詩篇 119
1 品行完美遵行上主法律的，這樣的人才算是真有福的，
Iza'zo nomani'za zamifima fatgo avu'ava zama nehu'za, Ra Anumzamofo kasegema amage'manentaza vahe'mo'za muse hugahaze.
2 遵守上主誡命全心尋求祂的，這樣的人才算是真有福的。
Iza'zo Anumzamofo kasegema amage'ma nente'za vahe'mo'za, maka zamagu'areti'ma hu'za agriku'ma nehakaza vahe'mo'za muse hugahaze.
3 他們總不為非作惡，只按祂的道路生活。
Ana vahe'mo'za havi avu'ava zankura zamavesra nehu'za, Anumzamofoma ave'nesia avu'ava zanke hu'za amageranentaze.
4 您頒發了您的命令，叫他們嚴格去遵行。
Anumzamoka kagra kasegeka'a neraminka tagrikura hunka, ana kasegea amage ante fatgo hiho hunka hu'nane.
5 願我的行徑堅定，為遵守您的章程！
Nagri'ma nave'nesiana maka zupa kagri trake amage nentesugeno, nomani'zanifina ome hankavetisiegu nave'nesie.
6 我若重視您的每條誡律，我就絕對不會蒙羞受辱。
Ana'ma hanige'na nagazegura osugahue. Na'ankure kagri kasegefi navua ketena vugahiankina, nagra nagazegura osugahue.
7 我一學習您正義的判詞，就以至誠的心靈頌謝您。
Hagi fatgoma hu'nea kasegeka'ama rempima hu'na antahisuna, fatgo nagu'areti hu'na kagrira humuse hugantegahue.
8 我要遵守您的規矩，不要將我完全棄去！
Kagri tra keka'a amage antenaku nehue. Muse hugantoanki natrenka kamefira huonamio.
9 青年怎樣才能守身如玉？那就只有遵從您的言語。
Inankna huno nehezavemo'a nomani'za ma'afina agrua huno manigahie? Agrama mani agruma huno mani'naku'ma hanuno'a, kagri ke'ma amage'ma antesanuno, anara hugahie.
10 我要用我整個心尋覓您，不要讓我錯行您的諭旨！
Kagri'ma kagenakura nagu'areti tusiza hu'na nehakoanki, natrege'na kagri kasegea atre'na kana hazagre'na ofraneno.
11 我將您的話藏在我心裏，免得我犯罪而獲罪於您。
Kagri nanekea nagu'afi erintogeno me'neanki'na, kagri kavurera kumira osugahue.
12 上主，您理應受讚頌，教訓我遵守您的誡命。
Ra Anumzamoka kagri kagia ahentesga nehuanki, tra keka'a rempi hunamio.
13 您所傳授的一切法度，我要以我的脣舌敘述。
Kagrama tasami'nana kasegeka'a, nagipintira huama hu'na vahera zamasamigahue.
14 我喜愛您約法的道路，就如喜愛一切的財富。
Kagri kasegegu'ma musema nehua zamo'a, afu fenonku'ma musema nehua zana rugatere'ne.
15 我要默想上主的法度，要沉思您一切的道路。
Amage'ma antehoma hunka tami'nana tra kegura nagesa are'are nehu'na, kagri kavukva zante navua ante'na negoe.
16 我喜歡您一切的章程，我永遠不忘您的聖言。
Kagri tra kegura tusi muse nehuanki'na, kagri nanekegura naganera okanigahue.
17 請恩待您的僕人我得以生存，這樣使我能夠服從您的綸音。
Nagra kagri eri'za vahe mani'noanki nazeri so'e huge'na, kasefa hu'na manine'na nanekeka'a amagera anta'neno.
18 求您開明我的眼睛，透視您法律的奇能。
Navurga eri hari huge'na, kagri kasegefima hentofazama me'nea zana keama ha'neno.
19 我原是寄居塵世的旅客，不要向我隱瞞您的規則。
Nagra ama mopafina karaga vahe emani'noanki, nagri navurera kasegeka'a eri frara okio.
20 我因常常渴慕您的諭令，我的靈魂便為此而成病。
Kagri kasegema amage'ma ante'zankura maka knafina nagu'amo'a tusiza huno avesi'avesi nehie.
21 您已經怒責了驕矜橫蠻的人，背棄您誡命的，是可咒詛的人。
Kema ontahi veganokno'ma nehu'za kasegeka'ama atre'za hazama negraza vahera, kagra zamazeri konerinka zamatrenanke'za huviza hugahaze.
22 請除去我所受的淩辱與輕謾，因為我已經遵守了您的規範。
Zamatrege'za kiza zokago kea hunenante'za huhaviza huonanteho. Na'ankure kagri kasegea, nagra amagera nentoe.
23 判官雖然反對我而開庭，您僕人仍然默思您的章程。
Vugota kva vahe'mo'zanena magopi manine'za nazeri haviza hunaku keaga ana'nekize. Hianagi eri'za vahekamo'na kagri kasegegu nagesa antahintahi nehue.
24 因為您的誡命是我的喜樂，您的典章是我的謀士。
Kagri kasegegura tusiza hu'na musena nehugeno, ana kasegemo'a knare antahi'za nenamie.
25 我的靈魂雖已輾轉於灰塵，求你照你的諾言使我生存。
Nagra kugusopafi urami'na mase'noanki, kagra naneke ka'areti nazeri kasefa huo.
26 我陳明我的行徑，您便垂聽了我；
Nagrama nazano hunaku'ma nagesa antahi'noa zana kagrira kasamugenka, ke'nirera nona hunante'nane. Ana hu'nananki menina tra keka'a rempi hunamio.
27 請指給我您約法的路徑，我要沉思您的奇妙工程。
Nagrira naza huge'na kasegeka'amofo agafa'a antahi ama ha'neno. Ana'ma hananke'na so'e zantfama hu'nea eri'zama eri'nana zankura nagesa antahintahi hugahue.
28 我的靈魂因憂傷而滴滴流淚，請照您的諾言使我奮昂興起。
Nagu'amo'a kna nehigena, nasunku zampi mani'nena zavira netoanki, kagrama nanekefima hu'nana kante amage antenka nazeri hankavetio.
29 求您不要使我走錯誤的道路，求您賜我常遵守您的法度。
Nagrama havigema nehua zampintira nazeri afete atro. Ana nehunka kasunku hunantenka, kasegeka'a rempi hunamio.
30 我揀定真理的途徑，我矢志服從您的諭令。
Kagrira ogatre'na tamage hu'na kamage antegahue hu'na ko huhampri'noe. Ana nehu'na maka zupa kasegeka'a, nagu'areti hu'na amage antegahue hu'na nagesa antahi'noe.
31 我時常依戀著您的法度，上主不要叫我蒙受羞辱。
Kagri kasegea azeri antrako hu'noanki, Ra Anumzamoka natregeno mago zamo'a nazeri nagazea osino.
32 我必奔赴您誡命的路程，因為您舒展了我的心靈。
Kagri kasegeka'a, amage ante'na vugahue. Na'ankure nagri antahi'zana, kagra eri ra hu'nanku anara hugahue.
33 上主，給我指出您章程的道路，我要一直到死仔細遵守。
Ra Anumzamoka kasegeka'a rempi hunamige'na, amage ante'na nevu'na ome vagaretega va'neno.
34 求您教訓我遵守您的法律，我要以整個心靈持守不逾。
Ama' antahi'zana namige'na kasegeka'a nentahi'na amage anta'neno. Ana kasegeka'a maka nagu'areti hu'na amage antegahue.
35 求您引導我走您誡命的捷徑，因為這捷徑使我非常高興。
Kagra naveri huge'na kagri kasegemo'ma vuoma huno hu'nea kante vaneno. Na'ankure nagra ana kasegegu musena nehue.
36 使我的心傾慕您的律例，不要讓我的心貪財好利。
Nagri nagu'a eri rukrahe huge'na kagri kasegema amage ante'zanku navesi navesi nehu'na, havi kazigati zago eri'na feno vahera omani'neno.
37 求您轉回我的眼目免看虛榮，求您按照您的道路賜我生命。
Agafa'a omane zantaminte'ma navuma negoazana eri netrenka, kagrama naneke ka'afima hu'nana kante amage antenka nazeri kasefa huo.
38 求您向您的僕人實踐您的許諾，即您向敬愛您的人所許的恩賜。
Kagrama huvempama hu'nana zana eri'za vahekamo'nare erinteama nehananke'za, vahe'mo'za kagriku korora hugantegahaze.
39 求您除去我所怕的羞恥，因為您的約法是我的甘飴。
Vahe'mo'zama nazeri nagazema hu nanekema nehazafintira, Kagra naza huo. Na'ankure kagri kasegemo'a knare hu'ne.
40 我如何渴慕您的規約，按照您的正義賜我生活。
Kagri kasegema amage'ma ante zankura navesi navesi nehuanki, kagra fatgo kavukva hunka nazeri kasefa huo.
41 上主，願您的仁慈和救恩，照您的諾言臨於我身！
Ra Anumzamoka atregeno vagaore mevava kavesi zamo'a nagritera ne-esigenka, kagrama huvempama hu'nana kante antenka, nagu'vazinka ete navro.
42 對凌辱我的人，我有所答辯，因為我全寄望於你的聖言。
Ana'ma hananke'na nazeri havizama hu kema nehaza vahe'mofo ke'zamirera kenona huzmantegahue. Na'ankure kagri nanekere namentintia nehue.
43 不要由我口撤去真理的訓言，因我一心一意渴望你的判斷。
Kagra tamage keka'a nagipintira eri otro. Na'ankure nagra kagri kasegegu amuhara nehue.
44 我要常常遵守你的法典，時時不斷，一直要到永遠。
Kagri kasegea nagra maka knafina amage antevava hugahue.
45 我要行走平坦寬闊的途徑，因為我常常追求你的誡命。
Mago zamo'a kina reonantesige'na fru hu'na vano hugahue. Na'ankure nagra maka nagu'areti hu'na, kagri kasegea amage nentoe.
46 我要傳述您的規律，在列王前也不畏懼。
Kini vahe'mokizmi zamavuga oti'na kagri kasegea huama hu'na nezamasami'na, nagazegura osugahue.
47 我非常喜悅您的規誡，因為我對此有所鍾愛。
Kagri kasegegura muse nehuankina, ana kasegea navesinentoe.
48 我向您的誡命舉起我的手，對您的一切章程沉思不休。
Nagra kagri kasegere nazana erisga nehu'na, kagri kasegegura maka zupa nagesa antahintahia nehue.
49 求您莫把您給您的僕人的諾言遺忘，因為您在這諾言裏賜給我希望。
Kagri eri'za vahekamo'nama huvempama hunante'nana kegura kagesa antahio. Na'ankure anazamo hige'na, kagritera amuhara nehue.
50 在我的憂苦中，這是我的安慰，因為您的聖言，賜給了我生氣。
Kagrama huvempama hunante'nana nanekemo nazeri hankavenetigeno, knazampima ufroana ana nanekemo nazeri kasefara nehie.
51 驕傲人雖加給我極度的侮辱，但我卻沒有偏離過您的法律。
Zamavufga rama nehaza vahe'mo'za, nagrira ki'za zokago ke hunenantaze. Hianagi nagra Kagri kasegea namefira hunomue.
52 我一思到您永怚的斷定；上主，我是多麼安慰而高興。
Ra Anumzamoka korapa'ma tami'nana kasegeka'a naganera nokanue. Ana nehugeno ana nanekemo nazeri hankavenetie.
53 為了背棄您法律的罪人，我不知不覺地恕火焚心。
Kefo avu'ava'ma nehaza vahe'mo'zama Kagri kasegema amage'ma nontageno'a, tusi narimpa nehe.
54 在我這客居不定的寓所，您的法令成了我的詩歌。
Ru vahe moparega kraga'ma umanine'na, Kagri kasegea eri rukrahe hu'na asunte'noe.
55 上主，夜間我想起您的聖名，我就決意遵守您的法令。
Ra Anumzamoka kenage'enena kagri kagigura naganera nokanue. Ana nehuanki'na kagri kasegea amage antegahue.
56 我之所以如此這般，因我遵守您的規範。
Nagra nomani zanifina maka zupa kagri kasegea amagenentoe.
57 上主，我說：我的福分，就是遵守您的教訓。
Ra Anumzamoka nagri suza mani'nane hu'na kagrira huhampari'noe. Ana nehu'na huvempa hu'noanki'na amage'ma anteho hunka'ma tami'nana nanekeka'a, amage antegahue.
58 我全心仰膽著您的容貌，求您按您的諾言憐憫我。
Kagra asomu hunanto hu'na maka nagu'areti hu'na kantahinegoe. Kagrama huvempa hu'nana kante amage antenka, kasunku hunanto.
59 我一默想到我所走的道路，就把我的腳轉您的法度。
Nagrama nehua navu'nava zankura nagesa antahintahi nehu'na, rukrahe hu'na Kagri kasege amage antegahue.
60 爽爽快快，毫不躊躇，我常遵守您的法度。
Nagra mago zankura avega ontegahuanki'na, amehu'na Kagri kasegea amage antegahue.
61 惡人的繩索雖將我纏起，我郤未將您的法律忘記。
Kefo avu'ava zama nehaza vahe'mo'za nazeri anaki'za nehaze. Hianagi Kagri kasegegura nagera nokanue.
62 為了您正義的判語，我半夜起身讚美您。
Kenagera oti'na fatgoma hu'nea kasegeka'agura humuse hunegantoe.
63 我常向敬愛您的人為友，與遵守您誡命的人為侶。
Kagri'ma kamagema nente'za vahe'mo'za, Kagri kasegema amage'ma nentaza vahe'ene tragote'na nemanue.
64 上主，您的慈愛充滿大地，求您教我遵守您的律例。
Ra Anumzamoka vagaore mevava kavesi'zamo ama mopafina avite'neanki, kasegeka'a rempi hunamio.
65 上主，您依照您的言詞，善待了您的僕役。
Ra Anumzamoka kagrama huvempama hu'nana kante amage antenka, eri'za vahekamo'na knare'zana rama'a tro hunante'nane.
66 您以知識和聰慧教訓我，我要一心信賴您的誡條。
Kagri kasegegura namentinti nehuanki, knare'ma huno refkohu avu'ava zane, ama' antahi'zana namio.
67 我在受苦以前徘徊岐途，但我現今順從您的訓語。
Nagra kamagera onte'na kana atre'na havi kante vugenka, kagra knaza naminka nazeri fatgo hu'nane. Hianagi menina kagri nanekeka'a amagenentoe.
68 您是慈善的，好施仁惠，求您給我教授您的規矩。
Kagra knare hu'nenka knare avu'ava zanke nehananki, kasegeka'a rempi hunamio.
69 驕傲人捏造謊言陷害我，我要全心遵守您的規約。
Zamavufga rama nehaza osu'noa zanku havige hunante'za vano nehaze. Hianagi nagra nagu'areti hu'na, Kagri kasegea amagenentoe.
70 他們的心遲純如蒙脂肪，然而我卻喜歡您的典章。
Ana vahe'mokizmi zamagu'amo'a afovamo'ma hiaza huno kakani'ne. Hianagi kagri kasegegura tusiza hu'na muse nehue.
71 為叫我能學習您的法度，受若遭難於我確有好處。
Knazama naminka nazeri havizama hu'nanana nagri knare zanku anara hu'nane. Na'ankure e'i ana zamo'a Kagri kasege amage ante'za rempi hunami'ne.
72 您頒的法律對我的利益，連千萬的金銀也不能比。
Kagrama tami'nana kasegemo'a, rama'a tauseni'a goline silvanena rugatereno nagritera razankrerfa me'ne.
73 您的雙手創造了我，形成了我；求您賜我智力，為學您的誡條。
Kagraka'a kazampinti tro hunantenka nazeri fore hu'nane. Ana hu'nanku kagri kasegema rempima hu'na antahisanugu ama' antahi'zana namio.
74 敬愛您的人，見我就喜歡；因為我常仰望您的聖言。
Kagriku'ma koro'ma nehaza vahe'mo'za nagri'ma nenage'za muse hugahaze. Na'ankure Kagri nanekegu amuhara nehugu anara hugahaze.
75 上主，我知道您的審判是公正無私的，您叫我遭受磨難是理所當然的。
Ra Anumzamoka kagra fatgo hunka refkoa nehane. Nagri nazeri fatgo hunaku naneke ka'are Kagra oti'nenka, knazana nami'nane.
76 照您給您僕人的許諾，按您的仁慈來安慰我。
Eri'za vahe kamo'nama huvempama hunante'nana kante amage antenka, atregeno vagaore mevava kavesi zamo nazeri hankavetino.
77 願您的仁愛臨於我，使我生活，因為您的法律就是我的喜樂。
Kagra kasunku hunantenka nazeri kasefa huge'na mani'neno. Na'ankure Kagri kasegegura tusiza hu'na muse nehue.
78 願無端難為我的驕傲人蒙羞！但是我要默想沉思您的法律。
Zamavufga rama nehaza vahe'mo'zama havigema hu'za nazeri havizama hu'naza vahera zamazeri zamagaze huo. Hianagi nagra Kagri kasegegu nagesa antahintahi hugahue.
79 願那些敬愛您的人歸向我，願關心您的人依附我！
Kagri kasegema antahi'neza, kagriku'ma koro'ma nehu'za kagoraga'ama nemaniza vahera atrege'za nagrite erava'o hiho.
80 願我全心遵守您的法典，這樣我便不致自覺羞赧。
Naza hugena kagri kasege amage nente'na, havi nagia e'orisanue. Ana nehu'na nagazegura osanue.
81 我靈渴慕您的救援而衰弱，我熱切地盻望著您的許諾。
Kagrama nagu'vazinka navresnanku navesinavesi nehige'na kavega ante'na za'zate'ma manua zamo higeno, zaferinani'a omane amane nehie. Hianagi Kagri nanekegu amuhara nehue.
82 我對您的諾言望眼欲穿，究竟您何時才賜我慰安？
Kagrama huvempama hu'nana kemo'ma nena'ama efore hanigu navuma antete'na manua zamo'a, navunata negrie. Ana hige'na nagra hu'na, nazupa nazeri knare hugahane hu'na nehue?
83 我雖然相似煙熏的皮囊，我仍然不忘卻您的典章。
Mememofo akrutetima troma hu'naza tintafema teverema ante hagege hazageno, ome haviza hiankna huno navufgamo'a havizantfa hu'ne. Hianagi Kagri tra kea nagra nagera okani'noe.
84 您僕人的歲月還能有多久？您何時處罰迫害我的惡徒？
Nama'a zupa Kagrikura kavega antegahue? Nagri'ma knama nenamiza vahera, ina zupa nona hunka knazana zamigahane?
85 不按您法律生活的驕傲人，暗中給我挖掘了陷阱深坑。
Zamavufga rama nehaza vahe'mo'za kagri kasegea amagera nonte'za, nagrama tnafa'ma hu'na mase'nugura kama vano nehufina keri kafinentaze.
86 您所有的一切誡命全是真道；他們無理迫害我，求您協助我。
Maka kasegekamo'a tamage nanekege me'ne. Agafa'a omane'nea zante vahe'mo'za havige hu'za hazenke naminaku nehazanki naza huo.
87 我們幾乎將我由地上滅絕，但我卻沒有背棄您的規誡。
Ana vahe'mo'za ama mopafintira kofahu'za nahe fri'za hu'naze. Hianagi Kagri tra kea namefira huomi'noe.
88 您按照您的仁慈使我生活，這樣我必遵守您口中的條約。
Kagra vagaore mevava kavesi zanteti nagrira nazeri antese hunka kegava hunenantane. Ana hu'negu kagri tra kea amage ante vava hugahue.
89 上主您的聖言，永遠存留，它堅固而不移，好似蒼天。
Ra Anumzamoka Kagri nanekemo'a vagaore mevava naneke me'neankino, monafinka hankavetino me'ne.
90 您所有的忠誠，代代流傳，您所造的大地，屹立不變。
Kagra nazano hugahue hunkama hu'nana zama nehana kavu'ava zamo'a mevava nehuno, forehu anante nante'ma hu'za vanaza vahetera vugahie. Mopa tro hunka antankeno hankavetino me'ne.
91 天地時常遵守您的旨意，因為萬物都是您的僕役。
Kagri kasegemo'a hankavetino meme eno ama knarera ehanati'ne. Ana hu'neankino maka ama mopafima me'nea zantamimo'za Kagri eri'zanke e'nerize.
92 我如果不喜愛您的法令，我早已在我苦患中喪命。
Hanki Kagri kasegegu'ma tusi musema osuresina, nagrama natazama erua knafi ko frusine.
93 我永遠不忘卻您的法令，因為您藉此賜給我生命。
Nagra tamagerfa hu'na kagri kasegea nagera okanigahue. Na'ankure ana nanekemo higenka, nasimura naminke'na kasefa hu'na mani'noe.
94 我全屬於您，求您救拔我，因為我尋求了您的法約。
Nagra kagri vahe mani'noanki nagu'vazio. Na'ankure maka zupa Kagri kasege amagera nentoe.
95 惡人窺視我，忌把我殺害，然而我仍細想您的規誡。
Kefo avu'ava zama nehaza vahe'mo'za kafo ante'za mani'neza nazeri haviza hunaku nehaze. Hianagi Kagri kasegegura nagesa antahintahi hugahue.
96 我看任何齊全的都有界限，唯您的誡命卻廣闊無邊。
Nagrama ke'na antahi'na huana, mago zamo'a knare huno hankavetino mezana omane'ne. Hianagi Kagri kasegea mago zamo'a azeri ontesigeno, mevava huno vugahie.
97 上主，我是多麼愛慕您的法律，它是我終日對默想的題目。
Nagra Kagri kasegegura tusiza hu'na navesi nente'na, maka knafina nagesa antahintahi nehue.
98 您的誡命永遠存在於我心，它使我比我的仇敵聰明。
Kagri kasegemo knare antahi'zana namige'na, ha' vaheni'a knare antahizampina zamagate'neroe. Na'ankure maka zupa Kagri kasegemo nagrane me'neno, nazeri fatgoa nehie.
99 我比我所有的教師更聰明，因為我常默想您的法令。
Nagra maka zupa Kagri kasegegu nagesa antahintahi nehu'na, rempima hunenamiza vahera zamagatere'na knare antahi'zana eri'noe.
100 我比老年的人更有智慧，因為我恪守您的律例。
Ranra vahe'mokizmia zamagatere'na knare antahi'zana eri'noe. Na'ankure maka zupa Kagri tra ke amagera nentogu anara hu'noe.
101 我使我的腳迴避一切惡路，為叫我能夠遵守您的言語。
Maka kefo avu'ava zama hu'zantera nagia renakere'na novue. Na'ankure kagri naneke amage antenaku anara nehue.
102 我不偏離您的約法，因為是您教訓了我。
Nagra Kagri tra kea atre'na namefira huomi'noe. Na'ankure Kagra knare'za hunka, rempi hunami'nanku anara hu'noe.
103 您的教言對我上顎多麼甘美！在我的口中比蜂蜜更要甘美！
Kagri nanekema nagite'ma erinte'nama koana, tusi haganentake hu'neankino, tumerimo'ma hagama nehiama'a rugatereno tusi haga hu'ne!
104 由您的誡命，我獲得了聰明，因我憎惡一切欺詐的途徑。
Kagri kasegemo ama' antahi'zana nenamie. E'ina hu'negu maka havi avu'ava zankura nagotenentoe.
105 上主，您的言語是我腳步的明燈，是我路途上的光明。
Kagri nanekemo'a lamu tavikna huno nagiafina remasa hunenanteno, tavikna huno kama nevufina remsa hunenante.
106 我今起誓，我要定志，堅守您正義的諭令。
Nagra huvempa hu'na fatgoma hu'nea trake amage antegahue. Anage nehu'na hu hankavetuanki'na amage antegahue.
107 上主，我已經受苦很重，照您的諾言，保我生命。
Ra Anumzamoka nagra tusi'a kna zampi manuanki, Kagrama huvempama hu'nana kante amage antenka, nazeri kasefa huge'na ofri mani'neno.
108 上主，請悅納我口中的祭獻，請教訓我明白您的審斷。
Ra Anumzamoka ofagna hu'na Kagri'ma rama'a zupama susu'ma hu'na husgama hunegantoana antahi nenaminka, kasegeka'aramina rempi hunamio.
109 我的生命常處於危險中，但我仍不忘記您的法典。
Maka zupa ha' vahenimo'za nahe fri'za nehaze. Hianagi Kagri kasegea naganera okanigahue.
110 惡人雖然給我設下陷阱，我仍然不偏離您的章程。
Kefo avu'ava zama nehaza vahe'mo'za nagri'ma nazeri haviza hunakura, kampina krifu anagi antazankna nehaze. Hianagi Kagri kasegea atre'na hazanogroe.
111 您的誡命永做我的家產，因為這是我心中的喜歡。
Kagri kasegea mevava feno zankna hu'na erisanti hare'noe. Na'ankure ana nanekemo, nagu'a nazeri muse nehie.
112 我要傾心遵守您的法典，千秋萬世，一直到永遠。
Nagra kagri kasege maka zupa amage antegahue hu'na nagesa antahi'noanki'na, amage anteme nevu'na ufrigahue.
113 我惱恨心懷二意的人，對您的法律，我喜愛萬分。
Kagri kasegema amage antegahune nehu'za tare antahintahima nehaza vahera nagote'nezmantoe. Hianagi Kagri kasegea navesinentoe.
114 您是我的庇護我的盾牌，因此我唯您的聖言是賴。
Nagrama fra'ma kisanua kuma'ene hankonine Kagra mani'nane. Kagri nanekegu amuhara nehue.
115 作惡的人，您們應離我遠去！因為我要遵守天主的法度。
Tamagra kefo avu'ava zama nehaza vahe'mota, nagrira natareta viho. Na'ankure nagra Anumzanimofo kasege amage ante'naku nehue.
116 照您的諾言，扶持我的生命，不要讓我的希望成成為泡影。
Ra Anumzamoka kagrama huvempama hu'nana kante amage antenka, nazeri hankavetige'na ofri kasefa hu'na mani'neno. Ana nehunka atregeno amuha'ma nehua zamo'a, amne zanknara osino.
117 求您扶持我得蒙拯救，能時常留意您的制度。
Nazeri sga huge'na knare hu'na nemani'na, maka zupa kasegeka'agura antahintahi huvava ha'neno.
118 凡背棄您法令的，您都鄙棄，因為他們的思念全是詐欺。
Kagri kasegema amage'ma nontaza vahera kamefi hunezamine. Zamagra ana vahe'mo'zama nehaza havigemo'a amne zankna hugahie.
119 地上的惡人您都看作渣滓，因此我非常喜愛您的法制。
Kefo avu'ava zama nehaza vahera kagra amne zama hiaza hunka ama mopafintira reganope netrane. Ana hu'negu nagra Kagri kasegea navesinentoe.
120 我的肉身因敬愛您而戢戰憟，對您的諭令失也知所敬愛。
Nagra kagriku koro nehugeno, navufgamo'a nahirahi nere. Kagra keagama refko'ma nehana zanku, nentahi'na korora nehue.
121 我行正義及合法律的事情，別把我交於壓迫我的壞人。
Nagra knare huno fatgo hu'nea avu'avaza hu'noanki, natrege'za vahe'ma knama zamiza zamazeri havizama nehaza vahe'mo'za nazeri havizana osiho.
122 求您保證您僕人的安全，沒有驕傲心將我磨難。
Muse hugantoanki kagri eri'za vahekamo'na kegava hunenantenka, natrege'za zmavufga rama nehaza knazana onamiho.
123 對您的救助和正義的諾言，我熱切渴盻已經望眼欲穿。
Kagrama huvempama hu'nana kante amage nentenka, fatgo kavukva hunka havi avu'ava zama nehaza vahe'mokizmi zamazampinti'ma naza hunka nagu'vazisanegu'ma navuma antete'nama manua zamo'a navumo'a natagrie.
124 求您照您的仁慈恩待您的僕人，也求您教訓我能明白您的章程。
Vagaore mevava kavesi zanteti eri'za vahekamo'na kavesigante'noe hunka naveri nehunka, tra keka'a rempi hunamio.
125 我是您的僕人，求賜我明達，為使我能夠通曉您的約法。
Nagra Kagri eri'za vahe mani'noanki ama' antahi'zana namige'na, Kagri kasegea antahi amara ha'neno.
126 現今是上主行動的時候，因他們違反了您的法度。
Ra Anumzamoka menina Kagri kna efore hu'negu, Kagri kasegema runetagraza vahera zamazeri haviza huo.
127 所以我愛慕您的誡律，遠勝各種黃金和寶玉。
Tamagerfa hu'na Kagri kasegema navesimanentoa zamo'a, agruma hu'nea golia rugatere'ne.
128 我尊重您的一切誡命，憎惡所有的欺詐途徑。
E'ina agafare maka Kagri kasegemo'a tamage naneke me'ne hu'na nentahi'na, havi kante'ma vu'zankura nagonete.
129 您的約法誠然是美妙神奇，因此我的靈魂要遵守不離。
Kagri kasegemo'a knare zantfa hu'negu, nagra amage nentoe.
130 您的言語經過解釋必會發亮光照，連知識淺薄的人也可以通達知曉。
Kagri nanekema eri vakare'za rempima huneramiza zamo'a, tavi remsa hiankna huno remsa hunerante. Ana hu'neankino antahizama'a omane vahe'mo'enena nanekeka'a antahi ani' hugahie.
131 我張開我的口嗟嘆唏嚧，因為我極渴慕您的誡律。
Nagi'ma aka hu'nena nagefunama hagna hagna'ma nehuana, na'ankure nagu'areti tusiza hu'na Kagri kasegema navesinentogu anara nehue.
132 求您回身向我，垂憐我，如素常對待愛您名者然。
Kagri kagima avesinentaza vahe'ma hunezmantanaza hunka, rukrahe hunka kasunkura hunanto.
133 引導我的腳步履行您的訓誥，不要允許任何邪惡來主宰我。
Kagra huvempama hu'nana kante antenka, kama vanoma hanufina kegava hunanto. Ana'ma hanankeno'a kefo avu'ava zamo'a nazeri nagate oregahie.
134 求您救我擺挩人的欺壓，為使我能遵守您的律法。
Vahe'mo'zama knama namiza nazeri havizama nehaza zampintira, Kagra ete navu'vazinka nenavrege'na, Kagri kasegea amage anta'neno.
135 求您給您的僕人顯示您的慈顏，同時也您們給我教導您的規範。
Kagra kavugosafinti masaka'anu eri'za vahekamo'na remsa hunenantenka, kasegeka'a rempi hunamio.
136 我的眼淚滴滴下流有如溪水，因為他們全不遵守您的法規。
Vahemo'zama Kagri kasegema amage'ma nontageno'a, navunumo'a, navufintira tinkna huno herafi neramie.
137 上主，您原是公義的，您的判決是正直的。
Ra Anumzamoka Kagra fatgo kavukva'ene ne' mani'nankeno, Kagri kasegekamo'enena fatgo hu'ne.
138 您以正義和至誠，立定了您的誡命。
Kagrama tami'nana kasegemo'a fatgo hu'neankino, vahe'mo'za zamentintia hugahaze.
139 我的熱火快要將我消耗殆盡，因為我的敵人忘了您的聖訓。
Nagri'ma ha'ma renenantaza vahe'mo'za Kagri nanekea antahi nomizageno, narimpa ahe'zamo'a tusi'za huno teve rukru nehie.
140 您的教言經過千捶百鍊，您的僕人對它愛不知倦。
Kagrama huvempama hu'nana nanekeka'ama avamepima erinte'na koana knarezantfa hu'nege'na, Kagri eri'za vahekamo'na tusiza hu'na navesinentoe.
141 我雖然年記幼小，被人輕看，可是我總不忘卻您的法範。
Nagra amne nagi omane vahe mani'noge'za, vahe'mo'za huhaviza hunenantaze. Hianagi Kagri kasegea naganera nokanue.
142 您的正義永遠公正，您的法律永遠堅定。
Fatgo kavukva zamo'a mevava huno vugahie. Ana hu'neankino Kagri kasegemo'a, fatgo naneke me'ne.
143 困苦和壓迫雖然來臨我身，但您的誡命仍是我的歡欣。
Knazamo'a nazeri navesra hianagi, kagri kasegemo nazeri muse nehie.
144 您的約法永遠公允，賜我智慧，使我生存。
Kagri kasegemo'a maka zupa tamagerfa huno fatgo hu'ne. Kagra naza huge'na ana nanekea antahi ama nehu'na, kasefa hu'na mani'neno.
145 我全心呼號，並求您俯聽，上主，我要遵守您的法令。
Ra Anumzamoka nagra nagu'areti hu'na Kagritega zavi krafa hu'na nunamuna nehuanki, nunamuni'a antahinamio. Ana'ma hananke'na kagri tra kea amage antegahue.
146 我呼號您，求您救護，我必遵守您的法度。
Kagritega zavi krafa nehuanki, nagu'vazinka naza huge'na, Kagri kasegea amage anta'neno.
147 天還未亮，我就起來求助，熱切期待您的訓語，
Kagrama naza hananegura zahufama masama osu'nege'na oti'na Kagritega zavi krafa nehu'na, Kagri nanekere amuhara nehue.
148 夜裏每更，我都睜開眼睛，全是為了您的聖訓。
Kenage'ma navu'ma omase hari hute'nama nemanuana, na'ankure Kagri nanekegu nagesa antahintahi nehu'na anara nehue.
149 上主，請照您的仁慈俯聽我的呼聲，上主，請照您的正義使我得以重生。
Ra Anumzamoka vagaore mevava kavesi zanteti'ma kavesi nenantana Anumza mani'nananki, zavi krafama nehuana antahi nenaminka, Kagrama hu'nana kante amage antenka nazeri kasefa huge'na nasimura eri'na mani'neno.
150 非法迫害我的人已經臨近，他們都遠離了您的法令。
Kema ontahi vahe'mo'za nazeri haviza hunaku nagritega erava'o nehaze. Ana vahe'mo'za Kagri kasegemofo tava'ontera omani'nazanki afete mani'naze.
151 上主，願您時常與我親近，您一切的誡命全屬忠信。
Ana hu'neanagi Ra Anumzamoka nagri tvaonte mani'nankeno, ana maka Kagri kasegemo'a tamage nanekege me'ne.
152 我早就已由您的約法得知，那都是您從永遠所立定。
Nagra korapa'ma Kagri kasegema rempi hu'nama antahi'noana, Kagra kasegeka'agura vagaore mevava hugahie hunka eri fore hankeno me'ne.
153 求您垂視我的苦難而救拔我、因為我媲沒有忘記您的約法。
Nagrama natazama e'nerua zana negenka, ana knazampintira nazeri atro. Na'ankure nagra Kagri kasegea naganera nokanue.
154 求您辯護我的案件而拯救我，並請依照您的諾言，使我生活。
Nagri kaziga antenka keagafina naza hunka keaga nehunka, Kagrama huvempama hu'nana kante antenka nazeri kasefa nehunka, nasimura namige'na mani'neno.
155 恨不得救恩達達離開惡徒，因為他們不理睬您的法度。
Kefo avu'ava zama nehaza vahe'mo'za zamagu'ma vazizamofona afete nemanizankinka zamagura ovazigahane. Na'ankure ana vahe'mo'za kagri kasegea amagera nontazagu, anara hugahane.
156 上主，您的仁愛何其廣闊，按照您的諭旨，賜我生命。
Ra Anumzamoka Kagri kasunku zamo'a rankrerfa hu'neanki, kagri kasegemo'ma hu'nea kante antenka nazeri kasefa nehunka, nasimura namige'na mani'neno.
157 迫害與磨難我的人確實眾多，然而我卻不曾偏離您的法約。
Nagri'ma nazeri havizama nehaza vahe'ene knazama nenamiza vahetmina rama'a mani'naze. Hianagi Kagri kasegea atre'na namefira hunomue.
158 奸黨惡輩我一看見就會生厭，因為他們都不遵守您的規範。
Havigema hu'za vahe'ma rezmavatga hazage'zama hazenkema eneriza vahe'ma nezamage'na, amutisanua nagesa nehie. Na'ankure ana vahe'mo'za Kagri nanekea antahi amneza nehaze.
159 上主，請您看我如何愛您的訓令，上主，照您的仁慈保全我的生命。
Nagrama kagri kasegema navesimanentoa zana nenagenka, Ra Anumzamoka vagaore mevava kavesi zanteti kavesinantenka nasimura namige'na kasefa hu'na mani'neno.
160 您聖言的總綱確是真實無欺，您正義的一切判斷永遠不移。
Kagri nanekemo'a tamage naneke me'ne. Ana hu'neankino maka fatgo tra kekamo'a vagaore mevava huno vugahie.
161 王侯雖然無緣無故加我苦難，我的心靈仍舊敬愛您的教言。
Mago ke agafa'a omane zante ugagota kva vahe'mo'za nazeri haviza nehaze. Hianagi nagu'areti hu'na kagri nanekegura korora nehu'na nagesa antahintahi nehue.
162 我對您的諾言實在歡喜若狂，像得到許多勝利品的人一像。
Mago vahe'mo'ma tusi fenozama eri nafa'a nehuno musema hiaza hu'na, Kagrama huvempama hu'nana nanekegura tusi muse nehue.
163 奸詐邪惡是我所恨所愛的，您的法令是我所喜所愛的。
Havigema hu avu'ava zankura, nagrira nagonete. Hianagi Kagri kasegea navesi nentoe.
164 為了您那正義的判詞，我一要讚美您七次。
Fatgoma hu'nea kasegegura, mago zage knafina 7ni'a zupa Kagrira humuse hunegantoe.
165 愛慕您法律的必飽享平安，沒有一點失足跌倒的危險。
Kagri kasegema amage'ma nentaza vahe'mo'za ra zamarimpa frune nemanizankino, mago zamo'a zamazeri tanafara osugahie.
166 上主，我期待您的助佑，上主，我遵守您的法度。
Ra Anumzamoka nagu'vazinka etema navresnanku amuhara nehu'na kavega ante'na manine'na, Kagri kasegea amagenentoe.
167 我的靈魂恪守您的規誡，因為我對規誡十分喜愛。
Kagri kasegema nagrama amage'nentoana, na'ankure nagra tusiza hu'na navesinentogu hu'na amageranentoe.
168 我必要遵守您的規誡和勸言，因我的一切道路在您的面前。
Maka kasegeka'ane tra keka'anena nagra amagenentoe. Na'ankure nagra maka'zama nehuana, Kagra ko nagenka antahinka hu'nane.
169 上主，願我呼聲上達於您，求您照您的約言使我明理。
Ra Anumzamoka nagri zavi krafamo'ma Kagrite'ma ne-eana antahi nenaminka, Kagrama huvempama hu'nana kante amage antenka ama' antahi'zana namio.
170 願我的祈求到達您的面前，求您照您的諾言救我脫險。
Nagrama nunamuma nehuana antahi nenaminka, kagrama huvempama hu'nana kante antenka nagu nevazinka ete navro.
171 願我的雙脣湧溢讚美歌曲！因為您給我教授您的法律。
Kagra kasegeka'ama rempima hunenamina zanku hu'na, Kagri kagia husga hunegantoe.
172 願我的舌頭歌詠您的訓令！因您的一切誡命盡屬公正。
Kagri kasegegura nagra zagame hugahue. Na'ankure Kagri kasegemo'a, miko fatgo nanekege me'ne.
173 願您伸出您的手救助我！因為我揀選您的法約。
Kagra kazana rusutenka nazahuo. Na'ankure nagra Kagri kasegema amage antegahue hu'nama huhampri'noanki naza huo.
174 上主，我渴望您的救援，您的法律是我的喜樂。
Ra Anumzamoka Kagrama nagu'nevazinka nazama hananku kavega ante'na mani'noe. Ana nehu'na Kagri kasegegura tusiza hu'na musena nehue.
175 願我的靈魂活著讚美您，願您的斷語來支持我！
Kagra natrege'na ofrina kasefa hu'na manine'na, Kagri kagia ahentesga haneno. Ana nehanugeno Kagri kasegemo naza huno vugahie.
176 我像迷路的亡羊，請尋回您的僕人，因為我總沒有忘記您任何的誡命。
Sipisipi afumo'ma hiaza hu'na kana atre'na hazagre'noe. Ana hu'noanki Kagri eri'za vahekamo'na eme hakrenka navro. Na'ankure Kagri kasegegura naganera nokanue.
