詩篇 71
1 上主，我託庇於您，使我永不受羞恥！
| בְּךָֽ־יְהֹוָה חָסִיתִי אַל־אֵבוֹשָׁה לְעוֹלָֽם׃ |
2 求您照您的正義解救我，求您側耳聽我，並拯救我。
| בְּצִדְקָֽתְךָ תַּצִּילֵנִי וּֽתְפַלְּטֵנִי הַטֵּֽה־אֵלַי אׇזְנְךָ וְהוֹשִׁיעֵֽנִי׃ |
3 求您作我避難的石壁，獲救的堡壘；因為您是我的磐石，我的堡壘，
| הֱיֵה לִי ׀ לְצוּר מָעוֹן לָבוֹא תָּמִיד צִוִּיתָ לְהוֹשִׁיעֵנִי כִּֽי־סַלְעִי וּמְצוּדָתִי אָֽתָּה׃ |
4 我的天主，求您由邪惡人的手中將我救出，由兇蠻橫暴者的掌中將我救走。
| אֱֽלֹהַי פַּלְּטֵנִי מִיַּד רָשָׁע מִכַּף מְעַוֵּל וְחוֹמֵֽץ׃ |
5 因為，我主上主，您是我的期望，您是我自幼唯一的仰仗。
| כִּֽי־אַתָּה תִקְוָתִי אֲדֹנָי יֱהֹוִה מִבְטַחִי מִנְּעוּרָֽי׃ |
6 我自從在母胎中，就仰賴您，尚在母懷中，您就是我的託庇；我全心的希望，時時寄托於您。
| עָלֶיךָ ׀ נִסְמַכְתִּי מִבֶּטֶן מִמְּעֵי אִמִּי אַתָּה גוֹזִי בְּךָ תְהִלָּתִי תָמִֽיד׃ |
7 許多人都把我視作妖怪，您卻作了我有力的仰賴。
| כְּמוֹפֵת הָיִיתִי לְרַבִּים וְאַתָּה מַחֲסִי־עֹֽז׃ |
8 我要滿口讚頌您，我要終日稱揚您。
| יִמָּלֵא פִי תְּהִלָּתֶךָ כׇּל־הַיּוֹם תִּפְאַרְתֶּֽךָ׃ |
9 在我年老時，求您不要拋棄我，在我氣力衰弱時，不要遠離我。
| אַֽל־תַּשְׁלִיכֵנִי לְעֵת זִקְנָה כִּכְלוֹת כֹּחִי אַֽל־תַּעַזְבֵֽנִי׃ |
10 不然，我的仇敵必要對我說，窺伺我命的人，互相私議說：
| כִּֽי־אָמְרוּ אוֹיְבַי לִי וְשֹׁמְרֵי נַפְשִׁי נוֹעֲצוּ יַחְדָּֽו׃ |
11 天主已經捨棄了他，您們追擊他，捕捉他! 因為無人再來救他。
| לֵאמֹר אֱלֹהִים עֲזָבוֹ רִֽדְפוּ וְתִפְשׂוּהוּ כִּי־אֵין מַצִּֽיל׃ |
12 天主，求您不要遠離我，我的天主，請快來救我。
| אֱלֹהִים אַל־תִּרְחַק מִמֶּנִּי אֱלֹהַי לְעֶזְרָתִי (חישה) [חֽוּשָׁה]׃ |
13 願那些謀殺我命的人，走頭無路，願那些設法害我的人，蒙受恥辱！
| יֵבֹשׁוּ יִכְלוּ שֹׂטְנֵי נַפְשִׁי יַעֲטוּ חֶרְפָּה וּכְלִמָּה מְבַקְשֵׁי רָֽעָתִֽי׃ |
14 我仍不斷地期望您，每日加倍地讚美您。
| וַאֲנִי תָּמִיד אֲיַחֵל וְהוֹסַפְתִּי עַל־כׇּל־תְּהִלָּתֶֽךָ׃ |
15 我的口要傳述您的寬仁，終日不斷宣揚您的救恩，因為我不知它們的數額。
| פִּי ׀ יְסַפֵּר צִדְקָתֶךָ כׇּל־הַיּוֹם תְּשׁוּעָתֶךָ כִּי לֹא יָדַעְתִּי סְפֹרֽוֹת׃ |
16 我要稱揚我天主的偉大奇能，上主，我要傳述您獨有的寬仁。
| אָבוֹא בִּגְבֻרוֹת אֲדֹנָי יֱהֹוִה אַזְכִּיר צִדְקָתְךָ לְבַדֶּֽךָ׃ |
17 天主，遠自我幼年時，您已教導了我。直至今日，我仍宣示您的微妙。
| אֱֽלֹהִים לִמַּדְתַּנִי מִנְּעוּרָי וְעַד־הֵנָּה אַגִּיד נִפְלְאוֹתֶֽיךָ׃ |
18 天主，即我髮白年老，求您也不要離棄我，直至我將您的威力宣示給這一代，將您的奇能傳述給下一代。
| וְגַם עַד־זִקְנָה ׀ וְשֵׂיבָה אֱלֹהִים אַֽל־תַּעַזְבֵנִי עַד־אַגִּיד זְרוֹעֲךָ לְדוֹר לְכׇל־יָבוֹא גְּבוּרָתֶֽךָ׃ |
19 天主，您的仁慈直達天際，天主，您行大事誰可比您？
| וְצִדְקָתְךָ אֱלֹהִים עַד־מָרוֹם אֲשֶׁר־עָשִׂיתָ גְדֹלוֹת אֱלֹהִים מִי כָמֽוֹךָ׃ |
20 您曾使我經歷許多困苦艱難，現今仍然是您使我生活安全，並提拔我脫離了地下的深淵。
| אֲשֶׁר (הראיתנו) [הִרְאִיתַנִי ׀] צָרוֹת רַבּוֹת וְרָעוֹת תָּשׁוּב (תחינו) [תְּחַיֵּנִי] וּֽמִתְּהֹמוֹת הָאָרֶץ תָּשׁוּב תַּעֲלֵֽנִי׃ |
21 求您增加我的尊位，求您再來給我安慰。
| תֶּרֶב ׀ גְּֽדֻלָּתִי וְתִסֹּב תְּֽנַחֲמֵֽנִי׃ |
22 我的天主，我要彈琴，歌頌您的忠誠，以色列的聖者，我要鼓瑟，向您歌頌。
| גַּם־אֲנִי ׀ אוֹדְךָ בִכְלִי־נֶבֶל אֲמִתְּךָ אֱלֹהָי אֲזַמְּרָה לְךָ בְכִנּוֹר קְדוֹשׁ יִשְׂרָאֵֽל׃ |
23 當我歌頌您時，我的雙唇要歡騰，我那為您所救的靈魂，也要歡騰。
| תְּרַנֵּנָּה שְׂפָתַי כִּי אֲזַמְּרָה־לָּךְ וְנַפְשִׁי אֲשֶׁר פָּדִֽיתָ׃ |
24 我的舌頭也要終日伸述您的仁慈，因為謀圖傷害我的人蒙受了羞恥。
| גַּם־לְשׁוֹנִי כׇּל־הַיּוֹם תֶּהְגֶּה צִדְקָתֶךָ כִּי־בֹשׁוּ כִֽי־חָפְרוּ מְבַקְשֵׁי רָעָתִֽי׃ |
