詩篇 106
1 阿肋路亞。請您們向木讚頌，因為祂是美善寬仁，祂的仁慈永遠常存。
| הַֽלְלְויָהּ ׀ הוֹדוּ לַיהוָה כִּי־טוֹב כִּי לְעוֹלָם חַסְדּֽוֹ׃ |
2 誰能說完上主的大能化工。誰能述盡上主的一切光榮？
| מִי יְמַלֵּל גְּבוּרוֹת יְהוָה יַשְׁמִיעַ כָּל־תְּהִלָּתֽוֹ׃ |
3 遵守誡命的人真是有福！時時行義的人，真是有福！
| אַשְׁרֵי שֹׁמְרֵי מִשְׁפָּט עֹשֵׂה צְדָקָה בְכָל־עֵֽת׃ |
4 上主，求您為了您對百姓的仁慈，記念我，又求您按照您施救的扶助，看顧我，
| זָכְרֵנִי יְהוָה בִּרְצוֹן עַמֶּךָ פָּקְדֵנִי בִּישׁוּעָתֶֽךָ׃ |
5 使我享見您選民的福樂，因您百姓的歡笑而歡笑；使我因您的產業而自豪。
| לִרְאוֹת ׀ בְּטוֹבַת בְּחִירֶיךָ לִשְׂמֹחַ בְּשִׂמְחַת גּוֹיֶךָ לְהִתְהַלֵּל עִם־נַחֲלָתֶֽךָ׃ |
6 我們和我們的祖先都犯過罪；都曾為非作歹而無惡不為；
| חָטָאנוּ עִם־אֲבוֹתֵינוּ הֶעֱוִינוּ הִרְשָֽׁעְנוּ׃ |
7 我們祖先在埃及的時期，對您奇蹟的意義總不領會，也總不懷念您眾多的恩惠，且在紅海畔將至高者違背。
| אֲבוֹתֵינוּ בְמִצְרַיִם ׀ לֹא־הִשְׂכִּילוּ נִפְלְאוֹתֶיךָ לֹא זָכְרוּ אֶת־רֹב חֲסָדֶיךָ וַיַּמְרוּ עַל־יָם בְּיַם־סֽוּף׃ |
8 但祂為了自己的名，仍然救了他們。這是為了彰顯祂自己的神威大能。
| וַֽיּוֹשִׁיעֵם לְמַעַן שְׁמוֹ לְהוֹדִיעַ אֶת־גְּבוּרָתֽוֹ׃ |
9 祂一呵斥紅海，紅海立即乾涸，領他們走過海底，像走過沙漠。
| וַיִּגְעַר בְּיַם־סוּף וֽ͏ַיֶּחֱרָב וַיּוֹלִיכֵם בַּתְּהֹמוֹת כַּמִּדְבָּֽר׃ |
10 救他們擺脫仇恨者的壓迫，從敵人的手中將他們救回。
| וַֽיּוֹשִׁיעֵם מִיַּד שׂוֹנֵא וַיִּגְאָלֵם מִיַּד אוֹיֵֽב׃ |
11 海水卻淹沒了他們的敵人，敵人連一酤也沒有留存。
| וַיְכַסּוּ־מַיִם צָרֵיהֶם אֶחָד מֵהֶם לֹא נוֹתָֽר׃ |
12 他們才相信了祂的諾言，高聲歌頌了對祂的頌讚。
| וַיַּאֲמִינוּ בִדְבָרָיו יָשִׁירוּ תְּהִלָּתֽוֹ׃ |
13 他們很快就忘了上主的作為，他們不再堅持順從祂的旨意，
| מִֽהֲרוּ שָׁכְחוּ מַעֲשָׂיו לֹֽא־חִכּוּ לַעֲצָתֽוֹ׃ |
14 遂在曠野中放縱貪慾，在荒蕪之地試探天主。
| וַיִּתְאַוּוּ תַאֲוָה בַּמִּדְבָּר וַיְנַסּוּ־אֵל בִּֽישִׁימֽוֹן׃ |
15 上主雖滿足了他們的貪求，卻使他們的肚腹發生毒瘤。
| וַיִּתֵּן לָהֶם שֶׁאֱלָתָם וַיְשַׁלַּח רָזוֹן בְּנַפְשָֽׁם׃ |
16 他們在營中竟對梅瑟起了嫉妒。
| וַיְקַנְאוּ לְמֹשֶׁה בַּֽמַּחֲנֶה לְאַהֲרֹן קְדוֹשׁ יְהוָֽה׃ |
17 地裂開口吞下了達堂，掩蓋了阿彼蘭的同黨。
| תִּפְתַּח־אֶרֶץ וַתִּבְלַע דָּתָן וַתְּכַס עַל־עֲדַת אֲבִירָֽם׃ |
18 有烈火在他們集會中燃起，火焰就把切所有的惡徒焚毀。
| וַתִּבְעַר־אֵשׁ בַּעֲדָתָם לֶהָבָה תְּלַהֵט רְשָׁעִֽים׃ |
19 在曷勒布製造了牛犢，竟崇拜了一個金鑄的一個神偶；
| יַעֲשׂוּ־עֵגֶל בְּחֹרֵב וַיִּשְׁתַּחֲווּ לְמַסֵּכָֽה׃ |
20 將自己的光榮天主，變成了吃草的牛犢；
| וַיָּמִירוּ אֶת־כְּבוֹדָם בְּתַבְנִית שׁוֹר אֹכֵל עֵֽשֶׂב׃ |
21 竟將拯救自己的天主忘記：祂曾在埃及地顯示了奇事，
| שָׁכְחוּ אֵל מוֹשִׁיעָם עֹשֶׂה גְדֹלוֹת בְּמִצְרָֽיִם׃ |
22 祂也曾在含邦施行過靈蹟，祂也曾在紅海發顯過奇異。
| נִפְלָאוֹת בְּאֶרֶץ חָם נוֹרָאוֹת עַל־יַם־סֽוּף׃ |
23 若非祂揀選的梅瑟出場，站立在當地的前方，挽回祂存心滅絕的怒浪，祂早就下令全部將他們滅亡。
| וַיֹּאמֶר לְֽהַשְׁמִידָם לוּלֵי מֹשֶׁה בְחִירוֹ עָמַד בַּפֶּרֶץ לְפָנָיו לְהָשִׁיב חֲמָתוֹ מֵֽהַשְׁחִֽית׃ |
24 他們還輕視了福地樂土，對上主的諾言不肯信取；
| וַֽיִּמְאֲסוּ בְּאֶרֶץ חֶמְדָּה לֹֽא־הֶאֱמִינוּ לִדְבָרֽוֹ׃ |
25 在自己帳幕內抱怨懷恨，不願意聽從上主的聲音。
| וַיֵּרָגְנוּ בְאָהֳלֵיהֶם לֹא שָׁמְעוּ בְּקוֹל יְהוָֽה׃ |
26 上主於是向他們舉手起誓，要在曠野使他們喪身倒斃；
| וַיִּשָּׂא יָדוֹ לָהֶם לְהַפִּיל אוֹתָם בַּמִּדְבָּֽר׃ |
27 要將他們伙的子孫分散異邦，要使他們在大地各處流亡。
| וּלְהַפִּיל זַרְעָם בַּגּוֹיִם וּלְזָרוֹתָם בָּאֲרָצֽוֹת׃ |
28 此後，他們歸依巴耳培敖耳，還分食祭祀過死神的祭品。
| וַיִּצָּמְדוּ לְבַעַל פְּעוֹר וַיֹּאכְלוּ זִבְחֵי מֵתִֽים׃ |
29 又作惡犯罪觸怒了上主，祂忽降災禍將他們懲處；
| וַיַּכְעִיסוּ בְּמַֽעַלְלֵיהֶם וַתִּפְרָץ־בָּם מַגֵּפָֽה׃ |
30 丕乃哈斯奮起調定停，這災禍才止息平定。
| וַיַּעֲמֹד פִּֽינְחָס וַיְפַלֵּל וַתֵּעָצַר הַמַּגֵּפָֽה׃ |
31 這確實算是他的功勳，世世代代感念不盡。
| וַתֵּחָשֶׁב לוֹ לִצְדָקָה לְדֹר וָדֹר עַד־עוֹלָֽם׃ |
32 此後他們在默黎巴激怒上主，為了他們的理由，梅瑟也連累受苦；
| וַיַּקְצִיפוּ עַל־מֵי מְרִיבָה וַיֵּרַע לְמֹשֶׁה בַּעֲבוּרָֽם׃ |
33 因他們使他精神苦悶，他脣舌說話未加謹慎。
| כִּֽי־הִמְרוּ אֶת־רוּחוֹ וַיְבַטֵּא בִּשְׂפָתָֽיו׃ |
34 上主命他們消滅異民，他們卻沒有聽命履行，
| לֹֽא־הִשְׁמִידוּ אֶת־הָֽעַמִּים אֲשֶׁר אָמַר יְהוָה לָהֶֽם׃ |
35 反而同異民混雜來往，學會他們的不良習尚，
| וַיִּתְעָרְבוּ בַגּוֹיִם וַֽיִּלְמְדוּ מַֽעֲשֵׂיהֶֽם׃ |
36 竟崇拜了他們的偶像，偶像成了他們的羅網。
| וַיַּעַבְדוּ אֶת־עֲצַבֵּיהֶם וַיִּהְיוּ לָהֶם לְמוֹקֵֽשׁ׃ |
37 他們竟殺自己的兒女，把他們獻給邪魔惡鬼，
| וַיִּזְבְּחוּ אֶת־בְּנֵיהֶם וְאֶת־בְּנֽוֹתֵיהֶם לַשֵּֽׁדִים׃ |
38 傾流了無罪者的血，奉獻給客納罕的木偶，那地就疲流血所玷污。
| וַיִּֽשְׁפְּכוּ דָם נָקִי דַּם־בְּנֵיהֶם וּֽבְנוֹתֵיהֶם אֲשֶׁר זִבְּחוּ לַעֲצַבֵּי כְנָעַן וַתֶּחֱנַף הָאָרֶץ בַּדָּמִֽים׃ |
39 他們因自己的作為，毫無廉恥，他們因自己的惡行，行同娼妓。
| וַיִּטְמְאוּ בְמַעֲשֵׂיהֶם וַיִּזְנוּ בְּמַֽעַלְלֵיהֶֽם׃ |
40 為此，上主向百姓大發憤怒，並對自己的人民憎恨厭惡；
| וַיִּֽחַר־אַף יְהוָה בְּעַמּוֹ וַיְתָעֵב אֶת־נַחֲלָתֽוֹ׃ |
41 把他們交在異民的手內，讓惱恨他們的人來主宰，
| וַיִּתְּנֵם בְּיַד־גּוֹיִם וַֽיִּמְשְׁלוּ בָהֶם שֹׂנְאֵיהֶֽם׃ |
42 為他們的仇人所虐待，在他們的手下受迫害。
| וַיִּלְחָצוּם אוֹיְבֵיהֶם וַיִּכָּנְעוּ תַּחַת יָדָֽם׃ |
43 上主曾多次拯救他們但他們仍是抗不從命，陷於自己罪惡的深坑。
| פְּעָמִים רַבּוֹת יַצִּילֵם וְהֵמָּה יַמְרוּ בַעֲצָתָם וַיָּמֹכּוּ בַּעֲוֺנָֽם׃ |
44 上主聽到了他們的哀鳴，又垂顧了他們受的災情，
| וַיַּרְא בַּצַּר לָהֶם בְּשָׁמְעוֹ אֶת־רִנָּתָֽם׃ |
45 憶起了祂自己恩待他們的盟約，憐憫了他們，只因祂的慈愛太多。
| וַיִּזְכֹּר לָהֶם בְּרִיתוֹ וַיִּנָּחֵם כְּרֹב חסדו חֲסָדָֽיו׃ |
46 使他們在俘擄他們的人前，成為自己憐憫的因緣。
| וַיִּתֵּן אוֹתָם לְרַחֲמִים לִפְנֵי כָּל־שׁוֹבֵיהֶֽם׃ |
47 上主，我們的天主，求您拯救我們，由異民召回我們重逢，為讚美您的聖名，並以讚美您為光榮。
| הוֹשִׁיעֵנוּ ׀ יְהוָה אֱלֹהֵינוּ וְקַבְּצֵנוּ מִֽן־הַגּוֹיִם לְהֹדוֹת לְשֵׁם קָדְשֶׁךָ לְהִשְׁתַּבֵּחַ בִּתְהִלָּתֶֽךָ׃ |
48 上主以色列的天主，從永遠到永遠受讚美！願全體百姓齊聲說：阿們，亞肋路亞。
| בָּרוּךְ־יְהוָה אֱלֹהֵי יִשְׂרָאֵל מִן־הָעוֹלָם ׀ וְעַד הָעוֹלָם וְאָמַר כָּל־הָעָם אָמֵן הַֽלְלוּ־יָֽהּ׃ |
