以赛亚书 26
1 当那日，在犹大地人必唱这歌说： 我们有坚固的城。 耶和华要将救恩定为城墙，为外郭。
Hagi ana knama efore'ma hanige'za, Juda mopafima nemaniza vahe'mo'za ama zagame hugahaze. Rankumatimo'a hankaveti'ne hu'za hugahaze. Ra Anumzamo'ma tagu'ma nevazia zamo'a hankave kuma keginagna huno kegava hurantegahie.
2 敞开城门， 使守信的义民得以进入。
Rankumamofo keginare kafantamina anagita eri hagaro hinke'za, fatgo veamo'za efreho. Ana maka zupa Anumzamofona amagenentaza vahe mani'naze.
3 坚心倚赖你的， 你必保守他十分平安， 因为他倚靠你。
Hagi maka zupa Kagrikuma antahintahima nehia vahe'mofona, knare zamarimpa frua nezamine. Na'ankure Kagrite zamentintia nehaze.
4 你们当倚靠耶和华直到永远， 因为耶和华是永久的磐石。
Ra Anumzamofonku maka knafina antahi nemita tamentintia Agritera hanune. Na'ankure Ra Anumzana tagri Ra Anumzamo'a mevava hanavetia Agrake mani'ne.
5 他使住高处的与高城一并败落， 将城拆毁，拆平，直到尘埃，
Hagi zamavufaga rama nehaza vahera zamazeri fenkami netreno, rankumazmia ahe pasru higeno mopafi evuramino kugusopase'ne.
6 要被脚践踏， 就是被困苦人的脚和穷乏人的脚践踏。
Hagi zamunte omne'ne vahe'ene, knazama e'neriza vahe'mo'za, zamagiareti rentrako hu'za rankumamo'ma haviza higeno kugupama me'nefina vano nehaze.
7 义人的道是正直的； 你为正直的主，必修平义人的路。
Hagi fatgo vahe'mo'zama vanoma nehaza kamo'a pehe hu'nege'za kana nevazagenka, fatgo vahe'mo'zama vanoma hanaza kana Ra Anumzamoka erinte fatgo nehane.
8 耶和华啊，我们在你行审判的路上等候你； 我们心里所羡慕的是你的名， 就是你那可记念的名。
Ra Anumzamoka tagra Kagri kasegemo'ma hihoma hu'nea kante amage nenteta kavega nentone. Ana nehuta Kagri kagima ahentesgama huzankura tagu'areti tavesinentone.
9 夜间，我心中羡慕你； 我里面的灵切切寻求你。 因为你在世上行审判的时候， 地上的居民就学习公义。
Kenagera nagu'amo'a tusiza huno kavesinegantegeno, nanterana avamunimo'a kagrane manisia zankura tusiza huno ave'nesie. Hagi kagrama fatgo hunka'ma refko'ma nehana kavukvazamo'a ama mopafina me'nege'za, fatgoma huno mani avu'ava zana ama mopafi vahe'mo'za rempi hu'za nentahize.
10 以恩惠待恶人， 他仍不学习公义； 在正直的地上，他必行事不义， 也不注意耶和华的威严。
Hianagi kefozama nehaza vahe'ma kasumantagi nezmantanke'za, fatgoma huno mani avu'ava zana rempi hu'za nontahize. Fatgo vahe'ma nemaniza mopafi mani'nazanagi, kefo avu'avaza huvava hu'za nevu'za, Kagri hihamu hankaveka'agura zamagesa nontahize.
11 耶和华啊，你的手高举， 他们仍然不看； 却要看你为百姓发的热心，因而抱愧， 并且有火烧灭你的敌人。
Ra Anumzamoka Kagra kazana erisga hunka zamazeri haviza hunaku nehananagi, zamagra anazana nonkaze. Kagra zamazeri zamagaze nehunka, vaheka'ama tusizama hunka kavesi nezmantana zana erinte ama hananke'za negesnagenka, ha' vahekama te fanane hanie hunkama retro'ma hunte'nana tevemo ana vahera te fanane hugahie.
12 耶和华啊，你必派定我们得平安， 因为我们所做的事都是你给我们成就的。
Ra Anumzamoka Kagrake'za tarimpa frua tagrira neramine. Na'ankure maka zama nehuna zana Kagri hankaveretike nehune.
13 耶和华—我们的 神啊， 在你以外曾有别的主管辖我们， 但我们专要倚靠你，提你的名。
Ra Anumzana tagri Anumzamoka, ru vahe'mokizmi kva vahe'mo'za tagrira kegava hurante'naze. Hianagi Kagri kagige husga hunegantone.
14 他们死了，必不能再活； 他们去世，必不能再起； 因为你刑罚他们，毁灭他们， 他们的名号就全然消灭。
Hagi fri'naza vahe'mo'za kasefara hu'za omanisageno, fri'zama vu'namo'za ete oraotigahaze. Kagra zamazeri haviza nehunka, zamazeri fenkami atranke'za haviza hu'naze. Zamazeri fanene hanke'za vahe'mo'za zamagekani nezmante'za, zamagesa antahi nozamize.
15 耶和华啊，你增添国民， 你增添国民； 你得了荣耀， 又扩张地的四境。
Hianagi Ra Anumzamoka mopatia eri ra nehunka, tazeri rama'a nehunka, mopatimofo ometre emetrema hu'nea agema'a miko erira nehunka eri za'za nehanketa, Kagrira rankagi negamune.
16 耶和华啊，他们在急难中寻求你； 你的惩罚临到他们身上， 他们就倾心吐胆祷告你。
Ra Anumzamoka, kagra vahekama zamazeri havizama hanke'za hankavezamia nomane. Hianagi zamagra zamasunku nehu'za, ete kagrite e'za sumisumi hu'za nunamuna Kagritega hu'naze.
17 妇人怀孕，临产疼痛， 在痛苦之中喊叫； 耶和华啊，我们在你面前也是如此。
Hagi amu'ene hu'nea a'mo mofavre kasente'naku nehuno ata negrigeno maseno rukrahe krahe nehuno krafa nehiaza huta, Ra Anumzamoka kagri kavurera tusi'a knaza enerita tatazanku hu'none.
18 我们也曾怀孕疼痛， 所产的竟像风一样。 我们在地上未曾行什么拯救的事； 世上的居民也未曾败落。
Hagi tagranena tamu'ene hu'neta tata negrigeta rukrahe krahe nehunanagi, zaho kasente'none. Ana nehuta ama mopafi vahera zamagura novazune. Ana higeta ama mopafima manisaza vahera kase ozmante'none.
19 死人要复活， 尸首要兴起。 睡在尘埃的啊，要醒起歌唱！ 因你的甘露好像菜蔬上的甘露， 地也要交出死人来。
Hianagi Kagri vahe'mo'zama fri'nafintira oti'sageno, zamavufagamo'a kasefa hanige'za manigahaze. Hagi fri'za kugupama se'naza vahe'mo'za oti'za muse zagame hugahaze. Na'ankure nanterama osi ata ko neriaza hunka ama mopa ru kasefa nehunka, fri'naza vahera fri'nafintira zamazeri otinka zamasimura zamigahane.
20 我的百姓啊，你们要来进入内室， 关上门，隐藏片时， 等到忿怒过去。
Nagri vahe'mota nontamifi unefreta, tamefira kafana erigiho. Osi'a knafi frakita mani'nenkeno Anumzamofo arimpa ahe'zamo'a evino.
21 因为耶和华从他的居所出来， 要刑罚地上居民的罪孽。 地也必露出其中的血， 不再掩盖被杀的人。
Keho Ra Anumzamo'a agrama nemania kuma'afinti atiramino, ama mopafima nemaniza vahe'mokizmi kumi'mofo nona huno zamazeri haviza hunaku ne-e. Hagi mago'a vahe'mo'ma vahe'ma aheno eriragi'nesnia korana ama mopamo'a erinte ama hugahie. Iza'zo ra hazenkema hu'nesnaza vahera zamazeri ante ama hanige'za kegahaze.
