詩篇 149

1 亞肋路亞！請您們向上主謳唱新歌，在聖者集會中向他祝賀！

Ra Anumzamofona agi'a ahentesga nehuta, Ra Anumzamofontega kasefa zagame hanune. Agri'ma amage nentaza vahe'motama atruma hanafina zagamera huta Agri agi'a ahentesga hiho.

2 願以色列因自己的創造者而踴躍，願熙雍子民因自己的君王而歡樂！

Israeli vahe'mota tamagri'ma tro'ma huramante'nea Anumzamofonkura muse huntegahaze. Jerusalemi kumapima nemaniza vahe'mota, kini ne'tamigura muse huntegahaze.

3 願他們以舞蹈讚美上主的名，願他們敲鼓彈琴向上主歌詠！

Tamagra Agri agia ahentesga huta avoa nehageta, nase'nasepane hapu zavenanena aheho.

4 因為上主喜愛自己的百姓，賞賜謙虛的人凱旋而得勝。

Na'ankure Ra Anumzamo'a vahe'agura tusiza huno muse hunezmanteankino, zamavufagama anterami'za nemaniza vahera zamaza hige'za ha' vahe'zamia hara huzmagate'neraze.

5 願聖徒因所受的光榮而喜慶，在自己的床榻上歡呼而歌頌。

Anumzamofo amage'ma nentaza vahe'mota, ha'ma hugatemaneraza zankura muse hugahaze. Ana nehu'za nozamifima mase'naku'ma nehu'za ranke hu'za muse zagamera hugahaze.

6 願讚美天主的歌辭在他們的口中，願雙刃的寶劍掌握在他們的手中，

Zamagipintira Anumzamofo agi'a ahentesga nehu'za, tarega kazigama asane'nea bainati kazina zamazampi eri'ne'za,

7 為向異邦報仇雪恥，為向列國進攻襲擊，

maka ama mopafima mani'naza vahera nona hu'za hara hunezamante'za, zamagrama hunenaza zamavu'zmava zantera nona hu'za vahera zamazeri haviza hugahaze.

8 要用鎖鍊捆住他們的國君，要用銬鐐鎖住他們的縉紳，

Ana nehu'za kini vahezmia seni nofinu kina renezmante'za, kva vahe'zaminena ainireti tro hu'naza seni nofiteti kina rezmantete'za,

9 為向他們施行經上的審訊。這也就是一切聖徒的光榮。

ke'ma refkohu vahe'mo'zama e'inahu knaza erigahaze huno'ma hu'nea kante amage ante'za, ana vahera knazana zami'za zamazeri haviza hugahaze. Ana hu'neanki'za Anumzamofoma amage'ma nentaza vahe'mo'za, knare zamagi erigahaze. Ra Anumzamofona agi'a ahentesga hanune!