历代志上 12
1 大卫因怕基士的儿子扫罗，躲在洗革拉的时候，有勇士到他那里帮助他打仗。
He tah Kish capa Saul mikhmuh lamloh a vi uh vaengah Ziklag kah David taengla aka kun uh tih hlangrhalh rhoek khui lamloh caemtloek vaengah aka bom khaw amih ni.
2 他们善于拉弓，能用左右两手甩石射箭，都是便雅悯人扫罗的族弟兄。
Lii aka muk tih banvoei neh bantang ah lungto neh, thaltang neh, lii neh aka naep Benjamin ko neh Saul kah pacaboeina tah,
3 为首的是亚希以谢，其次是约阿施，都是基比亚人示玛的儿子。还有亚斯玛威的儿子耶薛和毗力，又有比拉迦，并亚拿突人耶户，
Boeilu Ahiezer neh Gibeah Shemaah koca ah Joash, Jeziel, Azmaveth koca ah Pelet, Berakah, Anatoth Jehu.
4 基遍人以实买雅（他在三十人中是勇士，管理他们），且有耶利米、雅哈悉、约哈难，和基得拉人约撒拔、
Sawmthum so neh sawmthum lakli kah hlangrhalh Gibonee Ishmaiah. Jeremiah neh Jahaziel, Johanan neh Gederathite Jozabad.
5 伊利乌赛、耶利摩、比亚利雅、示玛利雅，哈律弗人示法提雅，
Eluzai, Jerimoth, Bealiah, Shemariah, Kharuphi Shephatiah.
6 可拉人以利加拿、耶西亚、亚萨列、约以谢、雅朔班，
Elkanah, Isshiah, Azarel, Joezer neh Korah Jashobeam.
7 基多人耶罗罕的儿子犹拉和西巴第雅。
Joelah neh Gedor lamkah Jeroham capa Zebadiah.
8 迦得支派中有人到旷野的山寨投奔大卫，都是大能的勇士，能拿盾牌和枪的战士。他们的面貌好像狮子，快跑如同山上的鹿。
Gad lamkah khaw khosoek rhalmahim ah David taengla kun uh tih caempuei khuiah tatthai hlangrhalh hlang la omuh. Caemtloek vaengah khaw photlinglen neh cai neh a rhong a pai uh. A maelhmai te sathueng maelhmai la om tih tlang kah kirhang bangla loe uh.
9 第一以薛，第二俄巴底雅，第三以利押，
Ezer te a lu, a pabae te Obadiah, a pathum te Eliab.
10 第四弥施玛拿，第五耶利米，
A pali te Mishmannah, a panga te Jeremiah.
11 第六亚太，第七以利业，
A parhuk te Attai, a parhih te Eliel.
12 第八约哈难，第九以利萨巴，
A parhet ah Johanan, a pako ah Elzabad.
13 第十耶利米，第十一末巴奈。
A hlai ah Jeremiah, a hlai at dongah Makhbanai.
14 这都是迦得人中的军长，至小的能抵一百人，至大的能抵一千人。
He rhoek he Gad koca rhoek khui lamkah caempuei boeilu rhoek ni. Pakhat loh a yol koek yakhat, a yet koek thawng khat a hung.
15 正月，约旦河水涨过两岸的时候，他们过河，使一切住平原的人东奔西逃。
Amih rhoek he tah tuikaeng langdai pum te tui a li vaengkah lamhma cuek hla ah Jordan te kat uh. Te vaengah tuikol pum te khocuk la, khotlak la yong uh.
16 又有便雅悯和犹大人到山寨大卫那里。
Benjamin neh Judah koca rhoek lamkah khaw, rhalmahim kah David taengla pawk uh.
17 大卫出去迎接他们，对他们说：“你们若是和和平平地来帮助我，我心就与你们相契；你们若是将我这无罪的人卖在敌人手里，愿我们列祖的 神察看责罚。”
David te amih mikhmuh la mop tih a doo. Te vaengah amih te, “Rhoepnah neh kai bom hamla kai taengah na pawk uh atah kai khaw nangmih taengah thinko thikat la om bitni. Tedae ka rhal taengah kai nan phok ham atah ka kut ah kuthlahnah a om oeh pawt dongah a pa rhoek kah Pathen loh hmuh saeh lamtah tluung saeh,” a ti nah.
18 那时 神的灵感动那三十个勇士的首领亚玛撒，他就说： 大卫啊，我们是归于你的！ 耶西的儿子啊，我们是帮助你的！ 愿你平平安安， 愿帮助你的也都平安！ 因为你的 神帮助你。 大卫就收留他们，立他们作军长。
Te vaengah Mueihla loh sawmthum kah boeilu Amasai te a thing tih, “David nang te rhalboei ni. Jesse capa nang taengah rhoepnah om saeh. Nang taengah ngaimongnah om saeh. Nang aka bom taengah rhoepnah om saeh. Na Pathen loh nang m'bom bitni,” a ti nah. Te dongah David loh amih te a doe tih amih te caem kah boeilu la a khueh.
19 大卫从前与非利士人同去，要与扫罗争战，有些玛拿西人来投奔大卫，他们却没有帮助非利士人；因为非利士人的首领商议，打发他们回去，说：“恐怕大卫拿我们的首级，归降他的主人扫罗。”
Saul te caemtloek thil ham Philisti neh a paan vaengah Manasseh lamkah khaw David taengla cungku uh. Tedae Philisti boei rhoek loh anih te cilsuep hnukah a tueih uh tih, “A boei rhoek taengla Saul a cungku atah kaimih lu ah tla saeh,” a ti nah dongah amih te bom uh pawh.
20 大卫往洗革拉去的时候，有玛拿西人的千夫长押拿、约撒拔、耶叠、米迦勒、约撒拔、以利户、洗勒太都来投奔他。
Ziklag la a caeh vaengah tah Manasseh lamloh Adnah neh Jozabad, Jediael neh Michael, Jozabad, Elihu neh Zillethai tah anih taengla cungku uh. Amih he Manasseh khuiah tah thawngkhat kah boeilu rhoek la om uh.
21 这些人帮助大卫攻击群贼；他们都是大能的勇士，且作军长。
Amih te tatthai hlangrhalh neh caempuei khuiah khaw mangpa la boeih a om uh dongah David te caem nen khaw a bom thil uh.
22 那时天天有人来帮助大卫，以致成了大军，如 神的军一样。
Te vaengah tue ah ngawn tah Pathen caem bangla caem len la a poeh hil, anih bom ham te David taengla a hnin, a hnin ah pawk uh.
23 预备打仗的兵来到希伯 见大卫，要照着耶和华的话将扫罗的国位归与大卫。他们的数目如下：
He tah anih taengkah BOEIPA ol bangla Saul kah ram vael pah hamla Hebron kah David taengla aka pawk tih caempuei hamla aka pumcum uh boeilu rhoek kah hlangmi ni.
24 犹大支派，拿盾牌和枪预备打仗的有六千八百人。
Photlinglen neh cai aka muk tih caempuei hamla aka pumcum uh Judah koca he thawng rhuk ya rhet.
25 西缅支派，能上阵大能的勇士有七千一百人。
Simeon koca lamloh caempuei hamla tatthai hlangrhalh he thawng rhih yakhat om.
26 利未支派有四千六百人。
Levi koca lamloh thawng li ya rhuk.
27 耶何耶大是亚伦家的首领，跟从他的有三千七百人。
Aaron kah rhaengsang Jehoiada neh a taengkah thawng thum ya rhih.
28 还有少年大能的勇士撒督，同着他的有族长二十二人。
Tatthai hlangrhalh la cadong Zadok neh a napa rhoek imkhui he mangpa pakul panit om.
29 便雅悯支派，扫罗的族弟兄也有三千人，他们向来大半归顺扫罗家。
Benjamin koca lamloh Saul kah pacaboeina he thawng thum lo tih Saul im kah a kuek te a puehkan la a ngaithuen uh.
30 以法莲支派大能的勇士，在本族著名的有二万零八百人。
Ephraim koca lamloh tatthai hlangrhalh neh a napa rhoek imkhui kah ming om hlang rhoek he thawng kul ya rhet lo.
31 玛拿西半支派，册上有名的共一万八千人，都来立大卫作王。
David a manghai ham vaengah Menasseh koca hlangvang lamloh aka pawk te a ming neh thawng hlai rhet la mingpha uh.
32 以萨迦支派，有二百族长都通达时务，知道以色列人所当行的；他们族弟兄都听从他们的命令。
A tue te yakmingnah neh aka ming tih, Israel loh metla a saii ham aka ming Issakhar koca lamkah khaw a boeilu yahnih neh, a olka hmuikah a manuca rhoek khaw cungkuem uh.
33 西布伦支派，能上阵用各样兵器打仗、行伍整齐、不生二心的有五万人。
Zebulun lamkah he caempuei la pawk tih caemtloek hnopai cungkuem neh caemtloek rhong aka pai thawng sawmnga om. Tedae a lungbuei neh lungbuei khaw hmaai uh rhoi pawh.
34 拿弗他利支派，有一千军长；跟从他们、拿盾牌和枪的有三万七千人。
Naphtali lamkah mangpa thawngkhat neh amih taengah photlinglen neh caai aka pom he thawng sawmthum thawng rhih om.
35 但支派，能摆阵的有二万八千六百人。
Dan lamloh caemtloek la rhong aka pai he thawng kul thawng rhet ya rhuk lo.
36 亚设支派，能上阵打仗的有四万人。
Asher lamloh caemtloek rhongpai ham caempuei la aka pawk he thawng sawmli lo.
37 约旦河东的吕便支派、迦得支派、玛拿西半支派，拿着各样兵器打仗的有十二万人。
Jordan rhalvangan lamkah Reuben, Gad neh Manasseh koca hlangvang lamlong khaw caempuei kah hnopai cungkuem neh caemtloek he thawng yahnih thawng kul om.
38 以上都是能守行伍的战士，他们都诚心来到希伯 ，要立大卫作以色列的王。以色列其余的人也都一心要立大卫作王。
Caem vaengah kah a hmaai caemtloek hlang rhoek boeih tah Israel boeih soah David manghai sak ham te thinko rhuemtuet neh Hebron la pawk uh. Te vaengah Israel a meet boeih long khaw David manghai sak ham te lungbuei pakhat la a khueh.
39 他们在那里三日，与大卫一同吃喝，因为他们的族弟兄给他们预备了。
Te vaengah David neh hnin thum pahoi om uh tih amih te a cako la a tawn uh coeng dongah a caak a ok uh.
40 靠近他们的人以及以萨迦、西布伦、拿弗他利人将许多面饼、无花果饼、干葡萄、酒、油，用驴、骆驼、骡子、牛驮来，又带了许多的牛和羊来，因为以色列人甚是欢乐。
Amih neh aka yoei long khaw Issakhar, Zebulun neh Naphtali bangla buh te laak neh, kalauk neh, muli-marhang neh, saelhung neh a thoeng puei uh. Caak ham te vaidam, thaidae, misur rhae, misurtui, situi, saelhung neh boiva khaw Israel khuikah kohoenah cangpai la a khuen pauh.
