĩ kwehereria Jerusalemu na Juda ũteithio wao na kĩrĩa kĩmatiiragĩrĩra, amehererie ũteithio wothe wa irio na wa maaĩ,
2 除掉勇士和战士， 审判官和先知， 占卜的和长老，
o na amehererie mũndũ ũrĩa njamba na mũrũi wa mbaara, na mũtuanĩri ciira na mũnabii, na mũragũri na mũthuuri wa kĩama,
3 五十夫长和尊贵人， 谋士和有巧艺的， 以及妙行法术的。
na mũtongoria wa gĩkundi gĩa thigari mĩrongo ĩtano, na mũheani kĩrĩra, na mũbundi mũũgĩ, o na mũndũ-mũgo mũũgĩ.
4 主说：我必使孩童作他们的首领， 使婴孩辖管他们。
Tũhĩĩ nĩtuo ngaatua anene ao; na maathagwo nĩ tũkenge.
5 百姓要彼此欺压； 各人受邻舍的欺压。 少年人必侮慢老年人； 卑贱人必侮慢尊贵人。
Andũ nĩmakahiinyanĩrĩria: o mũndũ akaahinyĩrĩria ũrĩa ũngĩ, mũndũ wa itũũra okĩrĩre mũndũ wa itũũra rĩake. Arĩa anini nĩmagookĩrĩra arĩa akũrũ, nao arĩa matarĩ ngumo mokĩrĩre mũndũ ũrĩa mũtĩĩku.
6 人在父家拉住弟兄，说： 你有衣服，可以作我们的官长。 这败落的事归在你手下吧！
Mũndũ nĩakanyiita ũmwe wa ariũ a nyina arĩ gwa ithe mũciĩ, amwĩre atĩrĩ, “Wee ũrĩ na nguo ya igũrũ, tuĩka mũtongoria witũ; ũreke kũndũ gũkũ kwanangĩtwo kũgĩe wathani-inĩ waku!”
7 那时，他必扬声说： 我不作医治你们的人； 因我家中没有粮食，也没有衣服， 你们不可立我作百姓的官长。
Nowe nĩakaanĩrĩra mũthenya ũcio oige atĩrĩ, “Niĩ ndirĩ na kĩhonia. Nĩgũkorwo gwakwa mũciĩ gũtirĩ irio kana nguo, tigai kũndua mũtongoria wa andũ.”
8 耶路撒冷败落， 犹大倾倒； 因为他们的舌头和行为与耶和华反对， 惹了他荣光的眼目。
Nĩgũkorwo Jerusalemu nĩkũratũgũũga, nakuo Juda nĩkũragũa; ciugo na ciĩko ciakuo nĩirokĩrĩra Jehova na makangʼathĩria thiithi wake ũrĩ riiri.
9 他们的面色证明自己的不正； 他们述说自己的罪恶，并不隐瞒， 好像所多玛一样。 他们有祸了！因为作恶自害。
Ithiithi ciao nĩcio ciumbũraga ũrĩa mahaana; maanĩkaga mehia mao o ta ma Sodomu; o na matimahithaga. Kaĩ marĩ na haaro-ĩ! Nĩo mereheire mwanangĩko.
10 你们要论义人说：他必享福乐， 因为要吃自己行为所结的果子。
Ha ũhoro wa andũ arĩa athingu, meerei atĩ nĩmakagaacĩra; nĩgũkorwo nĩmakaarĩĩaga maciaro ma maũndũ marĩa maaneka.
11 恶人有祸了！他必遭灾难！ 因为要照自己手所行的受报应。
No andũ arĩa aaganu, meerei atĩrĩ: kaĩ marĩ na haro-ĩ! Nĩgũkorwo mwanangĩko ũrĩ igũrũ rĩao! Nao makaarĩhwo kũringana na wĩra wa moko mao.
12 至于我的百姓， 孩童欺压他们， 妇女辖管他们。 我的百姓啊，引导你的使你走错， 并毁坏你所行的道路。
Andũ akwa mahinyagĩrĩrio nĩ ciana, nao andũ-a-nja nĩo mamaathaga. Atĩrĩrĩ inyuĩ andũ akwa, atongoria anyu nĩo mamũhĩtithagia, magatũma muume njĩra ĩrĩa yagĩrĩire.
13 耶和华起来辩论， 站着审判众民。
Jehova nĩaikarĩire gĩtĩ gĩake iciirĩro-inĩ; akarũgama nĩguo aciirithie andũ.
14 耶和华必审问他民中的长老和首领，说： 吃尽葡萄园果子的就是你们； 向贫穷人所夺的都在你们家中。
Jehova nĩarĩkĩtie gũtuĩra athuuri na atongoria a andũ ake ciira, akameera atĩrĩ: “Nĩ inyuĩ mwanangĩte mũgũnda wakwa wa mĩthabibũ; o na indo iria mũtunyĩte athĩĩni irĩ thĩinĩ wa nyũmba cianyu.”
15 主—万军之耶和华说： 你们为何压制我的百姓， 搓磨贫穷人的脸呢？
“Mũhehenjaga andũ akwa, na mũkamemenda mothiũ ma athĩĩni nĩkĩ?” nĩguo Mwathani Jehova Mwene-Hinya-Wothe ekũũria.
16 耶和华又说： 因为锡安的女子狂傲， 行走挺项，卖弄眼目， 俏步徐行，脚下玎珰，
Jehova ekuuga atĩrĩ, “Andũ-a-nja a Zayuni nĩetĩĩi, mathiiaga maguucĩtie ngingo, makiuhanaga na maitho mao, na makinyaga na njacĩ magĩthiĩ, na makagambia njingiri iria irĩ thũngʼwa-inĩ ciao.
17 所以，主必使锡安的女子头长秃疮； 耶和华又使她们赤露下体。
Nĩ ũndũ ũcio Mwathani nĩagatũma andũ-a-nja acio a Zayuni magĩe na ironda mĩtwe; Jehova nĩakoonania njaga yao.”
18 到那日，主必除掉她们华美的脚钏、发网、月牙圈、
Mũthenya ũcio Jehova nĩakamaaũra mathaga mao: nĩmo bangiri, na rũtamĩ rwa kuoha njuĩrĩ, na mĩgathĩ ĩrĩa ĩĩhacĩte ta mweri,
19 耳环、手镯、蒙脸的帕子、
na icũhĩ cia matũ, na mĩrĩnga ya moko, na taama wa kwĩhumbĩra ũthiũ,
20 华冠、足链、华带、香盒、符囊、
na itambaya cia mũtwe, na irengeeri cia magũrũ, na mĩcibi, na cuba cia maguta manungi wega, na ithiitũ
21 戒指、鼻环、
na icũhĩ cia mũhũũri cia moko, na icũhĩ cia maniũrũ,
22 吉服、外套、云肩、荷包、
na nguo ndaihu iria njega, na ngũbia, na tũbuti, na nguo cia igũrũ, na tũmondo,
23 手镜、细麻衣、裹头巾、蒙身的帕子。
na icicio cia kwĩrora, na nguo cia gatani ĩrĩa njega, na itambaya, na macuka ma ciande.
24 必有臭烂代替馨香， 绳子代替腰带， 光秃代替美发， 麻衣系腰代替华服， 烙伤代替美容。
Handũ ha mũtararĩko mwega gũkaagĩa na mũnungo mũũru; handũ ha mũcibi hagaakorwo mũkanda; handũ ha njuĩrĩ thondeke wega hagĩe kĩhara; handũ ha nguo njega hakaagĩa nguo ya ikũnia; naho handũ ha ũthaka wa mwĩrĩ hagĩe gũcinanwo na ruoro.
25 你的男丁必倒在刀下； 你的勇士必死在阵上。
Arũme anyu makooragwo na rũhiũ rwa njora, nacio njamba cianyu cia ita ikaaniinĩrwo mbaara-inĩ.
26 锡安的城门必悲伤、哀号； 她必荒凉坐在地上。
Ihingo cia Zayuni nĩigacakaya na igirĩke, na itũũra rĩu rĩkire ihooru, na rĩikare rĩmomoretwo, rĩkagũa thĩ.
